青葉日本料理

好想食放題，事關小妹真係太中意食日本野~但自問因為食得多所以已經煉成一把腌尖咀 不過今次呢間又比到驚喜喎~~原先食之前睇左d食評以為麻麻，但親身試完真係覺得可以推翻晒！先講刺身，因為同朋友慶生，而朋友又中意食海膽，所以特別訂左~一坐低填好刺身後師傅已經好快搞掂上台~碎冰底有裝飾好用心，砌得好有傳統日式老店强調的風水畫同亭台樓閣feel~做得好好~]試味之下，海膽無得彈，鮮味到不得了，三文帶子吞拿北寄樣樣都好掂！好新鮮！蝦係極大的，肉質爽之餘勁有蝦味，蝦頭勁多羔，諗番起都開心~ 小食同壽司種類都夠，小食一睇就知師傅又係別有用心地汁過，所以賣相好靚仔~]虎蝦刺身d酸汁好match,,而且蝦係夠晒新鮮，超好味~蟹沙d蟹子絕對唔會偷工減料落得好足，而泰式鳳爪都ok, 唔會過淋或者酸，完了唔係齋溝白醋既效果，要知道大x屋果d就係一味得個醋酸味，所以呢個係good既！ 另外壽司都好味~個人最中意食卷物，呢度既軟殼蟹係正既~蟹又大件又夠味，係某d以軟殼蟹為皇牌既連鎖例如元x 都做唔到既~~非常抵讚~~最後係和食，金姑肥牛卷同焗蠔很好~~本來打算再encore, 但小妹的胃沒有想像中大所以最後都係無叫，，但係係值得一讚既~~~ 總括而言，呢個價位係尖咀，有呢d質素既野食真係抵到爛。。。。都唔知個老細有無得賺既~~但作為食客既我係非常開心的！一定會再encore!!!!!! …查看更多

兩個傻仔係尖沙咀行左好耐, 想食既又無位, 最後見呢間無人等位就入去啦, 之前係旺角食過諗住應該唔會 中伏既! 點知總是事與願違...壽司-唔知點解啲飯係熱既, 啲刺身都係熱既@@...味道還可以, 感覺只係好食過爭鮮少少。刺身-甜蝦都幾大隻, 但唔太新鮮, 唔敢食蝦頭:( 三文魚切到勁細塊, 仲痴左啲啡啡地既皮, 真係救命同明將有得揮;帶子係勁細粒嗰啲, 算不上是帶子吧? 馬刀背好似係唯一正常啲, 幾爽口。天婦羅-炸蝦太多粉, 蝦亦唔新鮮;蕃著同南瓜就不錯, 都幾甜; 蟹柳都好味既, 應該都幾難唔好味?燒物-羊架係咪俾人切哂啲肉先上桌俾人食?黑椒味重到...食左一啖就放棄了; 雞軟骨同菠蘿係唯一值得俾正皮既, 兩樣都燒得好好味; 燒蕃薯仔幾特別, 睇樣好似燒燶左既芝士腸哈哈, 但幾甜幾好食既! 鹽燒海老都幾好, 係三款蝦入面最新鮮既~其他-炸蠔都幾恐佈咬左一啖食唔落; 炸芝士豆腐ok啦, 呢啲死唔去; 牛柳粒又軔又鞋, 都真係唔試好過試; 金菇肥牛我的媽, 咬極都咬唔爛點食啊? 甜品除左雀巢雪糕其他可以唔洗試!已唔想再講其他食物 價錢$238一位再加一, 呢個價我相信可以食到更多更好既野!…查看更多

