靚靚笑顏食堂

好日唔番屋企食飯，一心諗住番去又要OT，唯有食個快飯，但今晚佢又俾到驚喜我呀我講緊大埔既靚靚笑顏食堂，我先點左個豬軟骨煎蛋飯打底，而豬軟骨夠晒汁，超惹味，跟餐仲有個菜，小食同飲品，我揀左九轉茄子，甜甜的脆脆的，以及雪耳紅棗杏仁露，將紅棗整碎落野飲，有咬口，正!因為驚唔夠飽，加多左幾個小食：腸仔有蜜汁，小朋友一定鍾意；墨魚餅有咬口，加上雞扒大大件，好抵食另外小店都好有心，確保飲用水質及吐絕味精，保障食客健康，讚！周圍見好多人都叫豬軟骨, 我又試下先!呢個雞球好惹味!好脆口, 我鐘意食個腸仔頭有咬口夠解渴!…查看更多

今晚又做無飯煮婦，突然醒起朋友仔講過話大埔開左間靚靚笑顏食堂，同好出名個間靚靚車仔麵有關係，叫我去試下掂唔掂。擇日不如撞日，就今晚啦！餐廳門面好乾淨企理，黃色白色為主，感覺良好。早左小小７點到，都唔少捧場客，好彩兩個人唔難搵位。雖然menu都好多野食選擇，作為車仔麵既資深食家，黎到緊係要叫車仔麵啦，最最最重要既係佢Ｄ配料，絕對唔係出面既豬皮蘿白咁簡單！先選了個麵：稻和庭手工烏冬，配個瑤柱濃湯底。烏冬好幼滑，但又不失咬口，而且份量奇多，本日食量唔算細，但都食唔哂呀！！瑤柱濃湯底，一上台已經聞到濃濃既瑤柱香，飲一啖，好鮮既感覺，見佢係餐紙標明無味精湯底，果然無選錯！個兩粒牛丸幾彈牙有口感，不過＄８如果有多兩粒就正啦！跟住就係重點要推介既小食配菜啦！叫左幾款，一口豬仔餐肉，切到細細粒，一粒一啖又幾過癮喎！而且四面都煎得香香的，唔錯！墨魚煎餅又係Ｄ香口野，我最鐘意，炸得岩岩好，唔會太硬太老，正。紅燒花膠，見佢特別註明每碗限購一件，講到咁，點可以唔叫呀！一黎果然無令人失望，好巨型呀！而且入口好腍好入味，＄２２咁大執，唔怪得每碗限購一件啦。超值！九轉大腸，見格離台有點，即刻跟風先。大腸處理我好乾淨，側邊再配多幾舊茄子，唔會太ｕｎ，好食！凍腐竹意米豆漿，呢個冬天飲有好滋潤既感覺，好有腐竹糖水feel，哈哈！…查看更多

近日有心煩事，正在發愁之際，心想化悲憤為食量! 行經這間車仔麵店，門口大大個Smile 吸引我停下腳步，是的，要smile，很好啊，我禁不住入去幫襯醫肚。店內天花很多大波燈，牆上的笑臉公仔吸引，整店很有陽光的氣息。湯底選擇分，有瑤柱，麻辣，酸辣，日式咖喱，還有黑松露啊，我揀了黑松露湯配手打烏冬，配了些輕食，鳥冬好滑，湯底很清，有淡淡的黑松露清香，真是沒有味精，台式蒜香腸，外表都好似中式臘腸，但食落帶甜，有蒜香，更惹味。口水雞翼，也不錯，都幾辣，佐麵很正。估不到紅燒花膠也吃到，好軟腍入味，配車仔麵夠晒上等。那土匪雞球也十分好吃，食到有五香粉和孜然粉的味道，也有些香口芝麻。至於墨丸和牛肉也十分彈牙好吃，一口五餐肉，咸香惹味，配了一杯冰凍柚子蜜，煩氣全消。我望著牆上笑哈哈公仔，很飽很滿足!…查看更多

