雲桂香米線專門店

兩點幾堂食，已經非繁忙時間下單，員工第一次寫單後冇落單，之後等左十幾分鐘，其他黎得慢過我嘅臺都上齊曬，之後再問佢個面幾時到，先至話我地臺冇落到單…喂大佬係咪我唔問就一直係度傻等？麻煩加強下員工培訓啦…查看更多

食極都唔厭米線，超好味！可以有唔同辣選擇小鍋米線係我每次都必嗌嘅😋最鍾意鮮竹龍蝦卷，佢唔會好有粉嘅感覺，有鮮甜嘅味道。由於鮮竹係凹凸不平嘅，所以佢可以陷入好多嘅湯汁，超級入味！建議食辣嘅會更加好味，但如果唔食辣嘅話都可以走辣，會冇咁多肉碎。仲有我男朋友必嗌嘅腩肉同肥牛，佢嘅腩肉好腍，唔會好黐牙，而且好香口。嗌肥牛嘅話，就盡快食咗佢，因為放太耐佢會開始太老，食落去就會有啲嚡。至於小食方面，平時我哋會叫炸豬頸肉，好好味！但因為我今次唔舒服，所以冇叫到😭😭環境方面，如果你係去尖沙咀分店，建議唔好坐近門嘅窗口位，因為不斷會有風吹入。…查看更多

雖然尖沙咀有好多嘢食，不過有時諗唔到食咩就米線。 閑日晚餐時間今次唔需要排隊。一個作風叫咗碗小鍋米線小麻辣 不過今次冇加送，相反叫咗兩個小食。 一個係麻辣海帶絲，一個涼拌皮蛋米線一如既往，鍾意呢度嘅湯底，麻辣得黎又有小小嘅甜味。 雖然今次米線無叫餸，但本身有既配料都好足。海帶絲調味不錯，每條都點到個汁唔太辣。 不過轉左隻碟，感覺好似會比已往既份量小左啲。 但廿零蚊還好。皮蛋應該係足一隻既份量， 雖然個汁睇落差唔多樣，但佢呢個應該醋既份量多啲。鐘意酸味重啲既朋友應該會喜歡…查看更多

小鍋米線湯底偏酸，整體表現一般。主打米線鋪，湯底偏酸，口味可以自由搭配。不過，餸料同米線份量明顯比其他米線鋪少，性價比唔算高，食完冇太大驚喜。🍜 小鍋米線（唔辣）腩肉加肥牛 $59湯底揀咗唔辣版，味道清清地，但偏淡。腩肉炆得尚算軟腍，肥牛正常發揮，唔算特別出色。米線質地正常，偏細份，整體感覺比較單薄，唔算食得好滿足。腩肉同肥牛都係得兩三塊😐 整體評價雲桂香米線整體水準中規中矩，湯底清淡、餸料正常，但份量少，食量大嘅朋友可能會覺得唔夠飽。以同區其他米線鋪比較，暫時未見有太大吸引力，純粹一間可以解肚餓嘅選擇。…查看更多

由中學開始愛上嘅雲桂香米線到到而家都依然未到不變，最鍾意佢嘅小窩湯底，加上好多唔同嘅配菜口感非常豐富！ 🤭因為佢個湯底已經夠吸引，配菜通常都唔會揀好多，平時會選擇蘿蔔或者螺旋藻今日試吓雞絲，補充下蛋白質，手絲得好碎嘅雞絲仲增加整體嘅口感，雞絲冇醃過，但湯底已經好夠味。Since I fell in love with Yun Gui Xiang rice noodles in high school, my affection for them has remained unchanged. My favorite is their rich broth, paired with a variety of toppings that create a wonderfully diverse texture!Because the broth is already so appealing, I usually don't choose too many toppings. I typically opt for radish or spirulina, but today I decided to try shredded chicken to boost my protein intake. The finely shredded chicken enhances the overall texture, and although it's not marinated, the broth is already flavorful enough.…查看更多