今日去試近近地既放題，本身冇諗住打，因家庭簡單食一餐，但食到唔服氣，不吐不快。事由成日行過都冇咩留意, 見到佢有85折, 又有二人同行一人半價, 咁四位去食就送一位 :) 聽到都幾吸引, 5點55分就去等, 都有2-3家人等緊, 六點2分先有人上黎, 算, 之後同佢講食二位同行一位半價既, 佢就話七點半前要埋單走人, 唔係要收正價,雖然見易拉架係寫6點到7點半(限食一個半小時), 但你又遲, 又到我地準時, 算x2, 今次當試下, 唔係見個價錢吸引,  入座第一時間寫單, 4個人叫20 件三文魚,20隻蝦，其他刺身就10件，炸蠔芝士豆腐八爪魚丸，羊架牛柳粒雞串，烤冬菇雞翼雞軟骨，蟹柳天婦羅蟹柳沙律，前菜有泰式生蝦，我地都好中意食蝦，叫20隻試下先，叫埋軟殼蟹同海膽手卷，一支清酒，一分鐘寫住咁多即刻俾單，因為都唔夠個半鐘食，但個侍應好悠閒咁講笑，而家六點幾ja,都唔知佢知唔知佢公司出既優惠同限時架過左幾分鐘有個人拎返張泰式生蝦紙返黎問，泰式生蝦一隻一個碟既喎，你地要20件唔夠放，心諗頂你，我問佢唔可以好似刺身一大盆上?邊個會知青葉要一碟仔咁上喎，佢話唔得，試下一碟仔多放幾隻咁就走左去啲人都特別等成十分鐘先上野蟹柳沙律同泰式生蝦四碟仔，一碟兩隻，得八隻，我問佢我叫左20隻喎，佢覆我"邊叫到咁多"我再講多次，我再講"我寫左20隻"，佢唔理我咁走左去頂，咩服務黎，生蝦個汁唔夠味，日本放題有生蝦都係流流地，兩淡食完又等，之後上烤冬菇雞翼雞軟骨，都覺得係冇醃過，連味粉都冇咁，烤得ok,但冇味，食完又係等，出菜既速度唔睇到仲以為係好忙，睇到出菜廚師好慢慢做，侍應好悠咁行黎行去，終於上碟刺身啦都冇20件三文魚同20隻蝦既，全部都係10件10件咁，都唔知係落單食左定係公司潛規則，食住先，邊食邊寫單落野，唔係咁等落去，十點都上唔到多一轉野食，意外個刺身都正常，清酒到心諗出面清酒一支都5，6十蚊，試下任叫既差幾遠，清酒個味點解好似溝左水咁既，不過感覺都係溝左少少水，清清地，之後到手卷上到，軟殼蟹意外的ok,可能炸野都唔得太收得鋪了，但個海膽份量少到喊，其他野都上埋卦，都唔記得叫左咩，有野食就算，叫多轉三文魚加赤蝦，20件都只係俾10件，叫個朱古力波，等左都好耐就問佢，佢先話冇，頂，冇就出聲啦，最後試埋個甜品，芒果布甸，快手都一分鐘就上，其他野食就等成十分鐘囉…查看更多

話說某位莊員生日，我地陪佢去青葉食放題慶祝生日。放題餐廳通常都因為成本問題而提供劣質刺身比人食，但係呢間餐廳完全出乎我意料之外，雖然只係比左$220蚊，但係食到極高質素既刺身，非常抵食！無論係三文魚、油甘魚、甜蝦、劍魚、北寄貝、帶子，都非常之新鮮，啖啖魚腩，食到我地鬼死咁滋味。特別係三文魚同甜蝦，可謂入口即融。另外，除左刺身外，青葉都比我地任點唔同既食物，例如燒物（牛舌、羊架）同天婦羅，種類繁多。最後，青葉仲送免費雪米滋比我地食，非常貼心！…查看更多

與朋友慶祝生日，選了尖沙咀的青葉放題。入到去枱與枱之間很闊落，唔會話坐到好逼。 可惜呢度服務態度好差，話說我地發現少左隻碟，個侍應居然叫我地'你自己係隔離枱拎住先喇'之後成個過程d態度都唔好,人手不足,經常性無人接單，要等好耐先落到order，而且漏單情況嚴重。食物方面，刺身尚算新鮮，隻隻甜蝦真係好似推廣所言，好大隻，但每隻都係連腸上，無乜鮮味，感覺噁心。而其他食物都係好一般，淡而無味。甜品有雀巢雪糕，是日糖水係芝麻糊，朋友話好好食，另外仲叫左芒果布甸，一d味都無,十分差。:(:(整體黎講，咁既價錢但咁差既質素，唔值得推介，唔會再黎:(…查看更多

今日同朋友尖沙咀區食飯，緊係睇吓邊到有優惠啦！上OPENRICE APPS 見到青葉有85折，就去試一試。:)，環境比較暗，有D似居酒屋，:)食食吓見到隔離張枱有人燒烤，原來加二十蚊可以自己燒日本大帶子、松葉蟹殻、雞泡魚乾⋯⋯可以一邊等食物一邊燒嘢食都幾好玩，刺身有巨型珍寶甜蝦、油金魚都新鮮，八爪魚新麻麻地 ，馬刀貝、希靈魚都OK⋯⋯壽司款式不夠特別而且少款式，軟殻蟹手卷夠脆，小食有泰式生蝦刺身， 焗蠔個煙肉芝士醬好味，蟹肉翅就一般，炸芝麻球好得意，串燒雞翼、羊扒夠香口，燒栗米好似放咗好耐咁，:( 飲品不夠特別，勝在有清酒任飲。…查看更多

