雲玥小館

❝Rosewood新開法式Bistro小酒館🇫🇷🥂環境高級優雅慶祝一流!食物質素相當不錯🥳❞前排朋友推介係 @rosewoodhongkong 酒店入邊新開既法國菜 @marmobistro 係一間法式Bistro😚環境高雅慶祝一流🥳整體食物質素同服務都好唔錯 雖然性價比唔算好高 始終佢係酒店餐廳啦～試咗好幾款法國菜必點嘅前菜都好滿意 其中洋蔥湯超濃郁 勁多芝士🧀中間仲有好多索滿湯嘅麵包🍞一碗兩個人share都好夠! 另外焗牛骨水有兩大條 超重油脂香搽麵包一流🤤主菜試咗三黃雞鍋 肉質嫩滑 醬汁香甜creamy😝額外加配嘅雞油飯都好香口 撈雞鍋個醬汁好夾!甜品有五款我哋揀咗紅桑子梳乎🍒店員會即席倒入野莓醬😚軟綿綿 酸甜好清新 我同朋友都好鍾意 推介!👍🏻嗰晚餐廳仲送我哋兩杯甜品酒🍷🥰🍴𝙒𝙝𝙖𝙩 𝙬𝙚 𝙚𝙖𝙩?▪️𝙊𝙣𝙞𝙤𝙣 𝙎𝙤𝙪𝙥 $188 (4/5)▪️𝙍𝙤𝙖𝙨𝙩𝙚𝙙 𝘽𝙤𝙣𝙚 𝙈𝙖𝙧𝙧𝙤𝙬 $208 (4/5)▪️𝘽𝙖𝙠𝙚𝙙 𝙀𝙨𝙘𝙖𝙧𝙜𝙤𝙩𝙨 $198 (3.5/5)▪️𝙎𝙥𝙧𝙞𝙣𝙜 𝙔𝙚𝙡𝙡𝙤𝙬 𝘾𝙝𝙞𝙘𝙠𝙚𝙣 𝙎𝙩𝙚𝙬 $388 (4/5)▪️𝘾𝙝𝙞𝙘𝙠𝙚𝙣 𝙊𝙞𝙡 𝘽𝙖𝙠𝙚𝙙 𝙍𝙞𝙘𝙚 $88 (3.5/5)▪️𝙍𝙖𝙨𝙥𝙗𝙚𝙧𝙧𝙮 𝙎𝙤𝙪𝙛𝙛𝙡𝙚 $128 (4.5/4)꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍雲玥小館尖沙咀梳士巴利道18號瑰麗酒店G樓: @marmobistro 🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_尖沙咀🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_西式 #joys_法國菜…查看更多

❀ MARMO #尖沙咀 ❀❗人均只需$500 必試傳統拉絲洋蔥湯❗——————————————————瑰麗酒店新開咗間法國餐館Marmo‼️喺Bluhouse再入面，環境裝修高貴浪漫，服務質素亦非常好，侍應仔細介紹Menu完但係價錢相對平民，人均$400-500就可以喺瑰麗酒店內享用一餐高質嘅法國餐💯.✷𝑀𝑒𝓃𝓊✷☞ GRATINÉE À L'OIGNON $168必點❣️巨好飲嘅洋蔥湯！正宗法式洋蔥湯同平時飲嘅大大不同，湯底係滿滿嘅洋蔥🧅相對少量嘅湯汁，將洋蔥嘅香甜迫晒出嚟，非常濃郁。內裏仲會有浸滿洋蔥湯嘅麵包🍞最正一定係同埋表面嘅Gruyere及Comte芝士享用🧀澎湃拉絲嘅效果，兩個人Share一碗剛剛好！.☞ CUISSE DE GRENOUILLE $285如果不怕田雞的話，非常推薦呢一款Risotto！田雞嘅口感同雞肉差唔多，絕對唔需要怕核突🤣重點係加上蒜蓉Parsley青綠色嘅醬汁真係超級美味，濃郁嘅忌廉，加上飯粒彈牙，一啖接一啖😋.☞ FRICASSÉE DE POULET $388其實係法式燉雞🐔醬汁用上濃稠蘑菇忌廉汁，仲加入咗美味嘅morel。採用經典三黃雞，燉至肉質特別軟腍，而且非常入味。整體都唔錯，不過驚喜度不及洋蔥湯。.☞ Souffle $125鬆軟嘅疏乎厘，加上紅莓醬汁，再配搭雪糕，絕對係perfect match😆——————————————————✨整體味道: 4.1/5 ✨環境裝修: 4.1/5✨服務態度: 4.2/5✨性價比: 4.2/5✨再訪興趣: 4.1/5 💞整體來講呢間瑰麗酒店新開嘅餐廳有驚喜，尤其洋蔥湯真係非常好飲🥰喺五星級酒店內價錢都算相對實惠，成為我喺瑰麗酒店餐廳嘅no.1！…查看更多

