青咖喱屋

熟食市埸装修左年幾,仍未搞完,駁左條樓梯可地鐵站直達一樓,見到呢間泰菜,即本試下!泰國人主理,睇菜譜啲菜式密麻麻,眼都花埋!點左泰式芥蘭牛柳,飛天通菜,炸蝦餅,鳳爪沙律,黃咖喱蝦,鐵板蠔,串燒(豬/雞)10串,炸軟殼蟹,芒果糯米飯,餐後送每人一件綠豆榚,前後隊左5支象啤,三五知已,聚餐氣氛一流,埋單唔先一仟蚊!總括黎講,全店泰籍人士主理,食物同價錢成正比,事頭婆幾nice,其他妹妹仔工作勤快,用餐愉快!註:熟食市埸装修之後,的確干净美觀左,不過冇冷氣始終係一缺點,秋凉天會比較好啲!:)…查看更多

香港南區一向俾人感覺係美食沙漠🫢早前睇MM片介紹「南朗山熟食中心」，看似幾吸引，於是約咗朋友嚟試試經過翻新之後整齊企理好多，幾似新加坡啲熟食市場入面唔少攤檔，主要做港式碟頭飯或茶記亦有三檔泰國菜🇹🇭其中一檔就係呢間有lunch set▶️ 泰式海南雞撈檬 ($55)份量超大而且多雞件雞肉嫩滑有雞油，可惜外皮厚過肉🥲同埋冇咩雞味，有啲失望檬粉醬汁分開上，味道偏甜唔酸，幾啱我口味檬粉質感還可以，唔係最好食，有啲似港式米粉🫢另外有炸蒜調味，但覺得可以再多啲沙律菜同配料▶️ 凍龍眼水 (+$3)甜度啱啱好，清涼解渴入面仲有真龍眼-朋友叫咗佢哋個青咖喱，唔會好辣，好重椰奶同香茅味服務一般，不過feel到有少少態度環境以熟食中心嚟講算OK，呢個季節去唔會好熱價錢還可以，不至於平靚正😅反而覺得可以試吓其他泰國或港式攤檔～…查看更多

今日嚟到南區呢邊見客，跟住就趕住食少少快嘅quick lunch, 就求其揀咗呢一間，整體嚟講份量都幾足，而且豬扒都做得幾好食，青咖喱嘅味道非常香濃，而且唔會好辣，送飯嚟講，簡直係一流，見到隔籬枱都叫多飯，適合大食嘅朋友，總括嚟講我覺得都合格。好食程度（5粒🌟）🌟🌟🌟🌟抵食程度（5粒🌟）🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟…查看更多

因為近返工地點，都會經常黎食，佢既海南雞之前還好(喺黃竹坑黎講)，但後來唔比加錢轉脾都少黎食，今日再黎真係失望 ！1) 炒金邊粉濕笠笠一「劈劈」好難食2)海南雞湯飯d 雞好碎，又唔可以加錢轉脾， 想問佢拎海南雞醬，o個個疑似家佣既阿姐話要加錢，無問題咪加lor，點知第2個阿姐黎話$10一碟醬🙄 勁顛 ，未聽過加碟汁要$10！ 走醬又唔見你減$2 3)凍0茶唔比少冰個阿姐好惡 態度好似你欠左佢咁 😓唔會再黎，食餐飯好受氣…查看更多

去完海洋公園後，由海洋公園站搭落去黃竹坑站到南朗山道熟食市場一樓找到青咖喱屋，便坐低吃晚餐，到達時間大約6:00人流不算太多，很容易便找到座位。大概6:30後人流開始不斷增加，越來越多人。要留意呢間餐廳係星期三、日休息。網上很多人話海南雞好食，所以點了個海南雞飯。另外點了個泰式炒金邊粉及炒通菜。海南雞飯合格，不像網上說得那麼好食；反而泰式炒金邊粉很好吃，有點驚喜😋唔知道嚟緊係唔係重建嘅關係，所以整個場比較靜。希望可以保留啦，去完海洋公園後一個比較便宜嘅選擇。…查看更多

