雲家小鍋米線 (328廣場)

加班加到人都癲，放工想食啲重口味嘅嘢，公司附近即時諗起 雲家，小鍋米線冇得頂。去到見到人多，所以決定買外賣，返屋企嘆住冷氣食辣辣米線。雲家小鍋米線店面唔算大，但乾淨企理，師傅煮嘢手腳俐落，等外賣時間都好快。價錢合理，份量足，真心係荃灣區內晚餐宵夜救贖之一。雲家小鍋米線（中酸辣）打開外賣盒，熱氣撲面而來，一陣酸辣香，靈魂招牌酸度同辣度調得啱啱好，唔會咬喉但夠刺激。湯底無論係有辣有肉碎版，定係無辣清湯版，都香氣四溢。芽菜、酸菜、韭菜、蔥、芫茜每一樣配料都新鮮爽脆，配埋爆香嘅豬肉碎，令人一啖接一啖。再追加腩肉、豬軟骨，瘦肉入味、軟骨啖啖膠質，咬落去滿口幸福。牛腩小鍋米線（小酸辣）配料：芽菜、酸菜、韮菜、蔥、芫茜追加配料：雲吞、台灣腸牛腩係另一款人氣之選，牛腩滷得入味又軟腍，帶少少牛香油潤感，配埋酸辣湯底又唔膩。加嘅雲吞皮薄餡多，台灣腸香氣濃郁、爽彈惹味，為整碗米線加分不少。涼拌墨魚頭熱辣辣嘅主角之外，冷盤都同樣有驚喜。涼拌墨魚頭爽口彈牙，酸辣開胃。醬拌皮蛋醬拌皮蛋鹹香平衡、入口柔滑，係完美配角。 …查看更多

雲家以平實價錢、超足料配搭同高質味道成為荃灣區嘅必食米線選擇😍😍收工經過，立即買回家同家人共享，食得超滿足🙌🏻✨雲家小鍋米線✨ 餸嘅款式超級豐富嘅雲南特色小鍋米線，配料塞滿成個碗！肉碎、酸菜、芽菜、韭菜加埋秘製湯底，香辣酸爽又層次分明，米線爽彈帶啲韌性，正呀！眾多餸中，螺旋草令口感更豐富，健康又惹味，每啖都食到爆炸滋味，飽足感滿分👍🏻✨小鍋紅薯粉配豬扒✨ 雲家嘅紅薯粉彈牙滑溜，吸滿咗酸辣湯底嘅精華，超正。豬扒煎到香脆邊緣，厚切又大件，肉質有嚼勁，配搭彈牙的紅薯粉真的很夾，令人忍唔住一啖接一啖咁食。✨豬頸肉小鍋米線✨ 必食推介‼️豬頸肉切得厚身又多塊，燒香得嚟又脆又juicy，脂肪比例剛剛好，香氣撲鼻，食落爽口卻唔肥膩，配搭咗酸辣米線湯底，辣度適中，層次豐富而且超開胃，食完齒頰留香，好有滿足感。✨炸春卷✨ 炸得金黃香脆，外皮薄而唔油膩，食落去口感脆口，內餡豬肉香芋豐富，肉味濃郁且帶甜香，層次分明，每一口都係幸福感，必點🙌🏻。高質又大碗，難怪六點幾就已經坐滿人，十分推介大家去試一試啊！想睇更多介紹，馬上Follow我啦😁。#雲家小鍋米線 #小鍋米線 #荃灣米線#荃灣 #荃灣美食 #big_big_foodie #big_big_foodie食勻荃灣 #big_big_foodie食勻香港 …查看更多