🍴 《Marmo Bistro – Rosewood酒店內的法式小驚喜》📍 香港 • 瑰麗酒店內---📝 食食食記錄───🥩 頭盤：桌邊服務生牛肉他他侍應即席拌製，手法熟練又風趣，仲同我哋講解牛肉來源同故事，儀式感滿分！🍖 主菜：紅酒燴牛柳 + 三黃雞• 紅酒燉牛柳：外表黑實實，一切開軟腍到驚人！肉味濃郁，入口即化，完全唔使點咬～• 牛油汁三黃雞：雞肉超滑，蘑菇吸盡牛油香，汁濃而不膩，係高級版comfort food！🍠 配菜：綿滑薯蓉完全食唔到一粒粒，絲滑如慕斯，同濃汁絕配。🍊 甜品：Crêpe Suzette 變奏版薄餅皮包住似疏乎厘嘅內餡，口感輕盈又帶橙香，傳統中見創意，好食！---🌟 環境同服務酒店環境高雅得嚟唔拘謹，侍應專業又幽默，成個體驗好放鬆。---💵 價錢合理嗎？以酒店法國菜來講絕對合理，唔算貴，性價比高！✅ 總結：由頭盤到甜品都無失望，係一間會想再encore嘅酒店bistro～ 推薦俾想食法菜但又怕太拘束嘅你！…查看更多

Rosewood 新開餐廳，但真係驚喜⋯⋯係驚喜失望，未食嘅話可以比其他機會其他餐廳菜式普遍偏咸⋯宜家香港人都主張健康，其中一道菜偏咸還可以理解，但係連續幾道菜都係咁😐招牌洋蔥湯整碗都在吃芝士🤣雖然是招牌，但係稱不上很好吃三黃雞⋯⋯⋯一點雞味都食唔到雞味，未試過三黃雞可以整到咁樣，個sauce 更加好多問號，唔知點形容本來結尾想點多一個甜品，但係已經失去信心直接轉場食其他甜品就好了⋯⋯⋯以前嘅Blu house 還很正常吧🥹…查看更多

