雞三和

這間新開的日本餐廳位於銅鑼灣時代廣場B2樓，是來自日本名古屋逾120年歷史的百年老店，主打以日本三大土雞的名古屋交趾雞入饌的雞肉料理，品牌擁有自家農場養殖130日，雞肉特別細緻嫩滑，而蛋黃特別香濃。雞肉三吃定食 - $158採用名古屋交趾雞，塗上秘製醬油，慢烤至金黃且逼出甘香的油脂，有三種不同滋味。首先，原汁原味；然後，加入蔥花、芥末、海苔及鹽昆布；最後，加入高湯製成茶泡飯。鮭魚籽親子丼 - $128沿過用百年創業秘方，用秘傳醬汁燉煮名古屋交趾雞，燉煮得好入味，質感如走地雞般緊實有彈性，澆上滑溜的半熟蛋帶出蛋香，新潟米撈上醬汁鮮味香甜，還有爽脆爆汁的三文魚籽。追加定食套餐 +$38紀州梅乾三小碟有一口紫甜番薯、胡麻豆腐及紀州梅，而膠原蛋白雞丸子湯，湯色清澈而不膩好鮮美。炸雞翅(甜醬油) - $48/兩隻日本調製炸漿金黃酥脆而不膩，採用香草美水雞，咬開保留豐富的肉汁好柔軟。雞肉串燒(照燒醬) - $28/串軟嫩多汁的雞骨塗上照燒醬，有濃郁的醬香味。…查看更多

同friend係time square行街經過見到呢間日式餐廳，環境望落幾舒適，就諗住試下，意外發現幾唔錯。我哋排隊排左唔洗5分鐘就已經可以入座，我哋嗌咗招牌嘅名古屋交趾雞親子丼同埋啲小食，個飯尼嘅時候職員有稍作介紹，蛋味好夠，配上鮮嫩嘅雞肉再加上獨有嘅醬汁配上白飯，全部嘢好夾，串燒都燒得啱啱好幾惹味，最後食完飲埋個唔會太鹹嘅麵豉湯就啱啱好，我仲嗌左杯阿華田乳酪，賣相非常靚，最啱打卡，飲落甜而不膩，食物同環境整體嚟講都幾唔錯，會推薦其他friend黎食！作為一個鍾意食日式料理嘅人，雞三和絕對係高cp值嘅一間。…查看更多

經過銅鑼灣見到新開咗間專門食雞嘅店🐔親子丼嘅雞蛋同雞排不是分開的，而係好似膠水咁黐住雞排到，食嘅時候雞排會帶上雞蛋和蛋液，而且配搭青蔥和洋蔥，味道更加豐富🥚🥚燒雞三吃御膳有三種唔同嘅食法，可以先原汁原味咁食，然後加入蔥花海苔等，最後加入高湯變成茶泡飯，完全係日本同款打卡🫖🫖記得記得要趁熱食呀！！店舖都係採用日式嘅裝修風格，啲燈暖色系，環境又舒服，平時放lunch一個人食或者夜晚同朋友小聚一下都可以😋…查看更多

放工同同事想搵間餐廳輕鬆食飯傾偈，見時代廣場方便就腳，就上去睇下有咩好食。見到呢間主打名古屋交趾雞，幾特別，就入去試下，點知有意外驚喜。試咗幾道雞肉料理，雞肉都好嫩滑。親子丼嘅滑蛋同雞肉好夾，蛋汁幾香，同啲飯撈埋一齊好易就清晒碗。麵豉湯亦都好飲，唔會太鹹。小食叫咗炸雞，份量都幾多，食得幾滿足。估唔到連飲品都有水準，叫咗杯焙茶拿鐵，焙茶味幾出，幾好飲。成餐飯計返都算物有所值。而且呢度唔限用餐時間，可以同同事坐耐啲慢慢傾，啱晒我哋。店員態度都幾友善，成個體驗幾好。…查看更多

夜晚同屋企人約係銅鑼灣食飯，想食日本嘢又近地鐵站，就諗住試吓呢間新開嘅名古屋名物食雞嘅餐廳，打開menu 發現入面主要都係食雞嘅料理，適合唔食豬或者牛嘅人嚟試吓，同屋企人嚟食都幾啱胃口，大人小朋友都啱，今次試咗佢個芝士雞扒親子丼，雞扒夠脆份量一個女仔食都有剩，多人嘅話可以試吓啲小食個雞串都不錯！試咗三款嘢飲，士多啤梨奶昔勁有驚喜，入口以為好重奶味，點知有少少芝士味同出面嗰啲奶昔專門店差唔多質素，下次會想再飲佢啲飲品好高質！焙茶拿鐵都好似出面啲手搖店嘅味道, 下次嚟會想再試其他飲品！…查看更多

