雲川 米線．紅薯粉 (貝爾特酒店)

這家米線店一直很有名，實際來試後確實能明白為何吸引那麼多人。店內環境算乾淨舒服，整體感覺順眼。地點靠近地鐵站，走幾分鐘就到，對上班族或路過的客人都算方便。我點的米線整體表現不錯，湯底味道順口，配料也算用心，只是如果食量比較大，可能會覺得份量稍微偏少一點。整體來說，這家店的水準算穩定，不論是環境、地點或味道都值得肯定。雖然份量方面略微不足，但以它的便利性和整體品質來看，仍然是會讓人願意再回來的選擇。…查看更多

雲川被稱為係屯門名物 今次就特登試試係咪真係咁好食今次湯底試咗佢哋嘅金湯 米線配搭嘅餸就叫咗豬頸肉墨丸金湯味道特別 酸酸辣辣咁 但感覺味精有啲重 適合重口味嘅人士 小食都有叫到佢哋嘅炸花枝丸 花枝丸有驚喜 配搭埋泰式辣醬食味道一流覺得唔需要排隊嘅話雲川係一個唔錯嘅選擇但湯底食落就好明顯 感覺到係溝出嚟 而唔係煲出嚟嘅感覺 平平哋食一餐都OK啦！ …查看更多

這次光顧的米線店可以說是家喻戶曉🏘️即使未曾踏足屯門，都一定有聽過這間屯門名物的赫赫大名😎———————————————————————酸麻金湯 🌟🌟🌟🌟金湯酸、辣、麻三方面調和得恰到好處👌🏻味道層次分別又不會過火，連本身不嗜酸辣的朋友亦能輕鬆入口😇鮮魚湯 🌟🌟🌟鮮魚湯亦同樣是廣獲好評的人氣湯底😝魚湯色澤奶白，魚香自然🐟但未夠濃郁鮮甜，略為可惜😣豬頸肉 🌟🌟🌟🌟餸菜方面，名物豬頸肉當然是必試之選🐷豬頸肉醬烤味道濃郁，肉質爽脆😋惟略嫌切得太薄，否則口感應該會更為豐富🧐香茅豬扒 🌟🌟🌟🌟🌟相比之下，香茅豬扒則厚實得多🥹而且香茅味道濃郁又不會太搶，比豬頸肉更合本人心意😍螺旋藻 🌟🌟🌟🌟螺旋藻份量驚人，與米線幾乎是1:1的比例🤯口感爽滑脆口，惟本身味道偏清淡，與同樣清淡的魚湯未算匹配🫢建議配搭較為濃重口味的湯底會更為適合🥳———————————————————————雲川的湯底以及餸菜都頗具水準👍🏻難怪近年規模愈來愈大，分店遍佈整個屯門😂…查看更多

雲川米線紅薯粉(貝爾特酒店)食過咁多間米線鋪 覺得呢間係最好食的 而且分店都夠多 呢間就係屯門站附近大約五分鐘步行路程。中午時間到 通常都是坐滿顧客 要排隊等候 有時仲需要搭枱 可見人氣甚高。今次我叫左 鮮魚湯紅薯粉配豬頸肉同香辣雞腎(60) 整體配料同紅薯粉份量都十分足夠湯底方面魚湯真係鮮味十足冇乜味精味 另外亦會有蔥同芽菜作為配料 紅薯粉口感彈牙 因為唔係度度有 所以黎到一定要試下豬頸肉 係食雲川一定必叫配餸 份量足夠 燒得香脆 爽口 配上香辣雞腎 同樣係爽口配餸 令成碗麵都好清爽 如果黎到屯門一定要試下。…查看更多

今日陪老公做身體檢查，趁有一個鐘，就去附近雲川食米線！呢間米線點解咁多人食呢，未夠午餐時間兩個人就要等位，好彩我一個人，而且出餐速度都算快！呢間埋線舖都係用app落單，我揀咗腩肉同埋雞翼兩餸！比較驚喜嘅係雞翼竟然有三隻，而且都比較入味！而失望嘅係啲腩肉好肥，有三份二嘅部位都係肥肉！我揀咗小辣，都唔係好辣，有啲甜！而飲品方面我揀咗阿華田，除咗可以揀多冰少冰之外，仲可以揀濃啲或者淡啲，我當然揀濃啲啦，都唔錯！…查看更多