今日是第二天入大埔，但心情...昨日事事順利，今日就事事阻滯，走車、滿座、等車、檢問、售罄等等，通通都令人沮喪、令人愁眉。雖懷着不快的心情，但也不會不心機吃飯，因為我是「成日都想食」。行下行下，被一塊大型黃色 “Smile”招牌吸引了。無錯！此刻我很想 smile。麵店以白色和黃色做主調，環境發猛醒神，令人有返點朝氣。地方不多，設有三張舒適的卡座和幾張二至四人枱，整齊企理。麵店標榜無味精湯底、飲食用水採用3M淨水系統，以及堅持創作這三大要點，睇落好吸引，快快品嚐一下吧！多塊餐牌，有皇牌麵系列、皇牌客飯套餐、晚飯套餐、自選麵食和健康飲品，選擇不少。細閱點菜紙，找到不少心水麵料，還是放棄套餐系列，一於盡情點選想吃的。慢慢揀，麵類有七款，揀了韓國純紅薯粉；六種湯底中揀黑松露湯底；小菜輕吃有二十二款，要了腐乳通菜；而八款的必吃創意產品就點了燒土匪雞球；還在七款小菜輕吃中要了紅燒花膠 和茶香滷水蛋。******************************黑松露湯（$5）韓國純紅薯粉（$18）大大碗，還有爽口的芽菜、清香的芫茜 和爽滑的腐竹 做配料，更豐富。湯身清澈，見到有些黑松露碎，但味道清淡，不過有片香脆的黑松露片，好特別，有新意！紅薯粉 幼圓身，晶瑩剔透，又滑又Q彈，口感不俗！腐乳通菜（$13）保持翠綠幼嫩，還加入紅椒絲，帶有腐乳的鹹香，味道剛好，不會太鹹，吃後沒有口乾之感，少油少鹽，不錯！燒土匪雞球（$15）啖啖肉，連帶香口油潤的雞皮。肉嫩而不肥膩，烹調入味，還配有爽口的洋蔥 和冬菇粒，同樣入味。紅燒花膠($22)大大件，挾起來相當墜手，差不多有我半隻手掌般大，好有份量。腍滑中帶微爽，又有些黏口，口感不錯，味道鹹香，烹調入味，抵!茶香滷水蛋（$7）中等大小，蛋白富彈性，蛋黃則粉綿，烹調入味，啖啖滷水香之餘，亦有點茶的甘香，仲滿有蛋香。******************************一見到一系列的健康飲品就滿心喜歡，款款都相當吸引，揀乜好？心大心細，最後要了熱雪耳百合薏米($10)入口微暖，甜度適中，內有不少爽滑的雪耳 和煙韌的薏米，滋潤順喉，好喝！------------------------------今天雖心情不好，但望着牆上的笑臉和 “Smile”的字眼，也忽發奇想，將碗麵砌出笑臉，想常常提自己要展露笑顏，那麼好事自然來。…查看更多

一人開餐, 又係試下新野的時候, 今次食下車仔麵.選擇困難症發作, 所以點皇牌麵系列, 麻酸辣豬派對麵(小辣).甫一上菜, 好像是中辣的程度, 紅油滿滿的, 另外, 圖片只供參考的字句浮現了, 實物也差很多吧.果然, 湯底很辣, 要不停飲水減辣, 食物的原味道都蓋過了, 口腔只有麻和辣味, 唯有快速地吃完離開.…查看更多

係一田買完聖誕禮物好肚餓！行過對面馬路見到呢間咁多人係門口就埋去望下，原嚟係車仔麵！門口仲有雞蛋仔、格仔餅、魚蛋燒賣腸粉、碗仔翅等等小食賣，好有趣！一個人又咩都想食d，呢間仲可以轉稻庭手工烏冬，平過去烏冬專門店食，仲有竹昇麵，秒速選擇！而且佢地話冇味精，我就更加想一探究竟！仔細睇menu 覺得好過癮，佢d 車仔麵嘅麵類、湯底、小食、配料都好特別而且選擇好多！例如有黑松露湯底、瑤柱濃湯底、奇異果龍珠甜酸齋、花膠扒、茶香豬紅等等。仲有唔少配搭好嘅黃牌推介都好特別。我揀左黑松露湯底$5，稻庭手工烏冬$18，九轉大腸$20，煎墨魚餅$20，台灣蒜香腸$9，通菜$8，牛丸$8同熱腐竹薏米豆漿$10。稻庭烏冬係真日本稻庭烏冬，軟得嚟好煙韌有口感～黑松露湯底嘅味道比較清淡，配左脆紫菜，芽菜、腐皮，都幾豐富。食烏冬連埋湯飲就重d黑松露味。通菜比較硬d，浸耐d 就ok。牛丸唔係好爽口彈牙嗰種，比較軟身d，牛肉味唔算濃郁。九轉大腸好味啊！細細碟配茄子，大腸炸得脆，個醬汁酸酸甜甜帶微微花椒香味好過癮～台灣腸都熱辣辣，帶蜜糖味，味道係好正宗嘅台灣腸味～正！煎墨魚餅個面煎得幾香脆，入面幾彈牙，有一粒粒墨魚肉同埋紅蘿蔔蔬菜粒，唔會好鹹，唔錯！薏米腐竹豆漿質感都幾濃，豆漿味好香，又唔會好甜，每樣配料都好有益，熱辣辣冬天飲好幸福！…查看更多

