雲貴川

营业中

休息中

食物太咸，辣味單調！漏單又不幫忙跟進，只說嚟緊嚟緊，服務態度很差。尤其是男的服務員時常落錯單，不單止我那枱出錯，坐我旁邊的另外一枱也出錯。這樣的一間食店，我以後都不會再來了。

呢間野個幾兩個月無去食過，有d 掛住佢所以去左食，但今次食好似無之前咁好食。 我例牌就叫左紅薯粉，要左豬腸，叫左最少果隻酸辣。佢呢度d 紅薯粉係扁身既幾特別架，咬落去好qq 架！我最中意呢種感覺。佢薯粉份量好多，好似食極都仲有咁！ 佢d 豬腸都幾好食幾多既，但顏色好白，感覺上佢漂得好犀利咁。 另外佢個湯係好熱好熱，我最中意咁熱既湯，咁樣就算食幾耐d 粉都唔會凍。 佢個湯既味道係酸辣既，我叫左最少果個辣，但我覺得都已經幾辣下，佢酸味同辣味都好重，我幾中意既。食食下辣得制都係要叫一杯凍檸茶，叫野飲係加七蚊。店裡面冷氣開得好大，可能因為驚d 人食辣食得太熱，哈哈！ 食食下的確係有d 熱既。如果中意食辣野同qq 野既人可以去試下。

我好鐘意食辣野，呢間雲貴川係我以前中學時代不繼食的飯堂之一！佢既辣由4小辣到大辣都有！鐘意食辣野既我緊係食大辣挑戰自己啦！建議真係食得辣既人先好挑戰，因為食完個口真係麻左，但我實左太鐘意呢種感覺了😁😁

經過雲貴川好多次架喇, 次次都好多人, 未食過, 今日終於dic起心肝仔去試下, 點知真係有D失望, 一黎D侍應服務態度真係好麻麻地, 態度差本身都可以接受既, 如果D野好食既話-3- 同個fd兩個人叫左兩個米線, 加個小食, 米線湯就真係唔錯既, 麻到個咀都慶慶地, 不過個小食就真係嚇親小妹囉, 四十幾蚊叫左個尖椒皮蛋, 辣油就多喇, 皮旦份量我唔comment, 但果層油淋淋既辣油面真係嚇親我, 咁咪問佢可唔可以減咁D辣油啦, 好影響口感架嘛, 點知佢話係咁架啦, 唔食得辣咪叫呢款丫嘛, 咩態度=''= 雖則我都幾中意佢個麻辣米線湯既, 不過真係唔會有下次囉lol

口水雞, 食就食得多喇, 食到個咀仔咁麻痺都係第一次xd 哈其實自己都算無辣不歡, 自問有咩辣係自己未食過架丫, 誰不知呢個口水雞真係不得了, 3小辣, 辣度岩岩好xd 第一啖食到啖啖既香料味, 好特別, 有D辣, 再認真咀嚼個味, 好快就有一陣刺刺既麻辣, 充斥住成個咀唇同條利仔, 好正, 麻到我同個fd都講不出聲xp 哈如果唔係咁油膩就perfect喇xd 的確難忘xp

上星期六, 同朋友係佐敦做完野, 到lunch個時想搵米線食. 行下行下見到雲貴川, 見入面都幾多人, 就試下啦. 等左陣有位.見到個menu, 價錢都幾合理既廿幾蚊一餸, 加5,6蚊又多一個, 仲有佢有客飯, 小食又有好多種.但我地目的係食米線.我叫左個豬排豆卜酸辣米線, 朋友就叫左個牛柏葉火腿清湯, 仲有叫左個紅油豬耳.等緊過程中, lunch 時間, 雖然唔係平日都好多人, 好在早小小入左.米線上啦,豬排豆卜酸辣米線豬排 – 大大舊, 成塊上,豆卜 – 冇特別有4-5舊到米線 – 彈牙有口感, 好多, 食極都覺仲有湯底 – 真係又酸又辣, 唔會過酸or 辣, 仲有好多酸菜牛柏葉火腿清湯朋友話真係冇特別, 不過量真係好多, 芽菜同九菜都好多紅油豬耳 – 一來已嗅到辣味, 豬耳好爽口, 下面有一堆芽菜放低. 佢仲辣過我碗米線So far, 唔係大突出但係佐敦地區30幾蚊食到味道唔錯又飽真係一流.

(無緣無故, 本來是稿件的又給登了出來, 這個手機版 App 真是激死我啦!)好, 這晚又來個快晚飯, 近近地來吃麻辣粉。一入門口已感覺到那陣麻辣的氣息。一餸粉或米線 $25 都幾便宜。再加碟山椒野木耳 ($23)。要了小辣 (3 度) 的紅薯粉加芽菜。吓...原來麻辣湯底是雞湯來的咩... =__=" 不過都是幾麻辣的，吃到一半已經額角來了兩滴汗...配料有酸菜和韭菜，跟芽菜的份量也不少。紅薯粉滑嘟嘟的，也有趣。這碟木耳的份量是意想不到的大，是平常在餐館吃到的兩倍！鹹中帶麻，少少地就無問題，吃得太多就會受不了了。

