靚餃

营业中

休息中

食過幾次 啲餃子好大件好好食！職員態度都好好 好有耐性叫左個set (麻醬拌麵+ 5隻湯餃 $65)同埋6隻湯餃 $42麻醬拌麵啲醬落得好足 但偏鹹同漏😖餃子嘅話大推芝士粟米同招牌韭菜～鋪頭用商場中央冷氣 所以食到出哂汗😥但overall 體驗良好！😋

喺荃豐地下嘅一間餃子餐廳，可能食慣附近另一間另一間賣餃子嘅餐廳，覺得佢嘅餃子比較細，不過味道都ok嘅。而且價錢都好抵食，一個湯麵，五隻煎餃，包埋少少涼菜同埋一杯豆漿都只係60蚊。餃子都唔錯，今次嗌咗芝士味，餃子皮幾薄，餃子嘅餡調味都唔錯，就只係細隻咗少少上海麵就相對比較一般，湯底也沒有什麼特別，比較淡啲，涼菜就正正常常啦，本來都唔係特別鍾意食。杯豆漿都係正常水平啦，冇咩特別。餐廳位置都算大，坐得都幾舒服，環境亦都算乾乾淨淨。

平時吃港式早餐多，今天改吃一份餃子早餐。這店位於地庫，不過非常開揚，因為這店沒有自己佈置的天花，一眼向上望就可見到商場的一，二樓，店內的坐位多，用木做檯椅，擺設簡簡單單，吸晴是有一幅大牆畫，繪畫了卡通版的餃子在上面。早市套餐有三款，我選了一款有四隻煎餃配米線和熱豆漿，餃子有九款可選，有很多款式都真想吃，令我有點選擇困難，最後選了最傳統的韮菜餃。上檯時一整套食物已放在膠盤上，擺放整齊，一大碗米線上放了炸菜絲，旁邊是一碟四隻餃子與香醋，然後是一杯熱豆漿，有筷子，有匙羹。米線爽滑，用炸菜絲伴吃，帶著鹹香味。韮菜餃煎得香脆，餡料滿滿，韮菜味道濃郁，混合豬肉和馬蹄粒，吃到爽快口感，味道鹹淡適中，醮不醮香醋都同樣好吃。四隻餃子，大小均衡，煎得靚靚，果然是靚餃。豆漿有豆味，有點起沙，口感綿密。這份餃子早餐也相當飽肚，久不久換換早餐的口味也不錯。

之前無意之中，去咗呢個商場搵嘢食，一入到商場望去下一層就見到有間餃子店，試完之後覺得搵到寶呀！😍係勁好食👍🏻👍🏻👍🏻之後每次經過又搭車返屋企嘅時候都會買外賣生餃子返屋企😌$54/12隻 🥟有9隻味～傳統韭菜，芝士粟米，木耳椰菜，田園洋蔥，咖喱薯仔，麻辣旺菜，香菇甘筍，香番芫荽，日式蟹皇🥟見到一排排好乾淨整齊，每一隻都脹卜卜，睇見都流口水🤤🤤🤤芝士粟米餃，個餃子皮薄得來煙煙韌韌，芝士仲要拉絲👍🏻👍🏻日式蟹皇餃子抱住伏嘅心態試，大大粒好實淨，自己覺得勁好食！

聽人講呢間餃子店的餃子性價比高，就嚟試吓。點知是一次唔好的體驗，店員會在客人面前發脾氣，批評客人。真是唔知可以講咩啦🥹叫左香菇甘筍餃和日式蟹皇餃。野飲和餃子要整好才一併送上，其實可以先送上野飲。杯凍鴛鴦，真是極品。一啲茶味和奶味都冇，都唔知咩味。一間餐廳，基本的野飲都唔得🥹餃子未食，已爛皮，真是皮薄啦！餡料是足夠的，尚算大隻。但是，香菇餃的餡，未搞碎，有一小塊骨，慶幸牙齒夠硬正。湯底是味精湯，唔飲都唔可惜🥹

兩個字靚餃，上星期午餐經過後見到呢間舖食餃子。 決定星期一同同事去開飯。 餐牌有多款餃子及越南嘅檬粉可以選擇。 當見到有越南檬粉嘅時候我已經決定要食佢。因為越南嘢食在荃灣區 越嚟越少。最緊要係快豬扒好唔好味， 試落去味道又唔差有加少少黃薑。 另外檬粉配埋檬汁恰到好處。 我見到著校服嘅學生係多一個甜品添， 對學生來講係一個大滿足😋。另外我同事食嘅餃子都唔差叫咗八隻， 可以嗌左兩款唔同口味。 下次我可以多個選擇👏🏼。 值得推介

午飯時間嚟到荃豐中心搵嘢食， 經過‘靚餃’見到差不多滿座，便入去試試. 叫了午餐C, 淨煎餃8隻，可自選兩款餃子，我選了韭菜餃及咖喱薯仔餃🥟，包一杯飲品，$55. 餃子肥嘟嘟，脹卜卜😋， 餡料新鮮，調味適中，不會太鹹. 食完後，已經諗緊下次再嚟試吓其它餡料的餃子😊. 飲品叫了我鍾意的熱檸水，每次我都會留意餐廳的檸檬水會唔會有澀味，靚餃店的檸檬水，完全合格，好滿意. 店內裝修普通，但係佢哋嘅餃子令人回味，期待下次再嚟.

