雲在線

唔係第一次食 一直幾鍾意食雲在線今次啲米線又淋又爛 一夾就爛好似無牙都食到 叫極唔該都冇人理唔知係咪廚房同樓面顧住玩煮到過晒龍因為廚房同樓面一直大大聲嘻嘻哈哈 嘈到拆天要同佢地鬥大聲先聽到 叫到成間鋪先聽到唔知以為落咗大排檔😅😅仲要得兩圍枱都可以將啲餸亂咁傳去第枱到重點！！！！基本上次次黎都係咁上下 但今次真係不能接受嘅差呢間分店轉左啲員工之後越做越差一邊包餃子一邊講嘢噴晒啲口水落去衛生極差唔建議食😀望周知…查看更多

晚飯時間去食 諗住試下門口有人等緊隔咗一陣侍應招呼左前面幾位入去侍應唔得閒理我哋 唔緊要我哋繼續企 又隔左一陣 侍應問我哋幾位叫我哋等等ok隔左一陣 另一個侍應（阿姐）又問我哋幾位答完無任何表示 佢行返入去我哋繼續企 企企下突然有幾個人行入去侍應&侍應（阿姐）執好檯問佢哋幾位 然後叫佢哋坐？？？眼睛有問題嗎？？玻璃牆都見不到我們嗎？唔想食了 我諗間鋪唔係好憂做…查看更多

嗌咗外賣平台，1個豬骨湯底，1個麻辣中辣湯底，1個炸大腸同1個炸餃子。豬骨還好，麻辣就似水溝辣油，之後大腸根本無炸過，而個餃子都係食過最難食嘅餃子，雖然係多餡，但係好粉，而且燶邊。。唔會再食呢間…查看更多

屯門太多米線舖了，當中雲川呢間舖越開越多分店，質素越黎越差，價錢更加越黎越貴！另外那些什麼譚仔米線，小弟覺得十分難食，辣度冇厘頭分十個等級，更加比外界拎黎做辣度等級十分好笑，唔食譚仔既真係唔知講梗乜！今次食置樂既雲川燒！都係離不開徒弟學偷師，而辭職出黎自立門戶！ 味道同當初雲川創業時味道咁好食，湯既味道又係味精包開出黎，質素尚算可以！但當中我比較注重既係價錢，1餸1熱飲既米線賣47蚊！ 仲要大大碗夠飽肚，小弟完全收貨…查看更多

經過買咗碗香茅雞扒牛栢葉酸辣米線🍜香茅雞扒好好食👍🏻有本身煎香咗嘅味道，而且肉質唔鞋～牛栢葉口感唔韌，仲好索湯～所有餸同一價錢好抵食！酸辣湯帶少少泰國風味😂我揀小辣對我黎講啱啱好😄外賣有分湯，拎到番屋企米線都唔會過腍👍🏻…查看更多

發現新開左間米線舖，就同老公試下！當日禮拜六下午12點都滿座，要等一陣先有位入！⭐️特式豬扒酸辣（小辣）米線（$46連熱飲）這個程度辣算唔太辣，不會食到出汗，但好香又唔會太酸！豬扒就冇咩特別，普通豬扒份量適中！連一杯熱奶茶！⭐️豬頸肉麻辣（微）米線（$46）（加$4支裝豆漿）豬頸肉係似氣炸的質感，係香口甜甜地，應該適合大部分人口味！⭐️手撕雞（$35）比想像中多好濃味每一件肉都佔有汁，送飯一流性價比高，味道不錯怪不得咁多人食…查看更多

繼續屯門系列，「雲在線」在屯門區應該甚為有名，聽說是「雲川」班底，分家出來而開設的今次到訪位於康景花園的新分店，小店座位不多----------🔹微麻+酸辣湯‧米線/紅薯粉 $48跟一款餸，點選招牌豬頸肉，奉送熱飲，凍飲 +$3配菜有蔥、芽菜、韭菜、酸菜及辣肉碎，點選多蔥、多韭菜、多芽菜及多酸菜豬頸肉被切成十多條幼條，爽脆肉嫩有彈性，油份重而肉味濃；蔥花及韭菜香稍欠；米線細滑輕彈，份量感覺偏少；麻酸辣湯先嚐到麻跟鹹味，緊隨其後是酸味，吞嚥時則集麻、酸及鹹三種層次，味道偏重，油膩感不重飲品點選凍奶茶，奶跟茶的味道皆薄弱，勝在甜度低美味指數：8/10----------🔹惹味手撕雞 $35份量充足，以青瓜絲墊底手撕雞連著黃油雞皮，雞肉嫩滑帶啖啖雞肉香，以麻油、芝麻及鹽等調味，個人口味略嫌偏鹹美味指數：8/10----------🔹特色豬扒 $33份量十足，豬扒有一定厚度，部份帶骨經油炸的豬扒表面輕脆，肉質緊緻鬆化，味道帶輕甜，調味恰到好處美味指數：8.5/10----------🔹新界油菜 (生菜) $21油份太高，蠔油偏鹹…查看更多