青葉海鮮酒家 (佐敦道)

喺佐敦想搵間抵食又好味嘅點心酒樓？青葉酒樓係唔少街坊嘅口袋名單！下午茶時段特別划算，幾十蚊就食到心滿意足～🥟 鮮蝦菠菜餃 - 蝦肉爽口，菠菜清香，皮薄餡足🍡 鮮竹牛肉球 - 口感鬆軟帶陳皮香，配上喼汁更惹味🍚 香菇蒸雞飯 - 飯粒吸飽雞油同菇香，雞件滑嫩份量足🥢 燒賣 - 傳統豬肉餡，肥瘦適中，熱辣辣上枱環境係酒樓格局，坐得闊落，服務爽快。下午茶時段唔使等位，適合一個人靜靜食個快飯，或者同三兩朋友飲啖茶、食個包。人均$60-$80已經夠飽，性價比高！…查看更多

最近同屋企人去佐敦青葉酒家試咗個「金豬龍蝦超值宴」，份量十足，性價比高，絕對係街坊隱世好選擇！ 📍 背景：佐敦圍菜難得抵食喺佐敦食圍菜，大廳價動輒四五千蚊走唔甩，想食好少少但又唔想太貴，街坊推介嘅青葉酒家就成為我哋嘅選擇。今次試嘅「金豬龍蝦超值宴」真係冇令人失望，每碟餸都大大份，一家人食到捧住個肚走！ 🍖 乳豬全體：皮脆肉嫩，水準超高一上枱，侍應會先展示原隻乳豬，確認後即場剪件，儀式感十足！乳豬皮脆到「咔嚓」聲，肉質嫩滑唔乾柴，完全唔似一般酒樓嘅預製貨，絕對係現叫現做嘅高水準！ 🦞 芝士龍蝦伊麵：龍蝦肉彈牙，芝士濃郁 可以揀芝士或上湯，我哋當然揀邪惡嘅芝士焗！龍蝦肉大大嚿，鮮甜彈牙，伊麵吸滿芝士醬汁，份量足夠12人分享，抵食！ 🐷 XO醬黑豚肉炒礦片：鑊氣足，西芹清新 黑豚肉嫩滑，礦片爽口，加埋XO醬爆炒，鑊氣十足！瓜嘅清新平衡返濃味，整體味道剛剛好，唔會過鹹。 🍗 宮廷鴛鴦骨 & 炸子雞：香口惹味鴛鴦骨炸得香脆，略嫌鹹咗少少（可能我口味偏淡），但屋企人就覺得OK。炸子雞皮脆肉嫩，水準穩定，係穩陣之選。 💬 總結：街坊價錢，酒家水準呢個宴性價比真係高，乳豬同龍蝦兩大招牌都有齊，其他小菜亦保持水準，適合家庭聚餐或節日慶祝。如果喺佐敦想食圍菜又唔想太貴，青葉絕對值得一試！ **推薦指數：★★★★☆（抵食大份，乳豬必試！）** …查看更多

🚀隱藏在鬧市中的美食天堂，你絕對想不到的美味就在這𥚃！🍲馳名瓦煲花雕雞配煎兩面黃米粉就是一絕🔥，每一口都是傳統與創新的美好結合！豬仔腳🐷前菜讓人回味無窮，南澳龍蝦🦞海魚兩條，炒花甲🦞椒鹽炒蟶子🐚，每一道料理都令人垂涎三尺😍。最後用魚香茄子煲配上白飯🍚，完美收官！別再猶豫了，趕快來體驗這一份屬於你的隱世美食吧！📍地址：佐敦佐敦道41號瑞香園大廈地舖🏠#美食探店 #隱世美食 #青葉海鮮酒家 #佐敦道美食 #香港美食 #地道美食探索…查看更多