超抵食下午茶（假日都有）六隻餃子+飲品 五十蚊內餃子皮薄餡實在（咬落好足料唔會鬆泡泡個種實在）例牌必點韭菜及芝士粟米韭菜新鮮香味四溢湯面附一大片紫菜可以食到飽肚既下午茶可以話真係價廉物美！

鍾意食芫茜既朋友一定要試佢芫茜餃 超好味 款款都皮薄餡多 平時食餃子都會胃痛 但食佢依間完全無 應該因為佢做既皮真係夠薄 試過芫茜同麻辣旺菜 都好好味平時唔特別鍾意食餃 但依間餃我食左一次會好想繼續食多幾次 支持支持

星期日，入店時已經5:50pm，原來仲有下午茶供應，揀咗一碗六隻水餃，可以選擇兩隻味，包一杯嘢飲，都只係$46，幾抵!餃子大隻，好多餡，反而個人略嫌皮太薄(令餡變咗主角…)揀咗芫荽餃和韭菜餃，兩隻味道都好食好香！仲有附加好多紫菜另外一讚是店內各服務員都對客人好有禮貌，而且適當地建議食品不過，因為店位於商場的中庭底層，沒有蓋的感覺很沒安全感…

難得放假同朋友一齊去食餃子，之前食開同一間中心嘅餃子店，今次試下新野！嚟到靚餃一食好有驚喜！環境方面，店舖位於商場嘅中庭，較為空曠，座位算闊落，繁忙時間都唔會話坐得迫。坐低後店員就會比餐牌你。食物方面，餃子皮無論湯餃子定煎餃子都可以做到好薄身，但又唔會穿窿，煎餃外層脆身，餡料好新鮮，食得出冇味精。至於味道方面，麻辣旺財同埋椰菜木耳都好好味，肉同蔬菜比例各一半，唔會話食唔到肉或者才其中面，芝士粟米都好出色，芝士味出，不過蟹子餃子就食落有少少似龍蝦丸。總括而言，我好鍾意食啲好薄皮嘅餃子，所以超級鍾意食呢一間，都推介同我一樣鍾意追求皮薄餡靚嘅餃子嘅大家嚟食！

今日超想食餃子，餃子引發作😅行入呢間‘’靚餃‘’，叫了傳統餃子麵及煎餃🥟真係食到舔舔脷💯［食後感］🔖✔️餃子新鮮，大大隻💪單吃餃子都已經飽了✔️真材實料🫰若湯底有選擇更加好✔️豬肉餡比較油潤，肥肉偏多，都算彈牙😋✔️什錦餃子，有齊8隻不同口味的生餃子，再加上4隻自選最愛口味，一打12隻外賣生餃！🥰🥰🥰在家放湯煮，好吃😋放冰格𥚃，隨時取出來自己煮！😍💫總結食品美味有質素、環境舒適🥳值得推介👍

今日去試食佢嘅煎餃子一款係洋蔥另一款係芝士粟米再揀埋杯凍奶茶佢嘅奶茶係茶餐廳幾十年嘅師傅沖的茶香味濃 奶味都好夠好飲到同出面奶茶嘅分別一間餃子鋪仲奶茶都咁好飲！ 有啲驚喜，所以問佢哋先至知。洋蔥餃好香好甜，粒粒都好飽滿煎到外皮脆一脆，真係幾好食。芝士粟米餃嘅芝士就好多肉地好夠，非常厚實。食完都好夠飽~ 環境方面，盡量都安排每個客人有獨立一張枱，坐得都舒服，因為喺商場中間，所以好有空間感。出菜速度，知道佢係即煎嘅餃子，所以都要等一陣。

噚日（1-7-2024 Mon）公眾假朝，同老公買餸前食早餐，又去邊喥食？荃豐地下嗰兩間茶餐廳？老公就成日要食餃子，落到去，見到我未食過嘅呢間，咁試啦。坐低後睇menu，早餐有三款，我決定要$38.00嘅湯餃麵餐，4隻日式蟹皇餃，要米線，飲凍豆漿。老公要$42.00嘅煎餃早餐，3隻芝士粟米餃，3隻香蕃芫荽餃，要凍奶茶。落完單，等咗9分鐘，所有嘢至到嚟，睇見老公嘅凍奶茶好深色，飲吓先，夠凍，茶同奶味都飲到，唔澀但甜咗少少。4.5分我杯凍豆漿呢？唔夠凍，豆味唔濃唔算太甜。2.5分啲餃都大粒飽滿，先食日式蟹皇餃，咬開睇到有豬肉同脆卜卜蟹籽，而唔係想像中嘅蟹皇，老公提醒我個‘’皇‘’字唔係‘’黃‘’字。係喎，咁我咪捉咗蟲？4分米線就彈牙，個湯係胡椒湯，唔會太辣，係OK嘅。5分然後食老公嘅煎餃子，先食香蕃芫荽餃，一咬就係芫荽味，成隻餃係冇肉，只有芫荽，其實我想問，香蕃係咩嚟？唔係番茄，唔通個‘’香‘’字係形容詞，形容蕃芫荽？但上網查，蕃芫荽係香芹，而我哋只係食到芫荽味。3分而芝士粟米餃呢？一食就食到芝士味，雖然只見到粟米粒同豬肉，呢個就有驚喜。4.5分不過煎餃冇煎到脆，所以扣啲分。 衛生：有蠓。

餃子很好食，皮薄餡靚，湯底可更多層次。老闆態度很好，值得推薦！是比較健康之選 面底多選擇 可選擇米粉米線或撈檬 有創意但建議早點去 太遲去會賣晒餃子和面底看到很多人點酸辣湯 相信應該幾好食 下次會試我們點了芝士粟米餃 香辣旺菜餃 咖喱薯仔餃 木耳豬肉餃各點了一個湯餃一個煎餃湯餃湯底是紫菜湯 湯底10分濃郁 紫菜量多煎餃皮脆不油膩比較推薦木耳豬肉餃 口感清爽特別但略嫌餃子餡味道比較淡 相信店舖是走健康路線另外如果重口味的 可以問老闆娘攞辣椒油