行完山，真係要食返碗熱辣辣嘅米線補番體力！啱啱6:15入去仲搶到最後一枱，真係好幸運，咁荃灣呢間米線，應該睇落好吸引喎，坐低即刻要睇餐牌叫嘢！🍜豬潤小鍋米線 $33+9=42呢碗豬潤小鍋米線，揀麻辣大辣真係辣到好刺激，芫荽份量又十足，仲有辣肉碎做配菜，好過癮！🌶️ 不過豬潤稍為過熟咗，口感稍為弱啲。涼拌墨魚頭 $48呢道涼拌墨魚頭好吸引！蒜蓉鋪滿墨魚頭，香口爽脆，蒜蓉香氣十足，加埋惹味嘅醬油沾汁，令人想起以前食冷麵嘅香辣滋味，好有層次感！🦑🧄螺旋草雲吞涼拌米線 $38+9+9=56呢碗涼拌米線超正！一開始有香濃麻油味帶微酸，好開胃。隨住時間，辣度慢慢上升，發現阿姐直接落咗大辣，刺激味蕾爆發🔥。清新爽脆嘅螺旋草，同皮薄餡靚嘅白菜雲吞，仲有本身嘅肉碎，令口感層次豐富，成碗嘢非常夾！秘製豬頸肉 $49豬頸肉外脆內嫩，中間偏上位置特別香脆，睇得出燒得金黃微焦，帶有甜甜嘅焦香味，未點醬汁已經好吸引！😋凍菊花蜜 +$11出面都比較多西洋菜蜜，但難得呢度有。菊花好似感覺清熱，呢款都好重菊花味，唔算太甜，但好解辣，食完好舒服。總數：$206…查看更多

雲家小鍋米線喺米線界花多眼亂嘅地區真係殺出一條血路！雖然舖頭唔算大同好整潔，空間有啲簡樸，木枱椅加幾張小枱，總共約10張位，人多時要搭枱，環境尚算舒適。最吸引係經常有人排長龍，靠嘅係真材實料嘅味道同特色，午飯同晚飯高峰期尤其熱鬧！🍲招牌湯底同墨魚頭係必試，熱辣辣嘅酸辣湯底帶啲微麻，配上彈牙嘅米線，鮮香開胃，仲有腩肉同墨魚頭加持，墨魚鮮嫩多汁，食落滿足感爆棚！價錢親民，約$50-$80之間，份量夠晒一個人飽餐。唯一小遺憾係阿姐手腳稍為慢，有時會漏單，但佢會主動追單，態度算係咁。🥢⭐️⭐️⭐️⭐️⭐️🎉…查看更多

每次行過沙咀道，總係見到「雲家小鍋米線」門口有人排隊👥，今次終於的起心肝試吓！呢間紮根荃灣多年嘅人氣小店，無論湯底定配料都誠意十足，難怪咁多街坊捧場。✨ 自選湯底 ✨湯底有酸辣、麻辣同麻酸辣可以簡，堅持每碗即叫即煮。店員姐姐落單時好細心，會主動問你有冇咩配料唔食🌱，呢個位好加分！🥢 必食配菜 🥢▪️涼拌墨魚頭 $48幾乎枱枱必點！墨魚頭爽口彈牙，加埋滿滿嘅蒜粒，蒜香十足，作為開胃小食真係一流。▪️ 秘製豬頸肉 $49豬頸肉燒得外脆內嫩，肉質爽彈，仲帶少少油脂香，食落非常Juicy，真心推介！🍜 主角米線 🍜▪️魚肉春卷米線 $42 + 豬大腸 $11碗米線一上枱就見到三條金黃色嘅魚肉春卷，口感彈牙又有魚香。加咗$11要咗豬大腸，炆得入味，口感爽彈冇異味。揀咗麻辣湯底，香辣之中帶住麻香，食食下個嘴有少少麻，越食越過癮🌶️！▪️ 牛腩小鍋米線 $49米線質地柔韌滑溜，底層已經有滿滿嘅芽菜、酸菜、韭菜、蔥同芫茜，份量十足。牛腩炆得軟硬適中，帶有微微油脂香。簡咗麻酸辣湯底（小辣），麻、酸、辣三種味道層次分明，又融合得恰到好處，飲多幾啖湯都唔會覺得口渴👍。…查看更多

