雞煲棧火鍋

最近同朋友去咗元朗嘅雞煲棧火鍋，試咗佢哋最出名嘅 秘制重慶雞煲 BB辣，雞肉真係滑得嚟又入味，啲汁香濃惹味，炒得好均勻，食到尾都唔會太油膩。網上食評都一致推介呢款雞煲，唔少人都話係「元朗必食」之一。打邊爐方面，我哋點咗 頂級手切牛同和牛牛小排，兩者各有特色：手切牛肉味比和牛濃，但唔算係濃郁型，屬於比較實在嘅牛味；而和牛則嫩滑多汁，入口即化，兩款都好有水準。配埋佢哋嘅湯底，真係好滿足。仲有一碟 椒鹽粟米，份量超大，香口又抵食，係網民都大讚嘅人氣小炒之一。食材選擇方面都算多元化，有墨魚滑、脆骨腩、珊瑚蚌、角色蔬菜等，啱晒鍾意試新嘢嘅朋友。特別推介佢哋嘅 即炸芝士響鈴，外脆內爆芝士，唔少食評都話係必叫之選。服務方面都值得一讚，職員會主動提供圍裙畀着淺色衫嘅客人，細心又貼心。炒雞煲時亦會幫手兜汁、清理雞骨，令整個用餐過程更加舒服。…查看更多

收工過嚟食雞煲，職員話一煲煲炒，所以都等左一陣，我哋叫左bb辣，汁好入味，雞新鮮又滑唔鞋口，職員仲間唔時過嚟兜兩兜，食到一半又會幫手執走啲雞骨等枱面乾淨，整體感覺好服務好態度，食得舒服，兩個人埋單三百幾蚊，叫左一隻雞已經好飽，無再加湯打邊爐了，下次會再嚟食🥳🥳…查看更多

今晚食飯朋友帶我食呢間雞煲，的確唔錯。🌟藥膳花雕醉雞煲半隻（$188），有專人睇住煲幾耐熄火，又焗一焗先叫我哋食，啲雞翼的確好滑，感覺好pro😂🌟牛筋丸 （$68）very juicy彈牙🌟手打三寶丸（$138）一樣好食🌟即炸響鈴（$32）必叫，半份4條，唔太夠食😂🌟頂級手切牛（$196）好香牛味，嫩滑😋🌟鮮淮山（$42）、油麥菜（$42），份量都多，食到3-4轉🌟桔仔水（$15）（姐姐推介），好飲難得唔太嘈，傾偈好ok。朋友話要預先book位，另外亦都可以叫雞煲外賣。…查看更多

呢間之前都食過但今次第一次堂食, 以前都係買外賣返屋企食因為得兩個人所以嗌咗半隻雞(秘制重慶雞煲bb辣), 另外再嗌咗一個小炒(椒鹽粟米), 打邊爐料就嗌咗雲吞, 芋絲, 半份生蝦, 即炸芝士響鈴- 雞煲唔算太辣, 雞件都入味, 啲肉煮完都唔韌唔柴- 椒鹽粟米夠惹味, 好好味, 我見每枱都有嗌😂不過食埋雞煲加椒鹽粟米都已經差唔多飽🙊- 即炸芝士響鈴係出面未見過有芝士響鈴, 糾結咗一陣嗌響鈴定芝士響鈴好, 一上枱要即食, 如果唔係就會淋咗, 浸一浸湯底即拎起, 又有芝士又脆脆地, 啱灑鍾意食芝士又鍾意食響鈴嘅人- 生蝦好似係虎蝦嚟(?) 呢個唔喺餐牌入面, 係店員逐枱問特價$58半份, 啲蝦夾起都有郁郁地 真係新鮮嘅, 肉質彈牙同大隻, 都唔錯- 雲吞同芋絲雲吞就真係都大粒同入面都多蝦, 但十蚊一粒好似食其他野好啲, 芋絲純粹好耐冇食過就趁打邊爐嗌嚟食下😂…查看更多

