雲桂香米線專門店

营业中

休息中

呢間係位於長沙灣既米線店, 長期都好多人係外面等外賣呢度既湯底已經係勁多選擇我今次食既係小鍋米線小辣配料揀左既係雞翼同魚腐等左大約5分鐘就已經送到上枱好香既辣味米線係勁彈牙同已經吸收哂湯底既香味, 惹味非常雞翼一共係有兩隻, 而魚腐係有3大片的鹵水雞翼已經好淋滑同埋mix左湯底既辣味加上本身既鹵水味道口味一流!!最重點就係個湯底夠正, 呢碗米線先會咁好食!!凍奶茶亦相當有水準!! 大大杯跟餐都只係7蚊, 食到辣辣地飲返杯凍飲真係一流

今日下晝去咗長沙灣食米線，去咗呢一間有好多分店嘅雲貴香，連鎖店往往就有一定嘅品質保證，唔使驚中伏。近年嘅港式米線，都係走車仔麵嘅路線，揀好面底之後，就可以選擇自己喜歡嘅配料。面對一般都會係米線、薯粉等等。另外湯底都係米線嘅精華，一般都有麻辣、酸辣、清湯等等。我就揀咗腩肉麻辣小鍋米線，小窩米線湯底濃郁，麻辣夠香。小窩米線嘅特色就係米線同湯底會一齊去煮，令到米線更加入味，唔會湯還湯，麵還麵。腩肉係用厚身嘅切法，食落有口感，但又唔會太韌。另外每款都會加咗芫茜， 對於我呢啲芫茜控園來講，加咗芫茜簡直係畫龍點睛，令到成碗面即刻提升左。

酸辣小鍋米線係小編至愛🍜😋仲要必加腩肉😍而且仲有多款小食😍-酸辣小鍋米線 $28呢度小鍋米線酸辣程度適中小辣其實都岩想食辣但又唔太食得辣既人🤣米線亦煮到岩岩好😋酸辣湯個味道岩岩好個酸辣味好惹味忍唔住飲哂d湯一啖湯一啖米線正😋😋腩肉份量都算多魚肉春卷夠彈牙😋-熱拌紅薯粉 $34拌薯粉相對冇咁好食因為個味道唔算好重冇湯麵咁惹味🤨今次加左燕皮肉餃但肉味唔濃比較普通-炸鮮竹龍蝦卷 $22新鮮炸起有蝦味😋加埋泰式辣醬一流😋推介！

小鍋米線另外加左2個餸: 腩肉/魚肉春卷😋一如平時既味道😂都係咁好味👍🏼今次叫左小辣，但個人認為可以再辣d，但酸味都算足夠。值得一讚既係環境好乾淨（可能係新開既關係）炸鮮竹龍蝦卷上碟時熱辣辣，外皮炸得好香脆👍🏼

經過元州街，見到新樓盤『喜漾』地下有多間食肆，之中呢間佔地面積最大，啲字最搶眼，佢就係『雲桂香米線專門店』。米線係我鍾意食物之一，見到咁新淨又企理的米線舖，又點可以唔試吓呢??餐牌就係玻璃枱面下邊，唔使手掂餐牌又可以清晰睇到，都係優點來嘅。有基本的湯底，由25蚊至65蚊不等，跟住可以自己添加食物，有幾十樣咁多。辣度分等級由唔辣到勁辣亦有8樣之多，啱晒所有人類吖。嗌咗『港式米線』+豬紅，重慶水晶粉+豬潤，2杯凍飲同一個小食『炸鮮竹龍蝦卷』都唔使一百蚊，勁抵食。米線正常哋好食，豬紅好滑又入味。水晶粉就晶瑩剔透，有特色，其實仲有紅薯粉揀，有咁多選擇，一定要畀like。

🌟 【 米線控 】雲桂香米線專門店Yugu Noodles 🌟👉 邊個同我一樣鍾意食米線？平時好少去開長沙灣，今日就試吓雲桂香嘅招牌雲桂米線。餐牌指名明火烹調，內有腩肉，雞絲，魚肉春卷，腐竹鮮蝦，雲耳，腐竹，冬菇，芽菜等等嘅各種配料⋯我仲追加左墨魚頭同埋雞腎，啱晒超級肚餓嘅我！碗米線嚟到，分量十足，每樣餸菜都做得很出色，腩肉同埋雞絲味道濃郁 口感鬆軟，墨魚頭同埋鴨腎有咬勁，濃湯唔係太鹹，飲完亦冇口乾嘅感覺。餐廳坐得舒服，服務員態度友善，下午茶時段特別抵食，飲埋凍咖啡都係加$3，我記得沙田都有間分店，下次行過沙田可能會試吓！

以前好中意食雲桂香嘅撈米線 最後一次食係食炸醬時發現一條勁粗勁長勁攣嘅毛從此冇再食過最近竟然開正係留下 就比次機會叫左撈薯粉中辣腩肉鴨腎一食薯粉個頭好多問號 再食 點解唔辣嘅😭淨係得浸醋味完全冇辣味 薯粉比佢煮到爛曬唔q彈想點………腩肉散修修都算 塊塊都係咁肥咁仔點食…炸醬以前係會覺得佢落得唔夠多 追住泥食 依家完全冇依種感覺同冇熟悉嘅味道 究竟係佢變左定我問題…依餐最正常係鴨腎 但係唔好期望好爽印象中嘅雲桂香真係唔係咁如果要食辣野米線附近任何一間真心高質過佢多多聲 真係好伏呀……

必食呢間嘅小鍋米線香濃豬骨湯底 配上酸菜 芽菜 夠曬開胃惹味唔同其他間 要辣要芽菜要加錢 本身包左芽菜酸菜韮菜蔥花 配料夠足 麵款多選擇 岩唔同人嘅口味食法係 1）先選要咩鍋底 2）選辣度/唔辣 3）最後自己選配咩餸 可以話係非常彈性，Customise 岩自己口味既麵款另外，仲有雞湯魚湯選擇，魚係成條魚俾你，分開上枱，都係60幾蚊，值得講嘅係佢哋嘅雲桂米線有好多好多好多餸 真係冇誇張，成7個餸加埋配料，都係$60蚊！！要注意既係 平時午市好多人排隊 但唔會等太耐下午茶配飲品特價$3 唔趕時間食個下午茶都唔錯值得推薦

平時都有食開呢間，今日經過長沙灣見佢新開左間分店，入去食咗個下午茶套餐優惠，大份夾掋食👍🏻叫左佢嘅招牌小鍋米級，撰左腩肉、腐竹、豬紅，（$58），入口係香濃嘅豬骨酸菜湯底，米線夠曬爽口，配菜份量足夠唔使額外加錢，湯底酸酸may May, 大碗但唔會濟。另外叫左碟麻辣青瓜，個汁好好味，青瓜夠曬入味，佢嘅咸檸七喜不過不失，三餸麵款+小食+飲品 $88埋單，性價比高。

非常難食，我叫咗碗招牌小鍋米線，仲有招牌腩肉同蘿蔔，啲味臭嘅，我食咗幾啖，確認咗係唔好食，有陣廚房味，成碗冇食了。尤其唔好叫腐乳通菜，啲腐乳溝水，又淡又臭，通菜老到不得了。我冇影相係因為想急急腳快啲走人，影相都哂氣哂時間。