雲貴軒米線專門店

雲貴軒這份雞翼併西多士下午茶組合，表現確實「出色」。它避開了花巧，將注意力集中在食物的本質與烹調技巧上，結果令人滿意。​炸雞翼是此餐的焦點。外皮炸得金黃薄脆，口感極佳，成功鎖住內部豐富的肉汁。調味是恰好的鹹香，肉質嫩滑，完全沒有乾柴感。從賣相到味道，都展現了高水準的處理。​西多士則是不容忽視的配角。外層炸得焦香適度，內裡保持了鬆軟濕潤的質感，沒有過度吸油。配上的牛油和糖漿份量拿捏精準，甜度與油脂感平衡得宜，不會讓人感到膩滯。​這兩種經典小食的組合，在雲貴軒的廚房中被提升了一個層次。它既有港式茶餐廳的地道風味，又展現了其應有的細緻。作為一份悠閒的下午茶點，它份量合適，且鹹甜交織，滿足了味蕾對豐富層次的要求。​總結： 雲貴軒的雞翼併西多士，憑藉其紮實的功架和和諧的味道，無疑是下午茶時段的優選。…查看更多

今日出咗尖沙咀，聽完講座，已經差不多5點，行一陣海旁，然後坐車返屯門。落車之後，行入去蝴蝶廣場搵嘢食。經過雲貴軒門口，又唔使等位，決定入去食嘢。（疫情之前，我哋都經常係這家食飯的）我哋坐低就點了兩個套餐。（1）紅燒豬軟骨肉燥飯加熱檬蜜49元。豬軟骨炆得肉軟淋，咬開就骨肉分離。肉燥稍為鹹咗啲，還有4件細細粒的翠玉瓜和半隻滷水蛋。（2）鎮江小排骨肉燥飯加熱咖啡49元。鎮江排骨酸酸甜甜好開胃，又有咬口，味道唔錯，好食。整體來說：環境乾淨，服務員態度好。…查看更多

平時食開乜仔乜哥，但因為疫情關係暫時不設堂食，唔想外賣唯有發掘試下新嘢，成日都經過雲貴軒但都未幫襯過，原來喺新界區都有成9間分店咁多。佢嘅食物都算係平價，四五十元一個米線餐(四個餸)配飲品。而家仲做緊疾情推廣，叫任何套餐加唔駛$10就有一款小食。價錢方面真係抵。💎 四川酸麻紅薯粉小辣湯底，紅薯粉份量算多，湯底唔算濃。配菜有花生，炸菜，肉醬同芫荽。我揀咗四個餸。豬軟骨🉐️ 夠淋同入味，有三大件。魚肚🉐️ 厚身，有四大件，魚肚發得剛剛好，但不算入味。豬大腸🉐️ 大腸洗得乾淨，不多肥膏，炆得入味，份量算多，應該有十多件竹苼🉐️ 淋到有點爛爛哋嘅口感💎 涼拌雲耳我加錢order的，基本上雲耳做法不難，只要用陳醋浸過就食得，但呢個價錢呢個份量真心抵。人均消費💰 ： ＄ 86總結✍ ： 味道中規中矩，份量價錢優勝。…查看更多

簡單在家附近吃，值得驚喜是新出鮮魚片。魚片很滑溜，而且相當厚身啖啖肉沒有骨碎，而且數目不少廚師一定做了很多功夫，完全沒有骨!酸辣米線選了小辣，酸菜，芽菜韮菜都很多，喜歡配菜的一定和我一樣。湯濃濃的喝著很暖胃感覺每一啖米線夾雜芽菜，爽口而滑溜口感，好正！餐廳加6元可現小食辣椒皮蛋， 辣椒油很香！另外我還點了炸魚腐，脆口之中軟軟的，忘了影相喜歡辣椒油中脆脆口感和皮蛋同吃，不是太辣，一下子就吃完有點不滿足，哈哈！附送熱飲品 有檸檬蜜非常不錯又經濟!…查看更多

假日逛商場人頭湧湧，途經呢間餐廳入去歇息下，順便嘆咗個下午茶餐，佢個下午茶餐可以隨意配搭，而且價錢相宜！有12款茶餐供選擇，如果唔夠飽仲可以加$8配一碗米線，尚算抵食！我就揀咗呢款熱狗配蜜糖雞翼，熱狗味道一般，雞翼則不錯，好有肉汁又唔會太燶！…查看更多

今日年30，周圍都好多人，呢個時期，盡量避免接觸太多人，所以叫外賣返屋企食，外賣自取減$5，其實都幾好喎，好似賺左甘😅，我叫左個小窩米線，同埋炸大腸（好好味😋），其實有好多人等位，可能冇咩人叫外賣，等左大概10分鐘，都吾系太耐，我覺得可以接受，$78…查看更多

蝴蝶商場唯一一間好食米線疫情期間，外賣自取平幾蚊算抵食次次都是叫炸豬排酸辣米線佢既炸豬排就真係好香口好林好好食酸辣湯底唔夠辣但都不過不失，還可以，炸豬扒值得我再番來蝴碟商場午餐之選之一！…查看更多

