頂好海鮮酒家

頂好海鮮酒家

Very Good Restaurant
頂好海鮮酒家
112
26
11
6K
膳長物語
尖沙咀的懷舊綠洲
膳長物語
等级1
2025-05-04
2K 浏览
关注
闊別多年,膳長的老朋友突然造訪香港,他們腦海裡竟然還記得頂好海鮮酒家的地點!我們便隨緣約在這尖沙咀老字號碰面,途中所見簡直像場時光派對!彌敦道人潮洶湧,陽光熱得像烤爐,一鑽進頂好地庫,瞬間清涼寧靜,活脫脫是鬧市桃花源!點了蝦餃、燒賣、腸粉、春卷,味道中規中矩,沒啥驚喜但穩穩的懷舊感。蝦餃皮薄餡鮮,腸粉滑溜溜,春卷脆得像在喊「快咬我」!服務員有耐性和親切,使到全埸氣氛輕鬆像老友聚會。性價比?誰在乎!能跟遠道而來的朋友在這綠洲吃點心、聊糗事,笑聲比菜式更搶戲!頂好,謝謝你讓膳長於2025年的五一,載滿多年的友誼和回憶!查看更多
以上食记乃用户个人意见 , 并不代表OpenRice之观点。
赞好
分享
检举
评分
3
味道
4
环境
5
服务
4
卫生
3
抵食
manchip08
老字號點心
manchip08
等级4
2025-03-04
4K 浏览
关注
今日同朋友去咗尖沙咀一間老字號茶樓飲茶,真係好正!一坐低就點咗幾樣招牌點心,第一樣係太白醉鳳爪,鳳爪入味得嚟又唔會太鹹,酒香撲鼻,食落去骨肉分離,好正!跟住係晶坐鮮蝦餃皇,皮薄餡多,蝦肉鮮甜彈牙,一啖咬落去,滿口都係蝦嘅鮮味,真係頂級!蟹子蒸燒賣皇都唔輸蝕,燒賣上面鋪滿蟹子,咬落去爆汁,肉質鮮嫩,蟹子嘅鮮味同燒賣嘅肉香完美結合!仲有中蝦烏冬底,蝦肉新鮮爽口,烏冬彈牙。堂灼極品手切牛頸脊更加係驚喜,牛肉切得薄薄哋,灼一灼就熟,入口即化,肉質嫩滑,牛味濃郁,真係極品!燒鵝雙拼都唔錯,燒腩仔皮脆肉嫩,燒鵝皮脆肉香,兩樣都好好食,完全唔會膩。最後仲點咗鮮蝦腸粉同蜂巢炸芋角,腸粉滑溜溜,蝦肉鮮甜,炸芋角外脆內軟,芋香十足,食完真係好滿足。成餐飯食落去,每樣點心都保持到水準,老字號果然有佢嘅魅力!查看更多
+ 8
以上食记乃用户个人意见 , 并不代表OpenRice之观点。
赞好
分享
检举
评分
5
味道
5
环境
5
服务
5
卫生
5
抵食
食完又食食極都唔飽直至食到飽為止
好有星味的酒樓
食完又食食極都唔飽直至食到飽為止
等级4
2025-01-08
5K 浏览
关注
臨近聖誕陪朋友尖沙咀行街經過間貌似老字號的酒樓,店面掛滿好多明星幫襯的照片,感覺應該不錯,於是入去試下。裡面環境是比較傳統的擺設,位置都算寬落,感覺周圍坐的都是熟客老街坊居多,通常這種菜品肯定不錯。我們兩個人就簡單點了幾個菜。菜膽螺頭燉豬展湯廣東人食飯少不了湯,這個湯充滿了濃濃的媽媽味道,主要以菜膽和螺頭為主,成個湯都是螺頭的鮮甜味,豬展肉質嫩滑,與螺頭的鮮味相互融合,湯底醇厚而不油膩,保留食材的原汁原味,這個湯簡直會喚起對家庭聚餐的溫暖記憶。堂灼極品手切牛頸脊(例)這個道菜非常特別,需要自己將一塊塊的新鮮牛肉放入小火鍋的湯底裡煮熟,牛頸脊肉質細膩,纖維較少,經過手切後厚薄均勻,煮熟後口感鮮嫩多汁,而且肉脂肪適中,烹煮時會釋放出濃郁的肉香,肉食完後,小火鍋裡面的湯都非常清甜,用來煮青菜或者直接飲都非常正!蒜茸豆苗豆苗很新鮮,顏色很鮮綠,清甜得來有種獨特的口感,與蒜香形成互補,既有濃郁的蒜香,又有清甜的豆苗味,快炒的方式令豆苗在咀嚼時保持了一定的脆度,是一道老少皆宜的家常菜。總體而言,這間餐廳應該主打粵菜及新鮮食材,無論什麼菜品都非常新鮮,海鮮的選擇非常豐富,湯品真的做得不錯,很適合家庭聚餐。查看更多