好多時都同屋企人食青葉，大枱成班人張凳軟腍腍坐得幾舒服，今日飲中午茶見到有啲新菜式，不過不失。白雲鳳爪: 醃得好入味，鍾意酸辣嘅朋友可以叫。虎皮尖椒:好好食，讓得好足料好多魚肉，有辣有唔辣，就返又家人鍾意食辣同埋唔鍾意食辣。芝士春卷: 麻麻哋啲芝士好漏，不過個炸皮幾脆。乳鴿:正常發揮好好味，$57一隻。 糯米雞:好多糯米飯好少肉餡，個糯米飯外表有啲硬好似擺咗一段時間再蒸，入邊啲肉餡唔會太鹹幾好味。路邊腸:好彈牙好好味，豉油另外上好細心，叫多咗個俾小朋友食。炸奶皇包:本身屋企人好鍾意食奶皇包，佢有流沙奶皇包同埋炸奶皇包揀，咁我哋諗住炸奶黃包都應該係流沙，點知炸奶皇包唔係流沙，個包皮炸到好似炸饅頭咁，個包皮有啲油又唔係特別脆，入邊啲奶黃偏深色好似橙色咁色素唔似平時出面啲奶皇包黃色，麻麻哋唔推介。…查看更多

今天 到青葉食晚飯 見到有個新菜牌‘有營套餐’果然唔錯。有營又好味😋👍😀食物好 味道好 首先來一個海鮮羹 跟住蝦球炒西芥蘭花。還有一個蛋白瓜絲蒸魚片 青菜炒雪耳雲耳。再來一個帶子苦瓜蛋白烙餅。這個蛋餅很軟滑👍四人套餐足夠五個人食。座位不算太逼夾。媽媽都很滿意。好奇怪 懂得到佐敦分店的人唔多。相反見到有好多唔好味的食店只要有YouTuber提一提啲人就傻傻地去排隊 踩雷青葉的叉燒也是很多錯的有機會不妨去試試俾個評語出嚟比較一下給識食的人多個選擇真心推介…查看更多

今次同屋企人試新酒家，試咗幾個特別嘅菜式，其中一個焗叉燒需要預訂，特別之處係中間夾住鹹蛋，叉燒煮得好淋，鹹蛋嘅鹹香味配埋叉燒好夾。另外蝦多士亦都好出色，炸得非常香脆，而家唔多地方有懷舊蝦多士食。亦點左雞，雞肉非常滑嫩，有驚喜，我哋一行10人好快就清晒隻雞。奄仔蟹需要提早預訂，奄仔蟹上面加咗爆香咗嘅蔥同埋蒜頭，非常惹味，奄仔蟹嘅肉質鮮甜。糯米飯用上咗臘腸蝦米等配料炒香，一上枱已經聞到好香嘅味道，糯米飯飯粒分明，軟硬到剛好，有驚喜。…查看更多

首次光顧青葉，食材用料算新鮮，整體味道不錯。菜色方面，今晚二人品嚐了鎮江骨、秋葵松茸蝦仁、青葉小炒，都是拌飯吃之選。飯後有免費綠豆沙甜品，相當不錯。唯一美中不足是白飯不熱，不過服務員也儘快補上一碗熱騰騰白飯。晚市差不多6:45後才慢慢熱鬧起來，經理發現廚房無大蝦，親自去買新鮮蝦過來滿足顧客，真抵讚。餐廳入口不太顯眼，二樓地方較小，空調也不足夠，後期顧客多了顯得比較熱。大門接待員很殷勤，來去都有禮貌對答。…查看更多

呢度算係新少少既酒樓,估唔到服務同食物都幾有水準!下午茶套餐 點心拼盤加焦糖燉蛋 有5種點心加甜品一款 另收茶位費 環境算乾淨舒適有服務鮮肉燒賣,蝦餃,叉燒包,粉果, 饅頭 蝦餃比起一般既細隻,但蝦肉鮮甜爽口, 叉燒包爆口叉燒餡汁多香甜麵包鬆軟粉果夠大隻食到唔同既蔬菜花生粒好有口感,個皮幾煙韌~燒賣細細粒,但肉味夠甜同幾彈牙最特別係有焦糖燉蛋食, 燉得好香滑入口即溶,配上焦香甜味,味道出色消費$80佐敦佐敦道41號瑞香園大廈地舖…查看更多

