韓屋

尖沙咀金巴利道出名多韓國餐廳，幾乎每一間都有競爭，連近期大熱嘅豬手小姐都係金巴利道開咗分店添，小妹仲記得大半年前定係幾個月之前呢🤔曾經有YouTube介紹過一間韓國餐廳，可以食得清淡又健康！呢一間就係叫做Hanook 韓屋啦😍餐廳門面參考真正韓屋般以古典嘅木質設計，店內則走時尚風格，霓虹燈牌及飛天豬造型燈牌，仲播上熱門嘅K-pop music ，非常有特色🤭小妹同朋友共點了一份蒸餃子🥟、一鍋豬肉湯、一鍋石鍋飯及一枝米酒，收工後要小酎一番🍻🥟醬牛小排餃子 갈비만두呢款牛肉餃子做到皮薄餡滿，賣相同emoji嘅餃子係一樣樣㗎🤓，食落嘅味道似餃子皮包牛肉漢堡扒咁，好少食到牛肉餃子呢一款又幾過癮嘅。🐷血腸湯 순대국밥小妹同朋友兩個都冇食過血腸湯，趁住今日呢一間食得清淡又養生嘅韓國餐廳，嗌咗鍋試吓。比我哋想像中好食喎，原本以為會好腥點知一啲都唔腥㗎，「血腸是豬大腸裡灌入各種蔬菜和調料後，放進烝籠裡蒸煮而成的」。每鍋湯就有一款配菜供應，跟呢鍋血腸湯的配菜就係自家製醃蘿蔔。🧀原味石鍋芝士拌飯 치즈돌솥비빔밥是晚MVP非此莫屬😍😍，店員會幫手將辣醬同飯撈埋在一起，仲話因為太多芝士所以要拌均佢先好食😋！睇見啲芝士同啲材料撈埋一齊，多重拉絲效果，真係睇到流晒口水😳！當所有材料痴埋一齊再一啖放入口，加上飯底係紅米飯，令小妹食落都比較健康🤭美味程度係兩個人分享一鍋已經爭住食😆下次嚟要自己一個獨食先得🤭🤭🍻青提子米酒 포도쌀와인小妹朋友介紹話好少餐廳會有米酒飲，於是我們點了一支青提子味米酒，小酎一番🫰🏻呢個米酒好好飲喎，佢冇清酒咁刺激，飲落口好順滑，仲以為飲唔晒點知最後一滴都冇😂😂而家諗返起，佢哋個石鍋芝士拌飯真係非常好食❣️…查看更多

去開尖沙咀行街，就順便帶個朋友去韓食街覓食，店員阿豬媽企係門口好親切招客，我地自自然然被帶左入去坐😂😂入到去見到韓星海報同好多聖誕裝飾，好有氣氛～～🎄喉嚨乾乾地，想飲湯滋潤下，所以我地就叫左湯飯食😌👉🏻血腸湯 $148✨阿珠媽係真。韓國人，佢放低調料醬叫我地陣間撈湯食嘅時候，我地聽到一額汗🤣🤣🤣感謝肢體語言係全球統一嘅語言😉蝦米鹹鮮，幫D血腸湯去調味，辣椒醬少辣，你可以自由調配想要嘅味道血腸煙靭有嚼口，包住粉狀嘅麵條，淡淡嘅血味，但唔會腥，好特別嘅體驗。牛骨湯入面嘅肉煮到軟爛，入口即融，好食又好飲蕎麥麵撈左血腸湯食，感覺會清新d，無咁漿口，份量都幾多😄😄👉🏻牛膝骨湯 $148 ✨湯比較黏稠，牛骨味濃，軟骨部位嘅精華滲入湯中，軟骨都被熬成啫喱狀 ，可想而知要幾多功夫同時間先做到。呢個湯撈紅米飯一流，食完感覺好似補充左好多骨膠原😂😂👉🏻煎醬牛小排餃子 $88 🥟 餃子炸皮幾脆，有牛肉味，唔會難咬，咀嚼得耐會齒頰留香，不錯同場仲有泡菜蘿蔔做小菜食添，味道香甜，唔會好辣，適合香港人口味😉…查看更多

