雲海滙

喺OpenRice見到廣告，話深水埗呢間雲海匯有$198中菜放題，見咁抵食又有我最愛嘅片皮鴨就即刻去試！放題有足足3個鐘，可以慢慢食唔洗趕。食物方面，主角片皮鴨可以無限追加，鴨皮香脆，肉質嫩滑，配埋青瓜京蔥，好快就encore咗幾轉。除咗片皮鴨，仲有酸菜魚、海鮮同超過40款小菜任食。最驚喜係有三款定量頭盤，包括蠔皇鮑魚、燉湯同大虎蝦，用呢個價錢食到鮑魚真係好抵。點心可以逐粒叫，兩個人試多幾款都唔怕浪費。私心最愛順德炸鮮奶，外脆內軟！服務都唔錯，上菜同收碟都好快手。唯一美中不足係飲品選擇較少，特別係低糖或無糖嘅飲品。最後埋單連茶芥加一大約$260一位，整體嚟講食物款式多，質素對得住價錢，絕對會再encore！…查看更多

屋企一向對粵菜非常講究，我們尤其喜歡吃北京填鴨。一直住在鄰近地區，但近期才知道這裏有北京填鴨優惠套餐。只抱着貪新鮮的心態，但很有驚喜。北京填鴨的質素非常好，其他菜式亦做得比其他價錢相近的酒樓好一倍，員工的態度也非常親切，已決定父親節又來光顧！豬肺湯非常出色，足料又正宗，但並不是白肺那種我們更喜歡。有幾蚊一隻冰鎮鮑魚必須叫非常好！其他小菜如生炒骨，龍蝦麵，煲仔菜等都非常好吃！最後叫了壽包，很完美的一頓粵菜晚飯😍…查看更多

上網買咗片皮鴨任食放題，有小炒，海鮮，點心，燒味，飲品，上菜都幾快，雖然佢每一款二人份量，唔值錢嗰啲你畫多幾份佢都會照俾。但係好似片皮鴨同酸菜魚佢就計人頭，要兩碗酸菜魚，佢都係會比一碗 🥺而且仲要20分鐘先至出到一碗。感覺好似唔係好想俾你食咁，然後每次嘅酸菜魚都係越來越少魚，但係薯粉同芽菜就好多。 片皮鴨頭兩次都幾好食，不過之後再叫嘅片皮鴨就已經腍晒。炸生蠔就臭臭地可以唔使試，其他鮑魚，燉湯，小炒，大蝦，全部都熱辣辣都還可以。不過都係得酸菜魚會重叫😃最後埋單叫咗兩個侍應，等咗半個鐘仲未嚟到，最後要自己行出去埋單😓…查看更多

之前食過佢嘅片皮鴨，唔貴另加小菜質素都唔錯。見佢有片皮鴨放題，KXday coupon都幾抵，買來試吓。一坐低就上三個頭盤，以人頭計，每人有一隻茄汁大虎蝦，燉湯同埋五頭鮑魚，呢三款只係上一次嘅啫，唔係任食，但係三款質素都唔錯，鮑魚好腍，個蝦好彈口夠新鮮。任食部份款式都唔少，飲品仲有果汁先生同紅白餐酒，我同老公戰鬥力其實都普通，淨係試咗圖片嗰啲，應該有五份二嘅嘢都冇試到，3小時放題，我哋其實食咗個半鐘都已經飽，坐咗兩個鐘頭左右就走。但所有嘢全部都好食，全部都夠熱，上得都好快同埋都冇漏單，片皮鴨主角正常水準，個炒麵夠乾身好味，唔係怕飽，我哋都想叫多次，老公好欣賞個炸生蠔，裏面隻蠔好大，個蝦仁炒蛋我覺得相當唔錯，隻蝦好大隻同埋都好新鮮，炸豆腐好脆，連最尾個紅豆沙我都覺得好好食。唯一有少少令人唔太愉快就係有一個侍應嘅態度好麻麻，因為我哋後尾想叫兩杯橙汁，諗住費事又寫一張紙就同佢就咁叫，佢話我哋要入紙落單，佢態度就唔係咁好，之後我有同佢講原由，其他服務員嘅態度就幾好，但見之前有人講話服務差。…查看更多

