青花 (THE FOREST)

仲要等多幾個月先可以飛泰國，耐不耐就好掛住泰國啲美食😌啱啱去完旅行返黎懶得煮飯，趁住今日放假就去旺角食我成日都去食嘅泰菜「青花」😉餐廳環境就好似置身於forest入面，仲有多款特色嘅餸菜例如用蝶豆花炒飯係出面比較少見架👍🏻建議大家黎食記得要預早book位，因為成日都爆場架👍🏻雞皮卷呢款係我每次必點嘅小食，炸到脆卜卜又薄身嘅雞皮入面包住雞肉，咬落去嘅時候會一啖爆汁好juicy😋雞肉鮮嫩多汁配上泰式辣醬酸酸辣辣，勁惹味又香口，絕對令你食唔停口炭燒豬肉串燒沙嗲一碟分量有6串，平均只係12蚊串幾抵食👍🏻入口有陣陣嘅炭燒香氣，豬肉肉質軟腍，外面焦香內裡多汁，加上香味濃郁嘅沙嗲醬簡直係絕配😋馬莎文香料牛肉咖喱份量驚人😆係一大碗嘅咖喱，足足可以四至五人分享👍🏻牛肉用上肥牛片，肉質較為軟腍，加入大量蔬菜：蓮藕、茄子、秋葵、腰果、薯仔令咖喱帶有蔬菜嘅清甜味，咖喱香而不辣，所以一定要嗌蒜蓉包去點咖喱汁，一滴都唔好浪費😆蒜蓉包香脆鬆軟，上面搽滿香味濃郁嘅蒜蓉醬，配上咖喱汁真係Perfect👍🏻藍蝶花蟹肉菠蘿炒飯菠蘿炒飯就食得多😆用藍蝶花去浸泡米飯，令米飯變成紫藍色，再鋪上大量蟹肉、提子乾、雞蛋同菠蘿粒，可以

最近我同朋友去咗一間位於旺角嘅泰式餐廳，叫左幾樣野牛肉生菜包呢個牛肉生菜包牛肉炒得剛好，唔油膩，配上新鮮的生菜，口感爽脆，仲可以加啲醬汁，味道更加升華。香辣蟹蒜炒麵香辣蟹蒜炒麵一上桌，就令人食指大動！蟹肉鮮甜，麵條炒得彈牙，伴隨濃郁的蒜香同香辣味，食完一定會令人想再嚟一碟。蒜蓉炒椰菜蒜蓉炒椰菜色澤鮮艷，蒜香四溢，椰菜炒得剛剛好，保持住脆口感。配合蒜蓉的香味，真係好開胃，仲可以增添健康。泰國奶茶奶凍泰國奶茶奶凍口感滑溜，奶香濃郁，帶有淡淡的茶味，甜而不膩，食落非常滿足，絕對係甜品愛好者的最愛。泰式奶茶（凍）泰式奶茶凍飲清涼消暑，奶茶的香濃味道配合冰涼的口感，特別適合炎熱的夏天，令人一喝就愛上。蝶豆花青檸茶呢杯蝶豆花青檸茶色彩靚麗，味道清新，蝶豆花的花香同青檸的酸味配搭得恰到好處，飲落去令人心情愉快，非常適合解渴。

呢間餐廳真係好正，絕對值得一試！今次我叫咗幾樣菜，每樣都係高質又好味，真係冇得輸！芒果蟹肉沙律係開胃必選，啲芒果夠甜，蟹肉又鮮，食落啖啖清新，加埋啲酸酸甜甜嘅醬汁，簡直一流！ 雞皮卷就係香脆得嚟又唔會太油膩，咬落去仲有啲雞肉香味，好juicy，配埋啲醬食真係好滿足！ 至於泰式虎蝦金邊粉，啲金邊粉彈牙又入味，蝦又大隻又鮮甜，成個感覺超有泰國風味。 再講下馬拉盞炒椰菜，呢個真係超下飯，啲椰菜炒到夠香，仲有馬拉盞嗰陣鹹香味，食到停唔到口！ 飲品方面，點左椰皇，清甜又解膩。