嚟到元朗想食雞煲🐣朋友就介紹咗呢間小店，仲督促我一定要book 位，所以個日就嗱嗱臨book咗，好彩仲有位🤭舖頭分兩層，但係唔太大，去到個時張張枱都full 哂，所以唔book 枱應該冇得食🥺🥺重慶雞煲(全隻) BB 辣 $268一去到諗都唔洗諗梗係即刻叫咗個雞煲先，我哋仲叫多咗水魷魚($62) 、豬粉腸($68)同牛柏葉($62)，可以叫職員姐姐上枱時連埋雞煲一齊炒，等佢哋可以索哂啲雞汁，會入味好多😲🤩佢雞煲個汁做得好好，惹味得嚟又唔會好鹹，第一次試就叫咗BB辣👶🏻辣味就唔係好重，所以好啱啲唔食得辣但又想食雞煲嘅人，如果食得辣嘅，我建議可以叫小辣 / 中辣🌶️🤭雞肉件件都好大舊，而且即使係咁煲住，啲肉都係好嫩滑，佢個雞煲份量勁多，我哋4 個人，就咁食完個雞煲都飽咗😳值得一提係佢煲入面嘅洋蔥🧅煲到淋哂所以好甜，令人回味無窮🤤即炸響鈴(1份) $55佢一份響鈴有8 舊，如果少人啲可以叫半份，一條嘅size係平時我哋出去食嘅1倍，超誇張😳第一次食即炸響鈴，真係一食就食得出個分別，炸到好鬆脆，一咬就碎，平時食響鈴一定係浸落邊爐湯底度🍲呢度餐廳姐姐教咗我哋一個特別食法🧏🏻‍♀️就係唔好加水住，直接將個響鈴點落去個雞煲汁，停留2秒就拎返起佢😌因為如果浸林晒，就嘥咗佢哋即炸嘅心機，真係好出色，絕對係我人生中食過最好食嘅響鈴🫣美國雪花肥牛(大) $198雞煲食到中段先發現我哋叫多咗，其實一個雞煲就已經夠肉，唔需要再加多一碟牛，不過既然叫咗，同埋佢份牛望落去咁靚，點可以唔食埋佢呢😎🤪平時啲雪花肥牛就好多肥肉，呢度嘅雪花肥牛肥肉均勻，真係好似雪花咁靚，而且係厚切，唔會淥完就散開晒，食落好有咬口同埋好重牛味，正呀😋油麥菜 $42最後尾就梗係要淥啲油麥菜嚟作結啦😚.總括嚟講呢一間係我食過份量最大份嘅雞煲，而且呢度啲職員姐姐全部都勁好人同welcoming，好似識咗佢哋好耐咁，明明我哋先第一次見🤣成餐飯食得好開心，嘢食100分，服務都100分🥰鍾意食雞煲打邊爐嘅你🍲一定唔可以錯過👍🏻…查看更多

雞煲非常香濃惹味，四人份量好多好足。啲雞幾好新鮮好滑，火鍋配料亦好好食。店員好好，會按客人想食的給建議，食物來到後又會提醒你什麼東西先放進去，大火定細火。雖然間店細細地，有啲迫，但係食得好滿足，真心推介！…查看更多

以為鋪子唔大，原來有二樓，地下係開放式的設計，六張枱左右，冇門遮擋，夜晚好多時有食客坐出門口。今次上2樓食，會靜啲，女員工招呼得很好。四人食，叫了半隻雞🐔的 BB辣 重慶雞煲，加多幾隻鮑魚， $13隻，辣度真係好B B（下次可試小辣）不過勝在好惹味，最喜歡就是勁多芫荽！食完雞煲，跟住就係加湯打邊爐。推介：手切牛，不過份量少了一點；廣島蠔，一碟有六隻，比想像中大隻；手打三寶丸，每款四粒，（蝦丸，墨魚丸，鯪魚丸），蝦丸和墨魚丸，尤其出色；炸響鈴，食完半份即炸響鈴，唔夠喉，要再叫多半份。飲品都好多款選擇👍🏻服務態度👍🏻冇限時👍🏻…查看更多

行過棧門口，一陣辣香就撲鼻而來，心諗：今晚試下啲火辣辣嘅地道美食，有無咁正！食完秘製重慶一隻雞（小辣），個心話：呢個小辣叫我汗流夾背，辛辣入喉，麻麻哋真係刺激！肉質滑溜，入口即溶，勁有驚喜咁喎🍗。椒鹽粟米嘅香脆，每啖咬落都有稻花香嘅feel，味道鮮甜得嚟，真係夾啲椒鹽，滋味一流🌽。而家講到椒鹽脆肉鯇，呢個我就要讚下！外皮脆卜卜，有種聽覺同味覺嘅雙重享受，咬落去皮脆肉嫩，絕妙唔漏奶！呢間餐廳重點就係小食，幾舊有驚喜！辣度夠晒醒神，小食之選推介咁好味，而且唔會過分鹹膩。本身唔太敢嘗辣，但今次真係叫我愛上親親辣味嘅美味！個晚嘅食驗，真係正過癮，辣到飲水都以為係火😆！下次一定會再戰，重口味食評，手上麻得我文字都寫到抖。差啲忘記了，呢度嘅服務，都係值得讚下，態度友善得嚟親切。辣好食，環境清爽，五星級少於評低咗黎！🌟🌟🌟🌟🌟…查看更多

雞煲味道好普通，唔明點解咁多人讚好. 打邊爐食材質素完全偏低，所謂牛頸脊仲薄過張即棄枱布. 收費唔平，仲要加一服務費. 同一收費標準，好多地方好食過佢. 唔識冇損失，絕對冇下次.…查看更多

我第一次來，這家是住屯門的朋友介紹。駕車來的話旁邊有個起碼十層的停車場，坐西鐵可以在朗屏站走來。餐廳有上層，我們六人坐一圍圓桌。一開始多芫荽很吸引反而比幾蚊加配的只是碎芫荽一小碟，建議不需要加～雞量足，花椒麻辣味道雖不算濃，但夠多汁so far係Ok的。但其他邊爐選料不是太新鮮，抑或急凍處理太久了，都要改善下。肥牛的色水如圖，無肉味。蠔仍然冰冰的，未完全解凍。—感覺只吃雞煲的話可以，可是這樣不夠飽呀⋯⋯另外服務態度ok的…查看更多