終於一試bookmark已久既雲家！果然名不虛傳！熱拌紅薯粉（螺旋草/雞絲/燕皮肉餃）紅薯粉煙韌彈牙，掛汁力一流。小辣辣度溫和，帶點麻香，非常開胃。配料方面份量十足，螺旋草口感爽脆，雞絲唔鞋，燕皮餃隻隻都脹卜卜，好好食！仲有唔少肉碎、花生、酸菜。如果食開重口味，建議直接叫中辣以上，應該仲正！淨雲吞雲吞超大隻，皮薄餡多，內餡係鮮豬肉，調味恰到好處。個湯底都唔錯，清清地，飲完唔會口渴涼拌墨魚頭墨魚頭切得厚薄均勻，口感爽脆彈牙，完全唔韌。涼拌汁酸辣醒胃，加上蒜香和芝麻的點綴。麻辣豬耳豬耳處理得好乾淨，切成薄片，軟骨位保持爽脆。麻辣味唔會死辣，係慢慢滲出嚟嘅麻香，好惹味！送酒或者送米線都一流！…查看更多

平日夜晚去食，店內食客眾多，要同人搭枱，座位之間距離狹窄，坐得不是很舒服，叫了小鍋米線，配菜選擇了墨魚頭和豬軟骨，就中伏了。認真從來未食過咁差嘅豬軟骨，三塊豬軟骨竟然係可以一條軟骨都無，全部係硬實嘅骨頭，以為肉眼睇係錯覺，食咗一塊，好彩無用力咬，如果唔係牙都崩。真係完全無一條骨係腍嘅，咁樣都叫豬軟骨，唔係呀嘛⋯⋯向店員反映，嘗試要求換另一款同價配料，她問我係咪都要返豬軟骨，當然唔要，轉了台灣腸，用小碗裝了三條上菜，但竟然係凍嘅，真係嬲，無下次！…查看更多

今日專登去咗荃灣食雲家小鍋米線,鋪頭雖然唔大，但坐得幾舒服，午市時間都幾旺場要排隊😆我叫咗碗豬頸肉豬腸麻辣米線，個湯底麻香味夠，辣度可以自己揀，我揀咗小辣，飲落順喉唔嗆喉, 配料真係落足料，有肉碎、芽菜、芫茜同蔥，當然你可以因應口味唔要, 豬頸肉啖啖肉，咬落有嚼勁；豬腸清理得乾淨，滷得入味又夠淋，吸晒麻辣湯汁好正🥰朋友叫咗豬腸紫菜米線，BB辣對佢黎講岩岩好，紫菜份量多，豬腸同樣處理得好好👍🏻仲揀左小食涼拌墨魚頭，上面鋪滿蒜泥，墨魚頭爽脆彈牙，蒜泥香味突出，係必叫嘅小食😋呢間小店既米線湯底同配料都有水準，價錢合理，我下次一定會再幫襯😍…查看更多

近近哋，揀咗公司附近一間人氣小店食米線！平時想食但都真係可遇不可求，因為小店座位有限，外賣亦都非常之多人叫，如果係lunchtime去無人早啲霸位真係唔洗旨意食到，最後趁收工時間即刻9衝去就唔使等直入，但都只係剩底一張枱，可見人氣高企！🍜酸辣雞絲豬軟骨小鍋米線 食肉獸當然要揀返款肉量十足嘅米線啦，秘製酸辣湯底微辣唔鹹，雞絲超級足料食極都有！豬軟骨燜到超淋，配埋滑捋捋嘅米線，食肉獸必點！雞絲係店內招牌餸之一，大份之餘調味適中，雞絲肉質軟嫩，淨食都已經好好味。🍜腩肉炸醬熱拌薯粉腩肉超厚切超級足料！炸醬亦份量十足，薯粉本身嘅配料仲有花生，令到薯粉除左煙煙韌韌嘅口感仲有啲香脆既元素～🐷 秘製豬頸肉雲家精選肥瘦相間招牌小食肉質柔嫩嘅豬頸肉，厚切炭燒，外皮香脆，咬落去 juicy到爆💦搭配泰式辣醬食，非常惹味！ 🥚醬拌皮蛋透明嘅皮蛋流心蛋黃，上面好多蒜蓉，加埋辣椒油，配埋自家製醬汁，蒜香開胃…查看更多

