難得糊塗

All my life was full of silly foolish things Like this cafeteria at the beginning Now that she is closing today at 5pmI have to write down something for memories and the good times we have !I like the window seats of this 3rd fl coffee shop merry happy new year Eve And the last supperspecial blended fresh coffee hot my friend order my afternoon coffee seta upper cafe of character You can say that is the Taiwan characteristics todayAt 4pmTheir closing hourThey give me a set of 3small brownies Which taste goodI enjoy them with my best friend And bring the 3rdTo kln hospital for a great friend staying there for a month He is totally happy with this cakeWe hope Fool bliss coffee will reopen in near future …Read More

原本想試另一間cafe，但等左好耐都冇位。不經意行過見到水牌，上左去博下要不要等。可能平日夜晚的關係，有吉枱！太肚餓，即刻坐低左！原來係一間sell 普洱茶既cafe ! 第一次遇上！冇選set，單點加錢轉setPasta 加20蚊有湯同咖啡/茶/普洱肉食main dish 加28蚊就有湯，咖啡/茶/普洱同埋甜品加錢轉set後再加錢可飲特飲，會有20蚊減免湯入面幾足料～帶子魷魚意粉with希臘汁乾左少少，味道還可比想像中大份既牛排！火候同味道都好！薯條也好好味！見到好多人叫既豬手！皮好脆！肉夠味！酸菜個味就差少少～隻豬手堅好好食！這個真係意外驚喜！跟餐送既普洱熟茶再加錢既普洱絲䌩奶茶！一上黎咁黑仲以為俾錯，超大鄉里～好滑好香～薑餅latte ~ 有拉花！最後甜品，有果仁的！總括不錯的店清清閒閒地傾計既地方可惜10點就關門⋯不能盡興⋯…Read More

今日約左朋友到cafe傾下計，尼到難得湖塗。木色同黃燈光為主調，感覺同平時嘅旺角樓上cafe有D唔同，空間大D，而且比較寧靜，啱哂傾計。睇睇menu，都係食番個4人餐。特別嘅係各人叫的頭盤主菜係唔可以重覆嘅😂頭啖湯。得紅湯，除非加錢。湯唔會太酸，我鐘意。頭盤係驚喜之作，煙三文魚沙律。全因佢份量夠哂大，大到可以4個人食~主菜名字夠哂特別🙈柏拉圖帶子意粉🙈🙈之係pesto意粉帶子大大粒 煎得保留水份👍🏼最後上埋杯有拉花ge熱朱古力😘…Read More

環竟算係Ok嘅，但食物質素就真係唔得，牛扒叫7成變咗12成熟（熟到過矖火），意粉口感勁差（烚耐啲都好似唔得嘅）！總之想做白老鼠嘅就去試，包保你知望而回好耐都無試過一間咁差嘅餐廳，too bad…Read More

樓上舖能夠突圍而出，真的不容易，不是朋友帶路又怎樣懂得在這揾食。平日中午時段也不用等位，心想今次真的糊塗了，但朋友介紹無理由的。Lunch Chef’s Menu我選了“炸馬利蘭雞伴薯蓉”朋友選了“水煮蛋伴凱撒沙律”什菜湯味道比較咸炸馬利蘭雞伴薯蓉~ 脆卜卜的炸醬包住雞胸，中間還夾住火腿一起炸，入口脆口，雖然是雞胸，但一點也不嚡。旁邊放了醬汁，味道creamy帶點甜味，裡面放了一些酸瓜，甜甜酸酸十分惹味，配上炸雞一起吃，不覺油膩感，也不覺漏。薯蓉比較淡口，感覺單調，可能這菜式味道已經夠豐富，可給味蕾回下氣。這菜式“蕉點”就是炸香蕉，入口又香滑又甜，可當作甜品，增加層次感，也帶點驚喜!水煮蛋伴凱撒沙律新鮮沙律配上半生熟蛋、芝士、煙肉味道不是很特別，但勝在夠新鮮!Cuppuccio樣貌討好，咖啡濃烈帶點苦，奶比例不平均，能夠做到香滑奶香而帶香濃咖啡味，並不容易，它不是我杯啡啊!…Read More