朋友聚舊揀吃放題，之前間中都去青葉，覺得地區和食物都ok，所以一早訂位了。訂位訂左7點鐘4位，差不多7點就到達，服務員立刻安排座位，不用等 首先點飲品先啦，雖然種類比其它放題少，但有清酒任飲，都算不錯。跟住緊係刺身加壽司啦，刺身方面基本的：三文魚、白玉豚、鱆紅魚、蝦、螺、糠心鮑片，大致的都有，而且仲有我最鍾意的帶子添 只order兩款壽司(費事吃飯吃飽了)：火灸三文魚壽司和軟殼蟹手卷，賣相ok，唔太大飯。開始我的燒物了，雞翼、羊扒、燒蝦，我的至愛：雞軟骨，燒得都好好味 之後開始掛住食同傾計，已經沒有再拍照了。其實我覺得青葉的食物比較以前是多款式左，我地order左有焗蠔、焗田螺、焗帆立貝、抄牛柳粒、鐵板抄菜、涼瓜抄黑豚肉、蒜香抄腎等等…仲有叉燒拉麵、炸蝦拉麵、蟹子抄飯，分量唔太多，share食。服務員收碟及落單都好快速，整體都ok，已相約下個月再來了 …查看更多

好難食！真係好難食！！忍唔住要寫一寫！！！今日行過厚褔街見到有間放題，諗住未食過試下依間，點知中哂伏。唔明點解食放提可以慘過食屎！1：刺身叫左四樣，不過勁唔新鮮，一食幾舊已經肚痛…凡立貝得手指甲咁大粒，仲要好似熟熟地咁，再加有沙既，好似解唔切凍用熱水解咁樣。果d蝦刺身又梅又腥又臭，真係唔得。而三文魚同蟹棒就冇特別。2：串燒，叫左虎蝦，菠蘿，日本冬菇，翠玉瓜，茄子。個蝦都係梅既，個翠玉瓜又係臭臭地，比較好食都係個菠蘿。3：天婦羅叫左蝦同番薯，除左個粉勁厚都冇咩野既4：小食方面，叫左牛油栗米同青酒煮青囗。栗米好咸冇牛油味，d青口又係梅既。5：d壽司，同刺身果part一樣，都冇咩好講，d飯唔係日本米又一定嫁啦，但唔明點解仲可以係一pat咁，無話可說。第一轉食左咁少野已經埋單走人，因為真係好難食，但我地都食哂d野，除左因為本住唔想浪費食物既原則食哂d野，最重要係個經理塊面真係好黑，係黑得好緊要果隻，我好驚食剩d野食比人鬧，真係好驚。今晚個感覺真係好差，除左要比錢同食哂d好難食既野外，我仲要痾左好耐好耐好耐好耐...........…查看更多

一行四人，臨急情況下walk in到青葉眼見dinner時段都居然唔爆場既局面心諗都應該有少少瀨撻，好彩冇令到我失望，因為真係瀨左撻:(話說客都唔多個既情況下，員工啲手腳都幾慢下，可能真係做又36，唔做又36啦，上菜慢，執枱更慢......加上冇乜單做既情形下都居然仲可以漏單...講完服務態度，係時候講下食物質素喇1，壽司----其實放題既壽司不嬲唔係話好食架啦，但佢居然可以做到超硬既飯身都好唔話得2，刺身----一睇望落去就知啲刺身擺左好耐，三文魚唔新鮮，虎蝦又腥又唔陪爽口，連蟹棒都有陣怪味係地話點算好？都幾難得食刺身唔會嗌第二round3，燒物----雞軟骨鹹到爛腎，燒虎蝦唔錯4，鐵板燒----牛柳粒同雞腎係唯一被我番兜既食物....5，佢個麻醬凍豆腐好食，因為真係麻醬加豆腐=_=題外話，第一次見到放題居然有火鍋提供，雖則我冇叫到，但有少少驚訝總括只需三個字，冇下次…查看更多

生日想食日本野,咁上黎OP 睇下TST 邊度有,就睇到呢間見食評咁多笑樣就去試下有100%中復既感覺~~魚生~~~水平以下飲品(唔係酒唔係汽水個D)自家沖~~~甜到牙軟~溝左4次水都唔得,又唔熱燒物~~燶既炸物~~都可接受炒菜丫咩牛粒個D ,唔好話熱暖都唔暖甜品~~無咩款揀呢個價錢.唔抵食以後都唔會再食,…查看更多