路過佐敦，總想找些細鋪非連鎖食店試試。酒店出門口，穿過馬路就是雲貴川。隨便叫了一個酸辣湯底的米線，可配一個餸，另加餸需收費。酸辣湯底不錯，不過不像其他米線食店以酸菜，這有點失望。至於其他配菜如九菜銀芽等，分量都OK。而米線份量則多，男士都一定夠飽。整體而言食物無特別，不過以佐敦地段，此碗米線約三十大元，算是抵食。

典型大陸餐廳。餐牌沒設計可言，不注重裝潢，對食物的質素不堅持。下午大約4時光顧，餐廳只有一枱客人，因自己愛吃紅薯粉的咬感，故即管一試。叫了碗酸辣豬耳豬大腸紅薯粉，加凍奶茶。廚房是開放式，是車仔面檔，即食材會預先烹制，再按客人order照單拾藥。湯底像清湯，明明叫了酸辣的，卻只有一兩塊四四方方的酸菜粒，只好叫侍應拿辣椒油給我，但他卻給了我一盞只餘下辣椒片的油。為什麼不襯中場時間fill 下，近接晚上客人呢???豬耳豬大腸又是無味，應是街市豬肉檔買回來，白灼沒腌料，味道夠真紅薯粉與坊間沒太大分別，不評。我喜歡吃紅薯粉，但紅薯粉沒特性的，間間店舖都可以煮到如果湯底沒特式，餸菜質素沒獨特，餐廳設計又沒風格，經營者會很辛苦的。希望有所改善。 

平時路經唔覺多人, 但推開門來裡面真坐住好多人;朋友介紹, 食薯粉+一個豬扒, 一個凍奶茶, 雖則要$36, 但係好大豬扒碗好飽, 薯粉好粉溜, 雞湯味濃, 豬扒大件易入口, 大胃王可以考慮下。

皮旦普通木耳唔好味炸醬腩肉米線小辣朋友上次食過中辣覺得勁辣星期日諗住食點知原來好早收今次黎試多次但我覺得唔係太好味叫麻辣但我覺得酸酸地最鐘意食都係太子川之味譚仔都ok

香港的米線餐廳，由數字阿哥平頭阿叔的連鎖式經營，到小商場的家庭式手作仔規模，當中質素參差，標榜是四川正宗、雲南傳統，也不重要，只要口味合適，價格合理，這一類港式米線，也是醫肚的好選擇。今次試的米線餐廳是佐敦雲貴川，同名的米線餐廳也有幾間，是否同一集團經營則未可知。位處橫街，人流不多，店內冷氣充足，環境算清潔寬敞。點選的是炸醬酸辣貢丸麻辣、炸醬酸辣兩款米線，每碗配料都有韭菜、芽菜。先呷一口湯，四小麻辣，比數字阿哥的三小還要辣，麻辣相間，湯底有清甜的雞湯味，居然沒有被香料味蓋過。米線份量不少，口感煙韌而帶米香，屬上等米線。貢丸偏咸，不夠爽口，似乎不夠新鮮。四小酸辣配上炸醬，湯底酸辣濃郁過癮，酸大於辣，炸醬肥肉頗多。兩個湯底，喝後不會口渴，味精可能不多。服務方面，侍應落單執碗動作非常緩慢，態度散渙；餐桌上調味品、牙籤欠奉。嗜辣而不計服務，不妨一試。

其實已經食過好幾次,所以加入左openeice寫食評後,我一定要介紹一下,雖然店舖位置唔係d大街大巷,所以每次來都唔洗等位....同埋座位都好闊落,所以比起其他米線店都算座得舒服~~我每次都會叫炸醬架,因為這裡既炸醬係老闆娘秘制既煮法,好好味,好香~~而湯底當然係有大,中,小,小小辣啦...不過其實清湯都好夠味架~~

]從此兒來最辣的一碗酸辣粉 先要多謝openrice 戲飛.....睇戲前....去左郭食點野先...見有紅薯粉食.....即入去見餐排比其他的地方平...一送連粉都是$22-$23... 1度小酸辣豬腸紅薯粉 .....落單時話要小辣..侍應反問我說小辣都分4度....他很快便說1是什麼.2是什麼..3是什麼..;那時我又在發夢... 就叫了1了..點知....黎到啦...飲一啖湯...唔唔..OK喎...唔太辣...幾好幾好!!...結果黎啦...攪下碗野..開始食...嘩....月食月辣.....從未如此辣過!!後來先知...原本1係最辣...4先係最小辣. 紅薯粉煮得比較熟..唔會硬....豬腸明顯是就咁灼的..飲品$5...見餐排散叫小食偏貴...一碟口水雞要$40 大碟也有很多人食 1度小辣也那麼利害...那麼中辣大辣勁辣呢????

未搬鋪時已經食過一兩次, 個時小店既出品係好好的, 今次咁岩行過新鋪就買盒口水雞返去食下回味一下轉左新鋪唔知出品有無分別, 就叫個小辣試下先, 仲keep到水準, 雞仲食到鮮味, 唔係好多油, 小辣已經好辣, 同埋係超級麻, 真係愈食愈食到流晒口水