疫情籠罩下，已經大半年無去飲茶，限聚令放寬少少就嘗試下飲個茶啦，星期六朝早，天氣麻麻，要飲番個靚靚茶靚番個心情先一上到去，原來已經好多街坊飲緊茶，不過大家都係自己飲自己，好守規矩傳統嘅味道真係難以抗拒，我地點左<煎虎皮尖椒>一上台就聞到好香，姐姐仲要淋埋豉油，風味倍增<蟹子燒賣皇>好靚嘅貌相，仲有好飽滿嘅肉餡<鮮蝦香茜餃>皮鴛韌，芫茜味仲好夠<潮州蒸粉果>餡肉花生果肉都好豐富，掂埋辣油好好味<蒜香蝦春卷>券皮炸得好香脆香口<鮮竹牛肉球>14蚊特惠價，但上來係實惠嘅牛肉球<魚湯鮮竹卷>依然14蚊嘅特惠價，但湯濃味餡料豐富<香草綠豆沙>都係14蚊，味道平衡，唔係得個甜字埋單唔洗過300，可以食到久違嘅味道，好滿足…查看更多

今年冬至碰巧是星期天，老公的陳家選在正日做節，而自己的李家也例必選正日，所以無緣吃「兩家茶禮」！平日見友人經常惠顧佐敦一家街坊酒家，不是大閘蟹餐、便是羊腩煲、乳鴿、臘味、乳豬等中式邪惡之物，不知吃得多誘惑，遂知這家酒樓來得不太街坊！可惜一直沒有機會光顧，唯今年陳家的冬至飯由我們發辦，於是機會便來了！靠近佐敦碼頭的「青葉」，空間不大、樓分兩層。二樓早給預訂了，但還來得及在一樓劃出空間。陳家六圍的人數不算很多，但安排起來也不簡單！據友人告之，堂剪金豬是必食，最佳是訂全隻，於是開席時，各侍應紛紛忙於在席上把金豬剪開，就連經理也得落場幫忙，從而了解到中式酒樓缺人的狀況。果然這道堂剪金豬全體入口不油，皮脆肉香、醃味恰好，雖脂肪比例不及乳豬，但整體做得不錯！芝士波士頓龍蝦伊麵亦是當晚驚喜之作！平日我不怎吃這類的龍蝦菜式，但入口龍蝦肉鮮甜爽彈，有別於一般酒家所用的雪藏貨色，意料之外的好料，且龍蝦的份量亦不少，大家吃得多滋味！伊麵混上不會過稠的芝士汁，當然成為小朋友的至愛！隨後是野菌蝦球帶子，帶子炒得嫩滑，最喜歡是爽口的西芹，調味柔和、更沒有稠密的芡汁，口感清爽自然，舒暢也！再來也是我喜歡的蔬菜 — 鮮菇扒豆苗！要讚的是豆苗份量澎湃、毫不吝嗇，調味同樣是清怡自然，不錯不錯！在大鍋的北菇海參扣鵝掌出場前，大家先品嚐了傳統的紅燒竹笙海皇翅。海皇翅就如一般的街坊口味，所以不太著墨了！至於北菇海參扣鵝掌，大家都爭相追吃養顏的海參，所以海參最快清掉的，縱使燜煮得不膩滯，我們使盡了食力，也無法將全鍋吃清，份量實在太大了！同坐的長輩突然問道：「若然自己來吃，份量會同樣那麼大嗎？」！對愛吃及懂吃鮮魚的陳家來說，清蒸沙巴斑當然不是他們杯茶，有餘有餘，意思意思吧！大家食力已消耗了不少，再來的當紅炸子雞不過不失吧！主食還有生炒糯米飯，統統給打包去。甜品是紅豆沙，還有祝福桃包、哈蜜瓜和火龍果！是晚這個名為「冬節合家慶團圓」的套餐，每席 HK$4,680 包加一及茶芥，首先是每道菜式份量之大令人詫異，而當中菜式如堂剪金豬、芝士波士頓龍蝦伊麵、北菇海參扣鵝掌和蔬菜也令人印像深刻，得出整體勝價比高的結論！下次有機會一定會專訪，一嚐佐敦「青葉」的與別不同！…查看更多