雲川有多間不同的分店，而這間就位於貝爾特酒店地下，在屯門站及河田輕鐵站附近大概5分鐘步行路程。每次來都是坐滿顧客，通常都要排隊等候，有時還需要搭枱。由於紅薯粉不是很多麵店可以找到的，所以每次來都必定會選擇口感彈牙的紅薯粉。這次選擇了豬骨湯湯底，這款湯底的配菜包括了蔥、芽菜、韭菜、酸菜、辣肉碎，十分足料，味道和紅薯粉配搭得很好，惹味但不會太辣，味道剛剛好。配料方面，我們選擇了香茅豬扒及豬頸肉。🌟香茅豬扒豬骨湯紅薯粉香茅豬扒的肉質結實，而且烹調得很入味，配上豬骨湯紅薯粉，十分美味。🌟豬頸肉豬骨湯紅薯粉豬頸肉燒得香脆、爽口，燒豬頸肉用是蜜汁來燒，味道甜甜的，配上少少辣的豬骨湯紅薯粉很好味。🌟凍檸檬茶🌟凍檸檬利賓納套餐可以跟餐價加配飲品，我們點了凍檸檬茶和凍利賓納，所有飲品都可以選擇甜度、濃度、冰量，十分貼心。…查看更多

住九龍真係比較少機會食到雲川 米線 ，因為雲川得屯元天有分店。好耐之前食過虹橋嘅雲川燒，覺得絕對係屯門名物，原來發展多年，已經開左好多間分店，仲統一改名做 雲川 米線。雲川米線湯底選擇有5種，有鮮魚（舊時鮮魚湯係每日限量）、豬骨、酸辣金湯、酸辣、麻辣，仲有熱拌。今次叫左麻辣湯米線（小辣），加左腐皮蝦卷同豬扒，飲凍奶茶，同朋友share 左脆皮花枝丸（$28 有6粒）同埋麻辣青瓜（$24），埋單人均$90。….……………….……………….……………….…麻辣湯米線 （小辣） ⭐️⭐️⭐️⭐️⭐️食米線最緊要就係個湯底，雲川的麻辣湯咸香鮮味，唔會得個辣字，更加唔會麻到個口無晒味覺。不過，麻辣湯裡面嘅肉碎肥肉比例，我覺得高左啲豬扒⭐️⭐️⭐️無特別，建議食返豬頸肉，豬頸肉好食好多。腐皮蝦卷⭐️⭐️⭐️⭐️幾好食，見到裡面有蝦肉凍奶茶⭐️⭐️個人覺得太重茶味，奶同茶比例唔平衡。脆皮花枝丸⭐️⭐️⭐️⭐️⭐️點泰式辣醬好開胃，炸到皮脆內軟，花枝味濃，熱辣辣，強烈建議襯熱食麻辣青瓜⭐️⭐️青瓜幾爽口，但唔夠入味，個汁唔係好沾到青瓜….……………….……………….……………….…價錢合理，份量又足，美中不足係坐得有一點迫，不過食米線都預左🤭…查看更多

朋友之前已經講過呢間米線好好食今日終於黎到一試講真價錢真係唔算抵48蚊只包一個餸加多一個餸都要$10我覺得個酸麻金湯真係好特別好好味酸酸麻麻好醒胃豬頸肉都OK但未講到勁好食墨魚咀就麻麻地…查看更多

朋友話呢一間係屯門嘅名物，但係我唔係住喺大西北，所以完全冇聽過😂但係前排同朋友去行山，然後佢話好想食呢一間，所以就嚟咗食晚餐~依家香港好少餐廳要排隊啦，但係呢一間竟然都幾多人下！等咗差唔多15分鐘因為我哋兩個人，變咗坐喺卡位對面有兩個陌生人，不過用塊板擋住嘅，都OK我哋諗咗好耐食咩好，因為淨係知豬頸肉好出名，其他好似樣樣都出出地名咁😂最後我叫咗酸麻金湯嘅中辣，朋友叫咗酸辣湯嘅小辣先講湯底，我哋兩個都覺得酸麻金湯好食！但係食開譚仔嘅我，我覺得我下次可以食大辣😆😆配料我哋叫咗豬頸肉，墨魚咀，豬大腸同埋螺旋藻～墨魚都幾彈牙！螺旋藻就我覺得正常發揮～豬大腸，如果再肥啲就再好啲！但係冇諗過原來豬頸肉真係好好食！佢燒得啱啱好，仲要原來份量都幾多～本身諗住加啲小食，但係望咗好耐個餐牌發覺小食同揀嘅配菜其實一模一樣應該只係份量唔同，所以就冇叫到～…查看更多