前身係食意大利菜，事隔幾個月搖身一變為法國菜，食物無預期中咁驚喜，飲品真係無杯啱飲，難免有啲失望⋯法包外脆內軟唔錯，平時多數只係配有Salted Butter，但呢度幾豐富，有Raddish、Pickles、Salami▪️Eacargots A La Bourguignonne （6.5/10）💲188蝸牛入口爽彈，不過個蒜香香草牛油醬唔太入味🐌▪️Gratinee A Loignon（7.5/10）💲168全餐最好非佢莫屬🫡超級厚身既雙重芝士，會有瀑布般拉絲效果，切成粗條既洋蔥煮得軟身再焦糖化，個牛尾湯既味道非常濃烈，建議連埋法包一齊食，兩個人分一碗夠曬🤰🏻▪️Tartiflette Savoyarde （7/10）💲258侍應攞住黑板推介是日限定，呢款係芝士奶油焗薯仔片，口感軟熟，中間有啲煙肉片，增添左幾分鹹香🥓▪️Cannelloni Au Pigeon （6/10）💲248意粉皮卷住啲鴿肉，但肉香一般，配上紅白汁，普普通通▪️Filet De Bar, Artichauts Barigoule（6/10）💲488有啲中式蒸魚既感覺，海鱸魚肉質結實，浸係個無咩味既紅蘿蔔粒湯，大家穩陣啲都係食返多人推薦既雞或者豬🥲▪️Tarte Tropezienne（5.5/10）💲128幾乎每檯都有叫，侍應會推到檯邊作介紹，Brioche Cake比較濕潤，有啲索水海綿嘅感覺，Cream就幾幼滑既，亦已經根據港人喜好減糖，但可能我哋食唔慣唔識欣賞🧐▪️Sidecar（4/10）💲140聞落有微微既柑橘果香，飲落係好純粹既酒精味都幾啃🍊▪️Rose Sour（4.5/10）💲140面頭有層泡，好似薰衣草味洗手液，當中帶點酸氣🧴▪️Yellow Cocktail（3.5/10）💲140食飯之前先喺商場行完無數間香水店，然後呢杯有陣相類似既強烈古龍水味，我地幾個女仔都覺得有啲難入口🍋▪️Zero Collins（5/10）💲100呢杯大概係鹹檸七加水蜜桃味，兩隻味好唔夾😩🔎 整體評分（5.5/10）…查看更多

值得一去既小餐廳，價錢同中環個D法式小餐廳價錢差不多，但係rosewood 入面。食地點同環境及服務。圓枱有足夠私人空間。係酒店網站book位。環境唔錯。✅✅1）免費麵包✅2) daily special: 芝士truffle 通粉，幾好味😋✅3）鵝肝加無花果，冷盤。外相麻麻地，正常味。😶‍🌫️4）onion soup ,推介，可以兩個人share ❤️❤️❤️✅5) 甜品： berries soufflés ,好味❤️❤️❤️❤️✅…查看更多

老婆訂枱Marmo Bistro為我慶祝生日。餐廳的整體設計感覺休閒及舒服，同時亦適合情侶。枱與枱之間的空間寬闊。頭盤：洋蔥湯 - 材料豐富，味道香濃，絕對值得一試焗布根地蝸牛 - 肉質好嫩，本身自己少食都覺得唔錯Stuffed homemade pasta - Pasta略為厚咗少少，但2款sauce的配搭效果十分好，加番唔少分主菜：老婆揀的Roasted Porkchop肉質夠嫩，而且份量有2塊，好味我聽完職員介紹後決定試下雞胸肉Cordon Bleu，未至於有驚喜，屬於中上甜品我地各揀1款，整體一般，屬合格水平。不得不提餐廳整體的優質服務，並非高級但我會形容為friendly and attentive。唔特別造作，但我確實感受到Marmo Bistro的hospitality。…查看更多