好耐無食過片皮鴨, 見到個優惠好似幾抵, 立即買嚟試下 食物 : 一坐低, 職員便先上頭盆, 有茄汁焗大虎蝦/燉湯/五頭飽魚椎茸, 是按人頭計不是任食, 頭盆味道都唔錯, 之後就開始叫任點食物, 任點紙上分了5個區, 清楚分類各種食品, 容易選擇, 今日重點是片皮鴨, 當然立即叫嚟食, 不過片皮鴨肉質偏乾偏硬, 而且肉多皮少, 較失望, 反而其他小菜/點心/燒味的味道都算幾好, 以咁嘅價錢都算幾抵 環境 : 當天是坐在大堂, 唔算好迫, 都坐得舒服 服務 : 職員有禮貌主動, 有詳細解釋叫餐情序 費用 : $459 ($168 x2 + $123 加一服務費/茶錢/酸菜)…查看更多

任食任飲晚市估不到有水準，不理解為何會有負評。待應勤快，樂意服務，環境好，近南昌地鐵站。餸菜即點即煮，夠熱又好味。酒水任飲，有生力，可樂，紅白酒等。仲有燉盅湯，鮑魚，煎大蝦按人頭上。每位連加一只是$200+-最好味算是燉湯，酥炸生蠔，滷水豬腳，炸豆腐粒。薑汁糕，棗紅糕，紅豆沙也好吃。So delicious, value for money, good services, excellent Chinese dishes.…查看更多

網上見到有放題優惠, 諗住去試下。屋企人先入坐，因為不想坐廁所門口禮貌要求調換位，侍應不斷比說話屋企人聽，又説麻煩黑口黑面。整體無服務可言，食物種類多, 但部分上台是冷的, 直接放餐車在旁, 沒有什麼人服務你, 完全不值按原價收加一服務。 請大家衡量後再選擇🙏🏻 食物方面, 都算多選擇,味道正常, 上菜速度一定會比較慢, 大概20-30分鐘左右, 但以呢個價錢算抵食, 少少食不同的餸菜. 但服務唔好食到背脊骨落, 抱有服務唔好的心態便可以一試.…查看更多

食物質素差，員工態度惡劣，尤其在櫃檯收錢的員工，不但沒有把單給客人看，客人問問題直接不答，也不正面收錢，只和旁邊的員工一直在聊天。茶餐廳態度服務也比這間酒樓好。簡直是酒樓界的毒瘤。…查看更多

又到食大閘蟹季節，今次揀雲海滙，位於深水埗深旺道38號海達邨二期平台1樓1-01號舖。 見到當晚都好多人食大閘蟹，我們點了大閘蟹餐。 📍大閘蟹 ～ 每人有兩隻大閘蟹(乸) ， 大概有三至四両， 爆膏鮮味。 📍蒸鮮蠔 ～ 大大隻蒸蠔， 味道鮮甜。 📍蠔皇椎茸5頭鮮鮑魚 ～ 鮑魚口感軟腍。 📍蟹肉海皇燴花膠 ～ 湯羹裏有滿滿的蟹肉， 溫度夠熱，好味。 📍蟹粉小籠包 ～ 味道鮮香，湯汁飽滿。 📍任食有京式片皮鴨、老壇酸菜魚、豉味欖角骨、椒鹽炸鮮魷、川味口水雞、蒜香炒什菜、生炒糯米飯、鮑汁伊麵、禦寒紅糖薑茶和養顏棗皇糕， 每款都有水準。 整體性價比高， 每人400蚊內就可以食到大閘蟹套餐， 非常豐富，值得推介。🏷️溫馨提示～ 整個用餐體驗均屬個人分享意見， 只作參考😊。 …查看更多

