雲桂香米線專門店

营业中

休息中

雲桂香ge米線由中學食到依家，當然試過其他米線。但始終都係覺得雲貴香嘅米線最好味…揀咗竹笙小窩米線，酸辣小辣😋揀竹笙都係因為可以索晒啲湯嘅精華，不過竹笙嘅份量唔係好多，如果再多啲就會更好。每次食酸辣米線就一定要叫杯凍奶茶黎中和返啲辣另外我最鍾意雲桂香嘅其中一個原因就係可以要求加減配菜。每次我都會叫多酸菜走韭菜，佢真係嚟咗好多酸菜😍😍😍雖然佢價錢不斷加價，冇以前咁抵食，但其實同出面一般米線價錢差唔多。

其實以前覺得同雲桂川都差不多味道，都OK的。今天來吃，已經覺得差左少少，點知最後係衰喺杯咖啡度。並不是杯咖啡吾好飲（咖啡在這裡喝當然不能有要求），而是當我食麵時，杯咖啡才到我掂都無掂過佢，跟手食完碗麵，這時湯還是熱的，但一口喝下去的咖啡是室溫😩點解會咁架！叫服務員姐姐換，佢地個個望住我，覺得我攪事，好明顯見佢地細細聲講呢件事又啤住我，但我無發過脾氣，好平靜咁同佢地講嘅。好彩同枱仲有三個街客，心中自覺有證人，問心無愧，最後杯咖啡十分鐘後才到。。。這篇文只是一個分享，無乜好嬲，大不了以後吾去，講完。

今日去左玩board game , 四點幾開始，玩到六點幾朋友就話叫外賣，我地揀左食米線。今次是旺角雲桂香米線專門店，其實餐牌好簡單，主要揀麵款、湯底、自由配搭菜款。麵款都有幾多選擇，包括米線、米粉、紅薯粉、水晶粉，仲可以分涼拌、熱拌。湯底就有分不同辣度等級或者唔辣，也可以選擇放不同配料。菜款就有肉類及菜類，每款平均$6-12。每款麵食滿$30就可以加$6-10配飲品。下單後都好快送到，肉丸類就較細粒，味道都ok。

今日返工由朝忙到晚,真係要食返d好野補償返先,於是約左老婆去左旺角雲桂香食米線。嗌左個小鍋米線要小小辣,湯底非常唔錯。豬肚,豬皮,豬大腸好入味。米缐煮得好爽口,值得再黎幫襯。

喺旺角區屹立不倒的米線鋪，雲桂香。比起譚仔更早發起的米線連鎖店。同樣有小鍋、涼拌、熱拌選擇，款式甚多。小鍋米線湯底較酸，適合好酸之徒。米線彈牙，份量剛好。推介該店的豬頸肉，雖然放落湯汁內，脆度稍有影響，但肉質新鮮，帶有淡淡豬油香，爽口彈牙。我最喜歡的就是涼拌系列，涼拌之下米線質地比小鍋米線更彈牙。雞絲唔算太乾身，份量充足。炸醬屬於多肉偏瘦，混合乾辣椒碎，少少辛辣更開胃！最欣賞的是這家涼拌不會過多汁而令食到尾時，米線會過咸。早一排去過見到樓面非常散慢，明明有飲品及米線在廚房出時，都無樓面會去拿，意見反映後這次再去覺得進步很多，上菜速度和態度都有改善，欣賞！

之前黎過呢間食都覺得幾好食所以帶個朋友去食個日晏就兩點幾人唔係好多一上到去就有位坐 但望落樓面服務員得2個人 見佢地忙所以正係舉手等佢地行過黎幫我地落單有個操國語口音既服務員行左埋黎一路聽我地講食咩一路安排客人坐位我明 人唔夠會係咁但係落完單都15分鐘 隔離同對面個啲遲過我地落都有哂單 得我地冇 我地再問個服務員 個服務員先幫我地落番單 重要再問左兩次單都係錯單 😑跟住我叫個個中辣小鍋紅薯粉食落正係食到佢有好多辣椒籽同油之前食到好好食個湯底味冇哂 都唔緊要! 重要全部雞翼尖都冇抆毛😡啲食物質素真係差左好多好多 搞到我同個朋友都食得唔係咁開心 不會再光顧了

7月25日(星期三)跟朋友逛了一整天街，雙腳開始發麻，我提議找間餐廳坐下聊聊天，但已經晚上十點多了，還有甚麼選擇呢？在我腦海中只想起了零晨才關的雲貴香和黑夜壽司，朋友和我都是嗜辣的人，所以一致決定了吃雲桂香！這不是我們第一次光顧了，我們倆自中學以來已經吃了不下十次，但真心說每次的質素都很參差；湯底有時濃味，有時卻淡如水；紅薯粉一時煙韌，一時一夾就散，小食份量亦時多時少。儘管質素不能有任何保證，但他關門時間比較遲，而且價錢相宜，麵亦非常大碗，所以正好適合我們只想吃少少東西。由於印像中雲桂香的麵食都非常大碗，而我們又不算肚餓，所以決定了只叫一碗粉麵，再加一碟小食，這次便點了傷心酸辣粉(少少辣)和夫妻肺片。坐了一回，酸辣粉先到，我和朋友互看了一眼，心想“這碗麵也太少了吧”，就像以前的份量減了半，味道就不過不失，不會淡之無味，紅薯粉亦算煙韌，配着酸辣湯一流。唯一可惜是份量太少了，就算不感肚餓的人自己吃一碗，我想也只是剛剛好，如果肚餓的話，應該要吃兩碗才夠呢！隨之，夫妻肺片也送了過來，這次的數量和外觀就算合格之上，份量足，味道亦夠香和辣😋😋比以前進步了(希望不是只有這次吧😣😣)飲品方面則點了凍檸