試試屯門名物雲川米線 成日聽到人講呢間 鍾意食小鍋米線嘅我 吸引左去試試 簡單記錄一下.今次叫咗⭐️酸辣金湯$48 單餸 小辣湯底酸味麻香味適中 都幾開胃😍最鍾意係佢哋豬頸肉 醃得好入味 甜甜地👍🏻豬頸肉 肉質爽彈 比湯浸住都超惹味👍🏻最重要係份量幾多🤣但可能切太幼 食極都有.再加左一個⭐️香茅豬扒$10係原塊豬扒剪開 有4舊 唔算厚 但都算大塊👌🏻肉質就一般啦 🤔都係雪藏貨色但車仔麵 小窩米線店黎講 都唔錯.整體呢間湯底唔錯 份量仲要多過譚仔好多明白點解區內人咁鍾意食呢間有機會再試埋其他湯底 魚湯都吸引😍.#hkfunfoodrecord窮遊香港#hkfunfoodrecord_屯門.#雲川米線紅薯粉 #雲川 (貝爾特酒店) (屯門)地址：屯門震寰路6號貝爾特酒店地下2D號舖..#hkfoodie #foodiehk #hkfoodblogger #hkblogger #hkfoodies #hongkongfood #食評 #元朗美食 #元朗必食 #屯門美食 #屯門必食 #天水圍美食 #天水圍必食 #大西北美食 #屯門 #元朗 #天水圍 #米線 #米線關注組…查看更多

香港米線大致分兩派，就係譚仔三哥同小鍋米線派，我絕對係揀後者。呢間試過食酸辣、麻辣、金湯酸辣，最鍾意都係佢嘅酸辣中辣，嗌定杯咸檸七過下口呢度最出名應該係佢個豬頸肉香烤切條上，又香口又爽。豬腩片都好好食，叫做「片」因為一大條冇剪開，醃得入味，辣辣地，我覺得係香港最好食嘅米線豬腩肉！加埋唐生菜同多蔥，同湯底拌勻食，佢個湯味道濃香厚身，連埋少少酸菜肉碎食好好食。之後有次試下佢個腐竹，諗住都係最多一開幾切幾塊，點知！係腐竹絲，勁細心！唔會有未煮開嘅部份，全部一梳梳咁夾入口，均勻沾上湯底好夠味上面係小辣，下面係中辣，中辣相對多辣油～…查看更多

去屯門唔少得雲川米線．紅薯粉，呢間餐廳真係屯門一帶嘅必試之選。每次經過都忍唔住要入去，因為呢度嘅米線真係好正。今次我叫咗酸辣湯米線，小辣嘅程度剛剛好，對於唔太能夠食辣嘅人嚟講絕對係一個好選擇。酸味幾突出，食完之後酸辣味道喺口腔度回味唔散，但又唔會太過火，完全唔會令你覺得口乾，真係好滿意。呢個酸辣湯底濃郁得嚟又唔會過份沉重，飲完都唔會覺得負擔。配料方面，小窩已經包咗芽菜、韭菜、酸菜同埋辣肉碎，夠晒豐富。今次特別試咗幾款餸，當中包括必試嘅豬頸肉同埋香茅豬扒。豬頸肉係我每次嚟雲川都唔會錯過嘅，$10一份，但呢次嘅表現稍為失色，可能係因為豬頸肉比較多筋，冇咁油香，亦唔夠焦脆，切得比較幼，口感上有少少差，冇之前咁出色。雖然咁講，但豬頸肉係佢哋嘅招牌餸，仍然係我會再試嘅選擇，希望下次可以好似以往咁香脆。至於香茅豬扒，呢個都係$10一份，肉質偏瘦，但唔會柴，仲有陣鬆軟嘅感覺。香茅嘅味道浸得非常入味，每一啖都食到陣陣嘅香茅味，仲可以同時感受到豬肉嘅香氣，呢個餸嘅份量都幾多，大大塊咁上枱，食完真係好滿足。朋友叫咗蘿白，呢份蘿白真係令人驚喜，份量大，入口嘅清甜感十足，真係好似係浸過糖水咁甜。最欣賞嘅係佢食落去唔會有咩渣，淋身又爽口，絕對係一個值得推介嘅選擇。總結嚟講，雲川米線．紅薯粉真係屯門一帶嘅好選擇，無論係湯底定配料都令你食得滿足，尤其係佢哋嘅酸辣湯真係令人難忘，啱哂鍾意濃味嘅朋友。如果你鐘意酸辣嘅米線，一定要試下呢間。…查看更多

