陳茶館芋圓甜品專門店 (啟德零售館1)

頭先特登喺敏華留肚唔食鮮奶蛋撻，慕名而來過嚟陳茶館食甜品。嗌咗個超人氣開心果雪燕芋圓西米露。先唔講佢排隊要我哋排成10幾個人。$52芋圓先得個七粒，仲要稀到好似水咁，實在係太失望！呢個價錢呢個質素實在太唔值（朋友點都要加呢句：$20都唔食啊）…查看更多

小女子今次係呢間連鎖甜品舖是新出嘅金枝玉糯同高人氣嘅開心果雪燕西米露金枝玉糯呢個新產品外貌好吸睛，有一小個完整臺農芒果放係上面好得意，芒果好甜，不過一開始好凍，有d難咬成碗芒果味好濃，配料都好豐富，芋圓相對一般嘅都比較大粒，而且非常煙靭，另外呢個甜品嘅另外一個特色就係有椰汁米麻糬，質感軟糯，淡淡嘅椰汁味加上香甜芒果感覺非常融洽開心果雪燕西米露呢碗嘅開心果味比想像中濃郁好多，加上有開心果碎，香脆得來又增添咗更豐富嘅口感，雪燕同西米露清清地同開心果味都算夾，而且同樣有大大粒芋圓，整體嚟講呢碗甜品都可以滿足鐘意開心果嘅你…查看更多

陳茶館啟德分店真係個甜品熱點成日都係人頭湧湧！座位有啲逼夾，排隊等位都要點耐心開心果雪燕西米露呢款甜品用料口感層次豐富，仲有三色芋圓，絕對係甜品控嘅心頭好！一上枱，開心果嘅濃香已經撲鼻而來雪燕晶瑩剔透，入口滑溜又帶點Q彈，配上西米嘅軟糯口感，簡直係完美組合。三色芋圓，煙韌彈牙，仲帶點淡淡嘅芋頭清香，甜度剛好，完全唔會搶走開心果嘅風頭。開心果味濃郁得來唔會過膩，入口係滿滿嘅堅果香氣，仲有灑上嘅開心果碎增添咗脆口嘅層次感😆…查看更多

話說我都間唔中都會嚟食一次（人生第一次寫食評）每一次見到嘅情況都令我好震撼。首先 冷氣方面。每一次嚟食一次比一次熱，咁我諗每一個人堂食得嘅，都希望有返啲氧氣有返啲空氣（前排同朋友過嚟食熱到頂唔順要轉外賣）我哋大家都見到佢整咗兩部風機 但係門又開住 風閘同我屋企個靜音風扇差唔多 咁真係有用？風閘轉部勁啲？裝部冷氣？食品方面：好似真係冇咗以前嗰種煙靭 。因為本人都會早放 所以有時都會趁晏晝3點左有啲口痕就會過嚟食 但係有一樣嘢令我太深刻。就係人手方面：我試過三次過嚟食 有兩次係得一個人做晒所有嘢 （仲要我嗰兩次堂食都坐滿晒人廚房有兩個人（咁我諗有一個人應該可以出嚟幫吓手？ 因為我坐窗口位 所以可以望到佢哋大約做緊咩）咁有一次我差唔多食完嘅時候另一個 終於有另一個同事出嚟 但係我食完嘅時候佢就已經入返去 咁係人手方面有問題？ 一個人幫手落單執枱入位𢳂料 （同埋以前落單機係近佢哋 望落都似方便啲，但係依家佢要由南行到北幫人落單，再由北行返去南繼續做單）仲要講緊天氣熱，舖頭入邊仲熱，真心覺得辛苦曬🙏🏻本人就比較八卦 喺度諗緊幾高人工佢會咁願意咁快手做晒咁多嘢 要一個人做晒咁多嘢 （只是$20000多）有時有啲客吹有啲客有嘢問佢又要招呼人。大佬佢都係人嚟嘅 唔講我以為佢做緊三個位 定係我唔知其實佢收緊兩個人人工？？各方面都正正常常 食品其實唔差（芋圓希望變返煙靭）但係舖頭裏面嘅措施所有嘢希望可以做好啲…查看更多