俗稱美食沙漠既黃竹坑，真係無咩好食如果唔搭車出去，最多都係去南朗山熟食市場搵食.如果想食泰國野，我一定推薦食「青咖喱」！已經食過好多次，水準都好平均見到有youtuber/ 網站都介紹食佢，果然無介紹錯👏🏻特別係佢既海南雞🐤雞肉滑一滑，份量又多！（雞肉份量我形容為係其他餐廳既兩倍！）不論係配油飯、粉麵定喇沙都好惹味👍🏻平民價錢，但質素拍得住出面專門食海南雞既餐廳（不過溫馨提示，雞皮都相當厚，驚肥就自己去皮啦～）…查看更多

黃竹坑都擔得起美食荒漠嘅稱號！食物選擇種類好少，而南朗山熟食中心，就可以話係荒漠入面嘅綠洲🏝️呢度有請真·泰國人幫手，一到午市就要等位，而海南雞係每張枱都見到有人叫，今次就試一試去！一隻海南雞整得好唔好食，係可以單憑肉眼就略一二。呢度嘅海南雞肉質好嫩滑🐥，而且唔會好生，我自己好鍾意呢個生熟程度！雞皮唔會太油，可以連皮食，而且有少少雞味，畀嘅雞肉份量一啲都唔手軟！海南雞嘅油飯都煮得唔錯，唔會太油又有香味，不過唔係硬飯而係偏濕嘅口感，但我都鍾意咁綿嘅飯🥰個汁都好好味，酸辣度啱啱好！總括而言，如果你喺黃竹坑返工就一定要試（唔試嘅區內都無咩好食🤣），質素都不錯👍🏼如果唔想喺熟食中心食都可以外賣返公司食😆但如果係區外人嘅話呢…唔使特登嚟🤣唔係唔好食，只係唔會特別吸引到要跨區入嚟食😂…查看更多

今次嚟到黃竹坑做嘢，其實都預咗附近冇乜嘢食，因為好多都係工廠區，不過最近嘅市區講真要去到香港仔，或者搭地鐵去鴨脷洲，又唔算好就腳，於是近近地就去到地鐵站附近嘅南朗山道熟食中心搵嘢食啦。行緊過去嘅時候望吓OpenRice，發覺原來嗰度好多餐廳都意外地好多好評，咁睇嚟去嗰度食晏晝都係一個唔錯嘅選擇。今次就揀咗呢間最多好平嘅泰國菜餐廳，不過入到去先發覺原來成個熟食中心係冇冷氣，如果夏天呢個環境真係好熱。不過呢個飯真係幾高質，味道夠泰式，而且兩款雞都好有誠意，飯落幾多汁，肉質又唔會鞋，而且炸嘅部份脆卜卜，食完都滿足返。…查看更多

今晚去左南朗山街市，黎呢到緊係要食泰菜❤️去左青咖喱屋～呢間餐廳係喺街市入邊，環境相對簡單，但係好乾淨整潔🙏🏼🙏🏼今晚嘅天氣唔算太熱 所以我坐喺餐廳內都覺得好舒，不過如果夏天嚟食 就可能會比較熱🙈😈泰式海南雞飯 - $58份量好豐富 飯同雞肉加埋泰式嘅醬汁好夾🔥🔥最重要嘅係只係$58！真係物超所值❤️如果你鍾意食泰式菜同埋海南雞飯，一定要嚟試吓～ 呢到店員都好好人，就算唔叫野飲都會比一大杯水你 …查看更多

