韓樂 (香港仔中心)

今日晏晝我去咗韓樂食嘢，叫咗個芝麻照燒雞芝士燴飯同埋一杯凍檸茶，一共$66。呢個燴飯第一啖食落去，覺得佢有啲鹹，但係芝士嘅拉絲效果真係一流，同照燒雞好夾。照燒雞嘅肉質都算嫩滑，幾好食。不過，成個飯嘅味道偏鹹，可能芝士同醬汁嘅份量要調整下。凍檸茶就正常發揮，檸檬片夠新鮮，茶味都幾出。總言之，呢個價錢$66嚟講，晏晝午餐都算係抵食嘅，但係鹹味方面建議可以改善下。餐廳環境都幾舒服，服務態度唔錯，值得一試。…查看更多

同行幾個人齊齊去左韓樂食午餐我叫左個🇰🇷溫泉蛋牛肉石頭鍋珍珠飯+凍柚子新鮮冷壓檸檬茶$75成個配搭都不錯，石頭鍋飯好夠熱食到最尾都出緊煙👍🏻而且有飯焦！！！！！！好好食🥹🥹🥹同行各叫左以下嘅餐🇰🇷燒雞扒香蔥粟米石頭鍋珍珠飯（$65）🇰🇷溫泉蛋豚肉石頭鍋珍珠飯（轉熟蛋）（$66）🇰🇷溫泉蛋豚肉石頭鍋珍珠飯（$66）+新鮮冷壓檸檬可口可樂（+$8）🇰🇷一口炸雞溫泉蛋湯讚岐烏冬（轉熟蛋）（$58）+黑加侖子雜果賓治（+$8）野食不錯不過有啲呀姐嘅服務態度就麻麻地送餐嘅時候唔耐煩大家認領緊自己嗰餐嘅時間有啲呀姐唔耐煩，成個石鍋飯擺左係隔離枱叫我地自己拎。…查看更多

點了菜，等了一段時間，去問一問，香港仔戴眼鏡女店員態度極差，話又唔係做你一個餐，你再等等啦！串到一個點。我話你洗唔洗咁講嘢🗣️？佢答：「想我唔出聲，叫公司請個啞嘅人囉！….真係估唔到個女店員會無啦啦搵我黎鬧，我立刻問佢地店長，店主話個女店員一直都係咁，但….關我咩事，有問題唔係應該要改善？🤨去香港仔韓樂食飯一定要受氣？永遠唔會去香港仔呢間食，唔想俾錢買難受！ps:野食唔好食問埋朋友，這間韓樂香港仔店原來一直都服務態度唔好👎，早知唔去食😢😢😢…查看更多

午餐試下呢間因為見仲有位，叫左豚肉炒麵同紅豆冰（少冰），但全部豚肉炒到燶晒根本食唔到，麵又好多油，食左小小已經全部唔食。紅豆冰叫左少冰，成個杯有一半都係冰，根本無跟人要求，試過一次不了。…查看更多

下午午飯興之所致，選擇了韓樂的午飯套餐，選項甚多，黃竹坑平時冇咩嘢食，就試吓呢一間嘅外賣。叫咗個三文魚炒飯，嚟到嘅時候仲係熱辣辣，配上尚算冰涼的凍奶茶，也是打工仔在辛勞半天後的一絲慰藉💓可惜三文魚炒飯偏淡味，吃到最後感覺有點兒飽飽滯滯。而凍奶茶的甜味略嫌奇怪，當中加了的糖應該不是非常常見的那種糖，而是一些糖漿之類的東西，好像在喝某種紙包飲品的奶茶的感覺，而不是是即沖的奶茶。總括而言，飯的份量是充足的，但味道只是還可以。…查看更多

起31/10同我媽食飯。環境平民版餐廳，食物都係比較港式平民。當時叫左炸醬面，肉醬豆腐煲同生菜包炸豬。其中生菜包炸豬因為6:00之後所以只需＄1，勁扺。主食味道正常。整體來講如果想食平民版韓國野可以去，但唔好追求正宗。…查看更多

本身我哋係食RUD燒肉，點知勁多人我哋一行九人就大有細，叫我哋分開枱坐，當然唔可以啦！而且出邊打緊風，所以我哋錯有錯着就入咗嚟韓國食韓國菜！一入到去，環境裝修好靚，有好多位置都係打卡點最欣賞佢個火山排骨頭肉質鬆軟！而且價錢合理！值得一試，另外亦都叫咗一個韓國燒牛肉石頭鍋飯我見到個份量的而且確嚇親，估唔到咁嘅價錢個份量亦都咁多！撈勻咗之後就咁睇都覺得幾足料，味道唔錯，唔需要再另加加醬汁！總括嚟講呢間平民韓國菜，值得一試…查看更多

有時因為呢間餐廳野食好味就算等耐啲都唔緊要呢次等左將近半小時已經冇得坐低定點齋企都願意等 但冇諗過等候時候係咁長外賣要等25分鐘以上 廚房入面啲大佬係咪唔當顧客時間係時間？餐廳入面亦都唔係爆滿既情況 唔明點解會咁耐希望能改善到問題…查看更多