陳茶館啟德分店，真係好多人排隊，佢係以芋圓甜品主打嘅糖水鋪，環境好擠逼，但尚算乾淨，自然簡約風。多款甜品非常吸引，令人唔知點揀好，樣樣都想試。主打係開心果雪燕西米露，有自家製嘅三色芋圓，用料新鮮，口感煙韌彈牙，真係同出面好唔同，非常好味！味道層次豐富，甜度適中，開心果濃郁帶香濃奶香。真係必食之選！價錢都尚算親民。另外仲有好多選擇，朋友食咗個冬瓜茶芋圓都幾好味，充滿冬瓜茶香氣，口感清新有特色，都值得一試！…查看更多

第一次係黃埔食有驚喜，但今次係啟德食有點失望。點咗椰汁芋圓，期待濃郁椰香同煙靭芋圓嘅完美搭配，但椰汁淡如白開水，椰味幾乎捉唔到。芋圓質地尚算Q彈，紫薯同地瓜味勉強合格，無乜驚喜。另外，略嫌佢哋既糖水唔夠凍，夏天食不太享受。環境簡約乾淨，價錢$38起，性價比勉強接受。不過佢地既黑芝麻芋圓既黑芝麻糊底還好，芝麻味濃厚，有點驚喜，食完會好飽，芝麻愛好者應該會好喜歡這款。…查看更多

我碗開心果糖水等咗33分鐘，啲單係照搭上去店員冇分先後次序，呢一點有待改善，糖水係好美的，芋圓亦都做得出色，新出芒果味小朋友好鍾意食，每一碗上邊都有新鮮芒果連埋雪條棍好細心…查看更多

之前跟朋友來到啟德店，試了黑芝麻豆乳大滿買，感覺找到人生芋圓糖水，一直念念不忘….今次來到啟德行街，當然要再來食，同樣點黑芝麻豆乳大滿買，但坦白說，這次有點失望🥲.份量依然足料，面頭嘅碧根依然香脆，但芋圓、珍珠都冇咩咬口，好似食咗好多粉團咁😮‍💨…查看更多

陳茶館係一間結合港式同台式的手作甜品店，位於啟德零售館1期地下，每晚都有好多人係門口等位/等糖水外賣。………………………………………………仙草芋圓西米露 ⭐️⭐️⭐️⭐️⭐️材料好簡單，就係仙草、芋圓、西米露。芋圓甜甜地，煙煙軔軔，仙草爽滑，西米露有奶香味，但一啲都唔heavy，幾種材料簡簡單單加埋就已經好好味！………………………………………………啟德分店坐位唔多，如果住得唔遠，建議買外賣回家吃，外賣唔使等好耐，好食嘅本地甜品店確實值得等，亦值得推介。…查看更多

## 食評：夏日甜品滿足感炎炎夏日，食甜品實在令人感到滿足！今日我試咗**金枝玉懦**同**濃郁黑芝麻西米露**，都幾好味。### 金枝玉懦這款金枝玉懦的芒果味道非常清新，果肉滑溜，香甜可口，特別適合解暑。夏天食呢款甜品，感覺就像被陽光包圍，心情瞬間變好。### 濃郁黑芝麻西米露黑芝麻西米露則濃郁香濃，芝麻味非常突出，既解膩又有豐富的口感。每一口都能感受到芝麻的香氣，令人陶醉。### 總體評價兩款甜品的擺盤都非常高雅，有誠意，讓人食得更加開心。無論係口味定係外觀，都係夏天解暑的好選擇，值得推薦！下次再來試其他甜品！…查看更多