位於大埔一田對面一間設有小食部，以及餐廳嘅靚靚笑顏食堂，以黃白色為主，門面都幾Sharp。入到餐廳感覺好舒適乾淨，附設卡位及沙發位置等。餐牌嘅食物圖片七彩顏色，每一款都好想試吓。點餐紙是長長的，以自助形式點餐。必吃創意食品中我們選擇了口水雞中翼以及墨魚煎餅🥞。墨魚煎餅煎得好香脆可口，加埋入面豐富嘅配料，好有口感。小菜輕吃揀選了一口豬仔餐肉，平時喺茶餐廳就食得多，好少食一口餐肉，四方轉頭外皮好脆卜卜，好鬼滋味。晚飯套餐多款選擇，當中可以配小食同埋飲品，好抵食。我就選了香茅豬扒紅腸煎蛋飯配瑤柱汁生菜，仲有多款健康飲品，啱晒滋補嘅人士。不得不讚香茅豬扒另上之外，食落去質感好軟林林，而且好入味。熱辣辣嘅薏米腐竹豆漿最適合秋冬天飲。整體來說，餐廳食物多款選擇，又有小食外賣、甚至乎有新鮮出爐嘅雞蛋仔，又有套餐、又有小菜、又有小食，而且食物質素新鮮好味，下次一定會再encore。…查看更多

健康特飲：紅棗雪耳，有熱有凍，冬天黎一杯熱飲，暖心頭，而且材料健康滋潤，重有好多其他健康特飲選擇，多運用薏米杏仁雪耳紅棗杞子檸檬等等養生材料！！！***車仔餸必食兩寶：豬皮蘿蔔，雖然好常見，但其實真係唔係間間整得好食，依到整得唔錯，豬皮入味夠爽，蘿蔔靚食落甜最緊要係無渣！！！***腐乳通菜***香草豬軟骨飯，豬軟骨炆得好淋！！！***蠔油生菜***雲耳秋葵，略嫌酸！！！***麻辣涼拌皮蛋，有辣度，皮蛋爆花，好野味！！！***茄子做得好出色，咬落唔會太淋唔會太硬，而且好入味！！！***一碗車仔麵份量簡直係屬於重量級份量，份量好多，湯底香濃！！！叉燒好味肉質嫩而不榎口！！！***店門設有外賣部***環境裝修簡潔光猛，座位寬敞無壓迫感，整體環境令人感覺舒服…查看更多

“好欣賞依到既健康飲品，配搭食料確實有益健康，而且餐牌上跟餐叫都是配送埋，即使單點都係十幾元一杯，好抵！！！“飯，麵，小食，車仔麵，食物款式選擇蠻多，價錢親民！！！“瑤柱汁生菜，*另可選蠔油或腐乳...“健康飲品系列：雪耳蓮子薏米，又稱女人恩物，滋潤養顏清心火去濕，依到既健康飲品旁邊都有寫上療效，可以睇下邊款岩自己！！！*如果個飯上面既蛋可以係荷包蛋，一穿即破蛋汁會更完美！！！“香草豬軟骨，餐牌上介紹是得獎菜式黎，果真係味道很特別，豬軟骨做得好淋好淋入口即溶那種！！！“墨魚餅，同樣是餐牌寫上推介的一款小食！好味道，個燒汁同墨魚餅好夾，煎得好靚，微微燶，好香口，食落唔腥唔粉，正！！！PS: 依到除左堂食門口還有外賣部，隨時快手買點小食做宵夜，或是飲杯健康飲品都幾方便，服務不錯，店員有禮，給人感覺良好的一間小店！！！…查看更多

係大埔有間裝修得好靚的車仔面，真係睇唔出佢係食車仔面。佢有d一早已經搭配好左的麵比大家，但如果唔岩口味，佢都有散叫紙比大家，我都係鍾意自己話事，所以自己用散叫紙剔左就算。其實好多都係分開上，其實睇得出佢好細心，唔好比d味影響到個麵。我叫左豬紅，咖哩湯，洞庭烏冬，個咖哩湯幾好飲，同個烏冬好夾。我仲叫左圖中幾個送1.咖哩魚蛋 (推薦指數:😋😋)2.脆皮九轉茄子🍆(推薦指數:😋😋😋😋)呢個燒得好好食，d肉又夠厚，同埋個燒汁甜甜地，好食。3.燒土匪雞🐔球 (推薦指數:😋😋😋😋😋)又係一個好好食的燒雞，好嫩好滑，一定要食。4.墨魚🦑煎餅 (推薦指數:😋😋😋)5.肥牛(推薦指數:😋😋😋😋)6.台灣脆皮腸 (推薦指數:😋😋😋😋)仲有呢個花膠，(推薦指數:😋😋😋😋😋)，都幾抵食，22蚊都有一大塊，扣得好入味，都值得一食。佢的飲品好多都好有特色，又薏米水等。…查看更多