放工之後黎銅鑼灣chill下食晚餐，位置都幾方便，就直接喺銅鑼灣出口嘅商場入面。平日嚟講都算多人呀，坐滿晒成場，等咗大概10分鐘我哋就有位坐。食物方面，梗係試吓最出名嘅名古屋交趾雞親子丼啦，雞同埋蛋都好滑，係預想中嘅味道👅而我覺得最出色係佢個飯好香好軟，同個醬料配搭得好好。4/5分！小食方面，叫咗雞串，味道OK不過份量比較少，3.5/5。朋友就叫咗個唐揚炸雞🍗，勁爆好食，皮薄炸得脆，啲雞嚿嚿都好多肉，5/5，一定會再試！環境方面，燈光昏暗黃光，俾人感覺好舒服可以放鬆到，同埋我見佢有好多二人枱四人枱，都適合同朋友傾偈聚餐💗💗下次嚟主食會想試下佢加埋蠔嗰個親子丼，好似都好抵！…查看更多

同朋友行行吓街肚餓就見到間日本餐廳專門吃雞，餐廳位置幾就腳，就係銅鑼灣時代廣場出口搭扶手電梯B2層。今次叫咗個雞肉三吃定食，首先有個前菜拼盤，之後個重頭戲就喺個雞湯度！食咗一半飯倒咗個雞湯落去變泡飯咁食，嗰雞湯好有驚喜，呢個食法完全出乎意料之外，好推薦咁樣食。之後同朋友再加咗兩個小食，雞肉串燒同唐揚炸雞。個人鍾意雞肉串燒多啲，質感嫩滑，照燒汁滲透落去啲雞肉好入味。唐揚炸雞炸得好脆好juicy，也值得一試。雖然個定食包咗杯凍茶，但係見佢有好多款唔同嘢飲，就試咗佢個髒髒阿華田，味道濃郁中間仲加咗好多朱古力脆脆，增加口感！…查看更多

呢餐日式定食幾舒服，親子丼啲雞肉夠嫩，蛋煮得啱啱好，唔會太熟，食落滑滑哋。鮭魚籽加咗少少鹹香，幾有層次。飯吸晒啲汁，唔會太乾，整體味道唔錯。湯就清清地，有肉丸同蔥花，飲落暖笠笠。後面嗰幾款小食都幾精緻，有豆腐、小蕃薯同梅，梅就有啲酸，但開胃黎講岩岩好，豆腐同小蕃薯唔算太甜，啱晒食完正餐嚟個小結尾。成個餐擺盤靚，感覺好整齊，食完心情都好咗。食物份量啱啱好，唔會太多又唔會唔夠。環境都幾舒服，坐得輕鬆，係一餐簡單但有心思嘅日式料理，值得再食。…查看更多

名古屋百年老店雞肉專門店「雞三和」登陸銅鑼灣時代廣場，「雞三和」喺日本各地有多間連鎖分店，主打親子丼🐥🐣喺名古屋愛知縣自設農場，養殖交趾雞，由養殖、加工等都係一手包辦，今次開到嚟香港一於試吓佢哋嘅招牌菜先！🔸鮭魚籽親子丼定食🥚🐣一定要試下佢哋嘅親子丼！用咗秘製醬汁烹煮雞肉，肉質十分嫩滑，半熟滑蛋都吸收左醬汁嘅香味，甜甜地好惹味。定食配有紀州南高梅三小碟、膠原蛋白雞丸子湯、飲品，十分豐富。🔸特上名古屋交趾雞🐥呢款係雞肉三吃御膳，就好似名古屋鰻魚飯三食咁，第一吃先食烤得金黃的雞扒，品嚐原味。第二吃，加入佐料包括蔥花、紫菜絲、芥末等撈匀進食。第三吃，茶漬飯加入佐料後再淋上湯汁享用，各有風味！🔸雞肉串燒、名古屋交趾雞翅🍗小食要左雞肉串燒，沾滿醬汁，食落唔會好乾。另一款名古屋雞翼炸完再沾上甜醬油，都幾好食😋 …查看更多

黎到銅鑼灣嘅呢間雞三和，真的好有feel。一入去就聞到雞肉傳黎嘅香味，令到我即刻想點餐。佢地嘅牡蠣親子丼超好食，雞肉超級嫩，加埋個醬汁，啱啱好，唔會太鹹。飯都吸曬雞肉嘅汁，食到我差d想叫出黎，好好味呀。仲有d牡蠣，非常有鮮味，令整個味道更上一層樓。服務都幾好，店員都好親切，令人覺得舒服。呢間雞三和係一個聚餐嘅好地方，可以食到好食嘅雞肉丼，仲能夠享受輕鬆的氛圍。下次我肯定會再食多次！係第二度都搵唔到咁好食嘅雞肉丼！…查看更多