屋企人約飲茶，跟住老竇又話要嚟呢一間。我記得呢度啲乳鴿係幾好食嘅，咁就遠啲嘅話過嚟都冇乜所謂。過到嚟下午茶，今次有新嘢玩，竟然係下午茶三寶見到個價錢有少少唔相信所以去問部長。部長就話啱㗎啦，照剔啦！嚟到嘅時候。對於個份量嚟講係打咗個突嘅。不過換過角度嚟講，一個人食嘅話就剛剛好一籠點心一份小食，同埋大概兩個碗仔份量嘅粉麵飯。不過佢都冇開乜細枱咁滯，佢出啲咁嘅份量㗎餐，真係食到有啲尷尬，都唔知捱唔捱多第三份好。個乾炒牛河同埋楊州炒飯真係未見過咁平，係平如草原。感覺就好似自助餐炒d粉麵飯，跟住自己攞個碟出去𢳂少少嚟試嘅感覺。呢個三寶嘅定位係有啲怪，真心唔介意定價高少少，個份量可以多番啲。撇除咗呢個之外，其他嘢食都係尚算正常嘅。…查看更多

厚此薄彼 早茶好多婆婆公公 本來預咗要搭枱 想攞飛佢又話自己搵位 好不容易找到 又遲遲吾執枱 結果俾人搶咗 足足搵咗20分鐘枱都冇位 最後其中一個經理 就話見到枱就坐落去啦，同丈夫見到張大枱諗住坐落去 因為其他大枱，大家都係搭枱坐嘅 但係另一個職員又唔容許我哋兩個坐落去 仲要態度好差 求其搵個身貼身的位置叫我哋坐落去就算 本來諗住放假舒舒服服飲餐茶 坐得仲慘過街邊咁委屈，好激氣 講真我寧願唔食 其實我覺得佢係唔想執囉 其他大枱有容許搭枱喎 其實平日9:00晨早留留 有咩人12個人去食呢…查看更多

屋企人話有新酒樓，臨走出去試吓，點知去到嘅時候見到原來係囍慶集團，早知就唔使出嚟咁遠。話雖如此，我有覺得呢一間好食過科學園嗰間囍慶。呢度有皮嘅嘢都比較薄，叉燒酥、腸粉覺得佢整得幾好食，又多餡料。另外新開張有優惠，個乳鴿兩隻好似都係五十幾蚊，啲肉嫩得來亦都唔會太鹹。個肉骨茶鮮竹卷，係幾特別，但係藥材味唔算重。豬手個賣相都唔錯，都起碼見到有肉食唔會剩係得啲骨。個沙茶牛肉炒河粉，雖然唔係好靚仔，但個味係正常嘅，如果個芡汁薄返少少就好啦。仲有個黃金蝦都足料又夠味，性價比幾高！事次用餐事自費。…查看更多

