霸皇燒鵝冰室

嗌咗個燒鵝瀨同蔥油豬扒飯燒鵝稍為乾 無肉汁 不過不失啦 叫做食得落個蔥油豬扒飯真係唔掂 塊豬扒勁薄薄都唔緊要啦 超乾 以為自己食緊豬肉乾收得68蚊塊豬扒唔prefer係咁既質素以後唔洗黎…查看更多

食過一次下午茶，點了燒鵝米粉。先不談她們的點餐系統難用，只單以食物質素和分量來說，實在令人失望。燒鵝米粉端上來時，賣相普通，本來滿心期待能嚐到皮脆肉嫩的燒鵝，結果卻大大中伏。我點的燒鵝米粉，燒鵝只有四塊，偏偏四塊全都是骨頭或肥膏，幾乎沒有肉，咬下去完全沒有應有的滿足感。米粉的份量尚算足夠，湯底也只是一般，但相比價錢，實在不值。這樣的燒鵝質素，在茶餐廳隨便一碗都能比它更好。感覺這裡只靠地段吸引不熟悉的客人，缺乏誠意。雖然希望他們能憑新客生意維持，但對於我來說，肯定不會再有第二次光顧。…查看更多

住咗美孚都有一段日子 ，好開心喺我樓下開咗間 燒味茶餐廳， 我自己本身係一個好鍾意週圍食燒味嘅人， 什麼大嘅連鎖店 ，工場做嘅燒味，開頭好好，但後尾都唔掂 ，於視乎落去試下 ，呢間嘢啲燒味，好老實講 ，好過好多出面所謂嘅燒味連鎖店 ，我去親都冇失望 ，但係始終新開冇幾耐，有啲嘢都要rundown 行得順先可以做得再好 ，我入到去食嘢，啲員工態度個方面其實我覺得ok ，而家好多 茶餐廳都用qr code落單 ，我有幾次都係口講同佢哋落單，佢哋都冇所謂，都好好笑容 ，食得燒味多，其實都會厭， 我落到去都會試下佢哋其他啲set餐 ，我覺得性價比ok嘅， 雖然附近都有幾間茶餐廳競爭比較大 ，但我覺得呢間 叫做唔錯 ，我都幾推介 大家去試下。 問心講， 而家做得好食D燒味嘅茶餐廳真係唔係多。…查看更多

坐低十分鐘也沒人執枱。侍應是行來行去的，就是應做的不做。所謂手揼豬扒，沒手揼痕跡，入口是酸的，不是壞那種酸，是用酸的東西醃，酸卻沒沖淨，咬一口便自然分解，即食麵是糊的，絕不是味兒。沒湯匙。女侍應拉開櫃，翻來覆去，表情告訴你我不信無，哦，真的無! 於是拿了一堆湯匙，每個櫃refill，偏偏就是不給你問的湯匙。Message 是，我不是serve 你的，要湯匙就自己取。燒鵝燒腩湯瀨非常巧手，兩小片燒鵝硬開二，吃而不知其味。小店絕對值得支持，如此服務如此質素實在沒法支持。…查看更多

黎間新開既茶餐廳，最初係抱住期望入黎幫襯，因為美孚本身好食既茶餐廳唔多，但我比左3次機會，3次都係失望而回。第一次幫襯既係香煎肉餅飯，係落單既時候已經領教佢地既服務，當時侍應叫我QR CODE 落單，咁我其實傾緊電話，我就話：「用緊電話scan唔到qr code」跟住個侍應就唔太情願咁落單。我果刻已經O咀，新開既餐廳既服務，係咪覺得自己可以長做長有呢？之後我想要杯水，另一個侍應就指我去自助區自己拎，咁我咪自己去拎囉，但愈諗愈唔順氣，明明見到d侍應好得閒企係度，但都唔拎杯水比我，要我自己去拎，咁不如叫個職位叫派餐員，唔好叫侍應啦～講番個煎肉餅飯，諗住肉餅飯多數伏極有限啦，點知佢煎到好乾好硬，成碟飯係唔好食既⋯⋯第二次幫襯係因為我諗上次咁岩果款菜煮得唔好食，所以再比次機會佢，咁今次我叫西多士，無咩特別正常發揮，但服務又係令人激氣。我當時坐低左係張大枱，諗住坐舒服d,當時餐飯好多空位，準備落單既時候，有個侍應走過黎叫我坐細枱，果刻我火到黎，我問佢：「你係咪真係要我調位？」咁佢見到著左，就話唔洗 調啦今日就第三次幫襯，本身係諗住去隔離間茶餐廳食野，因為所有野都好過黎間餐廳太多，點知佢今日休息，咁我諗諗，黎間茶餐廳主打燒味但我未食過，咁比多次機會啦。今次入黎就再無侍應搞我啦，但真心無服務可言。我叫左叉燒燒腩仔瀨粉，結果係叉燒每一舊都好細舊，仲要好似手指頭咁，唔係一片片；燒腩仔又非常咸，瀨粉非常少，完全同上一篇食評果張相係差天共地。我無影到相，因為本身係無諗住寫食評，但食到一半再加埋之前既經驗，實在令人氣憤，所以先打左咁大篇文。如果唔怕試新野既，即管入黎食下，我就決定唔再幫襯啦～…查看更多

今日行過美孚，見到新開嘅 霸王燒鵝冰室，忍唔住好奇心就走入去試咗個下午茶餐。我叫咗燒鵝燒腩仔雙拼瀨粉，加$8配埋燒腩仔，再要咗杯凍檸茶。燒腩仔屬一般水平，皮係脆嘅，但略嫌唔夠五花腩咁肥美，可能比較瘦啲，口感冇咁豐富。不過燒鵝真係令人驚喜：皮脆得似薯片咁「卜卜脆」，肉質嫩滑又冇油膩感，正！店舖環境都好企理，有香港冰室特色，啱晒打卡～店員有禮，氣氛舒服。佢哋仲有早餐供應，燒味亦可以外賣，下次真係想試吓佢嘅早餐，或者買啲燒味返屋企慢慢嘆！…查看更多