黃色鋪面夠sharp夠搶眼見介紹有新款車仔麵，唔係局限於傳統菜式就入咗去叫咗個酸辣湯底，有豆卜，芽菜，芫茜，咸酸菜，唔算太辣可以試試，店鋪仲有其他湯底主張無味精添加，食得健康好重要😇推介養生飲品，好少餐廳會咁體貼推介唔同功效嘅飲品👍我叫咗一杯薏米腐竹豆漿，甜度適中，好多薏米係底👍👍抵飲枱頭有重點推介幾款菜，我都叫咗三種必食之選係紅燒花膠啦，$22食到一碟咁有膠質又大塊嘅花膠真係好底，浸到入曬味😋每人只限一碟哦第二個推介有九轉茄子🍆煎得岩岩好😍個皮仲要少脆手打墨魚餅🦑又係另一主打，爽口彈牙，絕對係誠意菜式，其他車仔麵邊食到咁有心思嘅菜餐廳坐得舒適佢為咗保存大部分菜式嘅味道，通常都係分開上，咁就唔會令到嘅餸全部同湯底一樣味，真係別有心思，分開上仲要上得快，晚餐落單後5mins已經上齊要讚一讚😻…查看更多

係一田掃完嘢，走之前醫下肚，行過對面馬路見到呢間靚靚笑顏食堂餐廳，d嘢食幾吸引，入嚟食番個車仔麵先。見到呢塊裝飾板，咁熟面口嘅，原來總店係尖東噴水池果邊，總店成日食，成日排長龍，都唔知有間分店係呢樹😅😅主打不一樣的車仔麵，皆因食材新鮮，而且夠哂創意，加上無味精湯底，長長嘅點餐紙，咩都啱食，有點難入手，見它嘅必食創意產品都幾吸引，雖然貴dd，都試一試😊：墨魚煎餅、九轉大腸、口水雞中翼、黑松露芒果分子蛋，呢幾味簡直係小菜版車仔餸，分子蛋可惜賣哂，最後揀咗煎餅、雞中翼、茄子😋😋配手工烏冬。另外想提一提，呢度唔止平時大路見慣嘅河粉、米粉、油麵、米線，仲有稻和亭手工烏冬、韓國純紅薯粉揀。湯底仲勁，首先講明🙅🏻‍♀️不加味精🙅🏻‍♀️，有瑤柱濃湯、麻辣湯、甚至日式咖喱、矜貴黑松露，或酸辣湯揀。九轉茄子：大推！超好食。茄子肉索哂九轉秘制醬汁，酸酸鹹鹹，有點似上海鋪嘅整法，好入味👍🏻口水雞中翼：雞中翼係醉雞翼咁先整凍，再配上口水辣汁。哇～麻辣汁，又麻又辣又香，🌶🌶係食得辣嘅人至愛😏墨魚煎餅：呢個餅入面好多蔬菜，我喜歡呀；而且唔會太多粉，唔太鹹，煎到香口，好食呀。嘢飲除左常見咖啡奶茶，呢度仲有唔少保健飲品揀：百合蓮子薏米、雪耳紅棗杏仁、腐竹薏米豆漿，有凍有熱，冬天飲就啱哂👍🏻👍🏻車仔麵之外，呢度都有小食corner賣腸粉、魚蛋、燒買、雞蛋仔都係靚靚嘅招牌小食，係總店成日買嚟早餐，老實說它用靚料，小食都零舍好味，下次經過先有機會食😂…查看更多