荃灣呢間米線舖仔細細，唔顯眼，但未到晚飯時間已經滿座，外賣訂單keep 住黎，人氣爆燈！太多餸花多眼亂，揀左雲家米線😆雲家米線（小辣）配料非常多，有腐竹、冬菇、雞絲、雞翼、魚春卷、螺旋草、腸仔、芽菜、酸菜、韮菜、蔥、芫茜。配料中比較特別既有螺旋草，有d 似日本既海帶咁，口感滑嫰又帶點爽脆，增添口感。 雞絲幼細，吸左湯更入味。雞翼忟到林，輕易骨肉分離。湯底唔會太辣太刺激，肉碎同酸菜增添層次感。秘制豬頸肉份量十足，兩大塊讓人感到非常滿足。外脆內嫩，醬料的味道也恰到好處，讓人一口接一口，欲罷不能。…查看更多

主打雲南風味米線的雲家，在荃灣非常有名氣，門庭若市，店面不算大，但環境整潔，翻桌速度快，適合午市或晚市快餐之選。這次試了兩款米線和三款小食，味道很好，價錢亦合理。魚肉春卷米線（$42），湯底小辣帶酸，開胃之餘不搶喉。魚肉春卷外皮香炸過，內餡魚蓉煙韌有口感，不油膩，配上爽滑米線，口感層次豐富。牛腩小鍋米線（$49）是重口味之選，湯底濃郁，牛腩炆得入味，柔軟不乾身，份量亦足，配料如韭菜、芽菜等，亦有很鮮甜爽口，整體味道非常好。小食方面 ，蒜泥白肉（$45）是驚喜之作，豬肉切得薄身，肥瘦相間，鋪滿特製蒜蓉醬，蒜香濃郁但不嗆喉，醬汁微辣，非常惹味。手拍青瓜（$24）清新爽口，醬汁酸甜又有蒜香，有一小碟醋，隨自己口味添加，適合配米線中和辣度呢！醬拌皮蛋（$26）選用的是黃金皮蛋，皮蛋滑溜，金黃色晶瑩剔透，醬油與麻油比例恰到好處，加上少量蒜蓉提升香氣，是一道簡單但討好的小食。總結，雲家米線在荃灣一帶算是性價比高的米線店。若想快速又滿足地解決一餐，這裡是不錯的選擇。…查看更多

涼拌墨魚頭$48去到雲家一定要食就係呢一個涼拌墨魚頭出面唔多覺有得食 間中都會為咗食呢個嚟呢度份量超多仲要好食 最鍾意佢重蒜得個口又唔臭🤫秘製豬頸肉$49雖然佢睇落唔係好燶但係食落呢個表皮都脆脆哋食落好入味上面有少少椒鹽香😙小鍋米線湯底唔算太重口味但係都食得出係有心機嘅如果食開譚仔三小辣建議可以嗌小辣 🌶️我自己就覺得叫少少辣就一啲都唔辣米線擺耐咗都唔會覺得好腍唔係嗰啲會發脹嘅米線 不過都唔會偏硬腩肉唔算太肥以前食嘅時候好似肥啲不過就算係瘦肉嘅部份都唔覺得佢好鞋😌值得一讚嘅係 大腸都幾入味冇任何唔乾淨嘅臭味…查看更多

今日去開荃灣，想搵一間好味嘅米線。上OpenRice search咗，見到呢間評分好高，所以滿心期待去試一試。嗌咗一碗BB辣嘅過橋米線，加咗魚肉春卷同腩肉，另外仲嗌咗一碟蒜泥白肉同一支凍豆漿 。個米線係幼身嘅滑米線，但係春卷一般，腩肉就有啲部份好食，有啲就好嚡。最大問題係成碗米線好鹹，基本上食兩啖就要飲豆漿。之後食蒜泥白肉，食咗一塊已經喊到唔想入口，但40幾蚊又唔想嘥，所以基本上之後每一塊蒜泥白肉我都要用碗好鹹嘅米線湯過一過水先至擺到入口… 成餐飯，我覺得最好味嘅係支凍豆漿…埋單$101 ，呢個價錢我覺得唔值………查看更多

