雲天薈

我係附近返工，之前未改名都算係咁，午餐都叫食得過，改咗名之後唔知係咪換咗師傅，啲嘢食差咗，尤其喺啲牛肉或肉片嘅午餐，嗰浸鬆肉粉味嗅到你唔相信，同老闆投訴過完全冇改善，以為係撞啱啲肉解凍唔切，比多第二次機會都係咁，完全要Black List 佢！因為佢哋係整酸菜魚為主，唔知道其實嗰啲魚或者水煮牛肉係咪都有同一浸味，又或者係殭屍肉，最怕啲肉唔新鮮照比啲客人食，原本諗住同啲同事Lunch去嗰度叫小菜食酸菜魚，宜家真係要諗下或者食番得寶個間友義氣！…查看更多

🐟🥢🥣惹味酸菜魚&小炒▫️免加一▫️openrice 訂座9折▫️星期日休息☑️椒鹽九肚魚 -$118呢個唔係好多地方有得食，所以試下。呢度煮得好好，份量都多，外皮炸得十分香脆，而入面嘅九肚魚保持到嫩滑，骨都可以咬爛同吞。椒鹽都好惹味，仲可以點喼汁。☑️老壇酸菜魚（標準）-$198酸菜魚有埋個魚頭好有睇頭，魚片份量多，而且好滑冇骨，另外仲有大量酸菜、金菇、粗薯粉、萵筍同芽菜，不過反而冇蓮藕片。粗薯粉索晒湯好味😋。叫左小辣吾會好辣，酸味十足，好開胃，2個人食食下好快食晒。☑️漁香茄子煲 -$85一上枱咋咋聲就知道好熱，茄子好淋好入味，仲有大量肉碎，調味好正好滋味。 …查看更多

放假想同屋企人食中菜，揀咗舊屋附近嘅中菜館。雖然佢哋有幾多川菜，不過都有唔少港式小菜😍😍😍。沙拉骨肥肉唔多，炸得幾香口。見到啲沙律醬都覺得邪惡！個汁冇咕嚕肉咁酸，不過都幾開胃。另外我見佢哋都幾多鹹蛋黃菜式，所以我哋叫咗份黃金蝦。新鮮整好所以熱辣辣、香噴噴。蝦肉幾彈牙，連殼都食得。鹹蛋黃醬有起沙嘅感覺。我哋見餐牌仲有款貴啲嘅黃金大蝦球，不過唔知有咩分別😅😂。西蘭花炒帶子好有鑊氣，帶子肉大粒而且幾鮮甜。…查看更多

今日係牛頭角同屋企人食左間小菜好唔錯👍🏼新開無耐都多人食，鋪頭細細間但夠晒鑊氣。。🥢沙拉骨 $88炸豬扒+沙律醬=沙拉骨，外脆內嫩吮得好夠滋味！酸甜好開胃。。🥢啫啫唐生菜煲 $78小炒店先整到既鑊氣！上台時啫啫聲，蝦米同肉碎夠晒多，惹味十分。。🥢椒鹽白飯魚 $98脆得黎唔油，而且咸味適中，最正係一口一條啪入口夠享受。。🥢豉汁蒸鱔 $138蒸鱔個汁好食！鱔好爽口脆身，唯獨係唔算好肥美個種，不過$138咁平，絕對收貨！。呢度有杯「大檸樂 $22」必點😂勁大杯，差唔多=成枝啤酒咁大，抵飲呀。。唔使加一無茶芥有冷氣！性價比高既小炒店！…查看更多

今晚同屋企人去左牛頭角～雲天薈～食晚飯，食鑊氣小炒。呢度都幾多野食，除左黎小炒，仲有酸菜魚、水煮魚，仲有一堆四川麻辣系列。不過老媽子唔想食酸菜魚同埋唔食得辣，如果唔係有個2人餐超抵，唯有下次再黎袋。招牌 小炒王 98小炒皇炒得超香口，材料又豐富，有蝦乾、鮮蝦、腰果、鮮魷、菜、白飯魚仔同帶子。黃金鮮魷 128外層炸醬薄薄酥脆，鮮魷彈牙。椒絲腐乳通菜 68通菜鮮嫩，腐乳味道剛好，唔會太咸。沙拉骨 88肉腍入味，餸飯一流。呢度唔洗加一的確抵食，同埋仲有一啲新張期內外賣優惠添，抵。…查看更多