雲桂香午餐時間好鬼死多人所以都排咗一陣隊先有得入座😅四個人一齊去 不過冇得一齊坐因為太多人了😂😂😂😂😂😂😂碗米線就正正常常啦 不過好似咸咗少少😂😂啲豬頸肉都幾香同埋口感唔錯 米線口感都OK 唔會過淋過硬嘢飲就叫咗豆漿😄😄不過覺得啲豆漿唔夠順滑😅😅…查看更多

話說之前見到巴打出post 講米線，今日咁橋啱時間出嚟食個tea，所以去左厚福街呢間雲桂香食late lunch點知未食就已經嬲左4點入去餐廳都無乜人，每檯都係單丁客有2餐4人檯，一張就一個男人坐，一張就一個女仔坐。咁我就想同個女仔坐啦，點知個阿姐話唔得！要我同個男人坐我明，因為個女仔就快食完，所以個阿姐想free 返張4人檯出嚟嘛，但我都直接問佢「點解我唔坐得呢度？」個阿姐繼續唔理我自己行去印QR code如果唔係有巴打加持話好食，平時嘅我已經擰轉頭走左，做乜食餐飯都要受氣我叫左紅薯粉酸辣粉加冬菇同滷大腸佢啲餸要$9個，但個份量無$9咁多囉！冬菇細粒得嚟又唔去椗，滷大腸唔係厚身嗰款切得好薄薯粉就粗嗰款，但量都係唔多，湯底又水葱花唔多粒又無芫荽雖然巴打話好食嘅係米線，但我唔expect d餸咁差喎叫埋杯凍檸茶埋單$56，貴到啊早知去返大家樂食tea好啦講返阿姐唔俾我坐嗰張4人檯，最後都係入左2個單丁客，咁點解阿姐唔俾得我坐先！！！4點呢個鐘數可以有幾多客啊最後埋單淨係收BOC pay alipay cash 同微信支付，八達通都無就知唔係做本地人生意啦Ok 無下次…查看更多

呢間分店我成日去幫襯，係品嚐地道米線嘅好去處👍推薦必食1️⃣螺旋藻腩肉麻酸辣小窩米線：螺旋藻非常有口感，配上醃製咗腩肉。食完一啖忍唔住要食第二啖😋2️⃣雞絲蘿蔔麻酸辣小窩米線：雞絲同蘿蔔都係我經常叫嘅搭配，超級好食又吸收晒湯底嘅味🍜🩷個人化調味：可自行調節酸度和辣度，完全滿足個人口味偏好。亦都好啱重口味嘅我👌…查看更多

#雲桂香there are so many 雲x noodle in hk. they are have similar origin 雲南 a china Provence. hk ppl love that unique style of rice noodle, meat broth, with mince meat, viggie, sour viggie, and little spicy. a soup the look little orange and looks slaggy would be a good bowl of noodle. rice noodle must be optimum cook. long entire length with chewy texture and must not be overcooked that will make it soggy and i dont really like it. topping jyst like cart noodles. meat, chiken. dumplings would be best. i sometime will choose viggie to make it more healthy.very standard food. high quality, will come back.#food #hkfood #hongkongfood #台灣美食 #ukfood #ausfood #馬保國 #香港美食 #深圳美食 #hkfoodpoet #閃電五連鞭…查看更多

今天途徑這附近工作，還好吃得早，不用排隊！雲桂香米線很多本地人都知道的米線店點了酸辣小辣小鍋米線+3個菜👍👍滿滿一大碗，料很多，超級飽這家餐廳的米線Q彈有勁,湯頭濃郁鮮美首先,米線本身的質地非常好,不會過于軟爛,而是有適中的韌性,吃起來有嚼勁。湯底也用心熬制,湯汁濃郁醇厚,帶有一些微微的香氣。腩肉🌟🌟 🌟🌟🌟軟嫰入味，油脂適中蘿蔔🌟🌟🌟🌟🌟很清甜，入味，推薦👍魚肉春卷🌟🌟🌟先炸，外脆內彈牙整體來說,這家的米線在口感、湯頭、配料等方面都表現良好,價比也較為合理,人均消費在50-80元左右。對於喜歡正宗川味米線的食客來說,「雲貴香」的米線絕對是一個很不錯的選擇。我個人非常推薦大家去品嘗一下。[萌萌哒R][色色R]…查看更多