我同男朋友大約7:30到達舖頭，得返最後一張枱。 so lucky 🍀 叫咗蔘雞湯、香辣牛肉湯、韓式餃子同埋配一個飯。蔘雞湯真係不得了，濃度非常得宜，雞肉一吉就散，最黐線係連骨都可以咬碎，我估應該真係煲咗好耐好耐，而且超足料。天氣涼嘅時候食，感覺好舒服。香辣牛肉湯，食落去感覺係辣嘅羅宋湯，唔係街邊一式一樣嘅辣味。牛肉超腍，建議嗌碗飯撈埋一齊食，辣得好過癮。如果怕辣可以食吓佢個前菜，每人會有一碟醃蘿蔔。韓式煎餃子都好出色，好大隻，外面好脆，但係唔係死硬死燶嘅感覺。以前去尖沙咀間間都話係韓國傳統小店，但食完就知道都係一般，今次呢個值得我寫一個食評推薦🤣🐇…查看更多

【🍲尖沙咀韓屋｜暖笠笠的韓式暖心湯飯🇰🇷】如果想喺尖沙咀搵一間唔會重口味、食完唔口渴嘅正宗韓國菜，呢間由韓國人主理嘅「韓屋」就係個好選擇。餐廳主打無味精、無防腐劑嘅家常韓式湯品同拌飯，食落好舒服。✨ 熱辣辣養生湯飯必試嘅「蔘雞湯」一上枱就聞到好香人參味，原隻雞入面釀滿糯米、紅棗同栗子等材料，雞肉熬到好嫩滑，湯底濃郁滋補，飲完成個人暖笠笠。另一款「薯仔排骨湯」同樣出色，排骨燉到軟腍，一夾就離骨，薯仔吸晒湯汁精華，味道濃郁惹味。✨ 健康主食搭配餐廳嘅「韓國紅米飯」係拌飯嘅基底，感覺比白飯更健康。如果想口感豐富啲，可以加配「蕎麥麵」撈湯一齊食，平實嘅麥香同鮮甜湯汁好夾。✨ 用餐體驗餐廳裝修帶點時尚韓風，有霓虹燈牌等裝飾。雖然店舖唔算大，但坐得舒服。服務員態度親切友善，整體用餐體驗唔錯。人均消費大概$200左右，就可以食到一餐熱辣辣又無負擔嘅韓國家常風味。下次想食啲清淡又暖胃嘅嘢，不妨嚟試下！#韓屋 #尖沙咀美食 #韓國菜 #蔘雞湯 #養生料理 #香港韓食 #湯飯 #韓國餐廳…查看更多

漸漸已經步入冬天～總係想食啲暖笠笠嘅嘢😚😚是晚嚟到韓國街～回想起之前喺首爾零度氣溫下飲嘅熱湯🥄即刻又想回味吓～見到呢間韓食店～雖然舖位唔大～但佈置得好有節日氣氛～而且坐滿食客好受歡迎～一於決定入內解決晚餐🙆🏻‍♀️.✨蔘雞湯 $168傳統韓國養生料理🇰🇷🫶🏻原隻嫩滑人蔘雞浸於湯內～輕輕夾起已可令雞肉與雞骨分離～雞內放有糯米、人蔘、紅棗等食材～米白色湯汁飲落帶有陣陣人蔘香氣～瞬間滋養身心😊😊.✨牛排骨湯 $148熱辣辣仲伴有胡椒香味～冬日好選擇😛以牛排骨經過長時間煲製而成～牛肉軟嫩易咬～重點係湯頭鮮甜且帶有濃厚牛味🐂🐂.✨韓國紅米飯 $20@碗飯粒軟糯有口感～感覺比普通白米飯更有營養🫰🏻🫰🏻.✨加一服務費…查看更多

簡單直接嘅韓式晚飯, 身為碳水怪 我開心心了~ 一人一隻大蒸餃用蒸籠仔上枱, 好有儀式感啊; 味道剛好 餡夠滿滿, 感覺夠實在呢~餃子王 $18餡料塞滿滿 我哋都鍾意泡菜餃子王 $18同樣餡料豐富, 鮮得黎 帶點辣勁~原味石鍋拌飯 $108好足料啊, 拌飯時發現 米飯係紫色的, 雜糧米健康又好睇啊~雪濃湯 $148牛骨精肉熬煮而成, 飲落感覺滋補啊~素麵 $25加埋入湯食, 味清胃暖, 簡單 幸福~晚飯時間 早早就幾乎滿座了, 好在早啲黎咋我地~…查看更多