一班朋友約食飯，諗泥諗去唔知去邊好，響openrice見到呢間餐廳，就比佢個名吸引左，糊呢糊塗，好有趣，就決定一試! 本泥睇過網上既菜式，都預左只係食下意粉羊架，點知一打開餐牌，竟然見到好多大盤選，靚女侍應話，係新野泥，只係推出左一個星期，咁我地當然要一試啦～叫左西班牙豬排骨，嘩! 唔係講笑，好好味! 甜甜酸又夠淋，仲好大塊，只係$138，無錯，真係$138! 真係好抵食!再泥係咸豬手，皮脆肉質軟，好香口，值得一試。仲有燒春雞，夠脆身既，朋友話好食，個人泥講對雞無乜興趣，所以無乜特別感覺。意粉類點左三文魚，魚幾夠多又新鮮，大大鍱，唔錯。飯就試左個黑松露磨菇飯，呢個堅得，夠晒松露味，我喜歡!❤最尾加左個心太軟，可能我麻麻甜品，不過都覺得ok既。…Read More

同朋友行完街，又想係太子附近揾間坐得舒服嘅地方食tea, 就來到難得糊塗。地方係太子係少見嘅舒適，傾計好岩，我叫咗我最愛吃的漢堡薯條配coffee，平時成日去唔同日式或西式都一定食呢個tea set!好有水準，夠juicy, tasty! coffee仲好香，仲要平過唔少我平時吃的，想食burger以後就去這間! 下次要試下食其他。我朋友叫咗件cake都話幾好味，佢話主要呢間啲茶好香，我下次都要試試。…Read More

一早起身見到閨蜜message，心血來潮黎個即興午餐。地點選在她家附近的太子區，方便佢late afternoon 去做 facial。到左太子，我地行左幾轉，本來想試下d 新店，結果見d 舖唔係其貌不揚，就係屬於唔坐得耐既style。行來行去之後，都係去返難得糊塗。我地兩個都揀左漢堡包薯條餐。餐湯羅宋湯夠熱，配的牛油法包夠脆，好味。至於主菜既漢堡包塊漢堡扒略嫌乾左少少，但味道是ok 的；另外薯條都好熱好脆好好味。…Read More

同友人踩完單車出返黎太子食，三個女仔叫咗個二人餐加芝士焗時菜，食得好飽每人都係 $130 到，份量都幾多。相淨係影咗前菜，份沙律都大碟，菜好新鮮，parma ham d 蜜瓜好甜，夾埋一齊食好夾。主菜叫咗意大利松子油意粉同鴨胸陳醋意大利飯。前者好油，啱啱好有3粒帶子可以一人一粉; 後者酸酸地幾開胃，鴨胸份量都好多，三個女仔食啱啱好。美中不足係一入到去已經好大油煙味，坐耐咗隻眼好澀。同埋侍應哥哥漏咗落單(芝士焗時菜，是日時菜係西蘭花，黎到時其他嘢都食晒咁濟，不過啱啱焗起熱辣辣， d 芝士仲可以拉絲嘅，味道唔錯。)…Read More

［文青式的放空］在太子警署對面，樓上鋪有一間，於是走上去試下。三個女仔點左份二人餐再散點其他菜。有炸雞翼、蒜容青口、意粉和飯各一，特別推介薯條和大磨菇飯好味熊仔樣的latte，樣同味都好吸引走的時後，發現門口有擺設，唔趕住走，可以看一看…Read More