《😋晴晴港飲港食 #misshcfoodie 》因為喺屋企好難煮到好有鑊氣所以我好鐘意出街食小炒呢日去咗徳福睇戲諗住唔想又食商場啲連鎖餐廳行咗去附近見到有間新開張嘅小菜嘢食幾吸引價錢又ok就決定試吓黃金大蝦球 $148好鍾意食鹹蛋黃煮嘅嘢呢個黃金蝦球真係抵讚🍤外表炸到好香脆仲有鹹蛋黃嘅鹹香最緊要唔會太油膩蝦球好大隻又爽口彈牙👍啫啫芥蘭煲 $78熱辣辣上菜 好惹味黑椒腰果牛柳粒 $128份量都唔得少 牛柳粒炒得啱啱好 好入味菜甫肉碎煎蛋 $68細細個食潮州嘢就好鍾意菜甫煎蛋但最怕菜甫太鹹呢到味首控制得幾好亦都有蛋香煎到有少少焦夠香口🤭鮮青檸梳打 $22草莓乳酸 $22人均價錢: $200味道: 7.5/10環境: 7.5/10服務: 7.5/10回頭率: 7.5/10📍 雲天薈地址: 牛頭角觀塘道265號永英樓地舖…查看更多

我上星期去咗牛頭角嘅「雲天薈」食晚餐，真係唔錯🤤第一道菜係酸菜魚，味道酸辣，魚肉鮮美，非常爽滑，啖啖都係驚喜😋第二道菜係鮮果咕嚕肉，啲肉好滑好嫩，加上啲新鮮菠蘿嘅甜味，真係唔錯👍第三道菜係瑤柱金菇燘伊麵，伊麵唔會太軟，配上啲瑤柱同金菇，味道鮮美好滋味🤩飲品係荔枝乳酸，味道唔會太甜，荔枝味道清新，加上啲乳酸，酸酸甜甜，好開胃😍 菠蘿梳打，有微微嘅甜味同菠蘿味，好解渴🍹整體黎講，呢間餐廳嘅菜式幾豐富，味道又好，真係值得一試👌…查看更多

平時係Manulife 做運動，本身已經覺得有啲偏僻，上次就同朋友去左海濱匯搵食，今次就試下行去牛頭角試邨方向，行過見到呢間新開張嘅「雲天薈」，初時見大門有點簡陋，想不到走進來卻極乾淨企理，播放住咖啡廳類嘅音樂，最緊要係食物好出色，好比食神裏面嘅乾坤燒鵝，估唔到咁內有乾坤😍😍洛神花炒豬頸肉（$98）🐷🐷。必食推介👍🏻👍🏻第一次食以洛神花為調味料嘅菜式，非常驚喜🥹🥹豬頸肉經過切片、爆炒，再加入洛神花同其他調味料炒製而成。洛神花本身有清涼解暑的功效，配上肥瘦相間嘅豬頸肉，口感鮮嫩，肉質細緻，味道鮮美，是一道不可錯過嘅好菜式😋😋意想唔到嘅係佢嘅伴碟，就係芋頭脆絲，好耐無食過，好有芋頭味，好好味🥰🥰麻辣手撕雞（$68）🐤🐤以雞肉為主料，加入豆瓣醬、花椒、辣椒等調味料，口感麻辣鮮香，非常開胃。手撕雞肉質細嫩，入味深沉，搭配辣椒和花椒的香氣，讓人垂涎欲滴。😍😍酸菜魚（海鱸魚）（$238）🐟🐟以海鱸魚為主料，加入酸菜、辣椒等調味料燉製而成。酸菜的酸味和魚肉的鮮美相融合，入口鮮香，而辣椒的刺激感，更是讓人回味無窮。雲天薈 (牛頭角)地址：牛頭角觀塘道265號永英樓地舖…查看更多