+ 6
以上食记乃用户个人意见 , 并不代表OpenRice之观点。
赞好
分享
检举
评分
4
味道
3
环境
4
服务
3
卫生
3
抵食
推介美食
菜膽螺頭燉豬展湯
菜膽螺頭燉豬展湯
堂灼極品手切牛頸脊(例)
堂灼極品手切牛頸脊
堂灼極品手切牛頸脊(例)
dkylmth
聖誕同家人簡單聚餐
dkylmth
等级4
2025-01-01
3K 浏览
关注
又到聖誕!又到聖誕! 今日跟老婆在尖沙咀看完聖誕燈飾,老婆喜歡吃粵菜,就來到了一家海鮮酒家用晚飯。店的位置在尖沙咀B出口建設銀行旁邊不遠的地庫,位置不太顯眼,要細心留意。店內的擺設和裝修跟一般酒樓的差不多。我們點了叉燒和燒腩仔雙拼、雲耳百合炒淮山耦片及菜膽螺頭炖豬展湯。這裏的叉燒很厚切,有蜜味,而且肉質不粗糙,而燒腩仔金黃色的外皮,很脆,每一件都有一小粒的肥,但以瘦肉為主,吃起來的口感會較為鬆化,帶點咸味,不像外面吃的很淡沒味道,帶點油花香味但不會覺得一絲的膩感。青菜我們點了雲耳百合炒淮山耦片,雲耳爽口,百合清甜,淮山和耦片炒得較乾身入味,健康之選。最后來一客菜膽螺頭炖豬展湯,湯渣有菜乾、螺頭、雞腳、豬展肉,十分足料。湯極為清甜滋潤,一煲基本人每人可以分3小碗,喝完十分滿足。雖然是簡單的一頓飯菜,但味道覺得十分不錯, 已經很滿足了。查看更多
+ 7
以上食记乃用户个人意见 , 并不代表OpenRice之观点。
赞好
分享
检举
评分
4
味道
3
环境
4
服务
3
卫生
3
抵食
推介美食
叉燒和燒腩仔雙拼
叉燒和燒腩仔雙拼
雲耳百合炒淮山耦片
雲耳百合炒淮山耦片
菜膽螺頭炖豬展湯
菜膽螺頭炖豬展湯
菜膽螺頭炖豬展湯
紅豆沙
foodlover0523
性價比高中菜
foodlover0523
等级4
2024-12-25
3K 浏览
关注
今日約咗幾個朋友食晚飯,我哋選擇咗係尖沙咀彌敦道交通方便嘅頂好酒樓。呢間酒樓喺多年前已經嚟過飲茶,但食晚飯都係第一次。酒樓裝修不是太裝潢,始終係多年老鋪,但都坐得舒服同埋乾淨光猛。**前菜:酸薑皮蛋** 這道酸薑皮蛋,簡直是開胃神器!皮蛋的醇厚搭配酸薑的清新,每一口都讓人感到驚喜。酸酸的口感,瞬間喚醒你的味蕾,讓你想不停地再吃一口。這前菜不僅好吃,還是最佳開場,讓聚會的氣氛瞬間熱起來!**海蜇涼拌山東雞** 海蜇涼拌山東雞是一道讓你越吃越想吃的美味!海蜇又脆又爽,而手撕雞肉超級嫩滑,兩者搭配真的是絕配。調味料簡單卻讓整道菜品味道升華,清爽又不膩,享受每一口的美味。**清湯蘿蔔牛坑腩** 清湯蘿蔔牛坑腩絕對是這裡的超級推介!湯頭清澈透亮,散發著牛肉的鮮香,牛坑腩肉質軟嫩,撥開湯面就能看到蘿蔔在裡面,吸收了肉汁的甜美。每一口都是幸福的滋味,清爽又有層次,吃完讓你覺得暖心又滿足。