同老公上網搵下有咩好嘢食。。見到呢間 cafe 嘅名叫難得糊塗。。覺得幾得意就走去試下。。可能未到七點仲比較靜。。好似有位。。不過我聽到佢地同之後入嚟嘅客講下次 book 位先😝。。環境係幾舒服嘅。。唔會覺得迫同侷促。。我呢杯普洱奶茶。。幾香茶味。。飲落都幾好味。。有普洱味。。又唔甜。。但太多冰。。幾啖之後。。淡晒。。。老公叫左呢個普洱。。佢好鍾意個二合為一茶杯。。好得意。。前菜係韓式雞翼同焗青口。。個韓式醬好味。。有啲柚子味。。又有少辣。。好鍾意。。個青口都 OK 。。仲有個黑松露雜菌湯。。好好飲。。通常呢啲湯飲完會好膩。。但呢個完全無。。👍👍我地叫左一個雞肉墨魚汁飯同蝦忌廉闊蛋麵。。個飯有啲咸。。可能驚個雞肉無咩味。。平衡番掛。。我就覺得個意粉淡左啲。。同埋個蝦太“老““實“。。總括嚟講。。我覺得小食同湯😋好過主菜 。。…Read More

我發誓一定不會再幫襯！！！食物普通，但服務係驚人的。尤其在香港呢個急速都市，本來入間cafe係想relax吓，點知呢個半鐘頭嘅經歷令我個人更加緊張！！！！！！由個侍應明明有一隻手空閑，但卻定格要求我幫佢攞起啲刀叉嗰一副：「唔該你做客嘅醒少少幫我拎起啲刀叉啦！」嘅樣子開始，就知呢間餐廳有料到。到九點開始催你食快啲，因爲十點係closing hour，我個意粉食到一半但就話要上埋我杯黑牛。吓？？小姐，你有冇用腦諗過啲雪糕會融架喎？啲可樂趕住要拎去雪呀？定啲雪糕夜啲會冇咗架？最終叫佢上咗杯可樂先，淨係雪糕後上都怕且得喇掛？然後一路趕住收杯、收碟、乜都收一餐，好忙亂，成個氣氛好忙咁款。到 21:40 仲收埋你杯水：「先生小姐你地都唔飲水架啦可？」我冇答佢，佢收左。OK! 自問食過無數餐廳，收水杯真係第一次見。大開眼界。到21:55就走來：「我地收十點架唔好意思！」原來收十點個意思係要十點落到地下，成餐飯食得趕過朝早起身返工。我依家個人感到好大壓力，想做返隻樹熊減慢返個生活節奏。…Read More

同一個朋友，去返同一間餐廳，不過餐牌轉左，食唔返同一個餐，無緊要，我地當食新菜!今晚早來，人不算好多。一行兩人，唔算太大食，不過我地都係羊怪，於是叫左一個B餐一個E餐share。套餐有沙律同湯，沙律菜算幾新鮮，加埋沙律醋夠醒胃。湯算比較菜左少少，即係青菜湯，味唔濃，不過不失啦。羊架出場，有個好大既裝飾，叫許願樹，幾有心思，脆卜卜都幾好食，如果有炸雲吞既甜酸醬點就一流。至於主角羊架，嘩嘩嘩! 無諗個咁既價錢咁大件，好抵食，羊質仲好嫩滑，正!海蝦忌廉意粉，蝦夠彈牙又夠鮮，幾好! 白汁甜甜地唔太杰身，係我鍾意既口味。最後我upgrade左杯抹茶latte，朋友只叫跟餐檸水，相當happy的聚會。…Read More

對上一次來已經是超過半年前既事，今晚得一個人食飯，又想搵個地方慢慢坐下睇下書，想起難得糊塗，所以就過來糊塗一下。地方無乜點變，但見佢貼左好多舞台劇“小城風光”既宣傳卡，問返經理，發現係佢地免費比呢啲文化藝術團放宣傳品，以支持藝術創作，抵讚!今晚泥到時已開始多人，好彩我仲有位坐，無訂枱，只好同人搭枱，不個一個人無乜所謂啦～今日叫左羊架餐，質素比上一次來好左好多，湯係雜菜湯，味道比較清淡，都可以啦，不過羊架百五蚊的確抵食，出面食開絕對食唔到咁既質量，仲有大大顆許願樹，應該係炸公仔麵，非常有創意。最後加多杯熱朱古力咖啡就完滿了。…Read More

The place is spacious, with proper distance between tables, which is not common in Hong Kong. My friend and I sat there for almost two hours and no one came to ask us to leave with attitude, which is not common in Hong Kong. The food though is ok, not impressive at all. But I am willing to pay for the space and time. …Read More