雄館私房菜

营业中

休息中

多謝朋友安排呢間有得食又有k 唱又有牌打嘅私房菜~🎤蜑家菜係本地水上人嘅傳統菜式，食物好有水準，大滿足黃金魚皮 - 鱔皮加鹹蛋黃炒到乾身又惹味，鹹香送酒一流胡麻蕃茄 - 簡單嘅胡麻同蕃茄好夾，消暑又清爽辣味花甲 - 啲花甲新鮮肉厚，微辣嘅調味開胃得嚟唔會搶咗花甲嘅鮮美芋蓉香酥帶子盒 - 勁酥外皮加綿密芋泥同嫩滑帶子，外脆內軟口感多樣好有層次感豉椒炒蟶子煎米粉底 - 最近都好迷煎米粉底，又脆又索汁外脆內軟😍😍😍直頭可以媲美海鮮本人咁吸引濃湯雞煲翅 - 啲翅針都幾粗身一梳梳（❌唔係食翅派唔品評）芝士焗開邊龍蝦 - 店家話是日大隻嘅唔多所以轉咗每人兩隻洗開邊~芝士配龍蝦呢個組合幾時都無得輸，如果有埋伊麪就一流荔枝茶煙燻脆皮BB鴿 - 煙燻得好香而且鴿肉 juicy 嫩口，好食醬香火焰鹽馬友 - 成條魚鋪滿海鹽，再倒酒點火🔥🔥 好有效果嘅一味菜，燒出嚟嘅魚肉鮮嫩多汁，魚脂香十足~蝦子柚皮伴有機菜苗 - 友人第一次食，佢話估唔到柚子皮係可以食，柚皮軟身唔苦澀，燜到勁腍加上蝦子同高湯一啲都唔單調炸朱古力流沙湯圓

茄汁煎蝦碌就多人識得做，雄館呢個韓式辣味虎蝦腸粉，除咗有熟悉嘅煎蝦碌外，加入現時流行嘅韓式血腸做法，辣得來非常鮮味，簡直食唔停口！如果配合埋韓國白熊手工啤酒，佢嘅果香口感，令到呢款辣味虎蝦去到另一個層次，非常美味！

傳統特色中菜，重點是香港本地水上人的蜑家菜式絕對响其它中菜館食唔到。最正係「一夜情」、「荷葉雞包飯」。每次有親戚朋友從遠方來港、或一般聚會，都會預先定位。轉咗新舖，而家地方大好多。可以間房，方便私人聚餐或商務會議。老細非常好客同善談。