天氣轉涼，真係要搵啲嘢暖吓胃！今日就衝咗去尖沙咀金巴利道呢間由韓國人主理嘅 韓屋。佢主打滋補湯品，成間舖頭都係家庭式嘅溫馨感覺，睇住K-Pop MV食飯特別有feel！🎶今次試咗個暖胃之選 牛骨湯。湯頭真係好濃郁，睇得出係長時間熬煮出嚟嘅奶白色精華，飲落去成個人都暖笠笠！入面嘅牛肉片同粉絲份量都好足，配埋幼滑嘅蕎麥麵，食落好清爽，冇咁膩，啱晒追求健康嘅朋友。💯當然，食韓菜點可以冇小食？泡菜餃子 皮薄餡靚，入面泡菜餡香辣惹味，大大隻好有滿足感！🥟 另一主食揀咗 牛肉石鍋拌飯，一上枱就聽到滋滋聲，飯底夠熱有飯焦！撈勻醬汁同蛋黃，啲材料熱辣辣咁食落口，每一啖都係香濃嘅韓式風味，超級滿足！🤤呢間小店雖然未必係走華麗路線，但味道夠正宗，份量足，係想食地道又暖胃韓菜嘅首選！👍…查看更多

小編朋友非常喜歡暖胃養生嘅韓國湯飯，趁天氣開始轉涼，想試一試尖沙咀呢間由韓國人主廚嘅小店，佢哋嘅招牌蔘雞湯同韓式拌飯。蔘雞湯 蔘雞湯一上枱就聞到濃濃嘅人蔘香氣，餐牌介紹原隻雞內填入人蔘、大棗、板栗、松子仁、糯米、大蒜等食材後，經長時間熬煮而成，怪不得湯底濃稠，雞肉嫩滑，彷彿雞骨都溶化在湯內。炒豬肉石鍋拌飯 拌飯選用較健康嘅紅米，而配料亦很豐富，有炒豬肉、芽菜，翠玉瓜絲、菇、紅蘿蔔絲、菠菜等，再配上自家製嘅甜醬，熱騰騰更惹味。餃子王 餃子好飽滿，脹卜卜一大隻以蒸籠奉上。餃子皮略帶煙靭，餡料除咗肉之外仲加入咗豆芽、蘑菇、粉絲等。店內仲有多款韓國嘅特色飲料，酸酸甜甜幾吸引。韓國果肉果汁（蜜桃）韓國有氣波蘿汁…查看更多

韓屋 hanook 地址: 香港尖沙咀金巴利道69-71A號美園大廈地舖冬天一樣最攝取足夠水份呀，皮膚就無咁dry 啦，加返養生原素，飲完成個人有氣又暖$168 人參雞湯，好多人都喜歡飲😏雞入面有糯米，水參得，成隻雞食到雞肉，再將中間架糯米同湯撈埋變做粥jumbo 拳頭咁大餃子王$18 ，餡入面有,泡菜味辣辣地$138 炒豬肉石鍋芝士伴飯，攪好之後芝士同食材完美混和，仲會拉絲架!豐富味道集一身！ 再少許韓國辣醬，惹未到一粒飯粒都唔會剩#韓屋 #hanook #food # yummy…查看更多

尖沙咀是吃韓國野嘅熱點，今晚就和一個一樣愛吃韓國菜的朋友來晚餐，我們選了這一間，主打韓式湯品，也有拌飯和餃子。餐廳是韓國小店格局，座位不多，滿滿家庭式感覺，店員是韓國人，看來是韓國人主理～🥘 炒豬肉石鍋芝士拌飯 $138滿滿的材料蓋過了飯，加點醬汁拌均它，看著也餓了！牛豬肉很嫩滑，甜辣醬汁令米飯味道更豐富，仲有好多配菜：翠肉瓜、紅蘿蔔絲、紫菜、芽菜、豆干...一拌開五顏六色超開胃，芝士半溶拉絲效果滿分！🥣 釜山豬肉湯 $148自從去過釜山，就愛上釜山豬肉湯，原來這裡也有！它的湯頭濃郁，湯底好鮮甜，豬肉片軟嫩，有韭菜同豆芽，飲落好暖胃～加入特製醬料及小蝦可增添鹹香味道！🥟 蒸泡菜餃子 $78泡菜味夠濃但唔會太辣，餃子皮厚薄適中，餡料豐富，它另外還有大餃子可選擇！整體性價比高，兩個人食到飽飽，又好似飛左韓國食，都只是$400！想食正宗韓國媽媽味，又唔想排隊嘅朋友要mark低啦～…查看更多

吃過銅鑼灣\灣仔\尖沙嘴\中環大大小小的韓國菜餐廳,這家是目前吃到最坑的.1)兩個人前菜得一小碟醃蘿蔔    對面一人客甚至連前菜都無2) 吃了這麼多家韓國菜,只有這家lunch time米飯麵條還要另外加錢 HKD 20/253) 清湯牛骨裡面得幾片極薄的肉片, 幾粒肉碎,除了蔥沒有任何其他配菜4) 全程連一杯水都無5)一個湯 148/168 極度不值這個價位, 以這樣的環境地段來說 總之是極度寒酸的一餐, 無小菜無主食無水無服務無環境,收的價錢卻比港島寫字樓高級shopping mall還要貴不推薦 也不會再來…查看更多