**啫啫石鍋生蠔煲** 啫啫石鍋生蠔煲,絕對是特別之選!煲中的生蠔經過啫啫的熱力煮熟,鮮味無比,與香濃醬汁絕妙結合,真的好好味!聽著熱氣騰騰的聲音,看著蠔肉的QQ口感,讓人忍不住想多來幾碗飯! **乳豬拼半肥瘦叉燒** 想吃美味?那就來試試乳豬拼半肥瘦叉燒!烤得金黃的乳豬皮脆得剛剛好,肉質也是鮮嫩多汁;叉燒的蜜香味加上適度的肥瘦,兩種肉品搭配,簡直是肉食者的天堂!必食之列! **梅菜蒸菜心** 梅菜蒸菜心雖然看起來簡單,但卻特別好吃!新鮮的菜心搭配上梅菜,蒸出來的味道真是讓人感受到家鄉的味道;清脆的口感中藏著獨特的鹹香味,讓人停不下來。這道菜既健康又讓人感到清爽,完美平衡晚飯中肉類的濃重,是素食者的好選擇,更讓大家的口味多樣化!**甜品:陳皮紅豆沙、古法精制馬拉糕** 最後別忘了這款帶點古早味甜品!陳皮紅豆沙真的是絕品,香滑、起沙的紅豆沙加上陳皮的清香,口感獨特,讓人一口接一口。而古法馬拉糕外皮金黃、輕盈柔軟,甜而不膩。是晚大家歡聚一番,食得開懷又開心,美好事值得回味!查看更多
+ 6
以上食记乃用户个人意见 , 并不代表OpenRice之观点。
赞好
分享
检举
评分
5
味道
4
环境
4
服务
4
卫生
4
抵食
為食菲
老字號酒家
為食菲
等级4
2024-12-16
3K 浏览
关注
一家大細提早食冬至飯 揀左呢間老字號酒家! 今晚平日全場滿座 真係好多棒場客 好彩有訂位咋!叫左幾款當季小菜 樣樣都好出色!✨金沙炸魚皮鬆脆十足,金黃炸得剛剛好,鹹香味讓人一口接一口。✨椒鹽桂花蚌桂花蚌做成椒鹽真係未食過 好鮮甜,椒鹽香氣四溢,嚼起來有彈性!✨山賊石鍋生蠔生蠔好嫩好新鮮大隻,石鍋中既山賊醬由日本引入,味道香甜讓人有驚喜,好食!✨太白醉鮑魚醉鮑魚肉質超嫩,渗透酒香,好滋味✨雙冬羊腩煲羊腩大大件, 又香又軟嫩,冬菇好好食牙!!,湯汁濃郁冬天食好暖身✨潤腸粒菇粒扒波菜潤腸獨特的風味又香又美味,菇粒鮮香,波菜鮮甜, 撈埋一齊好惹味 ✨燒味雙拼 ( 叉燒/燒腩仔 )叉燒甜香微焦好好食,燒腩皮脆肉嫩✨日本油揚油揚外脆內嫩,浸透湯汁好正查看更多
+ 8
以上食记乃用户个人意见 , 并不代表OpenRice之观点。
赞好
分享
检举
评分
5
味道
4
环境
5
服务
4
卫生
5
抵食
Clareylee
用料新鮮.足料羊腩煲
Clareylee
等级4
2024-12-15
2K 浏览
关注
最近同朋友去咗一間喺香港多年歷史嘅中菜廳位於彌敦道喺尖沙咀清真寺對面食完呢餐飯之後終於明白點解 未到晚飯時間已經坐滿食客食材新鮮.質素超水準✨椒鹽桂花蚌望落以為係椒鹽魷魚鬚?實情裏面係新鮮嘅桂花蚌又脆又爽口,平日唔食炸嘢嘅我食到停唔到口✨山賊石鍋生蠔選用新鮮桶蠔.大隻飽滿又爽彈日本嘅山賊醬.味道香甜以韓式嘅製法.味道創新有驚喜✨雙冬羊腩煲今次我哋為咗羊腩煲而嚟選用新鮮羊腩沒半點羶味,肉質嫩腍.夠薄皮另外加咗份 日本油揚 取代廉價嘅豆卜能徹底吸收湯汁嘅精華✨金沙炸魚皮炸魚皮,最怕就係有陣油益味除咗香脆之外.仲帶出鹹蛋香✨潤腸粒菇粒扒菠菜秋風起.食臘味將潤腸同菇粒融入菠菜之中味道同口感超夾✨太白醉鮑魚新鮮鮑魚.Q彈爽口伴酒的最佳配搭查看更多