返學前巡例和同學仔去食飯，今日揀左食泰國菜，同學仔話這家泰菜幾特別，有別於其他行貨，我話最緊要好食。😂餐廳地點方便，旺角地鐵E出口直行奶路臣街17號The Forest商場1樓，門面好闊，裝修好靚，高樓底，門口有一大排蘆葦草當屏封用，天花和燈飾都是花卉裝潢，富自然氣息又有格調，坐在其中很舒服。打開餐牌，琳瑯滿目，美倫美煥，非常吸引，各人選自己喜歡的食物，當然不能重複，於是5個菜當選。🤣🤣1， 柚子大蝦沙律2， 炭燒豬肉串燒沙嗲 3，油酥手抓薄餅 4，馬莎文奶油咖哩雞 5，馬拉盞炒芥蘭果然如同學仔所講，有別於其他泰菜，首先食材很新鮮，沙律一上台就聞到很香的柚子和芒果味，顏色鮮明，大蝦爽脆，份量又足，吃得滿足過癮又滿足。串燒豬肉燒得面香裡嫩，配沙爹汁，食到舔舔利。😋😋手抓薄餅配咖哩，咖哩裡的茄子，秋葵，蓮藕，紅蔥頭都是少有的配搭。馬拉盞炒芥蘭自然是惹味的出品，竟然有櫻花蝦做配料，意想不到的香。真好，同學仔貢獻了一個好建議，俾個Like佢。👍

呢度環境光猛企理 坐得舒服 好多人幫襯先叫咗一個白冬蔭公-南薑椰奶雞湯酸酸甜甜，係唔辣嘅椰奶味非常充足有幾舊雞同埋蘑菇兩個人都可以飲到三碗小食叫咗個燒牛豬雙拼串燒沙嗲總共有六串 豬牛都燒得幾香 有咬口有香味沙嗲醬充滿花生香味泰式虎蝦金邊粉好大碟呢度可以叫少油少鹽 感覺健康啲有好多炒蛋碎 同埋隻蝦好大隻味道都係甜甜酸酸 可以落多啲青檸汁就更加開胃馬拉炒芥蘭炒得幾香唔會話太鹹 上面仲有啲櫻花蝦仔芥蘭炒得林 最後飲埋個椰皇 鮮甜可口

位於旺角The forest嘅青花其實都想試好耐！環境企理乾淨 座位尚位寬敞✨炭燒牛肉串燒沙嗲 $82炭燒牛肉外層焦脆，有淡淡炭火香味沙嗲醬有椰香一碟有6串 十分抵食！✨馬沙文奶油咖喱雞 $118馬沙文咖喱有少少肉桂甜 雞肉燉煮得軟嫩入味馬鈴薯吸飽了精華值得一提入面仲有蓮藕秋葵等等配菜超級豐富搭配油酥薄餅堪稱絕配✨油酥手抓薄餅 $52薄餅好得意漲卜卜 外層金黃酥脆內裡保持柔軟輕輕撕開一層層掛咖喱汁一流✨馬拉盞炒芥蘭 $78芥蘭爽脆新鮮用鹹香鮮美的馬拉盞炒好惹味✨香辣蟹蒜炒麵 $118鑊氣十足，夠蒜香粗圓的泰式麵條炒得幾乾爽彈牙蟹肉份量都多有少少辣味 不過同行唔係點食得辣嘅朋友都食到✨芒果糯米飯 $78最後以經典的芒果糯米飯作圓滿結束芒果有半大隻！甜到不得了欣賞佢仲有啲杏仁片同埋椰絲係面令個口感再豐富咗！

泰國野永遠都係我既首選今日黎左旺角the forest《青花》星期六黎到都幾多人，環境舒服～藍蝶花蟹肉菠蘿炒飯好特別用左藍色蝶豆花黎炒，好吸睛，打卡一流！飯粒粒分明！蟹肉份量好多，完全唔嗇色，仲配有新鮮菠蘿，好鮮甜！白冬蔭公南薑椰奶雞湯呈奶白既湯底，帶有冬蔭公味道，但一點都不辣，岩哂唔食得辣又想一嚐冬蔭公既人，湯帶有椰子既香甜，十分推薦！入面有菇，雞肉等配料，岩哂一班人share!牛肉生菜包牛肉大大塊，火候炒得岩岩好，肉質唔會韌，生菜減輕左油膩感！泰式虎蝦金邊粉虎蝦好大隻夠爽口，麪質係乾同濕之間，充滿鑊氣，酸酸甜甜咁！最後緊係要食返個芒果糯米飯，充滿椰香既糯米飯，煙煙韌韌，芒果好甜！泰式椰皇，好清甜～

同事介紹話食物ok, 上星期就同朋友試下我哋叫左個$8x冬陰功湯，隻蝦係梅到完全無肉😑同侍應反映，點知個侍應同我地講話問左廚房係咁，湯無變味就得，勁👍🏻跟住其他野食上枱無耐就已經凍哂，無下次👋🏻👋🏻