魚肉春卷米線 麻辣 墨魚 ($9) & 台灣腸 ($11)墨魚的鮮味濃郁，口感滑嫩彈牙台灣腸的口感q彈，帶有淡淡的香料味小窩紅薯粉 ($38) 麻酸喜歡這家是用直條紅薯粉，紅薯粉滑嫩，吸附了湯汁的味道，讓每一口都充滿了雲南風味。加通菜 ($7)& 加魚腐 ($9)十分附湯的通菜，清脆口感，不會過老，剛剛好。魚腐口感柔軟。蒜泥白肉 ($45)蒜泥白肉的香氣四溢，肉質鮮嫩，帶點麻辣的味道，蒜泥的味道濃郁。凍檸茶甜度同酸度係我鍾意既😹…查看更多

荃灣，從來都唔係美食沙漠，而係一個臥虎藏龍嘅地方，尤其係米線戰場，真係百花齊放。喺芸芸米線店之中，屹立多年依然人氣高企嘅「雲家小鍋米線」，就係唔少荃灣友嘅私藏飯堂。主角登場(一)：銷魂厚切豬扒小鍋米線 🐷嚟得雲家，主角當然係小鍋米線。我先試咗個「豬扒小鍋米線」（$49），揀咗小辣酸辣湯底。一上枱，嘩，個份量絕對唔嘢小，大大塊豬扒分開上，誠意十足。塊豬扒先係戲肉所在！佢唔係嗰啲薄切或者炸到乾爭爭嘅貨色，而係有返咁上下厚度嘅「厚切」豬扒。外層煎得微微焦香，鎖住晒裏面嘅肉汁，一啖咬落去，肉質鬆軟得嚟又唔會散，而且醃得非常入味，唔會過鹹，味道恰到-好處。將豬扒浸一浸落個酸辣湯度，個滋味即刻昇華，又香又惹味，真係冇得輸！再講個湯底，佢嘅酸辣平衡得好好，酸味醒胃，辣勁隨後而嚟，唔會死辣，反而係一種好舒服嘅香麻感，飲得出係用心熬製，唔係hea用調味粉開出嚟。米線軟硬適中，索晒啲湯汁精華，嗦嗦聲咁食，真係一大享受。配埋索湯嘅芽菜、韭菜同肉碎，口感層次即刻豐富晒。成個體驗就係：滿足！主角登場(二)：爽脆惹味豬頸肉小鍋米線 🥓另一碗我哋試嘅係「豬頸肉小鍋米線」（$51）。如果話豬扒係溫柔嘅實力派，咁豬頸肉就係爽朗嘅個性派！佢哋嘅豬頸肉每一片都切得夠厚，燒到外層帶點焦香，呈現誘人嘅金黃色。一啖咬落去，個種獨有嘅「爽脆」口感真係冇得頂，肉質彈牙，充滿油香但完全唔膩。豬頸肉本身嘅調味已經好夠，再索埋啖酸辣湯，嗰種香口惹味嘅感覺喺口腔爆發，同豬扒嘅軟腍肉汁感係兩種完全唔同嘅享受，各有千秋！最佳配角(一)：開胃爽彈涼拌墨魚頭 🦑食米線點可以冇小食？我哋點咗個「涼拌墨魚頭」（$48）。呢個小食絕對係開胃嘅最佳前奏！一睇就知新鮮，墨魚頭處理得好乾淨，色澤白淨。食落口，個口感真係「爽、脆、彈」！完全唔會有潺或者韌嘅感覺。個涼拌汁亦都調得非常出色，酸酸甜甜帶少少麻油香，加埋啲芫茜同辣椒絲，吊出咗墨魚頭本身嘅鮮味，非常清新。最佳配角(二)：黃金比例蒜泥白肉 🧄另一款必試小食，就係呢個「蒜泥白肉」（$45）。呢道菜一上枱，蒜蓉嘅香氣已經撲鼻而來，令人食指大動。白肉切得厚薄適中，肥瘦層次分明，係完美嘅黃金比例。食落完全唔覺得肥膩，肉質軟腍得嚟帶點彈性。而呢道菜嘅靈魂——個蒜蓉醬汁，更係冇得彈！蒜味濃郁，鹹香帶甜，再加埋秘製嘅紅油，少少辣意刺激住味蕾，惹味到極點。夾起一塊白肉，連埋墊底嘅爽脆青瓜絲一齊食，青瓜嘅清新正好中和咗肉嘅油潤感，成件事昇華到另一個層-次，送米線或者白飯都係一流！…查看更多