中意比人鬧同指責既推介去依間酒樓搵💁‍♀️譚桂秀經理👍客人好似佢既下屬甘， 稍為有少少唔合佢心水， 隨便比佢指住黎話， 佢再加一話你都5 講道理甘 佢就無敵🤙🤙🤙今時今日啲員工仲可以用甘差既態度去接待客人 ， 真係好大既勇氣 。 唔怪得附近果間酒樓 可以甘full ，佢仲吉左4 -5張，大既12 人枱。 一入到酒樓 ， 前枱有人都好 坐左係到 既高度根本睇你唔到 ，好啦 咪等下 ，keep 住都係透明 ， 有大有細 又bb 車 其實都好難見唔到 ， 其他人 不斷直入 ， 我地都keep 住等 ， 之後搞5 掂 就問員工 其實係邊到拎位 ， 員工譚桂秀叫等等， 之後一分鐘內都過左黎 ， 話直入大枱 ， 見到遠處有人揮手 咪跟住入， 之後又行到甘上下唔知同個揮手員工去左邊 ， 甘見有大枱 咪坐低 ，其他枱既人又推開輪椅比我地2 架bb 車放入去 （我諗都用左3-5分鐘）， 坐左一分鐘到 ， 員工A話唔係叫你坐依張枱 （想答佢都冇比機會我）， 我話唔到事 ，你同經理講 。等佢講完 我咪話 你難做 ，咪同經理講 客人我發脾氣 。 之後 譚桂秀女士 走 過黎講話，我明明叫你坐××× 唔係坐依到 ，我話我地冇人聽到 ＜＜＜入枱紙都冇一張 ， 寫你入邊張枱都冇＞＞＞＞ 我地3 個大人，冇一個人聽到佢講果個枱號 。 之後佢一句 ， 你講下道理好woo ! 我R哂頭 道理個點係邊 ？ 我第一句講 首先我唔喺住喺度 我係唔清楚你啲枱係放邊 ， 第二你冇講過枱號 ， 第三其實佢安排我地去坐果到明顯坐唔落 3 大2 細 ， 我話你開茶比我啦 ！其實我地推好哂BB 車坐好哂 都其用左幾分鐘 ， 問題係我唔係你下屬同冇欠你任何野 ， 又冇話介意比你搭枱 ， 我地坐底時 左右2 邊 ，各有2 張12 人大枱 冇人坐，之後佢講甘你要坐係到 ，我收你6 人茶位 ，我話開 我冇所謂 不過我會報警 ，問下5 人（3大1 小1 手抱）收6 人茶位係咩法例 。好笑既係 叫我講下道理 ！佢講完依句就以為自己講緊道理 ！講真其實係咪唔想甘多客 ，想趕緊啲人走？ 講笑！處理方法係咪只係一定要趕我地客人去指定位置 ， 一句唔該 你好 果啲都冇 。又唔一定要食你依間既 ！之後我問佢 佢公司投訴電話係幾多號 ， 佢話唔知 ，奇怪你係經理 你唔知 都升到上黎 你， 佢話出面有寫 ， 我話甘麻煩你帶我出去 話比我知係邊個號碼，之後行行下 特然走左去開茶比其他人 ， 我就同譚桂秀講 甘好服務 開茶比人 唔開茶比我 ， 我話你唔洗逃避啦 ， 電話我要硬 ！麻煩你比我 ， 之後比左支牙籤我 上面有電話 ， 奇怪，張張枱都冇牙籤 ， 得依張先有 ？ 你都好好服務 ， 香港有你甘優秀嘅員工 香港一定越黎越好！問佢全名叫 咩名 ， 佢話自己寫 ，佢好忙 ， 我咪問譚女士借支筆， 佢都好好有借筆比我， 對佢黎講最好服務係依一下。我想講 其實你間鋪甘多張吉枱 ，我就真係唔知你係咪甘忙啦 之後轉另一間酒樓 枱又多過你 客又多過你 服務都正常過你 起碼我去另一間 我都可以安安靜靜食下野 做返個人打去投訴電話，聽果個人就好好啦 ！ 終於依個集團有一個正常人 野食正路唔差 可惜惡人當道 冇勇氣再入去做狗…查看更多

一家人去食飯，叫咗個套餐，其他餸好唔好食就唔好講嗱，份量都相對比較細，但呢以下呢個餸我都唔知講咩好。。。真係可以咁求其，屋企上菜都唔會咁，另外隻龍蝦只係成開邊上，咁多個人唔知點分😂大佬，屋村酒樓都可以比返d誠意嘅。…查看更多

之前來過雲海匯飲茶食飯，午市同晚市質素都滿意。今次試片皮鴨小菜放題，經kkxxx訂用埋優惠，價錢是抵，但質素明顯下降，尤其點心與日間有差異，食物温度也控制得不太好，個人覺得散叫好過食放題。還好是現場座無虛席，難得晚市食飯幾有氣氛。片皮鴨、伊麵、燒腩仔、白灼蝦、任點飲品酸菜魚、湯羮、炸物、奶皇糕放題餐牌每人包半隻乳鴿，雖然唔太熱但味道尚可。燒腩也可以，炸鮮奶可以不叫。黃金蝦球上菜時熱辣辣（限1份）片皮鴨每次2份，放題好處係人少少唔洗食咁多件:)花膠羹（左）和海皇羹（右）正常發揮甜酸肉义燒同雞一般、炸蠔（上）可以唔叫燒賣有啲散，跟茶市唔同伊麵係全晚最熱同好味嘅，炸豆腐淋咗桂花糕正常…查看更多