秋風起，系做運動的季節，就約朋友去做運動，我地去咗踏單車，我地由大圍踩去大埔，因為聽講大埔好多美食，所以我地就系大埔到停低揾野食.我地年纪都吾細，系飲食方面我地都好注重健康，所以我地系openrice 到揾一些健康既餐廳,我地最後决定去靚靚笑顏食堂。一入到去裝修好靚，燈光好光猛，有時尚既設計，坐位舒適，夠闊夠大，一家大细推埋bb 車入去食都得。我地入到去待應就拎啲傳單張出黎介紹下食物，教我地點樣去點菜，照顧周到👍讚我今次食車仔麵，見到有好多選擇，鐘意食菜既我見到有甘多菜款表示開心，我叫咗紫菜，通菜，養顏必叫既紅燒花膠😍同厚切蜜汁叉燒王花膠必點，份量大，吾會淨系食一舊就冇曬，花膠夠林，夠入味，呀婆都食到呀😂不過大家注意啦，每人只限購一件.厚切蜜汁叉燒王，真系好厚切，好重既蜜汁味又吾會太甜，叉燒又吾肥，岩哂注重健康既人麵方面簡咗烏冬，佢啲烏冬系煙韌 既鳥冬，吾系普通既鳥冬，好特别，勁鐘意食。另外湯底方面，我選咗瑶柱濃湯底，本身自己鐘意食瑶柱，同埋吾鐘意有味精，所以叫咗個無味精既，食落瑶柱味好重，飲得出佢有用真材實料去做呢個湯底👍飲品方面，我叫咗個涷百合蓮子薏米水，聽講薏米水可以去濕，所以我就叫咗杯，杯百合蓮子薏米水吾太甜，好健康，仲好解渴，踩完單車飲反杯一流。而且仲有好多蓮子薏米比你食，可以當系飯後甜品，完美！系屋企樓下食車仔麵次次都好重味。炸乜乜乜，炸乜乜，但今次可以食到清清地既車仔麵，會覺得有驁喜👏…查看更多

今日放工一個人唔知食乜～結果行到黎大埔廣場，見到呢度新開左間車仔面，又唔似平時d車仔面，所以就入黎試下～鋪頭8點幾人頭湧湧，門口仲有好多人等緊外賣～估唔到車仔面都有花膠食～見到飲品列表就想飲薏米豆漿哈～最後冇叫花膠扒，因為想試下其他野口水雞翼： 呢個超正！辣得勁過癮！必試睇色水以為冇乜味，其實d汁入哂落雞翼度，勁正！九轉茄子：茄子整到岩岩好，夠哂林～土匪雞球：估佢唔到甜甜地～又幾新穎，雞排夠哂滑！瑤柱生菜： 平時就咁食生菜悶悶地，但因為想食下蔬菜就叫左呢個瑤柱生菜結果真係冇令人失望!個菜有哂d汁既味唔會太單調食過之後都唔想再叫普通生菜...............登登登登！酸麻辣米線登場！唔怪得知呢個湯底要加5蚊，因為佢非常之足料，又有豆卜，芽菜，花生，酸菜！！個湯底真係好好好好惹味！個辣度非常之足夠！好彩叫咗呢個湯底！滿足晒我想食辣野嘅慾望呢塊豬皮索晒啲汁.... 簡直就係非一般嘅享受呢杯薏米豆漿唔太甜，入口順滑，下次應該都會再飲！！埋單食左97$今餐簡直就係超豪華！不過物超所值！…查看更多

#小秘書 對大埔區人生路不熟，不過一場嚟到，無理由唔行吓先出市區👀 所以我哋只好求其搵間餐廳，食少少嘢先🍜再行。因為從未幫襯過 靚靚笑顏食堂，所以只可以睇餐牌上面啲食物相去選擇（以貌取人/食物，通常都賴嘢👉🏻👈🏻）原先睇到餐牌上有菜骨粥，我諗住清清地要一碗... 好可惜店員話🤦🏻‍♀️粥品只喺早餐時間供應。#小秘書 呢排唔係咁舒服，唔想食個碟頭飯咁heavy... 別無他選，唯有叫個車仔麵🍜 眨吓眼碗麵已經上枱（明明我朋友早落單過我七八分鐘）👀 食咗兩啖... 心諗「老闆嘅攝影技術認真一流」🤣🤣我揀嘅 #懷舊五餸車仔麵，入面有「豬紅、豬皮、豬腸、甜酸齋、白蘿蔔、銀牙、芫荽、豆卜」唔講都真係以為材料豐富到 #有可能 ‘食唔哂’😆 好在嚟到樣樣都少少少少咁，就當試吓新口味囉🤣🤣 成碗麵我反而對個麵底最有印象，餐牌上注名用嘅係竹昇麵，咁究竟師傅喺邊度做竹昇麵嘅呢？🤣 又坦白講... 個竹昇麵真係幾有蛋味嘅，而且無咗我至怕嘅鹼水味👍🏻 麵餐仲有杯熱飲跟埋，雖然整體嚟講口味麻麻地，不過可以以街坊價填飽個肚，算係咁啦😁…查看更多