今日敢啱過來屯門, 無食好耐, 不如試下依間分店, 不過QR code 不成功落單😜😂之後叫店員代為下單, 唔想食辣, 要左鮮魚湯紅薯粉, 另外加螺旋藻, 羅白, 墨魚咀加豬大腸, 另外加凍🍋茶走甜, 之後便陸續多客, 等左一陣飲品先到, 茶味不是太濃, 但味道也可以😆, 再等左一陣碗粉也來, 份量十足🤭😅, 飲啖湯先, 雖然飲唔到魚味, 但d湯好濃好甜👍💞再食下底d紅薯粉, 浸左d湯幾好吃, 份量都好多, 再食下螺旋藻, 亦係比得好多, 爽滑好味👍 再食舊羅白, 炆得好淋💖👍浸埋d湯好好食😍🤩, 大腸似係鹵水, 都煮得好食, 係d墨魚咀好碎,依個麻麻地, 雖然價錢貴左d, 但份量同味道也不錯👍😍💖…查看更多

聽講屯門區最出名嘅雲川米線仲上埋米線關注組今次專程去試下有幾好食先店鋪都人來人往,需要等位🚶🏻‍♀️🚶🏻‍♂️🚶🏽🚶🏻‍♂️餸揀左香茅豬扒,秘製豬頸肉係呢度必叫嘅名物🐷🐷經過特別嘅調味同埋烹調方法,豬頸肉切到細細一條,每一啖嘅豬頸肉都感受到外層焦脆肉爽！香茅豬扒都入味好有香茅味D肉份量好多😋😋酸辣湯底香辣惹味,偏重口味🌶️米線偏淋,好扣分,同埋米線偏幼身,好似超市快煮米線,如果換左款米線就very good👍🏻…查看更多

【屯門人氣米線店大排長龍？】💫身為米線專員🙊對於米線既熱愛三言兩語根本講唔清楚😍奈何屯門同我住既地方相隔太遠…可以用世界上最遙遠的距離黎形容🥲但始終敵不過大家熱烈推薦～最後特登走左黎食！💫雖然我有特約嘉賓（屯門人）帶我行🙈但其實鋪頭位置並不隱秘！大家跟著Google大神就絕對冇問題的！到左屯門站出黎行一陣就會到～地理位置都算方便(˶‾᷄ ⁻̫ ‾᷅˵)💫到今日既重頭戲(●°u°●)​食過既友人講呢間既豬頸肉非常惹味！所以我就嗌左豬頸肉👅湯底就叫左酸辣湯小辣🌶️再叫左杯凍檸茶～對於譚仔食三小辣既我黎講都唔算太辣，所以如果有嗜辣人士可以挑戰更辣level🌶️🌶️湯底有肉碎同酸菜 湯底唔算特別濃稠 但係除左酸辣味 仲食得出一陣沙爹味 層次感好足 又唔油膩 啱曬唔鍾意太鹹太重口味人士米線粗幼適中 軟硬也恰到好處 有咬口👍🏻招牌豬頸肉好細心咁切成一條條 方便大家配著米線一齊食！而且味道仲非常香口！份量亦都唔少(˶‾᷄ ⁻̫ ‾᷅˵)💫最後呢間屯門名物值唔值得大家試呢？我既答案係：住附近既街坊可以經常黎食✨如果住得偏遠既但又未試過既不妨黎試試😽同一般連鎖米線店唔同 會俾只係食過連鎖店既朋友驚喜🙊另外呢間餐廳喺屯門仲有幾間分店！大家可以搵最方便自己的分店哦🤍🙊如果可以開喺其他地方就好了 我一定會成日幫襯！😋：9/10性價比：9/10回頭指數：9/10📍 雲川燒/雲川米線·紅薯粉屯門震寰路6號貝爾特酒店地下2D號舖分店地址：屯門盈豐商場地下A27屯門井財街富麗大廈地下F號舖營業時間：11:00 - 23:00#米線控 #米線關注組 #小鍋米線 #屯門美食 #香港美食 #香港美食指南 #香港美食日記 #屯門 #hkfood #hkfoodie #hkfoodblogger #hkfoodlover #hongkong…查看更多