經常幫襯韓樂既lunch，因為夠抵食，仲有我至愛既石頭鍋飯，每次都例牌食石鍋飯。雖然依間野叫韓樂，但感覺上同實際上都唔係正宗韓國餐廳，所以味道都唔夠韓式，例如拌飯係冇辣椒醬撈，又冇泡菜拌碟要俾錢另叫。餐廳上菜速度算快，石鍋飯係超熱同起到飯焦，雖然冇辣椒醬同泡菜好似差甘d，但佢本身都有個辣汁同燒汁都幾好味既，冬天食真係一流，食極都食唔完，因為好熱要慢慢細細啖甘食。已經試過晒全部石鍋飯，上次食過三文魚係切粒粒得好少但今次係一塊塊超多肉。而雞扒好嫩唔鞋，撈埋紫菜粟米係我至愛。八爪魚都好多舖滿飯，相反牛肉同豬肉泡菜就反而相對比較失色。我見都好多客叫石鍋飯，所以應該都幾受歡迎，至於其他就未試過，因為我太專一唔想揀其他黎食。…查看更多

今晚突然想食牛扒，見佢隔離意樂間鋪都有牛扒餐，仲平小小，但佢門口個menu張相好似吸引啲，所以揀左衣間。入到去都冇人招呼，係自己揀位坐，我再睇吓個餐牌，原來咁啱我想食個餐，今日有特價，所以都唔駛再睇餐牌，就叫左西冷牛扒拼薯菜和熱朱古力，侍應問牛扒要幾成熟？我要7成熟。首先講吓賣相先，牛扒都幾大件，薯條比我想像中多，牛扒下面放了好多配菜（主要係邊豆，甘荀片，同少少椰菜花和菇）。我就比較鍾意佢啲汁係另上，自己想濃味啲又得，淡味啲又得。味道方面，整體上牛扒都嫩和淋，只有小小筋。可能唔係鐵板上，啲配菜都好生，但可接受，😅我都食哂啲配菜。薯條比較幼細，但炸得好香口，雖然要戒口，但都破戒食左好多，希望唔好太熱氣。😅杯熱朱古力係佢哋推介之一，確實幾濃味，好飲👍…查看更多

戴眼鏡鬢辮嘅女職員好冇禮貌 ，叫親都唔認，就係行過身邊叫佢3次都直行唔理，又唔係攞住食物，總之就係有嘢唔想做，等其他同事做，因2為我睇得好清楚，我就坐在中間卡位出菜位第一張台，所以希望佢老闆睇到我寫嘅嘢做留意吓佢，如果唔係就比佢趕客走，唔會幫襯，費事激氣，佢唔想做就唔好做喇，又要收工資，又 倒米，希望公司正視問題。…查看更多

第一次去好正！D嘢幾好食、又唔貴、又坐得舒服！点知第二次去有個女侍應指定我要坐門口同人搭枱！但當時全間餐廳咁大坐得二成人，果陣只係12：00！ 我嬲起上黎掉頭走！怪得咁多香港人北上消費！…查看更多

前幾日見到某個不經常接觸的侍應，態度不禮貌，想問佢攞杯水，佢大聲回我一句 “自己浸啦你”。跟著有個年長女士進來問佢攞餐牌 該侍應隔著另一張枱 不停嗌過去 menu係左邊左邊 下面下邊 左邊呀，攪到該年長女士手忙腳亂 好似老懵董咁 非常尷尬 ，唉… 唔係個個老人家都識menu是甚麼，心諗你攞畀佢咪得囉。 希望該侍應可以改善吓語氣態度 ………查看更多

叫咗兩杯凍檸茶 少冰走甜分別兩次都係咁比錯嘅 係咁比有甜嘅啲阿姐服務態度仲要勁差 比錯嘢人仲要鬧翻人哋轉頭叫咗個 黑松露煙肉惹菌忌廉扁意粉中文英文都冇寫過有芫荽 有芫荽都算數 仲要成疊同我切到碎過BB食物你叫唔食芫荽嘅人情何以堪？結論係 食物差態度差服務差 唔知點解可以開咁多分店 完…查看更多

早咗收工，所以趕得切食個下午茶之前喺隔離小鹿排隊嗰陣見到個餐牌已經覺得好吸引，終於搵到日趕得切六點前嚟！叫咗個芝士炸雞，驚唔夠飽見到個薯條就忍唔住加$10加購唔食薯條，都仲有其他可以加購！個炸雞細細粒夠晒脆口薯條仲可以順便點個芝士醬佢俾個茄汁我都冇用到升級埋杯嘢飲都係50幾蚊埋單蝶豆花檸檬茶唔甜，顏色又夠靚平日下午茶時間，冇乜人，可以舒舒服服咁樣坐裝修又幾好睇仲有啲韓國零食同醬料可以買添！總結覺得唔錯，會再嚟…查看更多