▫️泰式海南雞飯_$53 (午市價) 「鋪頭選用較肥嘅雞肉，雞皮同肉之間佈滿脂肪。除咗做到肉質嫩滑，仲包保滿嘴油香～肥雞被隨意咁鋪喺飯上，睇落賣相唔太精緻，但米飯因此吸收晒雞油精華。配埋酸辣嘅醬汁，好味到十分鐘就可以清晒！」 識食：🧡🧡🧡🧡🧡🧡 ▫️泰式青咖哩飯配牛腩_$53 (午市價) 「青咖哩質地較稀，椰奶味濃郁，有番咁上下辣度。而且超級足料，主角牛腩同配菜茄子份量又多又大舊。不過牛腩肉質腍得唔太正常，同埋好似唔係舊舊都係牛腩。」 識食：🧡🧡🧡🧡🖤🖤 . 環境：🧡🖤🖤🖤🖤🖤 服務：🧡🧡🧡🖤🖤🖤 抵食：🧡🧡🧡🧡🧡🧡 //青咖喱屋喺食飯時間，往往都係人頭湧湧，當中仲唔少人係西裝骨骨添。不過網上對鋪頭唔同餸菜嘅評價不一，跟住揀飲擇食嗌實唔會出錯～// . 🍽青咖喱屋 🚪未有IG賬號 📍黃竹坑南朗山道1號南朗山道熟食市場1樓5號舖 . 喜歡《揀飲擇食》的圖片和文字🤍不妨點一下like和follow 🔹Instagram-揀飲擇食/picky.eaterrr：https://www.instagram.com/picky.eaterrr/…查看更多

✨沙爹串燒 (6串) $78 有3串豬3串雞🍢沙嗲醬好重花生味帶點甜 仲有粒粒花生粒🥜🤤肉好大塊 燒得惹味仲保留到肉汁👍🏻✨豬肉生菜包 $78 調味好正濃濃既香葉同九層塔味🌿要了少辣都好惹味 不吃辣的朋友都能接受🥬包生菜好juicy不停滴汁💦要準備好濕紙巾😂✨青咖哩牛腩 $78不能吃辣的人可能會覺得比較辣🌶但我覺得不錯 好地道的泰式味道😋青咖哩帶點椰汁味🥥撈飯或者點薄餅都好適合 牛腩不肥啖啖肉 有幾塊會比較韌有嚼勁✨青檸梳打 $20天然的味道好清新解膩🥤無加太多糖水👅可以解辣熟食市場雖然環境不太好沒有冷氣 但食物質素不錯 性價比高🥰天氣凍點可以同大班朋友來叫多幾款食物👍🏻📍青咖喱屋 (黃竹坑)黃竹坑南朗山道1號南朗山道熟食市場1樓5號舖…查看更多

咖喱汁呈青色，香濃既香料及椰奶味，少少辣，豐富既香茅同埋金不奐既味道。雞肉以雞柳形式去煮，保証啖啖肉，雞脾肉嫩滑。配菜有茄子，煎過，所以香口。第一次食，有驚喜。…查看更多

12點半已多人等外賣我見Open rice 最多like 我試下外賣叫了海南雞飯等了10分鐘才有無骨雞 雞一般飯太硬汁唔夠辣和惹味下次試另一間份量對我來講太少 食完都肚餓…查看更多

諗著叫咖喱屋 啲咖喱係招牌點知咁垃圾唔濃 同水一樣咁稀冇咖喱味 甚至丁點香料味都冇薯仔 稔到無牙阿婆都咬到落蕃茄唔個做乜唯一可以係份量多 但咁難食份量多有乜用態度惡劣，問佢有咩飲就大大聲講：加錢！盛惠53蚊自己整衰自己招牌 喜歡吃垃圾可隨便幫襯…查看更多

工作關係嚟到黃竹坑，唔知有咩食就是但行入熟食市場揀一間就坐低咗，見到啲姐姐都係泰國人諗住應該唔會差得去邊。🍛泰式香茅豬扒飯配黃咖喱 ($53)豬扒唔似係香茅味，加咗鬆肉粉，味道普普通通。咖哩冇乜辣味，椰香味都唔重，但唔算難食嘅。🍜泰式咖喱雞配金邊粉($53)咖喱配金邊粉幾新鮮，但金邊粉有少少黐住一餅嘢咁，要撩一撩。咖喱都係揀咗黃咖喱就唔重複講。配菜有薯仔同蕃茄，薯仔好淋，好食。大排檔格局，大大碟一定食得飽，但味道就一般。…查看更多