陳泗記

营业中

休息中

從未食過如此難頂既大排檔!今晚同女朋友去中環, 諗住食大排檔, 其實一開始已經係有目標係去x記個檔, 但個檔實在太多人, 吉位d衞生情況又唔好, 但又想食大排檔, 於是就等左一陣, 就算啦, 費時再磨, 就黎隔離呢檔試下啦, 橫掂有位, 又好肚餓, 好啦, 惡夢開始啦......1. 一開波揀左張枱坐, 冇人招呼, 跟手等左一陣, 轉左第二張枱坐, 又係一樣冇人招呼, 係要叫幾次先至有人話叫你再等等, 叫佢開茶, 又係十問九唔應.....叫左枝生力, 又係遲一遲都唔到........2. 好啦, 算! 呢d都唔理, 叫d餸醫下肚先, 叫左蠔仔湯飯, 紅油抄手, 小辣香炒羊肉, 白烚芥蘭, 跟手諗住可能唔夠, 想叫多個煲, 但女朋友話唔好住, 好彩佢叫住, 如果唔係又蝕多幾草野! 等我每樣講下:蠔仔湯飯:呢個我冇食, 係我女朋友食啫, 但試左一兩口; 味道方面, d蠔仔冇乜腥味, d湯胡椒太多, d冬菜好有味(即係太咸); 賣相方面, 一睇都打左個突, 點解碗飯咁多泡架? 紅油抄手:紅油抄手? 咪玩啦, 淨係淥幾粒雲吞加幾滴辣油就當係? 叫紅油雲吞算啦, 正宗川菜風格既咸, 麻, 鮮味完

從未係大排檔食過咁難食既野...12時左右去到亂去在此店食lunch..一坐底就聽到同枱既人兄話d野食好難食..(心想應該唔係咁難食呀)..不過都坐底左都要叫野食啦..2個人叫左碟四寶飯($27)同埋墨丸麵($15), 食物一來就有點嚇人碟飯既餸真係極少呀仲要加左d豉汁怪怪怪..仲收人$27真係賺到盡呀..味道亦麻麻, 碗墨丸麵應該最差不過..完全無墨丸味其他$10一碗既粉麵一定好味過佢十萬倍呀...此店應該係永久bad list

幾個兄弟好耐無見，相約中環陳泗記食飯吹水酒聚是日不太熱，坐街邊食飯都ok﹗試了雜菜煲及0者0者雞煲﹗同場加映露天街邊A&F黃色人仕買衫買成兩個鐘的鬧劇﹗陳泗記味道不錯，家常便飯，八個送都係$380埋單吧﹗

1. 漏單四餸嚟得三餸2. 貴食位於中環，一些地方連湯、連飯、送菜、有飲品四十有找。但那裏四五十蚊一個餸，又唔跟飯，冇野飲。3. 份量少一碟炒豬雜，淨食洋蔥飽，十件雜也沒有。啫啫滑雞煲變啫啫洋蔥煲、炒羊肉片原來係用嚟伴洋蔥成晚食洋蔥飽，全晚洋蔥多過飯4. 冇款所有食物全在menu搵到，但menu上的菜款又冇，真係唔知食乜。 5. 要乜冇乜成間大排檔學伙記講「我地冇椒鹽架！」6. 色香味俱無羊勁騷，又太老火，豬雜入面冇豬雜，所以真係食唔到個味

士丹利街排了多間大牌檔,但因唔係食晏時間,又未入夜,人客唔多。食完糖水降溫,仲要食埋夜晚果餐。簡單點了牛腩麵,麵雖無鹼水味但身麵很腍,反而牛腩唔錯,腍滑且頗為入味。期待士丹利街坐滿人客的場面。

Originally wanna goto 吳越之間but passed by this one and saw lots of ppl here. Okie. So gave it a try.The two of us had 香茅pork chop rice and bean-curd+tomato+pork rice in soup.$26 each. 都幾香口.and very local style there. Funny.

10-1-2007想在上課前吃點簡餐, 粉麵便是一個好選擇, 六點半去到座下, 一對男女剛食緊菜肉雲吞麵。向伙計落單要豬大腸麵及菜肉雲吞麵, 伙計對住張落單紙三秒後回答只可以叫小菜! 二話不說即走!

成日聽老友話佢親戚係中環個大排擋有好嘢食,尤其係冬天個羊腩煲好正, 對上一個星期終於同男友去試左.因為喉嚨痛,唔敢食太多熱氣嘢,所以只係試左一道招牌菜南乳頭骨,其他就好清: 一個生菜鯪魚球煲同埋豉汁蒸大魚腩.個南乳骨比我想像中肥,而且上左粉至炸,所以就略嫌油膩左d. 個人喜好,唔係咁鐘意上太多炸粉嘅炸物.碟蒸魚好似媽媽蒸得咁好食, 量重要係塊魚腩夠新鮮,d 豆豉真係有"琢"過, 唔似得隔離間盛記, 淨係原粒豆豉鋪係面,完全都唔出味.個魚球煲就so-so,但係我欣賞佢地個湯清得黎唔係味精水.唔夠飽,諗住叫多個菜,老闆娘就介紹左個紹菜雞煲.成餐飯,我最喜歡就係呢一味. 好清,d雞係新鮮雞,好有雞味.絕對可以再去, 希望下次可以試到"傳說中嘅羊腩煲"

