雲海滙

云海汇今人家人请食饭，去左南昌站呢间酒楼，沿V Walk D zone 经天桥去海达邨方向，酒楼小菜种类多，小菜，甜品，饮品任点，味道正常发挥，冇乜惊喜位，甜品吾太甜，有啤酒任饮，任饮任食4小时，每位$190有找，服务好，环境舒服，上菜收碟快，抵食呀！…查看更多

喺OpenRice见到广告，话深水埗呢间云海汇有$198中菜放题，见咁抵食又有我最爱嘅片皮鸭就即刻去试！放题有足足3个钟，可以慢慢食唔洗赶。食物方面，主角片皮鸭可以无限追加，鸭皮香脆，肉质嫩滑，配埋青瓜京葱，好快就encore咗几转。除咗片皮鸭，仲有酸菜鱼、海鲜同超过40款小菜任食。最惊喜系有三款定量头盘，包括蚝皇鲍鱼、炖汤同大虎虾，用呢个价钱食到鲍鱼真系好抵。点心可以逐粒叫，两个人试多几款都唔怕浪费。私心最爱顺德炸鲜奶，外脆内软！服务都唔错，上菜同收碟都好快手。唯一美中不足系饮品选择较少，特别系低糖或无糖嘅饮品。最后埋单连茶芥加一大约$260一位，整体嚟讲食物款式多，质素对得住价钱，绝对会再encore！…查看更多

屋企一向对粤菜非常讲究，我们尤其喜欢吃北京填鸭。一直住在邻近地区，但近期才知道这里有北京填鸭优惠套餐。只抱着贪新鲜的心态，但很有惊喜。北京填鸭的质素非常好，其他菜式亦做得比其他价钱相近的酒楼好一倍，员工的态度也非常亲切，已决定父亲节又来光顾！猪肺汤非常出色，足料又正宗，但并不是白肺那种我们更喜欢。有几蚊一只冰镇鲍鱼必须叫非常好！其他小菜如生炒骨，龙虾面，煲仔菜等都非常好吃！最后叫了寿包，很完美的一顿粤菜晚饭😍…查看更多

上网买咗片皮鸭任食放题，有小炒，海鲜，点心，烧味，饮品，上菜都几快，虽然佢每一款二人份量，唔值钱𠮶啲你画多几份佢都会照俾。但系好似片皮鸭同酸菜鱼佢就计人头，要两碗酸菜鱼，佢都系会比一碗 🥺而且仲要20分钟先至出到一碗。感觉好似唔系好想俾你食咁，然后每次嘅酸菜鱼都系越来越少鱼，但系薯粉同芽菜就好多。 片皮鸭头两次都几好食，不过之后再叫嘅片皮鸭就已经腍晒。炸生蚝就臭臭地可以唔使试，其他鲍鱼，炖汤，小炒，大虾，全部都热辣辣都还可以。不过都系得酸菜鱼会重叫😃最后埋单叫咗两个侍应，等咗半个钟仲未嚟到，最后要自己行出去埋单😓…查看更多

之前食过佢嘅片皮鸭，唔贵另加小菜质素都唔错。见佢有片皮鸭放题，KXday coupon都几抵，买来试吓。一坐低就上三个头盘，以人头计，每人有一只茄汁大虎虾，炖汤同埋五头鲍鱼，呢三款只系上一次嘅啫，唔系任食，但系三款质素都唔错，鲍鱼好腍，个虾好弹口够新鲜。任食部份款式都唔少，饮品仲有果汁先生同红白餐酒，我同老公战斗力其实都普通，净系试咗图片𠮶啲，应该有五份二嘅嘢都冇试到，3小时放题，我哋其实食咗个半钟都已经饱，坐咗两个钟头左右就走。但所有嘢全部都好食，全部都够热，上得都好快同埋都冇漏单，片皮鸭主角正常水准，个炒面够干身好味，唔系怕饱，我哋都想叫多次，老公好欣赏个炸生蚝，里面只蚝好大，个虾仁炒蛋我觉得相当唔错，只虾好大只同埋都好新鲜，炸豆腐好脆，连最尾个红豆沙我都觉得好好食。唯一有少少令人唔太愉快就系有一个侍应嘅态度好麻麻，因为我哋后尾想叫两杯橙汁，谂住费事又写一张纸就同佢就咁叫，佢话我哋要入纸落单，佢态度就唔系咁好，之后我有同佢讲原由，其他服务员嘅态度就几好，但见之前有人讲话服务差。…查看更多