西九龙中心咁多嘢食,今晚食咩好?见有朋友介绍过八楼有间高质蹄花汤,就走嚟望下🤔店名叫面珠墩,由于美食广场店舖太多,小店真系唔易揾,行到较后嘅位置先至见到。见前面食客点咗招牌蹄花汤,真系几吸引,仲可以配饭配菜加饮品,成个套餐都系六十几蚊,真系平过北上。⭐牛腩饭朋友话佢想食牛腩饭,一碗牛腩饭有成五、六件牛腩,仲有一粒牛丸同一只卤水蛋,加上凉拌土豆丝同两条青菜拌下碟,颜色好睇又营养均衡。牛腩炆得很入味,有筋有肉半肥瘦,咬落牛脂甘香劲正㖞😋⭐沙姜猪手饭自己就点就沙姜猪手饭,猪手系炆到软腍𠮶种,口感就系满满骨胶原嘅感觉,仲有淡淡嘅沙姜香味。猪手清理得好干净,无杂毛无异味,真系化咗唔少功夫😋一碗有四大件猪手,食完啲猪手都爆咗噜。⭐蹄花汤附上一碗例汤,其实等同佢哋嘅招牌蹄花汤,不过呢度就无蹄花,但入面都有云豆㗎,云豆蹄花汤就系传统嘅美味🤤云豆绵软入味,汤汁香浓有黏口嘅感觉,哈哈,骨胶原呀~⭐炸鱼薯条只系食饭觉得有啲平淡,于是加多咗份小食炸鱼薯条,大大份炸鱼薯条都系35蚊,下午茶时段仲送嘢饮添😳鱼肉非常嫩滑,炸浆香脆,咬落鲜味唔油腻,估唔到小店都用上咁靓嘅鱼肉去做炸鱼薯条😍⭐原味乌龙茶 & ⭐白桃乌龙茶加六蚊可以有一罐原片茶叶嘅无糖冷泡茶,有原味同白桃乌龙两款口味拣,喺台湾出品写繁睇字㗎👍好好味又价钱贴地,仲份量十足添,真系抵食到喊出嚟😆…查看更多