⭐ 評分：★★★★★ (5/5)---✨ 必試推薦 🥬 前菜 ✅ Poached White Asparagus → 當季白蘆筍鮮嫩無渣，簡單烹調突顯天然甜味，新鮮食材的純粹享受。 ✅ Signature Onion Soup → 法式經典升級版！Gruyere+Comt雙重芝士拉絲瀑布，鹹度調整後更合港人口味，必點！ ✅ Escargots (烤蝸牛)→ 蒜香奶油完美襯托蝸牛獨特口感，超邪惡～ 🍗 主菜✅ Red Wine Braised Chicken (Daily Special)→ 紅酒燉雞香氣撲鼻！雞肉嫩滑入味，蝴蝶粉吸盡醬汁，隱藏版肥豬肉驚喜提香。 ✅ Beef Tenderloin (新菜單)→ Table service儀式感滿分！牛柳火候精準，肉質柔嫩多汁，新菜單亮點。 🥔 Side Dish✅ Free Flow Mashed Potato→ 絲滑薯蓉牛油香濃郁，搭配主菜一絕，可無限續加（小心吃太飽！） 🍰 甜品✅ Tarte Tropezienne→ 現場餐車裝飾超吸睛！橙花風味Brioche蛋糕夾輕盈Diplomat奶油，搭配homemade 莓果醬酸甜平衡。 🍹 飲品✅ Zero Tonic / Zero Collins→ 無酒精清爽解膩，完美收尾。 ---🌹 環境與服務- 氛圍：低調奢華法式小館風格，桌距寬敞，適合紀念日或閨蜜聚餐。 - 服務：專業且貼心，侍酒師會根據菜品上菜，節奏掌控完美。 - 隱密性：位於Blu House內轉角處，鬧中取靜，記得留意標誌避免錯過！ ---📌 總結- 主廚巧妙融合傳統與創新（如調整的洋蔥湯），每道菜都有記憶點。 - 食材品質對得起價位，Daily Special更顯廚師心思，建議提前詢問當日限定。 - 由前菜到甜品的完整度極高，絕對會為Tarte Tropezienne再訪！ #瑰麗酒店 #法式小館 #洋蔥湯 #儀式感用餐 ---💡 小貼士1. 預約備註：窗邊位可望維港景，紀念日可要求甜品寫字裝飾。 2. 菜單更新：主廚常推季節限定…查看更多

Rosewood 隱蔽法式小餐館🇫🇷佢嘅位置係Blu House入面🤣主打地道法國菜環境、服務、食物都非常出色！好多道菜都有驚喜！價錢非常合理！🌟ESCARGOTS À LA BOURGUIGNONNE $188 法式蝸牛配搭蒜蓉香草汁味道香口🌟GRATIŃEE À L’OIGNON $168必點招牌菜‼️焗洋蔥湯用左兩種芝士，拉絲效果一流🧀 湯底用牛尾燉煮7小時味道濃郁！入面仲有大量洋蔥及麵包片吸收湯底精華🤩 2-3 人share一個啱啱好！🌟CÔTE IBÉRIQUE $398豬扒顏色粉嫩口感軟熟🐷 口感超有驚喜！配搭honey Master汁味道好夾！🌟 CANNELLONI AU PIGEON $248長通粉入面釀咗鴿肉，配搭紅白汁相當特別👍🏻🌟 TARTE TROPÉZIENNE $128橙花蛋糕口感鬆軟，忌廉輕盈年而不膩！配搭自家製雜莓醬好食🙌🏻🌟 SOUFFLÉ AUX FRAMBOISE $128味道酸酸甜甜做飯後甜品一流！…查看更多

Marmo Bistro📍 地址:尖沙咀梳士巴利道18號瑰麗酒店G樓💬 簡介: 完全明白點解 Rosewood 呢間新開嘅 french bistro 預約困難!因為真係超超超好味!前菜一定要試佢地個 smoked spanish sardines 超有驚喜 你一定唔會後悔 !熱辣辣嘅 garlic herb butter escargots 都好好味 但如果只可以二揀一 我會揀 sardines 仲有佢地個黃油雞記得要配埋個雞油飯啊!d雞好滑好入味 連d菇都好好味 配埋個雞油飯係真心正! 原本以為紅蘿蔔同白蘆筍會冇咩特別 點知係超鮮甜 唔知佢地係用咩glaze 過 😋 甜品就一定要試個raspberry soufflé! 係入口即融架！一定會再去試埋佢其他野食!不過要搵多d人去先可以試多d野 因為佢portion都幾大｡必試招牌菜: Smoked spanish sardines on croutonSpring yellow chicken with chicken oil riceRaspberry Souffle👍 推薦指數:⭐⭐⭐⭐⭐味道:⭐⭐⭐⭐⭐ (5星為最滿意) 環境:⭐⭐⭐⭐⭐ 服務:⭐⭐⭐⭐⭐  性價比 :⭐⭐⭐⭐⭐  …查看更多