+ 8
以上食记乃用户个人意见 , 并不代表OpenRice之观点。
2
分享
检举
评分
5
味道
5
环境
5
服务
5
卫生
5
抵食
PrinceAlien
地利方便之鬧市酒家🫶🏻
PrinceAlien
等级4
2024-12-13
2K 浏览
关注
可能年紀增長咗😆😆而家同朋友聚餐耐唔時都會揀去食酒樓~可以邊食邊開懷大笑~氣氛真係好好🫰🏻是晚約咗就近大家放工嘅位置-尖沙咀~嚟個廣東菜之夜🧡.🦀四季豆蘿蔔糕炒羔蟹非常惹味!!羔蟹份量唔少🦀厚實蟹膏滿滿!鍾意拆蟹嘅朋友好滿意👍🏻👍🏻蘿蔔糕香軟糯口~仲配有肉鬆四季豆~另外香辣醬汁🌶️嘅胡椒味道突出!!.🕊️紅燒乳鴿 已分件切好~大家分享食剛剛好🤗🤗乳鴿外皮香脆~肉質鮮嫩!!.🦐美極煎海蝦 以美極鮮醬油煎封嘅海蝦~外殼脆卜卜🦐蝦肉新鮮彈牙!添加埋爆香咗嘅葱蒜更加香👏🏻👏🏻.🥄老火煲例湯 以時令材料煲製而成~是晚為老黃瓜花生煲豬骨!!.🥬雲耳百合炒淮山藕片注重健康嘅朋友指定要叫番款蔬菜😚😚口味健康又好味道!.🐣松露崧子涼瓜炒蛋白 有咬口嘅崧子同滑滑蛋白形成強烈對比🤩甘味苦瓜清熱解毒真係要久唔久食吓~另外濃濃嘅松露味道為整碟菜式添上畫龍點睛之效🤝🏻🤝🏻.飯後店員仲送咗紅豆沙(淡淡陳皮香兼唔太甜❤️)同馬拉糕(熱辣辣又香甜軟熟❤️)俾我哋🫶🏻🫶🏻完美作結餐點!!.✨酸菜 ✨茶芥 ✨加一服務費查看更多
+ 6
以上食记乃用户个人意见 , 并不代表OpenRice之观点。
赞好
分享
检举
评分
4
味道
4
环境
4
服务
4
卫生
4
抵食
memoching
懷舊海鮮酒家👍
memoching
等级4
2024-12-12
2K 浏览
关注
尖沙咀頂好海鮮酒家,龍蝦套餐($1388),夠豐富,味道有水準上湯澳龍蝦一上枱就聞到陣陣龍蝦嘅鮮香,龍蝦好新鮮,味道鮮甜,口感彈牙,超級爽口,伊麵吸晒啲龍蝦上湯汁,食落去又香又惹味。明爐燒味拼盆有雞、叉燒同燒鵝。燒鵝 嘅皮燒得脆卜卜,油香十足,鵝肉嫩滑多汁,真係一絕;叉燒 燒得外層焦香,蜜汁味濃郁,入口即化;燒雞 皮薄肉嫩,雞味濃厚,三款燒味都唔會令人失望。清蒸星斑星斑味道特別甜,好正。條魚蒸得啱啱好,肉質細嫩滑溜,魚味鮮甜,清蒸嘅做法凸顯咗魚嘅原汁原味,加埋啲豉油同蔥油,真係好簡單但好好味。蠔皇扣大鵝掌啖啖膠原蛋白,鵝掌煮到軟淋淋,蠔皇汁香甜濃郁,每一啖都係濃厚嘅滋味。瑤柱螞蟻回味粉絲煲,呢個真係非常惹味,粉絲炒得乾身,食落唔油膩,有瑤柱嘅鮮味,配料都多,調味剛好唔太咸,正。查看更多
+ 7
以上食记乃用户个人意见 , 并不代表OpenRice之观点。
赞好
分享
检举
评分
4
味道
4
环境
4
服务
4
卫生
4
抵食
or#Tm66429616
一次就够了
or#Tm66429616
等级2
2024-12-12
2K 浏览
关注
