雲桂香米線專門店

两点几堂食，已经非繁忙时间下单，员工第一次写单后冇落单，之后等左十几分钟，其他黎得慢过我嘅台都上齐晒，之后再问佢个面几时到，先至话我地台冇落到单…喂大佬系咪我唔问就一直系度傻等？麻烦加强下员工培训啦…查看更多

食极都唔厌米线，超好味！可以有唔同辣选择小锅米线系我每次都必嗌嘅😋最钟意鲜竹龙虾卷，佢唔会好有粉嘅感觉，有鲜甜嘅味道。由于鲜竹系凹凸不平嘅，所以佢可以陷入好多嘅汤汁，超级入味！建议食辣嘅会更加好味，但如果唔食辣嘅话都可以走辣，会冇咁多肉碎。仲有我男朋友必嗌嘅腩肉同肥牛，佢嘅腩肉好腍，唔会好黐牙，而且好香口。嗌肥牛嘅话，就尽快食咗佢，因为放太耐佢会开始太老，食落去就会有啲嚡。至于小食方面，平时我哋会叫炸猪颈肉，好好味！但因为我今次唔舒服，所以冇叫到😭😭环境方面，如果你系去尖沙咀分店，建议唔好坐近门嘅窗口位，因为不断会有风吹入。…查看更多

虽然尖沙咀有好多嘢食，不过有时谂唔到食咩就米线。 闲日晚餐时间今次唔需要排队。一个作风叫咗碗小锅米线小麻辣 不过今次冇加送，相反叫咗两个小食。 一个系麻辣海带丝，一个凉拌皮蛋米线一如既往，钟意呢度嘅汤底，麻辣得黎又有小小嘅甜味。 虽然今次米线无叫𩠌，但本身有既配料都好足。海带丝调味不错，每条都点到个汁唔太辣。 不过转左只碟，感觉好似会比已往既份量小左啲。 但廿零蚊还好。皮蛋应该系足一只既份量， 虽然个汁睇落差唔多样，但佢呢个应该醋既份量多啲。钟意酸味重啲既朋友应该会喜欢…查看更多

小锅米线汤底偏酸，整体表现一般。主打米线铺，汤底偏酸，口味可以自由搭配。不过，𩠌料同米线份量明显比其他米线铺少，性价比唔算高，食完冇太大惊喜。🍜 小锅米线（唔辣）腩肉加肥牛 $59汤底拣咗唔辣版，味道清清地，但偏淡。腩肉炆得尚算软腍，肥牛正常发挥，唔算特别出色。米线质地正常，偏细份，整体感觉比较单薄，唔算食得好满足。腩肉同肥牛都系得两三块😐 整体评价云桂香米线整体水准中规中矩，汤底清淡、𩠌料正常，但份量少，食量大嘅朋友可能会觉得唔够饱。以同区其他米线铺比较，暂时未见有太大吸引力，纯粹一间可以解肚饿嘅选择。…查看更多

由中学开始爱上嘅云桂香米线到到而家都依然未到不变，最钟意佢嘅小窝汤底，加上好多唔同嘅配菜口感非常丰富！ 🤭因为佢个汤底已经够吸引，配菜通常都唔会拣好多，平时会选择萝卜或者螺旋藻今日试吓鸡丝，补充下蛋白质，手丝得好碎嘅鸡丝仲增加整体嘅口感，鸡丝冇腌过，但汤底已经好够味。Since I fell in love with Yun Gui Xiang rice noodles in high school, my affection for them has remained unchanged. My favorite is their rich broth, paired with a variety of toppings that create a wonderfully diverse texture!Because the broth is already so appealing, I usually don't choose too many toppings. I typically opt for radish or spirulina, but today I decided to try shredded chicken to boost my protein intake. The finely shredded chicken enhances the overall texture, and although it's not marinated, the broth is already flavorful enough.…查看更多