陳六記飯店

今次經過上水食間陳六記，係第二次返食，過去之時唔係飯點所以冇幾多人唔使排隊，都因為哩排喉嚨又痛全身冇力依然唔敢食熱氣嘢就求奇叫咗兩個客飯餸食。🥢【西芹炒豬頸肉】/ $58呢碟餸上得比較快，我就唔係好中意食芹味，所以唔過多評價西芹。但係個豬頸肉真係好脆爽，啖啖有嚼頭，肉好彈嘅。唯一唔夠好就係覺得豬頸肉唔夠食hhhh🥢【蟲草花雲耳蒸雞】/ $58哩個餸等咗有差唔多半個鐘，佢擺上黎我已經聞到蒸雞汁嘅味，唔知係咪前排病到忽吓忽吓人食嘢食唔出味嘅原因，感覺哩個雞真係好食阿。食落去有雞味但唔會腥，肉已經完全蒸入味。食起身有少少黃酒味，甜鹹恰好唔會膩，食一舊雞肉餸兩啖飯真係好惹味。…查看更多

有相為證，已即日向食環署投訴，大家睇住自己決定仲食唔食依間啦。這樣的情況讓我對該餐廳的衛生標準感到極度擔憂。食品衛生是每一家餐廳都應該嚴格遵守的基本準則，而這樣的事件無疑是嚴重違反了這些法規，也給顧客的健康帶來了潛在風險。希望陳六記飯店能夠重視這樣的問題，加強食品衛生管理，確保顧客的用餐安全。對於這次的食品衛生事件，我希望食環署能夠展開調查，確保類似情況不再發生，以保障公眾的健康和安全。…查看更多

聽朋友講 上水有一間遠近馳名歷史悠久嘅 茶餐廳好出名， 今日入開黎上水就 試下呢間茶餐廳， 陳六記飯店😊, 嚟到陳六記嘅門口睇得出門面有啲歷史 😅， 中午時間門口放住兩個牌有啲 午市套餐都好抵食， 45蚊有湯有嘢飲👍， 我叫咗個乾炒牛河， 食得出有火喉， 河粉 炒得入味 好食👍， 不過 牛肉有筋😅…查看更多

今天晚上叫你一個四寶飯，全部都是垃圾，叉燒沒有味道，燒鴨勁乾又大嚿，白切雞有毛，仲要有臭雞屎味，鹹蛋不像鹹蛋像雞蛋，出邊一個四保飯包例湯都係45至$50，呢個陳六記垃圾燒味要$60，買仲要沒有跟燒鴨嘅酸梅醬，白飯太爛，一盒四寶飯根本冇一樣嘢食得，希望各位朋友不要上當，我以人格擔保，冇講大話！…查看更多

😓😓一行五人諗住食呢間飯店，已經喺門口企咗大半個鐘等位，等到終於有5人枱走，老闆娘竟然將張枱比兩個冇訂位，等咗5分鐘都冇嘅人，禮貌地詢問老闆娘，佢話”係啊，我都要比位一至兩個嘅客，我地好生意，係咁架啦”，真係吹脹，咁大枱客永遠都唔洗入啦，仲要已經等咗咁耐，即走😒😒咁樣亂派枱都有😡😡…查看更多

喺這家餐廳，我終於捕捉到咗那款網上瘋傳嘅五層腩，感受下它嘅味道魔力。啱啱上桌，一塊塊金黃鬆脆嘅皮肉，就已經夠我心癢癢。咬落去，皮就似炸豬皮般「卜卜聲」，正！肉層呢，滑嘅而家仲記得得住，嗰種香滑軟嫩，每一層肉與肉之間嘅界線分明到令人心花怒放。而啲肥肉，無嘅塞牙，又唔會太膩，配合得啱啱好。隱藏喺肉層之間，嗰抹炭香真係令人回味無窮，食完都忍唔住想再嚟一塊！而家嘅茶餐廳多嘅係，但能夠做到皮脆肉滑，又保持到炭火原味嘅，真係少之又少。依間餐廳做到嘅，不止令我食指大動，仲要一試難忘。食完之後，我忍唔住已經計畫緊，下次要點個半斤嚟分享俾朋友嘗嘗。總之，這次嘅燒腩之旅，絕對係一個美味滿分嘅體驗！🥢🍖🔥…查看更多

海鮮炒瀨粉 瀨粉彈牙 難得的好味 蝦同魷魚都有鮮味 唔係急凍貨 魚塊係青衣柳 唔係平價 龍脷柳 炒得有香氣 菜心林甜， 外賣送到 依然熱辣新鮮 酒樓同外賣員 同樣地快靚正 天寒地凍唔使行出街 有好嘢食， 正！！…查看更多

經常聽人講去上水一定要試試「陳六記」燒肉，一直都記在心頭，今晚終於食到了！收到相約朋友到來，先來大口大口啤酒爽呀！🥢燒肉上場，果然有料到，皮脆肉嫩三層肉口感一絕。👍🥢腰果椒鹽豆腐，豆腐炸得香口，腰果略微不夠脆。整體來講不錯的，舊式飯店有懷舊感，洗手間都算方便。🤣…查看更多