好失望,请朋友吃饭,中招,上菜又慢,食物一般,今时今日一条一斤东星斑收你700大元,烧鹅双拼又干又柴,唉,一次足已,绝无下次,前几天同区稻香好过佢多多声,真系冇比较冇伤害,老火汤168,味道完全唔够喉,几个人吃完,一致话冇下次,普通几样嘢,差不多2千元。完全唔值呢个价,荷兰豆炒带子,迟上唔当止,豆又唔熟,带子又老,好佩服厨师,点样做到,生熟可以系一碟里面,蒸圣子,完全唔止呢个价,一只圣子差不多要100,又咸,粉丝又干,中伏经验,真系冇下次查看更多
以上食记乃用户个人意见 , 并不代表OpenRice之观点。
赞好
分享
检举
评分
1
味道
3
环境
2
服务
2
卫生
1
抵食
大師叔
高質中菜
大師叔
等级4
2024-12-08
5K 浏览
关注
今日和朋友逛尖沙咀,買完野,晚上去了尖沙咀一間老字號的酒家食晚飯,酒家內幾本都坐滿客人,環境都幾寬敞舒適。清湯蘿蔔牛坑腩,牛坑腩質素幾好,肉質緊緻彈牙,嫩滑不柴,牛味濃郁,以清湯煮最合適。蘿蔔清甜軟滑,可謂牡丹綠業相輝映。海蜇涼伴山東雞,都好大碟,份量十足,海蜇爽口,無需太多調味,涼伴手撕雞有半隻,雞肉香嫩惹味,令人增加食慾。山賊石鍋生蠔,雖然不知道和山賊有什麼關係,但聞到香噴噴已流口水,生蠔都幾大隻,入口肉汁滿滿,以石鍋上,熱辣辣,又香又惹味,真係唔停得口。乳豬叉燒雙拼,乳豬皮超脆,沒有太多肥膏,不會覺膩。叉燒半肥瘦最好食,軟滑得來又有口感,沒想到這店的燒味都幾有水準。梅菜蒸菜心,平日比較少這樣煮,蒸菜心保留了菜的甘甜,口感爽嫩,加上梅菜,更豐富了口感,而且不會鹹,味道恰到好處。馬拉糕好鬆軟,熱辣辣,淡淡糖香,不會過甜,難怪見好多枱客人都有點。查看更多
+ 8
以上食记乃用户个人意见 , 并不代表OpenRice之观点。
1
分享
检举
评分
5
味道
4
环境
5
服务
5
卫生
4
抵食
推介美食
山賊石鍋生蠔
清湯蘿蔔牛坑腩
arching_1215
傳統中式酒家
arching_1215
等级4
2024-12-08
2K 浏览
关注
今日同屋企人去咗彌敦道行街 跟住去搵晚餐食 呢間頂好海鮮酒家都開咗好多年 今次終於有機會試下蒜蓉粉絲蒸蟶子 蟶子超大隻而且新鮮鮮甜厚肉 粉絲爽口 面頭淋咗蒜蓉同贊咗油所以食落好香口 而家諗起都想再食山賊石鍋生蠔 其實即係薑蔥爆桶蠔 但係個石鍋度上 石鍋燒興曬 所以保持到溫度 桶蠔非常大隻而且厚肉 超Juicy老火煲例湯 佢每日都做唔同款嘅例湯 當日係星期二就有五指毛桃猴頭菇雞腳煲豬展湯 裏面超足料 雞腳 肥豬肉 豬展 猴頭菇等等 即使係湯料都好好食 而個湯同樣美味 唔會有味精嘅死咸 埋單仲有免費甜品送 紅豆沙唔會過甜而且啲豆粒粒分明 馬拉糕即時蒸起超鬆軟 食完都飽曬超滿足查看更多
+ 6
以上食记乃用户个人意见 , 并不代表OpenRice之观点。
赞好
分享
检举
评分
4
味道
4
环境
4
服务
4
卫生
4
抵食
Chow Man Ting
龍蝦好新鮮
Chow Man Ting
等级4
2024-12-05
2K 浏览
关注