25/10(三) 11:30am為明天外遊作最後準備,到百年找換馬幣坡紙後,時間所剩無幾,大排檔不失為一個快,靚,正之選.環境比想像的通爽乾淨.食物方面我倆要了蠔仔肉碎湯飯$26,墨丸魚皮餃$18,灼唐生菜$8.蠔仔肉碎湯飯--湯頭頗清,味道算是鮮,飯的份量極多,談不上極有咬口;蠔仔恍如營養不良,鮮度亦不足.墨丸魚皮餃--各3粒,食味同樣沒驚喜,墨丸毫不彈牙,亦無鮮味,魚皮餃似是浸泡了好一陣子,味道極為清淡,餃皮腍爛.灼唐生菜$8--屬嫩綠鮮甜,略嫌不夠爽脆!服務方面老闆及老闆娘皆親切友善.$52的一個廉價午餐,平心而論,是享受其風味多於其食味!

早前在中環食完粥後，便來這裡炒返兩個小菜，再到附近買返兩支啤酒來飲。因唔算餓，只叫了香辣炒羊片和蝦醬炒通菜。可能真係慢功出細貨吧，等了很久才上菜，好在唔多肚餓。香辣炒羊片- 羊肉切到細細片，唔算太羶，加上切絲的生菜，增加了唔少口感，羊肉炒得很香，用來送酒食都算幾好。蝦醬炒通菜- 蝦醬味很濃，但菜唔算新鮮，比較偏韌，尤其是葉的部份，有還是爛的。天氣還未算夠凍，在大排檔食飯，還是比較熱了一點。

尋日食滯0左,今日去搵番d簡單既野食,就求其食下依間野啦,又係第一次,同最後一次!!我實在太後悔,無聽我家姐既忠告!!叫0左個牛腩墨丸河,多蔥.一睇佢個丸就知唔得啦,大大粒,無墨丸應有的墨. 食一淡,ok,唔洗再食,因為佢係一粒粉丸!!!! 完全無味的!! 我亦都好肯定佢係自家制的東西,因為我未食過咁難食的街貨.另一方面,佢個牛腩,係得一粒1cmx2cmx0.3cm大的牛腩. 另加3件牛根,炆到淋曬0個種. 個湯係無味精的(我估),因為佢完全無味囉.以後都唔可以去. 18$唔係平,因為佢完全唔食得!

上個星期五同d同事去呢度食飯，諗住重溫昔日大排檔o既風味。我地叫左1. 梅菜蒸鯇魚2. 鹽焗豬扒3. 蒜蓉炒娃娃菜4. 南乳炸雞件(招牌菜) - 不過唔係我諗o個種南乳吊燒雞，而係d雞件同南乳調味過再炸)5. 粉絲蝦米煲6. 清炒雜菜講真，唔知係唔係我期望太高，我真係有d失望。d食物並非想像中好食，同埋一d大排檔風味都冇。可能因為我地冇叫到d鑊氣重o既食物野啦(不過，我地想叫干炒肉片河又冇，蝦仁炒蛋又話冇蝦，我地根本冇咩野可以叫)。之後我同個妹講番，佢話根本冇人會去陳泗記食晚飯，因為人地最出名O既係燒鵝瀨粉麻，唔知係唔係呢?

天時暑熱，有十萬個理由不幫襯大排檔。但不知是否傳媒的影響力，身光頸靚的靚女同事竟對大排檔有興趣，唔止一次提起，硬要扯我同往，就趁今日開會開到一點三，又大家都沒有約人食飯，同佢來了一個「casual lunch」。成三十幾度，呢度要坐街邊，當然有位。我只西裝一度，難得同事背心/短裙/高跟鞋的去坐圓，難度比我更高。午市都唔使問有咩好食，唔係粉麵就湯飯，見氣溫咁熱，就來個以熱攻熱，叫了蕃茄豆腐肉片湯飯﹝圖示﹞及在隔離威記叫了另一個湯飯。這裡的湯飯是即叫即煮的，所以都要等了一陣子。上檯時的湯，基本上是非常熱的狀態。個人而言比較喜歡吃蕃茄豆腐肉片，蕃茄鮮味，加埋豆腐同埋灼肉片，清清地，幾健康；食完湯飯，熱上加熱，二人是吃到大汗淋漓。加埋兩支汽水，埋單37蚊，當然係平。下次都係天氣涼d再來食好一點。

17-6-2003今天約了同事在這裏吃午飯，到達後人不多可能是夏天的關係吧! 曾經來過食粉麵今次試下其他的，看看餐牌竟然有香茅豬扒估不到喎! 一於試試先。我們叫了香芹蠔仔肉碎湯飯同香茅豬扒飯，湯飯是即叫即煮所以要等候片刻，但很熱辣辣材料足又鮮味! 香茅豬扒是切件上的，豬扒夠入味帶有少少香茅味還有那些爆香了的蒜味道不錯，很久未食過好吃的香茅豬扒了現在在這裏尋回。太好了^-^後語: 聽同事話有同事講話政府可能快要收回此地，如果是咁到時又少了一處好食的地方。

雖然係大排檔，但係原來有樓上舖，有冷氣又乾淨d，而且大熱天時唔駛咁辛苦。原來lunch無小菜食，只得燒味、粉麵同湯飯。不過都唔差喎，碎肉蠔仔湯飯及蕃茄豆腐肉片湯飯，份量唔細又足料。叉燒米不但叉燒肉質唔差，仲有d米粉都好彈牙，生菜鯪魚球唔知係咪自家制，亦都有水準。