韓正屋韓國料理 (搵食市集)

由開業到而家幫襯左好多次，每次都是買外賣回來吃。一開始份量好足架，又多牛肉，如果係之前，我都會推介朋友去食，味道唔差既。但如今飯卷越來越縮水！48蚊+1蚊外賣，以呢個份量，真係唔值，啲牛肉得嗰一片，少得可憐！而其他配菜又唔算多，亦有試過俾少咗一種配料(成條飯卷都冇醃蘿蔔。。。)簡言之：偷工減料，完全唔值呢個價錢。明明之前都做得幾好，而家對間野好失望+嬲嬲大圍唔算多韓國野，自己又鍾意食，如果佢哋之後有改善嘅話，都唔介意再幫襯返。…查看更多

真係好難忘嘅韓菜體驗，限聚令下嚟到大圍「搵食市集」諗住掃下街，乜都試下，就係「韓正屋」買左$28一份細盒的韓式炒水晶粉絲。見店員全部都係港式大媽，心知不妙唔係幾對路，其實都考慮左好耐先決定買😂真係想食嘛。估唔到咁簡單嘅菜都可以咁伏! 機會一次都嫌多😩😅廿八蚊又細盒，得幾條蛋絲芝麻，兩塊椰菜兩舊細到卑嘅肉。expect韓式炒粉絲係煙韌，甜甜地㗎嘛，點知食落口係無咬口，仲要一食又碎又斷! 真係嬲，得個麻油味係符合預期，好差❌❌❌❌。…查看更多

今日經過大圍見唔係好肚餓 但又口痕所以就決定入「搵食市集」食少少野醫下肚見到哩間韓正屋 見到有唔同款既韓式小食所以就決定叫一碗價值28蚊既韓式炒年糕落完單 當見到兜炒年糕時真係嚇左我一跳！然後得啖笑！細兜到咁真係離曬大譜！而個賣相又極之普通完全唔明點解會賣28蚊。。。成碗加埋都唔知有無十舊年糕！食落味道普通 醬汁濃但唔夠辣年糕有咬口以foodcourt黎講性價比極低第一次幫襯 亦都會係最後一次之後唔會再幫襯…查看更多

外賣漏單之餘態度十分差，叫了外賣泡菜炒豬腩肉，等了半個鍾，問收銀啦，已經等佢收完錢先問，只懂叫人等等，又黑面對客，再怒氣一問先去追單，一點悔意也沒有。回到家食，豬腩肉有豬毛嘅…查看更多

我透過一間f 字開頭的外送公司叫外賣，我訂一個韓式豬肉湯年糕，我已經沒有選擇泡菜湯底，還在食物備註一欄列明要清湯底，不要辣。外送是很快，但結果送來的是辣的，食物是給小朋友食的，他吃不到辣，我立即致電餐廳，但沒有人接聽，再聯絡f 字開頭外送公司，要求餐廳重新製作食物，但他們寧願退款也不願意重新製作食物。 食物份量是可以的，炸雞是沒有骨的，味道也不錯，但也希望同時餐廳細心看清楚顧客的訂單才出單，特別是外賣。…查看更多

黎到大圍搵食，當然要黎呢個food court試一試。見到有韓國嘢，心血來潮，叫左個大既韓式炒年糕。大既要$45，細既$20。見到托盤上既年糕，原來已經係大size。我仲以為比左嗰細既我。年糕味道酸甜帶點辣，同其他地方食既味道一樣。Q度都可以，唔會太腍太粉。表現不過不失。但以45蚊既價錢，仲喺food court價，份量實實在在太少啦。年糕少，魚糕得幾塊。下次再去呢個food court，我諗唔會再幫襯。反而試試其他仲好…查看更多

又去搵食市集搵食，今日先發覺原來呢個市集有兩層，樓上仲有火鍋等等嘅美食，往後可以慢慢逐間試。上次猴子試咗日式便當，今次就試吓韓國食品，喺韓正屋叫咗個韓式牛肉便當（加HK$3有汽水）。一個紅色餐盒，分別載住牛肉、漬物、泡菜同白飯，擺放得整整齊齊，觀感唔錯。牛肉嘅份量相當足夠，成座小山丘咁，雖然裡面有啲菠菜，不過係調味必需嘅，唔係要嚟墊底呃秤。牛肉食起上嚟肉汁夠，唔會乾噌噌，而且味道濃郁最啱餸飯。漬物方面就冇預期中咁爽脆，尤其係芽菜，比較腍咗啲，不過味道係OK嘅，只係欠啲口感。泡菜方面，唔太辣，撈少少落啲飯度就可以更加開胃。白飯軟硬適中，亦係值得一讚。…查看更多

老婆嗜辣，基本上係無辣不歡。泡菜都屬於其中一行常食之一。但大圍都無咩韓式餐廳，大圍巿集開咗之後就唔駛下下去到尖沙咀買啦~~~大圍火車站過條馬路就到啦~~~ 絕對方便~~韓正屋，有泡菜湯飯，人蔘雞湯飯等等。 老婆每次都揀泡菜湯飯，有牛肉，海鮮等配搭。牛肉味最濃，海鮮味較甜。可以揀加辣， 唔駛擔心辣唔夠啦~~~ 內裡的餸都比想像中多。飯大約一碗左右，如果嗰日肚餓就未必夠啦~~ 不過佢地都仲有其他小食可以揀既。下次我就想試下人蔘雞湯同埋小食。老婆應該會繼續泡菜湯飯系列架啦~~~…查看更多