尋日同朋友去咗旺角The Forest入面嘅青花餐廳，成個環境幾靚，好有泰式fusion嘅格調。坐低諗住輕輕鬆鬆試下啲新菜式，點知個個都幾有驚喜。我哋先叫咗個藍蝶花蟹肉菠蘿炒飯，一上枱已經好吸引，成碟飯帶住夢幻嘅淡藍色，影相真係好出色。啲飯炒得乾爽，每粒飯都好香菠蘿甜味，仲有啲微微花香。蟹肉唔係得啲碎，係真係幾大啖肉，食落鮮甜，啲菠蘿粒啲酸酸甜甜又中和咗炒飯嘅油香，好開胃。跟住就係香辣蟹蒜炒麵，呢個我自己幾鍾意，因為啲蟹肉已經拆晒出嚟，唔使撩嚟撩去，直接拎嚟食。啲炒麵炒得好乾身，唔會黐埋一舊，入面有勁多蒜蓉同少少辣椒絲，啲香辣味同蟹肉啲鮮味混埋一齊，好香口。每啖都有啲蟹肉同麵夾埋，啲味幾濃郁但唔會太鹹，食到最後都仲好惹味。芒果糯米飯係甜品，賣相簡單但好經典，啲芒果啖啖肉，好熟透，香甜又多汁，配埋軟熟煙韌嘅糯米飯，再淋啲椰奶落去，成個口感超正。食完咸嘢再食呢個，啱晒平衡返味蕾。飲品我就叫咗杯泰國奶茶（凍），顏色好正，橙啡啡咁，飲落茶味好香，唔會死甜，冰夠多，飲到尾都仲好凍。朋友嗌咗杯冬陰公梳打，第一次飲覺得好特別，有少少冬陰公嘅酸辣味，又有梳打嘅汽泡感，飲落清爽又帶啲刺激感，幾啱夏天試下

青花泰式餐廳真係令人一試難忘！一入到嚟已經感受到簡潔清爽嘅新派裝潢，配埋泰國輕音樂，氣氛好舒服，令人即刻放鬆心情。食物方面，惹味拼盤用傳統泰國餐碟上菜，雞皮卷、酸腸、魚餅、雞棗每款都外脆內嫩，配埋兩款泰式醬汁，層次感十足。藍蝶花蟹肉菠蘿炒飯用新鮮烤菠蘿盛載，炒飯粒粒分明，蟹肉鮮甜，腰果烤得香脆，肉鬆提子令味道更豐富，賣相仲有紫色花點綴，真係色香味俱全。泰式涼拌茄子沙律絕對係驚喜，茄子蒸完再烤焗，外皮微焦，內裡軟滑，加埋秋葵、芫荽、芹菜，清新開胃。馬拉盞炒椰菜炒得夠鑊氣，鹹香惹味，配飯一流。飲品方面，泰式奶茶茶味香濃，甜度啱啱好。楊枝甘露奶蓋超有創意，底層有芒果、西柚肉，上面厚厚奶蓋，飲落香滑又清爽，夏天飲特別滿足。整體嚟講，青花泰式餐廳無論環境、食物、飲品都高質，性價比極高。每道菜都見到廚師心思，味道正宗又有創新，絕對係香港泰菜之選，值得一試再試！

今日嚟左旺角試呢間新式泰菜餐廳 - 青花，佢嘅裝修用左好多綠色植物同乾花裝飾，置身其中，令人有種好放鬆嘅感覺。泰式涼拌茄子沙律除咗有茄子之外，仲有原條秋葵、車厘茄、青瓜、洋蔥，茄子整到好淋，食嘢唔會令到個口又唔舒服嘅感覺，加埋爽脆嘅洋蔥同青瓜同開胃的醬汁，呢個作為開胃前菜一流。炭燒豬頸肉 · 酸辣青醬 呢度嘅豬頸肉係本身已經上左汁先拎去燒，所以食落相對濕潤，唔會太乾，而且配埋個酸辣醬食，唔太辣得嚟仲好惹味。另外，佢伴碟嘅沙律菜好新鮮，非常解膩。醉鬼惹火炒粿條 呢度炒粿條炒得好有鑊氣，雖然揀左小辣，但辣度剛剛好，粿條每條都充分俾醬油包裹，口感煙韌，而配料方面有燒得香脆嘅豬肉片，仲有好多椰菜同粟米仔，成碟粿條份量都好多，夠哂2個人食到飽飽。芒果糯米飯呢碟糯米飯係微熱住上枱，糯米飯本身係較黏口，最特別係佢配嘅椰汁係有好多椰子肉加埋落去，口感比平時食嘅豐富得多，今日嘅芒果都非常清甜多汁。菠蘿熱情果茶(凍)夏天飲呢個酸酸甜甜，好消暑。泰國奶茶 (凍)聽呢度同事推介話呢度嘅泰奶係用左好多份量嘅茶葉去準備個茶底，所以會比坊間啲會較濃，飲落之後發現真係冇推介錯，鍾情茶味濃啲嘅你應該都會啱飲。