一推門果下真心讚嘆餐廳嘅環境🥰我地4個女仔叫咗以下食物"- 洋蔥湯 -$168- 烤骨髓伴多士 - $198- 黃油雞羊肚菌 $388- 鱸魚 - $488- 炸薯條 - $128- Creme Brulee -$108- Tarte Tropézienne - $128 儀式感滿滿，有朋友生日一定要叫😊以五星級酒店餐廳，呢個價錢算親民！無論環境、食物同服務我地都好滿意😊唯一缺點係有時間限制，只可以選擇晚上6點或者8點半用餐2小時！…查看更多

係Bluhouse入面，洋溢住温馨親切氣息，因應季節悉心設計特色美食，展示頂級肉類和新鮮海產等精選優質食材的誘人風味，讓您與家人好友悠然暢聚，共嚐美食。🥢COQUILLETTES À LA TRUFFE$388 （8/10）係truffle版嘅mac&cheese，off menu係個日嘅daily’s special。質地幾creamy，truffle味都香濃嘅，但整體而言比較普通，未有太令人驚歎🥢CÔTE DE BCEUF À LA BORDELAISE🥩(600g Roasted Bone-in Ribeye,Bone Marrow,Red wine sauce ‘serves 2’ ) $888 （9/10）只能夠説呢個唔可以唔嗌！！！啲紅酒汁好濃郁，我地嗌medium rare塊牛扒嘅熟度啱啱好，脂肪比例分配平均，係絕對會為咗佢翻嚟呢間餐廳到食(;´༎ຶД༎ຶ`)🥢POMME PURÉE🥔(Creamy mashed potato) $88 （8/10）薯蓉質地都幾細滑，有香濃嘅牛油味🧈🥢FRICASSÉE DE POULET🍗 (Spring Yellow Chicken Stew,Cream,Morel mushrooms,Swiss Chard) $388 （7.5/10）本來想嗌red wine個款，但可惜個日sold out。整體嚟講都唔錯，雞肉幾嫩滑，只係相比之下就比較普通，而且份量唔多，得細細地四舊-Dessert🍨 🍽️CRÈME BRÛLÉE🍮(Burnt Vanilla Custard) $108 （8/10）有薄薄一層焦糖係面，一食落去啲雲呢拿味湧晒出嚟，吉士醬嘅質地都好軟滑，眼見到勁多雲呢拿籽，做得都幾出色(⁎⁍̴̛ᴗ⁍̴̛⁎)🍽️CHOUX AU CHOCOLAT🍫(Chocolate Puff, Chocolate Mousse, Caramel Sauce) $108 （8.5/10）個puff勁香脆，朱古力味都好夠，而且個mousse好香滑，再配埋caramel真係好夾-Drinks🥂Domaine François Mikulski, Crémant de Bourgogne Brut NV💸avg spending per head:ard $1000環境：🫶🏻🫶🏻🫶🏻🫶🏻.🫰🏻有得望住廚房睇廚師煮野食，好有氣氛，都幾浪漫服務：🫶🏻🫶🏻🫶🏻🫶🏻.🫰🏻整體嚟講都會比幾高分呢間餐廳，好適合同朋友或者情侶慶祝！🍽️MARMO BISTRO📍尖沙咀梳士巴利道18號瑰麗酒店G樓🕰️Mon&Tues closed,Wed to Sun 18:00-22:30…查看更多