呢度有多款米線可以選擇，拌麵，酸辣粉樣樣有齊。平時我都係食開小鍋米線配酸辣湯底，今次朋友就推薦左我試蟲草花雞肉米線。蟲草花雞肉湯($46)，配有蟲草花，雞肉同生菜。湯底充滿淡淡酒香，唔會太濃，好好飲👍🏻但可能因為雞湯，真係好多油。雞肉就冇乜酒味，但勝在質地香滑，唔錯。米線份量好多，胃口比較細就要嗌少米線啦！另外見到佢新推出左個魚湯米線，湯底由鮮魚骨，魚肉熬製而成。湯底呈乳白色，味道偏淡，冇乜特別。餐廳冇桂花魚，於是轉左鯧魚。冇睇清楚餐牌，原來英文字到寫左會係煎魚。朋友唔鍾意食煎炸野，魚肉冇乜點調味，感覺乾爭爭，好難食，唔推薦。

次次食雲桂香，都要食冷面，尤其係天氣咁熱今次叫左炸醬、墨魚丸、魚肉春卷，原來佢個炸醬都幾辣下，只可以食到小辣嘅我，花左少少時間先食得完碗面，但係墨魚丸係幾好食，每次都必點

今日想頹食晚餐，所以同男友兩人揀雲桂香便宜、好味、最緊要唔使等位，仲有就係有唔同粉選擇，唔使食死一樣米線，哩個我覺得俾譚仔優勝。我嗌jor小鍋米線紅薯粉，令加豬耳，腐竹同生菜。男友嗌jor涼拌米線，天氣熱個陣最適合食，加墨魚丸、炸醬、豆卜。我地都無嗌飲品，但係雲桂香有提供飲水自助站，咁樣就可以再省一筆，埋單100有找，絕對係少收入人士既福音。同埋比較欣賞雲桂香味精味無譚仔咁重，而且俾料都重手；唯獨小菜唔夠譚仔便宜同吸引，份量亦必譚仔少好多。其中蒜泥白肉既味道真係譚仔贏。不過大家都係米線，能夠為我地窮人添福音已經非常唔錯。一定會繼續光顧！

之前食過好幾次架啦而家先打食評之前成日聽朋友講豬紅好好食但去到食 就好一般 有時仲幾難食朋友就話 之前食 好正 同我食先咁🙄可能唔同人整啦..所以一次好食既豬紅 都食唔到 雲桂香既麻辣麻過譚仔 會見到一粒粒 麻辣野（唔知咩名可惜我有兩次嗌麻辣佢都比錯碗酸辣我...我兩樣都ok又廢時等過所以無理到腩肉寫明有辣味 無譚仔白sap 咁寡不過加埋落辣湯 就有點太重口味 咸左少少水準係比較參差不過辣湯底無咁譚仔咁「利」凍檸茶唔好飲 有怪味之前唔係既 所以話真係好參差

第一次試食麻酸辣米線，小辣。竟有意外收獲。對上一次於太子食過此店的宵夜後，相隔一年，都驚再中伏。湯底保留小鍋米線的味道，最愛浸泡過的酸菜，不會過酸。小辣的辣剛剛好，湯底味道夠濃。米線過多，食唔晒🤣 如果蔥花可以再多d就好啦

去咗外國一段時間，返到嚟香港其中讓最想食嘅嘢就係米線。成日經過旺角就當然要食番雲貴香滿足下自己！我好食得辣，平時食開雲貴香中辣大辣都ok嘅，今次都嗌左腩肉酸辣米線中辣。等左一陣，我日思夜想嘅米線鍾意出左餐，飲第一啖湯一集感覺，點解中辣個湯都完全冇辣味。咁都算啦，試下d腩肉先，夾起一塊，發生咩事，成塊嘢五分之四都係肥膏，肉真係得個一條仔，仲要塊塊腩肉都係咁😭 對於唔食肥膏嘅我黎講，成件事係錯晒。成碗米線就真係得番米線係中規中矩，但係偏偏其實我食米線都係飲湯食送，啲米線其實重來唔係重點。真係好可惜雲桂香已經不復當年勇。枉我仲係外國都咁掛住佢....

今日突然想食米線，但又唔想頹食譚仔所以食雲桂香。今次嗌jor涼拌米線（小辣）同埋酸辣米線（中辣）仲有一份千層豬耳雲桂香勝於譚仔既地方如下：1、味道多過譚仔且正宗2、多款粉類：水晶粉&薯粉3、小菜款式多選擇唯一麻麻就係埋單豬耳同份米線只相差幾蚊價錢😂但係豬耳得幾塊份量黎講無譚仔咁實惠，不過不失啦

心血來潮想食雲桂香於是2:30去諗住小人d點知都差不多爆滿裝修完d位睇落闊左 但d位小左 成個場都係得2，3個啊姐2:35落左單 好有耐性地等碗米線黎等到我對面遲過我黎既人都有得食我碗野都未黎 於是催單 點知原來係從來都無落過我張單 嬲嬲地 啊姐話即刻再落單前後等左半個鐘 終於食到碗米線湯底比已前咸左好多 雞翼尖已前食落都有d滷水味 依加直頭無咩味甘⋯⋯⋯重有杯凍檸水入面有塵好失望😞⋯⋯