今日朋友約我去旺角吃晚餐，朋友提議去青花品嚐美味東南亞菜 ，這間餐廳食品是新派東南亞菜，採用充滿東南亞風味的食材及醬汁作主調，配合不同手法的烹調，繽紛色彩令菜式更別具風味。青花位於旺角奶路臣街17號一樓107及108號舖，港鐵旺角站E2出口，行幾分鐘就到，非常方便，入到餐廳都有不少顧客，餐廳地方寬敞整潔，裝修天然色系作主調，配合餐廳柔和採光，落地玻璃窗，感覺開揚舒適。餐廳餐牌食物款式都不少，有沙律、燒烤、咖喱、小食、飯麵、蔬菜、甜品、飲品，我哋就叫咗沙律嘅泰式豬頸肉沙律、咖喱嘅馬沙文奶油咖喱雞、飯麵嘅泰式虎蝦金邊粉、甜品嘅泰式糕點拼盤、飲品嘅凍泰國奶茶。來做會員仲有優惠，有生日優惠、期間限定優惠、積分換領優惠，真係不錯嘅優惠。青花食物質素好，份量不少，價錢又唔貴，店員服務態度又好，值得向大家推介來食。🐷泰式豬頸肉沙律豬頸肉外層微焦脆，內裡柔嫩多汁，脂肪分布均勻，好配合配菜食，配菜有紫洋蔥、番茄仔、豆角、芫荽、炒乾蒜、青瓜等增添爽脆與顆粒感，味道酸辣為主，魚露與檸檬汁帶來鹹鮮與清新酸味，辣椒提勁辣。 🐔馬沙文奶油咖喱雞雞肉慢煮至軟滑，入口即化，配菜份量不少，有秋葵、茄子、薯仔、蓮藕、腰

性價比好高嘅泰菜👍🏻👍🏻👍🏻四條友叫到一枱都係，真係勁抵，仲要啲野都好好食😋😋😋樣樣都好好食，平均除返開每人唔洗300蚊，環境又靚又舒服👍🏻服務亦都好好👍🏻會再去幫襯值得再去嘅餐廳，下次又約下朋友仔去先😆😆😆#旺角 #泰國菜 #青花

想食正宗泰國菜又想打卡？呢間走文青風嘅泰式Cafe絕對係你杯茶！環境同食物質素都值回票價！ ✨ 打卡必點前菜🥗 柚子大蝦沙律 $118泰國紅寶石柚清甜多汁，配搭爽脆大蝦同羅馬生菜等沙律配料，淋上自家製酸辣汁，味道層次豐富，開胃首選😋✨ 特色主菜🍲 篤篤炒卜卜蜆 $128大大粒新鮮蜆肉肥美飽滿，以泰式香料炒製，小辣程度啱啱好，層層疊咁樣上加埋香葉好吸睛😬✨ 炭燒豬頸肉配酸辣青醬 $118炭燒豬頸肉外脆內嫩，燒得好香口，青醬好出色，加埋沙律菜食就絕對清新解膩😋 🍮 泰國奶茶奶凍 $68奶凍好滑溜，入口即化，泰奶好濃郁，加埋珍珠增加嚼勁，口感真係好豐富！🤞🏻🍍 菠蘿熱情果茶 $34酸甜清爽，好適合夏日飲嘅果茶🤙🏻坐得舒服又影到靚相，絕對值得～🇹🇭✨ 情侶約會或姊妹聚餐都啱晒！

喺波鞋街商場 The Forest 入面的泰國菜餐廳，裝修有小清新感覺，有不少落地玻璃採光，整體食物質素好，店員服務亦很有禮。🔶泰式虎蝦金邊粉有可以自訂少鹽少油的選項很好，虎蝦好大隻，蝦肉爽口，金邊粉調味酸甜適中，少油也炒得幾好食落唔會太淋。🔶馬沙文奶油咖喱雞🔶油酥手抓薄餅咖喱好creamy好惹味，雞肉亦很多，還有不少配菜一樣入味，薄餅很酥香，配咖喱汁食好正。🔶芒果糯米飯食泰菜基乎必點的甜品，這裡的糯米飯加了蝶豆花所以顏色更靚，糯米飯好軟熟，芒果份量多又鮮甜，加上椰汁椰子片一齊食好香。🔶楊枝甘露奶蓋奶蓋好香滑，好足料，真係好似飲緊個甜品咁。