路過圓方，原本諗住食埋晚餐，點知全場都係拖喼怕左佢地，寧願行遠D。行下行下去左柯士甸站，原來附近都幾多食店，方便喎。友人想食中菜，見到一間幾 local 的，都乾淨企理，試吓囉⋯⋯環境唔錯，自成一角頭盤是黃金脆豆腐 （$55），皮脆肉滑，好豆味，抵食。還有滷水豬仔腳，入味又夠淋 （$78），可惜只有五件是有肉的，下層是皮＋骨。晚飯有孖寶，唔叫就走寶.....揀左 E 餐 有 BB 鴿 + 炒龍躉球 （$248） BB 鴿 麻麻地，淋左，皮又 un un 地 ，唔似即燒噃 🤔炒龍躉球，好正！夠魚味，滑！ 西芹亦入味清甜。不過魚片太少，只限每人一件 😭竹笙羅漢上素（$88） - 擺碟精緻又好味，份量又係少左DD。柱候蘿蔔牛腩 （$98）， 呢㷛夠大碟，牛腩夠淋，蘿蔔入味，味濃。隔離果位係咁用牛腩汁撈飯 🤣生炒骨 （$108），正常味，正常size, 不過淋左D，炸得唔夠脆。白飯 $13 一個， 茶位 $12 一位。冇甜品水果送， 埋單每位近二百，價錢都尚算合理。但每碟份量偏少，唔算好飽囉，返屋企要再食⋯⋯…查看更多

今晚同家人食飯，喺青葉訂左一圍十五人，總共九味餸。呢個宮廷鴛鴦骨，一邊係椒鹽骨，好香口，一邊係糖醋骨，又腍又入味，好食。沉香花膠烏雞湯，剩係睇呢碟湯渣都知足料。呢碟個名好威，叫金龍吐珍珠😂龍躉兩味，我覺得炸好食啲，粉唔多，香口，厚肉。鮑魚粉絲煲！啲鮑魚算好大隻，但唔韌，鋪面嘅金銀蒜蔥好香，啲汁落晒粉絲，好入味，加埋芽菜更爽口。呢個籠仔海皇飯又係好食，超多料，有蝦、魚、金針、黑木耳、矮瓜等，成籠飯都好鮮味。可惜食到尾只可以淺嘗。唔知係我地細食家真係碟頭好大，我估有三份係打包走的。…查看更多

跟朋友一起吃晚飯， 他們帶我到青葉佐敦店， 本以為青葉與一般酒家質素一樣， 食完覺得他比一般的要好 😄😄黃金涼瓜， 黃金呢味嘢真係同乜都咁親， 涼瓜微甘，顏色翠綠， 這個炒得有一點濕， 可以再乾身啲就perfect喇 😍半邊乳豬仔， 朋友話記得叫佢揀啲 瘦啲嘅豬仔! 😆 皮脆肉嫩 ， 用手揸住嚟食好暢快海參冬菇鵝掌煲， 每樣材料都好厚肉 😌黃酒雞煲， 即係花雕雞啦， 花雕汁偏甜， 大家都特登為呢個汁叫咗一碗飯 😃。 這隻雞比較肥， 香港的雞普遍沒有運動吧 😂😂 雖然肉質嫩滑， 但飢詩比較喜歡走地雞， 雞味重，肉質彈牙 😄 最後呢味， 紅燒豆腐？ 其實唔知叫咩名 😅 豆腐旁邊嘅支竹 很厚身，新鮮的，有驚喜 😃總括來說，好彩朋友識叫餸， 如果唔識，可能未必食得出呢個高質素嘅晚餐 😃飢point : 8/10#hungermarch #非飢詩 #飢詩…查看更多

人唔多, 坐得舒服, 同好友坐左個半鐘, 愉快下午茶嗌左蝦餃, 燒賣, 蝦腸, 小籠包及鵪鶉蛋燒賣, 每樣都咁好食蝦餃粒粒大隻, 蝦肉新鮮彈牙, 係我既至愛小籠包雖皮唔太薄, 但勝在湯汁鮮美, 唔錯…查看更多

佐敦青葉酒樓【早茶，中午，下午茶，晚餐，酒席】基本都有在此吃過，今天原約友人在此中午餐聚；友人因有事情忙未能到達，唯有2人叫些基本點心和麵食。此店上菜一向快，好快所落單食品到齊。拿《义燒包》咬一口後(吐出)，那(油益味)太重了；立即通知伙計，她們也好快速答:取消(义憢包)。後加了蘿蔔糕。在此希望店家注意:【夏天天氣熱，店家對食材存放應要注意；由其已熟肉類易有變化，(油益味)代表有油已經有變。《食材油變的傷害不可輕視，這就是會影響人肝臟的危險食品。》希望店家的㕑師有點同理心，客人健康唯本加入一點《心》去製作。】由其這店大多是附近熟客，這就是一長遠傷害😧!…查看更多