今次去韓國街嘅《韓屋》，呢度店面雖不大，但簡約舒適。牆上掛有 2 部大電視，不斷播放著 K-Pop 歌，很有韓風 feel。今次嚟嗌左 :✨️「牛膝骨湯」 도가니탕 $148聽店員講呢個菜餚第二度好少有，係呢度熱門菜式之一。呢個湯係要經長時熬製嘅健康食物 ,含有豐富钙質及骨膠原 。最啱比小朋友、婦女和老人食用。牛膝根肉已經煮到好軟諗，湯熬呈奶白色，味道香濃。✨️「醬炒牛肉伴飯」 불고기비빔밥 $118除了牛肉外，仲有包括有菠菜、芽菜、翠肉瓜、蘿蔔絲 和 紫菜，非常豐富，點埋伴有酸酸甜甜嘅「伴飯醬」，更加滋味。吾食得牛嘅朋友可選 「原味伴飯」$98，食材係一樣，只係冇左 d 牛肉。✨️「餃子王」왕만두 及 「泡菜餃子王」 기치왕만두 $18/隻外皮薄而不破，形狀均一，內滿滿餡料，食落十分滿足。有泡菜嘅餃子會有些辣，但辣度係一般香港人都會接受到嘅。✨️붕붕 (포도 ) $25韓國果肉果汁, 雪到好冰凍，附有玻璃杯。📍尖沙咀 金巴利道69號 美園大厦地下…查看更多

醬炒牛肉石鍋芝士拌飯拌飯係熱石鍋加入芝士炒勻，令芝士係半溶狀態，啖啖都係芝士香！拌飯配料超多，口感好豐富！牛肉係偏甜嘅，好韓式嘅調味。薯仔排骨湯薯仔排骨湯係我去韓國係次次都飲的，係韓屋呢到食到嘅都一樣咁正宗。排骨燉得幾腍身。湯底鮮味濃郁！薯仔片索滿湯嘅味道，配飯食更加正。餃子王/泡菜餃子王呢到嘅餃子都係必食，餃子王大大粒，皮薄餡多！韓國嘅餃子肉餡比較綿。個人比較鍾意泡菜口味！Peach Juice/Peach Soda呢度仲有好多款韓式飲品選擇。酒精及非酒精都有。Peach Juice桃味濃郁吾會太甜。而Peach Soda比較甜，想飲有氣飲品嘅時候可以揀。…查看更多

🐱之前係韓國食過薯仔排骨湯，一直心心念😍比我搵到韓屋有得食😍見到好多好評，標榜健康冇味精，即刻去試😆個前菜係蘿蔔，已經好好食😋唔會勁重口味，出面食果啲韓國泡菜係超鹹，但呢個唔會☺️薯仔排骨湯：$168韓國紅米飯+$20🌕🌕🌕🌕/5 超足料，係有3-4舊大豬骨🐷仲要係好多肉既😙仲有好多韓國菜乾同好淋既薯仔🥔個湯既味同韓國食既係差唔多🤓辣辣地好香豬骨味🐷熱湯配飯是必須的❤️‍🔥紅米飯夠健康雪濃湯：$148🌕🌕🌕🌕/5 有大量牛腩+牛肉🐮呢款既味道比較淡，清甜既牛肉味😆可以飲哂成配😍備注：有加一💰…查看更多

尖沙咀嘅韓屋一向都係韓食控嘅安全選擇～氣氛簡潔舒服，最啱兩三個人慢慢食 🍶今次試咗幾款：🍖 牛排骨湯 Galbitang — 湯底清甜濃郁，牛骨味滲得啱啱好，肉質軟腍入味，一啖落肚成個人都暖晒 🥣🔥 醬炒牛肉石鍋芝士拌飯 Hot Bulgogi Cheese Bibimbap — 熱辣辣石鍋香氣四溢，牛肉甜中帶鹹，芝士融晒撈埋飯超邪惡～🥟 餃子王 Wangmandu — 外皮煎得香脆，入面肉餡多汁，食落唔油膩，配埋泡菜一流！整體味道穩定，價錢合理，服務亦幾貼心。無論想食個韓風comfort dinner，定同朋友chill下都啱 😌…查看更多