呢間平時好多人排隊,無機會試到,今日居然等3張枱就入得啦.所以點都等下啦,最後等左20分鐘,但失望既係等完位都仲要搭枱! 餐廳環境都算大,但啲位就好逼😢坐低左之後又唔想食米線,於是叫左個飯食,今次試下廚師推介既和風牛肉肉燥飯.叫個店員落單都要等5分鐘呀,真係好多人食,個場好旺,所以有一刻期待過會好味架😄碗飯睇落個賣相唔錯,有肉燥,滷蛋半隻,洋蔥,牛肉旁邊有啲翠玉瓜 睇落份量算ok多,而且位置擺得非常平均整齊,真係唔錯,擺得好有技巧👍🏼味道方面食落去第一啖已經唔想落去啦.啲肉燥勁咸,肉燥中竟然無香姑碎,好失望.好似罐頭開出來既肉燥汁,加埋啲街市買番來既碎肉咁,好唔夾好難食😢試下個主菜牛肉,都尚算新鮮,不過咬落根位比較多,食到一半都食唔落.但係啲飯好多,煲得幾香,好有米香既味道,仲有啲翠玉瓜好甜好新鮮呀👍🏼成碗肉燥飯個啲米飯比較正常少少其他都不能接受😥下次都唔會入來試飯類啦,或者會考慮下啲米線,因為寫明米線專門店…查看更多

一向都好鐘意食米線，而係屋企附近就揾到呢一間米線專門店，店舖雖然唔太起眼，但勝在容易揾。難得大熱天時，店內冷氣都足夠，而且座位都闊落，好舒適。呢到有小窩米線，四川麻辣紅薯粉，同埋肉燥飯俾你選擇而我朋友叫了小窩米線，豬大腸同菜肉雲吞因為他唔食辣，所以就叫左個清湯！份量都幾多下！我就叫左魚肚，牛柏葉，麻辣小鍋米線少辣，味道欠少許濃味都可以既！！滷水小食拼盤，跟餐可以以半價優惠另外仲點左個炸墨魚丸炸得剛剛好，即叫即炸！…查看更多

今日突然間好想食米線, 碼頭區唔係譚仔就係雲貴軒, 上星期食咗譚仔, 今次就嚟雲貴軒.見到門口要等位攞飛, 但唔知點解我哋一入去話3位, 就即時有枱, 唔通門口果啲全部都等外賣?牛展米線(豬骨湯)--牛展夠林唔韌, 米線林滑 鎮江排骨米線(豬骨湯)--鎮江排骨酸酸甜甜夠開胃, 食得出落了很多款香料醃製, 而且炆得夠林, 一咬骨肉分離.豬頸肉撈紅薯粉--豬頸肉爽口又入味,  紅薯粉煙韌彈牙, 配上香濃麻醬, 掂!飲品唔差, 奶茶夠滑, 入口無苦澀味. 但講最正都係熱朱古力, 入口濃濃嘅朱古力味, 百厭仔非常LIKE.埋單$122.00…查看更多

突然想食 米線， 所以就搵咗我爸爸同我一齊去蝴蝶邨間米線鋪度食。 今次我哋去食可能因為晚飯時間都爆曬棚 ，但好彩我哋仲有兩個位畀我哋坐到 。之後我就叫咗一個 鎮江肉排紅薯粉中辣加凍檸茶 $45 ，中辣唔算好辣但好酸， 鎮江肉排冇鎮江醋嘅味道好輕微嘅甜味，肉都算淋，但係冇乜豬肉味 。紅薯粉分量多，味道唔錯。配料好似花生榨菜都好多 ，凍檸檬茶就淡咗少少冇乜茶味 ，冰都差唔多係杯嘅一半， 只可以講係我想食 紅薯粉這店係碼頭黎講唯一嘅選擇。…查看更多

今日繼續放假陪百厭仔, 凍冰冰大家都晏咗起身, 好彩趕得切食早餐咋 (10:50前)叫咗兩個早餐沙爹牛肉米粉配牛油多士, 火腿奄列+茄汁豆--沙爹牛肉都幾香, 微辣, 牛肉應該無落鬆肉粉, 有咬口. 火腿奄列原來有洋蔥, 百厭仔唔like洋蔥, 廿四孝阿媽要幫佢"了"返出嚟.雪菜雞絲米粉配牛油多士, 腸仔炒蛋--牛油多士新鮮烘製, 非常脆口. 雪菜雞絲米粉亦唔差. 炒蛋ok啦!最正係兩杯熱朱古力, 非常香濃嘅朱古力味, 喺呢個凍冰冰嘅日子, 簡直暖入心.埋單$62.00…查看更多

雪菜肉絲米粉，雪菜肉絲夠香，少少辣。香煎雙蛋，幾好，條邊仲煎到脆脆地，蛋王又夠香，牛油多士，我選擇唔烘底，牛油加上軟熟嘅麵包都十分香又唔熱氣，熱奶茶，茶香奶滑。…查看更多

好耐無來呢d 食米線既地方。入到來睇餐牌原來多左好多其他食物！我叫呢個下午茶餐只係$32 咋！等我試下先，呢個手抓餅好好食，係個汁悕得滯。雞翼就外脆內好入味，好熱氣呀！肉醫米線不過不失，以呢個價錢來講好抵食…查看更多

每個月都總有三兩日會行老遠黎里度食愛食嘅酸辣米線....亦只會食酸辣,麻辣唔係我杯茶。員工唔多理你架,要識做啲一坐低就要快快手手order,如果唔想人地黑晒口面咁對你嘅話...而且冇take2,想再佢,難啲啦!!!今次order豬軟骨菜肉雲吞酸辣中辣米線,豬軟骨淋滑又入味而且有三四件,大件夾抵食,雲吞就失色啲，個皮一夾就散...湯底夠酸唔夠辣,下次要試大辣....愛莞茜嘅可以浸晒佢地落啲湯度,多一種香味…查看更多