突然發現香港瑰麗酒店內開了一家法國小餐館，整個氛圍感拉滿，每一道菜都讓人感受到用心與驚喜。 🍞 沙丁魚西紅柿酸種吐司：這組合真的是非常特別，口感豐富層次分明，酸種吐司的酸爽搭配沙丁魚的咸香加上西紅柿的酸甜，作為開胃菜一流。 🐌 法式焗蝸牛：法國中部地區勃根第（Bourgogne）的驕傲，用香草蒜香黃油搭配青醬的味道絕了！蝸牛口感嫩滑，十分推薦。 🥗 吞拿魚沙拉：用料十足，用的是新鮮吞拿魚，吃起來特別滿足，每一口都能感受到魚肉的鮮嫩與色拉的清爽。 🧅 法式芝士洋蔥湯：最讓人驚喜的一道菜！店員特別介紹說，這是他們開店以來最受歡迎的招牌之一。湯里混合了兩種芝士，拉絲超長，搭配軟爛的洋蔥和吸滿湯汁的麵包片，浸泡在用牛尾燉煮了7小時的湯底里，喝起來濃郁卻不膩，幸福感爆棚！ 🐟 主菜煎龍利魚配手切薯條：魚肉鮮嫩，薯條外酥內軟，完美搭配，讓人欲罷不能。 🍰 甜點南法橙花蛋糕配自制燴雜莓醬：甜點環節也很有儀式感，店員會推著小車到桌前，現切一塊清新的南法橙花蛋糕，再配上自制的燴雜莓醬，為這頓飯畫上完美句點。…查看更多

呢間隱藏於Rosewood Blu House 入面既法國菜真心出色, 每一道菜都會令你留下深刻既印象🤩POMMES ALLUMETTES 🍟($128)用新鮮薯仔切成條狀再攞去炸, 出爐既時候好鬆脆同埋超大份, 但係我個人又覺得未去到必點既程度🙂ESCARGOTS À LA BOURGUIGNONNE🐌($188)用左黎自Burgundy 既蝸牛配上蒜香牛油香草汁,清新不油膩, 個汁攞黎點麵包一流😍GRATINÉE À L'OIGNON🧅($168)焗洋蔥湯加入左大量洋蔥同埋Gruyère同Comté 兩款芝士, 拉絲既效果有視覺既享受, 味道好濃郁飲到洋蔥既甜品, 呢個我覺得係必點, 兩個人Share一個剛剛好🥰CANNELLONI AU PIGEON🍝($248)煙韌有點口感既自家鼠大長通粉襄入左孔鴿肉係中間, 口感似牛同羊既混合, 仲有個紅白汁, 個人覺得紅汁會比較出味, 係一個幾特別既菜式😎COQ AU VIN 🐓($388)用紅酒去燉既雞肉超入味, 一打開就會聞到陣陣既紅酒香, 食落紅酒味都好濃郁, 雞肉好嫩滑, 仲再蝴蝶粉同一舊肥豬肉, 呢個係屬於Daily Special, 所以未必成日有😌TARTE TROPÉZIENNE🍰($128)用餐車推過黎即場係你面前裝飾上碟既法式Brioche Cake, 鬆軟既蛋糕中間夾住Diplomat Cream一啲都唔膩, 仲有淡淡既清香, 配埋自家製Berries Compote好好食既一個甜品🤩呢度無論食物同服務都超好, 個人覺得真係值得一試, 洋蔥湯真係冇得頂🥳…查看更多

BluHouse裏面嘅The Dining Room原來呢幾個月已經結業 搖身一變成為法式bistro🇫🇷價錢相對親民好多 食物質素唔錯 性價比頗高😸好喜歡餐廳裝潢典雅充滿法式美感坐低一定要試返杯特調雞尾酒🍸以法國白蘭地做底嘅SIDECAR甜甜地又易入口 十分推薦無論係經典滿佈格魯耶爾同康堤芝士嘅法式洋蔥湯🧅充滿邪惡香草香蒜牛油嘅法式焗布根地蝸牛定係法式香烤牛骨髓一系列法式經典前菜都好滿意🤍好似平時法式小餐館咁佢會有幾款是日特別菜式我哋就試咗一款外邊包住椰菜釀咗法國鵝肝嘅肉丸富特色嘅手工菜味道豐富有層次😚 讚❕_📸🔸Roasted Bone Marrow (HK$198) 🔸Escargots (HK$188)🌟🔸French Onion Soup (HK$168)🌟🔸Stuffed Cabbage (HK$428)🌟🔸Roasted Pork Chop (HK$398)…查看更多