落雨沒心情去街市買餸煮飯， 搭完火車係大圍站落， 就選擇左最近火車站既搵食市集搵食，網上呢間韓正屋既食評都唔錯，就一試啦選擇左泡菜海鮮豆腐湯+白飯，另外加錢要左罐忌廉溝鮮奶 ~首先講下個泡菜海鮮豆腐湯， 即叫即整， 所以等左都10分鐘左右。熱燙燙的，湯入面有金菇，豆腐， 硯，蝦， 雖然食得出d海鮮只不過係冰鮮， 唔係用新鮮貨， 但係以呢個價錢黎講，呢個質素係水平之上, 湯底開頭以前會勁咸勁味精，但原來唔係。白飯好熱，大大碗。 Good以59蚊既價錢黎講， good呢！ …查看更多

叫左個人蔘雞湯, 完全無人蓼味, 純粹係雞粉湯, 呃人GE....入面有1/4 隻雞, 煲到可以骨肉軾易分雜,但肉質偏鞋另配白飯, 如果只以普通雞湯飯來計,都幾大份GE, 可惜5係人蓼雞就完全5店LA。…查看更多

一共叫了兩款食物韓式雞肉紫菜卷 ($38)一客一共有十件，而且都是大大件的，十分足料，抵食！韓式雞肉湯年糕($49)雖則賣相平凡，可是卻用料十足，湯年糕的雞肉很多，也有金茹菜及生菜。雞肉嫩滑，年糕煙煙韌韌的。雖然碗細細的，不過其實真的也滿多年糕外加+6可要飲品…查看更多

大埔搵食市集 ~ 韓正屋一家大細星期日喺大圍踩完單車諗緊夜晚食咩嘅時候，見到大圍呢個搵食市集，可以一次過滿足晒我哋每人想食唔同嘅嘢。鍾意食小食多過正餐嘅我哋叫咗呢間韓國嘢一啲小食，性價比高 👍🏼炸雞 細份 28$ 都有 4 大件 好多汁 冇雪味，不過我點嘅時候冇留意度係原味，如果食炸雞我自己比較鍾意食甜辣味，呢間鋪頭係冇，如果可以加多啲口味就好了 🤭第二樣我哋叫咗一個拉絲芝士炒年糕 52$ 超好食 🤤 真係有拉絲！！！呢個係辣嘅，不過我覺得係少少辣，但好match 辣度啱啱好，有年糕同埋魚蛋，如果可以多啲芝士仲正！年糕可以算係餐，所以跟餐加嘢飲$6，我哋叫咗蜂蜜柚子樂，出面比較少見，味道好特別，值得一試！依家仲有晚市優惠 *可以加錢特價換四款小食，於是我哋加咗10$ 4件韓式炸泡菜餃子 餃子🥟 味道正正常常不算特別，炸得好脆…查看更多

決戰@韓正屋韓國料理 網址: https://s.openrice.com/QrbS0HoC900 地址: 大圍村南道45-47號搵食市集地下2號舖 韓國街頭小食多元愈又飽肚，好想念哦，1000 won 起跳，一人數十元港紙掃街多開心。拉埋朋友仔，在香港都可以決戰韓國街頭小食$50（大）世上已沒事情能阻止我吃炸雞，炸得香脆架外皮，內裡是咬下大口大口的肉。個皮唔會食到成咀油或者好厚粉架，一份大兩個人食岩岩好。$28 原味紫菜卷，掃上芝麻油同灑了白芝麻，令到香氣提升，有米氣落肚先得，中心包了青瓜蘿蔔條又爽口。$20 魚糕串，大大串口感柔柔綿綿的，吸了湯汁，呢個一買已經忍唔住就地正法了，即時邊行邊食好想念韓國哦，除了小食更有碗飯，附近好多住客學生哥都幫襯。…查看更多

💥大圍搵食市集最後一擊💥嘗試平民韓國小店🤤要食經濟抵食韓食，不妨考慮這間搵食市集內的韓式小店，雖然是小店，但有湯類、飯類、辛辣麵及小食等選擇。今次因為口淡淡，所以和朋友都選了辛辣麵。🍜韓式海鮮年糕湯麵（$54）海鮮年糕湯麵，材料豐富，內有不同種類的海鮮，年糕及拉麵。韓式部隊拉麵（$54）我對拉麵材料一般，主要是午餐肉，腸仔，金菇等。如果以價錢選擇，韓式海鮮年糕湯麵還不錯。👍🏼👍🏼韓正屋韓國料理…查看更多

近排都冇去過大圍今日一去嘅時候租單車嘅地方 居然變咗搵食市集好近地鐵站過對面就已經係嗰度嗰個地方又唔可以話大 又唔係細咁 似一個小型嘅food court 好似有兩層 最少都有成七八間鋪頭仔我就食咗韓正屋 同朋友share結果我最鍾意係飲呢個提子汁🤪😂好得意佢裏面唔係椰果 係有啲提子肉 甜甜地好好味朋友話想試吓食魚糕串 我就話冇乜特別㗎喎 好似魚蛋咁咋嘛😂😂😂$20兩支 比起魚蛋煙韌😂😂😂我哋仲叫咗泡菜😅泡菜係偏甜嘅 酸辣亦都好啱香港人口味 味道唔會過重喺韓國食嘅時候酸辣都好重 呢個就有少少唔同有啲改良 不錯不錯韓式海鮮湯年糕湯水鹹鹹地 有啲蝦仁 金菇 蔥花 青口 片裝嘅年糕 仲有少少蜆 我見朋友食到有啲蛋添…查看更多