6點幾黎啟德睇concert食定野先，求其搵左間甜品舖當晚餐😚。店內夠晒光猛，不過座位偏逼少少，主要2人位，不過啱啱好有一班人走所以唔使需要等位Counter落完單坐低等食，一路等一路聞到好香芋頭味🤣。可能因為人多，等20min先有得食，好彩時間充裕😌。店員送餐會再叫no.，但建議店家可以俾個牌/枱號方便店員搵人😂，如果唔係一路叫no./睇枱張單都唔係太方便，同埋內地客人多，店員下下都要雙語廣播🙈🔅五福仙草 ($39)有芋圓、紅豆、小丸子同仙草，配冬瓜茶底。配料好豐富，全部係我鐘意食既野🥰，芋圓同小丸子好有咬口好好𡁻💮。望落唔算好大碗但食完都夠晒飽🔅桃膠芋圓仙草 ($38)冬瓜茶底，有桃膠食幾好💬甜品性價比高，芋圓控表示幾滿意，不過坐得有啲逼，少少扣分。同埋留意返店家唔收現金，只有payme，八達通，alipay或wechat pay💳✨…查看更多

雪燕芋圓西米露真係一試難忘！雪燕滑潤，西米彈牙，芋圓煙韌有咬口，三種口感完美融合。另外佢可以揀豆漿底，唔鍾意食椰汁嘅朋友可以轉做豆漿，多個選擇😋令成碗糖水層次更豐富，唔會太甜，食落清爽又解暑。每啖都食到好足料，價錢親民，性價比高，無論夏天定冬天都啱食。店內環境舒適，係朋友聚會或運動後嘅甜品首選！😋…查看更多

糖水舖要等就預咗嘅，本身未入坐已經等咗大概二十分鐘，夏天等到成身汗🫠但係估唔到嘅係入到入面坐，店舖入面嘅冷氣完全唔夠（幾乎係冇）仲焗過室外，而且鋪頭剩係掛住做外賣單都冇乜出過堂食單；結果等咗足足二十五分先有店員行過嚟話廚房入面有幾張單出唔到，冇芋圓要轉其他嘢，同店員講轉小丸子，結果等咗5分鐘，又話冇小丸子，好混亂😑————————————————食物方面由於等咗好耐結果冇芋圓又冇小丸子，朋友冇癮就取消咗四喜仙草，黑芝麻雪燕西米露都冇咗芋圓，不過就好彩仲有得轉桃膠，味道不過不失。…查看更多

滿心歡喜想食仙草嘅你，呢間甜品舖一定會好失望。佢嘅仙草係完全冇味而且仲要係圓形一磚感覺好預製罐頭咁。啲芋圓係熱嘅，擺咗落啲凍嘅嘢度就搞到所有嘢都即刻唔夠凍。個底係所謂嘅冰底，但係真係水嘅冰底，得水味唔會好遲鮮芋仙有啲黑糖 其餘嘅其實都係普通水準，應該唔會有下次:(除咗嘢食方面，餐廳都有啲問題。坐得好逼夾，排隊情況都好混亂，員工亦都冇乜點安排，搞到成間餐廳迫滿人 同埋食一餐好大浸「除」，個人認為浸味好難頂，同埋冷氣都唔係好足夠。。。…查看更多

買了外賣，需要等係正常，在門外等待見有凳咪坐係度等，坐咗一陣就有店員來收返張凳，到取外賣我向店員提出，怎解寧願張凳擺係度都唔俾叫外賣嘅客人坐，後邊另一個店員加把嘴九唔搭八答我製作需時，後尾我再重複講返個問題，但話d凳比堂食嘅人坐，我當然知堂食人要坐，堂食又唔滿座，外賣個位置果凳就係我坐果d凳，收返咪又係擺係度，我已經好識做企咗出去等，見有凳咪坐下啦，嗌外賣d客人就唔應該有得坐咩，真係乜嘢服務，我有消費㗎，香港就係呢d咁唔識變通服務，怪不得個個北上啦(圖片圈住就係收返入去嘅凳)…查看更多