同家人去咗尖沙咀的頂好海鮮酒家,龍蝦套餐$1388的套餐,聽起來就讓人期待。 上湯澳龍蝦,配上伊麵底,龍蝦肉質彈牙,蘸上湯汁簡直是人間美食,伊麵也吸收了湯汁的精華,滑順得讓人想再來一碗。 明爐燒味拼盆,裡面有雞、叉燒和燒鵝。叉燒甜中帶鹹,肉質軟嫩;燒鵝的皮脆肉嫩,味道更是豐富,搭配上甜酸醬汁,正。而燒雞則保持著肉汁鮮美,加上薑蔥,滿足。清蒸星斑,魚肉鮮嫩,蒸得剛剛好,搭配著一點點的生抽,簡單卻讓人感受到食材的極致鮮味,忍不住多吃了幾口。蠔皇扣大鵝掌,味道濃郁,鵝掌軟糯,搭配蠔皇的醬汁,加上翠綠西蘭花,完美搭配。瑤柱螞蟻回味粉絲煲上桌,粉絲吸收了所有的湯汁,口感滑順,瑤柱的鮮味讓整道菜更加豐富。餐廳服務好好,會主動加水同收碟,食完仲有紅豆沙送,開心嘅一餐。查看更多
+ 3
以上食记乃用户个人意见 , 并不代表OpenRice之观点。
赞好
分享
检举
评分
4
味道
4
环境
4
服务
4
卫生
4
抵食
wifi.tszching.chui
質素平均的粵菜
wifi.tszching.chui
等级4
2024-12-04
1K 浏览
关注
呢間酒樓成日行彌敦道都會經過 今次終於有機會入去一試呢度嘅前菜小食係酸薑皮蛋 而唔係坊間平時有嘅花生 都幾特別 酸酸甜甜開下胃 翡翠帶子桂花蚌 帶子同桂花蚌到好鮮甜 桂花蚌就爽口有口感 翡翠就係荷蘭豆而唔係平時成日配嘅西蘭花山賊石鍋生蠔 石鍋夠哂熱 上枱嘅時候咋咋聲 裏面總共有六隻大桶蠔 肉質肥厚啖啖肉 一咬開就爆汁 而個汁煮得好香 即使只係食啲配料京蔥薑片都好食燒鵝雙拼 - 叉燒&燒鵝 燒鵝係有皮嘅 食落去係油脂豐滿而酥脆 啲肉亦有肉汁 雖然畀我哋嘅位置唔係脾位 但係都好味 叉燒就半肥瘦 食落都算鬆軟唔會乾柴 加埋蜜汁鹹鹹甜甜 送飯一流另外仲叫咗是日例湯 係五指毛桃猴頭菇煲豬展 飲落去好順口 而且非常足料 查看更多
+ 5
以上食记乃用户个人意见 , 并不代表OpenRice之观点。
赞好
分享
检举
评分
4
味道
4
环境
4
服务
4
卫生
4
抵食
kpl6be6
家庭聚餐好去處🫶🏻🫶🏻
kpl6be6
等级4
2024-11-29
962 浏览
关注
同長輩食飯當然首選揀中菜🥢另外地點方便都好重要!是晚訂咗位呢間由尖沙咀地鐡站步行一分鐘就到嘅酒家😎超便利!!門口仲見有好多明星合照添✌🏻受歡迎程度可見一斑!!.✨四季豆蘿蔔糕炒羔蟹 $628呢個組合又幾特別🦀大大隻羔蟹爆哂膏!滿滿橙紅色嘅蟹膏勁正🤤🤤軟糯蘿蔔糕+肉鬆四季豆令口感層次更豐富!加上胡椒口味嘅醬汁帶有辛辣滋味🌶️令人越食越起勁!.✨老火煲例湯 $168是晚為合掌瓜花生煲豬骨~天氣咁凍~飲番碗老火湯暖暖胃啱哂🫶🏻🫶🏻.✨紅燒乳鴿 $68@隻皮脆肉嫩~燒得恰到好處~色澤非常好!!.✨美極煎海蝦 $198大大隻海蝦肉質好紮實彈牙🦐🦐一咬就知夠哂新鮮😚仲有美極、葱蒜加持增添香口及咸香味道!大推薦!!.✨松露崧子涼瓜炒蛋白 $158蛋白炒得好滑🐣伴隨住滿滿松露滋味更香濃美味!涼瓜甘味多於苦味~加配埋崧子添上多一重口感✌🏻✌🏻.✨雲耳百合炒淮山藕片 $138想食蔬菜但又唔想叫炒時菜咁普通~叫呢款就啱哂啦~清清哋又爽口~百搭好味道🙆🏻‍♀️.飯後附送甜品🙆🏻🙆🏻✨紅豆沙✨馬拉糕.✨酸菜 $23✨茶芥 $18@位✨加一服務費查看更多
+ 6
以上食记乃用户个人意见 , 并不代表OpenRice之观点。
赞好
分享
检举
评分
4
味道
4
环境
4
服务
4
卫生
4
抵食