訂了七點半, 所以直接入坐. 餐廳坐得挺滿的, 位置有點窄.. 刺身 *三文魚 - 挺肥美, 不錯吃, Encore*章紅魚 - 新鮮, 好味道, Encore*甘蝦 - 全場之冠, 我會為了它回來吃, Encore其他都不錯, 帶子有點太小之外. 壽司*辣味蝦 - 新鮮彈牙, 好!*軟殼蟹 - 軟殼蟹可能放太少了? 沒啥味道.. *和牛 - 沒啥牛肉香, 不吃沒損失 多春魚燒得夠乾, 好好吃~! 焗蠔醬汁很多, 有點膩~ 吉列蠔超脆, 剛出爐, 熱乎乎, 好棒! 烤羊架挺香的, 但沒啥肉, 還好 一口牛超讚!!!!牛油好香!!! 繼甘蝦第二大愛! 金菇色牛卷這個也很好吃, 金菇好像也有入味似的!後悔忘了Encore耶!! 奶凍全晚唯一難吃的食物... 質地是大菜糕, 味道也只有甜.. 一向都是不浪費食物的人, 但這個我吃了兩口, 真的吃不下了去.. 尖沙咀日式放題只是$198, 還有Sake任喝, 兩人喝了四瓶, 超值!!…查看更多

收工同同事去食飯，出到尖沙咀，都唔知去邊度食好，淨係話一係食放題，一係打邊爐。帶咗同事去厚福街，行到去青葉，佰幾蚊，又有清酒任飲，好似好抵，就入去試一試。食物有好多選擇，但份量少，要不停密密寫點菜紙。刺身算不錯，都算新鮮，燒牛肉，燒羊架同串燒好味，味道不會太鹹，串燒又燒得很香口。炸物不油，雞軟骨炸得很香口，佐清酒一流，焗蠔算大隻，配上沙津醬，味道不錯。整體來說熟食好過魚生。最失敗是甜品，沒有太多選擇，僅有的又難食，同事點了生果又變壞了的。但二佰元有找，好低。…查看更多

  今日於青葉替導師慶祝生日，這裡的食物款式甚多，而且味道都不錯，分享如下:火炙壽司系列:(試了火炙三文魚和火炙玻璃蝦兩款) ，前者味道剛剛好，燒汁不會遮左三文魚的鮮味，而後者則雖然偏辣，但味道都適合嘗試食少少辣的朋友燒雞翼: 燒得剛剛好，沒有焦，而且沒有一般放題食的雞翼因時間關係，燒不熟而見「紅」色的情況炸雞軟骨: 炸得香口鬆脆，佐酒小食佳選蕃薯: 略嫌太淋，口感一般芝士蝦卷: 值得推介，熱辣辣，米飯沒有一夾就散，蝦熱辣辣加上芝士超好食翅身系列:(試了三文魚和帶子兩款) 兩者保持水準，鮮味十足北海道牛乳鍋: 另一款好味推介，好香牛奶味，鍋內好足料，有生菜，牛肉和雞肉，而且雞肉和牛肉切得大小適中，食完也不覺太膩感覺炒什菜: 有水準，起碼不會食到成口油煙鴨胸: 略嫌肥膏部分稍多和比較焦香蕉天婦羅: 味道很一般，食落成口炸漿蝦天婦羅: 與香蕉天婦羅不同，同是天婦羅，但蝦天婦羅炸得熱辣辣和鬆脆，不知點解會有咁大分別和焗蠔: 又係推介美食之一，好大隻，芝士和醬汁與焗蠔恰到好處，食落好好味…查看更多

呢間專食放題，價錢合理，所以我久唔久會幫襯下！我地一坐低，就會點刺身，因為好好食，特別係甘蝦，大大隻，好鮮甜，仲有帶子刺身，都好新鮮，不過就細舊左啲，要不停叫！至於鍋物，就麻麻地，因為佢地整個鍋啲湯好淡味！但呢間放題值得推介！！…查看更多

個人一向都唔係日本菜的粉絲，見有一輪冇食，經過青葉，見到啲定食套餐又唔錯，於是就點了一客鐵板煎雞扒拼龍脷柳 + 凍檸賓。( $35 )( 原價 $39 ，下午茶9折優惠)大約等左10 分鐘就上菜。煎雞扒雞扒煎得幾香脆，鹹淡適中，雞扒稱不上係滑，亦都冇咩肉汁，但係又未到老同埋乾。啲雞肉都有鹹味，唔會淡而無味，亦都冇雪味。龍脷柳龍脷柳亦都煎得媿香脆。鹹淡適中，冇腥味，仲幾滑添。麵鼓湯正正常常，同飲開的差唔多味道。唔會太鹹同埋太鮮。不過個人一向唔太鐘意飲麵鼓湯，凍檸賓好少見有餐廳可以叫凍檸賓但係唔使加錢，呢樣值得一贊。飲落去覺得甜甜地同埋有淡淡的檸檬味，好飲，入口清新，不過冇咩利賓立味。服務正常，整體上效率同埋態度都可以，只不過有啲待應掛住傾計。總括而言，整個定食的味道唔錯，不過敗筆只處係餸菜的份量太少。有一半係青椰菜，煎雞扒有小小的三件，龍脷柳亦都係得小小的兩塊，啲飯食到一大半己經食晒啲餸。如果啲餸可以多番小小就更加好啦!…查看更多