是日星期六晚上，街上人特別多，特別係旅遊區，食肆都特別多旅客。晚餐時間，出現排隊嘅人龍，都等左大約15分鐘才可以坐低。排隊時已經諗好食咩。小鍋米線 $34一碗係人氣王之選，配料有芽菜、酸菜、葱、芫茜、韮菜，明火煮烹調。湯底嘅辣度，酸度自己選擇。🥢小鍋米線配豬耳、雞翼（走辣）$52豬耳一般，雞翼淡口左少少。🥢小鍋米線配蘿蔔、豬大腸（小辣）$50豬大腸唔錯，夠入味。🥢小鍋米線配蘿蔔（小辣）$41蘿蔔好甜，相信冰糖起左好多作用。除左小鍋米線湯類外，還有涼/熱拌麵類，仲有小食。每次食都好滿足。…查看更多

真系好誇張，又post張自助落單QR code，落單之後話等10分鐘，等到出邊落大雨，排隊人全部食晒仲沒有，問仲要等幾耐，叫人行入廚房門口問，keep住係做緊apps 外賣單，一點次序都無🙄…查看更多

Lunch lunch time，今日想食薯粉，去了間食粉面店，食了一個紅薯粉，正👍🏻一道美味的川菜，結合了豬大腸的鮮嫩口感和紅薯粉的Q彈口感，再加上重慶特有的酸辣調味，讓人一試難忘。豬大腸經過燙煮後去腥味，與紅薯粉一起，吸收了酸辣醬汁的風味，香氣四溢。將唐生菜的清脆口感和豬紅的鮮嫩肉質完美結合。紅薯粉入味，湯汁濃郁，帶有獨特的湖南辣味，讓人回味無窮。唐生菜的爽脆與豬紅的鮮香相得益彰，搭配米線入口滑嫩，這道菜色澤誘人，湯汁鮮美，辣味適中。…查看更多

本人熱愛雲南米線的程度不亞於吃拉麵，每天基本上不是在吃米線，就是在吃拉麵的路上。今次來到TST工作，路過一間雲南米線，門口有數人排隊，心想這一定是一間很好吃的米線！等了一會兒，終於可以入座，先說地板黏答答的，不是很大問題，畢竟人流量很大，工作人員也忙不過來可以理解的。主要說這個米線，可能是很有店舖特色，味道跟我在荃灣/旺角/天水圍吃的雲南米線很不一樣，不是太合我個人口味，偏鹹。我和朋友叫了兩個相似的湯底，不同辣度。賣相是和其他店舖的大同小異，看上去很有食慾的，但是味道不太合我口味。…查看更多

今日落來尖沙咀, , 依度係QR code落單, 唔想食酸辣, 見到佢有魚湯米線, 亦可以揀米粉, 紅薯粉和水晶粉, 依度有三款魚可以揀, 有海鱸魚, 倉魚和黃花魚, 我叫左海鱸魚紅薯粉加凍奶茶少冰走甜, 可能真係多人出外, 都有位😅 等左一陣飲品先來, 真係啱我, 走甜😽 再等多一陣送上海鱸魚紅薯粉, 第一眼見到, 始乎太炸, 我個人麻麻地太炸的食物🤣 先飲啖湯, 奶白色, 有d魚味但唔算好濃, 都好清淡👍😋 再食紅薯粉, 份量都好多, 可能d湯都好滾, 所以紅薯粉都淋左少少, 入面有豆卜同津白, 我自己加左螺旋藻, 再食魚, 雖然炸左, 但都食到魚的鮮味🥰🤩, 海鱸魚真係唔錯👍👍 如果大家食魚, 都可以來試下🥢…查看更多