讚1 燒腩仔好味道 皮脆肉鹹 夠入味 2 服務都爽手 阿姐竟然會介紹嘢食 呢啲老舖算係意外之喜彈1 其他嘢食都係粗 大腸乾韌 感覺好似整左一輪先拿比客 焗魚腸就太油 似炸多啲噃2 坐樓上 樓底太矮 好應聲…查看更多

上水食晚飯通常都會幫襯呢間老店，今日發現佢哋有個超級抵食嘅套餐，真係好想叫，可惜我哋得兩個人而且我個朋友第一次嚟，所以除咗五層樓燒肉之外仲想試佢嘅家鄉楊鯪魚，可惜個套餐冇得揀家鄉釀鯪魚，又唔可以加錢要，唯有散叫兩個餸啦。五層樓燒肉個皮有啲脆有啲唔脆，明顯都出爐左一段時間，不過好嘅地方係唔會太肥，唔使係咁咬走啲肥膏。家鄉釀鯪魚感覺細條咗，鐵板上，喺你面前淋汁啫啫聲熱辣辣，好似呢啲釀鯪魚嘅功夫菜唔係好多地方食到，味道都唔錯嘅。…查看更多

#fatxsheungshui ‼️ 世一 燒 腩 仔‼️•① [ 燒 腩 仔 ］| 人生中第一次食到一個會好想追住食嘅 燒 腩 仔 ꉂ೭(˵¯̴͒ꇴ¯̴͒˵)౨”原因係佢完全唔會死膩/食落去好似好多油咁！但又唔會太瘦喎！出面個皮超脆，唔會過鹹～（連平時唔鍾意食皮嘅我都照食）must encore 🫶🏻｜𓋪10/10·② [ 叉燒］｜叉燒冇燒腩仔咁推介，但都屬於中上水平！肥瘦適中，但如果更加juicy 就100分～ ｜·Chan Luk Kee (Sheung Shui)G/F, 4 Tsun Fu St, Sheung Shui#hongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #sheungshui #sheungshuifood #上水 #上水美食…查看更多

初七生日食好啲🎂放工就約埋屋企人去上水呢間多年老店食晚飯🙌呢度菜式選擇應有盡有！特別係冬天推出咗自己配搭嘅煲仔飯🔥全部即點即煲😬仲可以選擇大、中、細煲照顧到唔同朋友嘅需要！🎉嚟到呢度必點嘅鬼馬焗魚腸🤤呢度菜真係破花心機😊係一道平價但製作過程用咗好多功夫既菜式😊熱辣辣缽仔焗魚腸😬食落外脆內嫩😊魚腸和魚肝混合雞蛋既甘香😊好正🎉金銀蛋菠菜上湯加上皮蛋、咸蛋及菠菜😆菠菜好清甜鹹香味濃👍🎉啫啫雞煲啫啫雞煲上枱已經聞到香噴噴，真係好夠鑊氣我地最欣賞啫啫雞煲入面既豬潤😊雞件還保持嫩滑口感👍🎉椒鹽脆骨腩用脆肉鯇魚腩位以椒鹽酥炸出來😊魚油甘香肥美😬香口之餘又帶魚鮮😃用來送酒真心一流‼️🎉燒味雙拼揀咗蜜汁叉燒及燻蹄呢兩道正正常常😬味道唔錯👍…查看更多

去上水陳六記當然係為咗佢嘅懷舊菜啦。六大招牌菜今晚叫了兩樣，始終得2個人食唔到咁多樣野。鐵板釀鯪魚係必叫的，因為呢D功夫懐舊菜衣家出面好少地方食得到，另一樣就要喺炭燒五層樓同鬼馬焗魚腸二選一，最後揀咗邪惡D嘅焗魚腸。鐵板釀鯪魚好似西餐廳食鐵板餐咁喺你面前淋汁，啫啫聲好鬼正。攪碎鯪魚肉釀返入鯪魚身入面再炸，D功夫多到呢。鬼馬焗魚腸味道唔鯹，不過就食唔到一舊舊嘅油炸鬼，同埋入面比較濕，還可以啦。另外仲叫咗個金銀蛋菠菜，不過D菠菜似乎唔係好靚。…查看更多

睇到TVB介紹，個主持人講到好好食流晒口水咁，於是我和太太決定揸車個幾鐘去試吓，嘩！非常失望！我中午12:30去的，店主話冇燒鵝，冇燒鴨，你覺得奇怪嗎？燒味店竟然冇燒鵝，冇燒鴨。咁我唯有叫一碟燒肉飯一碟切雞飯兩公婆吃，燒肉皮是脆的，但是沒有肉味，只有少少鹹味，沒有炭味，整體沒有水準可言，切雞飯則普普通通過得去，沒有驚喜，這次幫襯是浪費時間，很失望！…查看更多

上水區想食燒肉，相信陳六記應該是首選。陳六記飯店位於上水巡撫街4號，是石湖墟的一間老字號飯店。第五波疫情緣故，我們沒有堂食，選擇外賣到公園開餐選擇了陳六記的招牌燒味，炭燒五層樓燒肉，$80/半斤買外賣到公園即刻食，外皮香脆，咬落卜卜脆，腩肉位肥瘦相間，數數手指足有五層，肥膏雪白呈透明狀，瘦肉紋路清晰，口感鬆軟，味道微咸，汁多肉鮮，一件接一件，炭香、酥脆、軟嫩，令人回味無窮。有機會想堂食試試順德菜鐵板釀鯪魚…查看更多