同朋友咁啱路過見到新開嘅食雞餐廳有水炊有親子丼仲係用日本直送既交趾雞之前係日本食過覺得雞味特別濃特別有咬口所以立即入去trytry1.日本蠔雞肉親子丼餐：啲蠔粒粒都漲卜卜好鮮甜，雞肉鮮甜，雞皮超級爽脆，仲有碗清雞湯勁鮮，大推2.雞肉水炊：湯底會係上面餐既清雞湯，完全食極都無膩既感覺，雞肉用水煮既方式更加彈牙鮮甜，當中既雞翼同平時既有啲唔同，比較大同長，肉就唔多不過夠哂香同啲皮好爽口，最畫龍點睛係佢特制既醬汁，酸酸地超級開胃食哂之後店長有問要唔要加埋飯落去食埋個湯既精華，但係已經食到超飽所以都係放棄咗希望下次可以試到個水炊粥咁就完美…查看更多

試左銅鑼灣時代廣場呢間新開嘅日本料理，大推！原本都係諗唔到食咩諗住試吓間新野，誤打誤撞，發現呢間日式料理好優秀，真心覺得物有所值！！！首先，親子丼嘅雞肉煮得啱啱好，啲雞肉好嫩，啲蛋好滑，另外，啲串燒都燒得啱啱好，外焦內嫩，搭配的醬汁非常好，配酒簡直係一流👍🏻 甜醬油炸雞翼果然係招牌，好特別，同平時食嘅炸雞翼完全唔同，脆香得黎又同表面嗰層甜豉油好夾！我地仲嗌咗水炊雞鴛鴦湯鍋，雞味好濃！啲嘢飲都好正！成餐飯都好滿意，性價比超高！會再次光臨！…查看更多

經過銅鑼灣時代廣場，見到新開張的過江龍—雞三和，是間百年老字號日式雞肉料理餐廳，主打交趾雞，材料由名古屋直送。Menu有幾款親子丼、水炊雞鍋、小食選擇，今次試了三文魚籽雞肉雞子丼。滑嫩雞蛋而且雞肉彈牙，加上爆汁三文魚籽，增加鮮味而且飯份量夠，食完好滿足！小食點了炸雞，即叫即炸，炸雞一咬爆汁而且雞肉不乾柴。另外試了招牌水炊雞湯鍋，雞肉比丼飯軟腍仍帶有些爽脆質感，而且比一般雞件大舊。湯底比較清淡雞湯，加入雞肉及蔬菜後好清甜！鍋物有免治雞肉，雞味濃郁而且嫩滑。最後更可以整水炊飯，但太飽沒有點。…查看更多

銅鑼灣雞三和是一間以日式雞料理聞名的餐廳，環境舒適且充滿日式風情，讓人一進門便感受到溫馨的氛圍。這次的晚餐點了多款招牌菜式，吃得非常滿足。首先推薦他們的交趾雞煲，雞肉鮮嫩，湯底帶有微甜的風味，配料豐富；三文魚子雞飯則是另一亮點，飯粒粒粒分明，搭配鮮美三文魚子和滑嫩雞肉，口感豐富層次分明，讓人一口接一口。雞串燒也非常出色，表皮微焦且內裡多汁，鹹甜醬汁恰到好處；餐後的乳酪雪糕是完美的結尾，口感細膩滑順，微酸乳酪味道清新，令人回味無窮。整體而言，銅鑼灣雞三和不論是食物質素、味道還是服務都讓人感到滿意，是享用日式雞料理的絕佳去處，值得推薦。…查看更多

近排同朋友去銅鑼灣既時候經過呢間新開嘅舖頭 「雞三和」，見到裝修唔錯似日式簡約風，又寫住有125年歷史，一定唔會中伏，又唔算太多人排隊，就行入去試下🫰🏻先講唐揚炸雞🐔（9/10），外皮炸得好脆，雞肉鮮嫩多汁，醬油與薑汁調味不會太over，反而有少少清爽口感。雖然調味唔算好出色既，但係真係食得出雞既原汁原味（冇雞腥味），適合Share 食。生蠔親子丼🦪（8/10），丼飯入面有新鮮生蠔，蛋超滑嫩，蠔肉鮮甜，蠔味好出，大粒&份量都好多，好似有7粒，搭配少少鹹既魚貝高湯和白飯，味道和諧，每口都有層次。不過，雞肉份量較少，味道不及唐陽炸雞突出，稍顯普通。士多啤梨乳酪奶昔🍓（8.5/10）清新可口，草莓酸甜與乳酪平衡都啱啱好，奶昔口感順滑，但略嫌飲到最後嗰幾啖會覺得有少少甜 ，如果有得揀少甜會更加好，導致蓋過士多啤梨味道。總括而會，這餐around 人均$200，性價比合理。「雞三和」交趾雞料理唔同其他餐廳，若果有多D不同的款式和選項給顧客挑選，相信會更上一層樓⛩️…查看更多