經朋友介紹，特登去元朗食雞煲🥰🎉呢一間雞煲真係大力讚賞！！不但食物質素好味，而且店員亦都好親切，同你有講有笑，甚至食到中途，老闆特登上樓問我哋食物嘅質素及意見，睇得出真係好用心做🩷👍🏻👍🏻1. 重慶雞煲（全隻）小辣🌶️雞煲內嘅湯底非常濃郁😋😋而且姐姐會好樂意幫你炒一炒，定期仲問你需唔需要加湯，服務非常親切🩷雞唔會好硬，軟硬適中，湯底滲晒入去雞肉，非常Juicy😋😋👍🏻如果唔食得辣嘅朋友，可以試吓小辣，絕對容易入口👍🏻不過如果原本已經食得辣，我個人認為可以叫辣啲，會更加惹味😋2. 安格斯牛頸脊（大）🐮牛肉配埋湯底一流，牛肉味亦10分濃郁，值得一試🩷3.響鈴即炸響鈴要趁熱食🤣響鈴嚟到枱面嘅時候仲係熱辣辣，就算就咁食亦都好滋味，加埋湯底更加係一流，街邊嘅響鈴絕對比不上🤩🤩…查看更多

餐廳出名成日爆滿，好奇係咪真係咁好食，所以夜晚去試下。一入到去，基本上無訂位好難有位，餐廳的價位唔算平，半隻雞要$188，打邊爐配料按碟計，埋單起碼人均過$200。點單後伙記會幫你炒雞煲，份量唔多，勝在味道好食。配料一分錢一分貨，新鮮，但價錢唔平，一份牛肉過$150, 一份豬肉接受$100。…查看更多

趁著還有些少凍的天氣來個雞煲就最好不過，位於朗屏站附近的雞煲棧非常受元朗街坊歡迎，由於小店上下兩層加起來座位都不算多，很容易就爆滿，晚市不訂位很大機會要摸門釘。首先要讚的是勁爆多芫茜😂愛茜人仕必定心心眼，店員到適當時候會幫忙翻炒，炒香芫茜及洋蔥等配料滲出的麻辣香氣先令人胃口大開，小辣的麻辣醬汁已有一定辣度，濃郁惹味，而雞件份量也頗多，一隻雞的份量已足夠四位男仕半飽。吃完雞煲便加清湯繼續火鍋，火鍋配料方面平平穩穩不算十分突出，比較特別是即炸響鈴，加上芝士邪惡度滿分，牛筋丸爽彈多汁也是十分推薦，另一名物椒鹽粟米除了椒鹽香外，亦加入少許孜然粉增加惹味程度，送啤酒一流。💸人均消費$250-300📍雞煲棧火鍋 (元朗)元朗媽橫路21-43號地下11號舖…查看更多

見食評個個都讚，天氣開始涼專登過嚟試$188半隻雞侍應好有招呼，會幫手較大火炒香d雞，再轉細火提示幾時食得！雞煲嘅味道係可以嘅，雞肉嫩滑，但好多地方都食過類似e個味道，感覺又唔會話好出色！安格斯牛頸脊$158碟超伏，一睇d雪花就知唔對路！:(冇肉味又唔夠脂肪均勻，感覺就唔係食緊安格斯牛頸脊！我覺得e碟牛只值$38廣島蠔伏，6隻裏面有2隻臭左如果淨係食雞煲嘅話都可以再嚟，但一定唔會再點牛同蠔囉！…查看更多

食過幾次雞煲棧外賣，每次都係買番屋企食，未試過現場堂食，今日同朋友一齊試下堂食雞煲，叫咗半隻秘製重慶雞煲 BB 辣。半隻雞都好大份，鋪面勁大堆芫茜，入面有洋蔥同薑蔥，店員姐姐好好服務，過一陣就會過黎幫我地炒下個雞煲，又頻頻換骨碟。雞肉嫩滑有肉汁，好入味，雞件 件件都大舊，滾得耐雞肉都唔會乾同硬晒，雞煲醬汁好惹味，本身唔食得辣，BB 辣啱啱好，如果鍾意食辣嘅朋友，可以叫小辣或者中辣。叫咗半份即叫即炸嘅響鈴，超級好食，熱辣辣，勁香脆，豆味濃，點啲雞煲汁，好香口，黎雞煲棧一定要食響鈴。手打三寶丸有鯪魚肉丸、蝦丸、墨魚丸，三款各有特色，粒粒都好結實彈牙，好足料鮮味。薯粉同午餐肉就一般火鍋配料。我地坐樓上，當時比較人多，所以嘈吵啲，唔太適合一邊滾一邊傾計。兩個人食咗$432，堂食全日免加一。如果黎食雞煲棧，記得預先訂枱先，因為成日都好 full。…查看更多