阿閒泰 (K11購物藝術館)

今日去左K11食午飯，見到阿閒泰環境不錯，我們就入去試下。環境寬敞舒適，都好多客人進餐🍽️！我們兩人叫了炭燒帶子冬蔭功、泰式生蝦刺身、椰汁芒果黑糯米飯和伯爵忌廉牛角包！😊炭燒帶子冬蔭功帶子啖啖肉，非常有口感！辣度適中，再加幼粉質地口感十分彈性。泰式生蝦刺身賣相好吸引，每隻生蝦都有一隻小杯盛載，配上生蒜🧄和醬汁好惹味！椰汁芒果黑糯米飯焦糖裝飾好靚好精緻🤩，芒果好清甜，用上軟糯黑糯米，配上香濃椰漿，好味😋伯爵忌廉牛角包，本身我好鍾意食牛角包🥐，香濃伯爵茶既香味，仲配埋雪糕，正！…查看更多

位於k11地鐵西鐵上蓋 非常方便，地方夠大，不過晚飯時間都係排長龍，記得訂位。我地一行5個女人食左6道菜已經夠晒飽，食唔晒。1.菠蘿雞肉粉炒糙米配牛肉串燒一般都用菠蘿裝，呢個係碟上，啖啖雞肉，米飯好爽身，一d都唔油膩都唔濕，都有炒飯應有既獲氣，牛肉串稍為乾左d。2. 炭燒拼盤有雞，蝦，牛肉，8爪魚，蕃茄，菠蘿，菇不過不失，好欣賞8爪魚好彈牙，菠蘿超香甜juicy3.泰式生蝦刺身之前見到相已經想試，好新鮮既生蝦刺身，擺盤亦好靚啊，本人比較喜歡配偏酸既汁食，佢呢個汁偏咸辣，但推薦一試。4.無骨海南雞半隻有水準既海南雞，皮香肉嫩，個醬汁好惹味。5.秘製鹵豬手超水準豬手，好林好滑口，仲好入味，值得一試。6. 香辣炒通菜通菜新鮮爽口，本人大愛，再辣dd就完美。另外試左好特別既冬陰功冰涼特飲，唔係冬陰功味架，係梳打水加冬陰功既香草，小辣椒等配料，幾得意但冇乜味。總體黎講都算有水準，會再光顧，好適合朋友聚餐。…查看更多

有時都會好想食下泰國嘢😎鍾意行街嘅我😆最近試咗係K11 嘅阿閒泰🇹🇭真係充滿驚喜☺️地點方便之餘，又坐得舒服😃食物非常之惹味😛脆炸軟殼蟹米紙卷軟殼蟹好足料😛調味唔會好咸比較健康大大件蟹件以煙韌米紙包住，沾上牛油果醬酸酸地幾開胃，仲可沾埋蛋黃醬泰式生蝦刺身擺盤好精緻😎每一隻生蝦都有一隻小杯而且配埋香料，新鮮又惹味❤️自家手打脆炸蝦餅新鮮炸起嘅蝦餅熱辣辣，外皮炸得香脆而內部嘅蝦膠爽口彈牙😌手切肉眼爽彈牛丸船粉牛丸彈牙好有牛味，牛肉片厚度適中，船粉卷粉爽口易入口，湯底濃郁😃阿閒泰 (尖沙咀)尖沙咀河內道18號K11購物藝術館2樓219號舖#hkfoodie #hongkong #hkrestaurant #tstfoodie #tstfood #thaifood #尖沙咀美食 #尖沙咀泰菜…查看更多

夏天特別掛住泰國🇹🇭 雖然熱但好清爽 ☺️可以與陽光玩遊戲 沒假期去旅行🧳唯有吃頓泰菜🤣🤣這間K11 阿閒泰 地方環境恍如置身泰國一般 食物還非常地道呢🥣🥣🤭🍴炭燒牛肉配青芒果沙律🥗炭焦香上枱已經聞到，炭香零舍不同 外焦裏嫩五成熟剛剛好非常亂畫牛味好濃郁，配埋車芒果🥭沙律酸酸味味好開胃 作為頭盤真能打開味蕾👍👍🍴脆皮豬頸肉伴自家製檸檬蕃茄醬份量很多而且豬頸肉厚身一啲都唔韌，火候剛剛好配檸檬蕃茄醬夾住紫洋蔥一齊吃，好清爽！一份泰國嘅味道👅$78來說真的超值份量還很多呢🤭🤭🍴泰館養生野姜虎蝦炒泰國新鮮卷粉第一次吃泰國卷粉 泰國直送保持新鮮 非常Q彈 口感非常好🤤🤤虎蝦超大隻爽口鮮甜 加上露筍 有點fusion嘅味道🍴炭燒牛肉．濃汁牛丸船河泰國菜嚟講 船河必吃吧！湯頭濃郁 鮮甜 唔會太鹹☺️配菜用了非常足炭燒牛肉非常厚身，連牛丸都有三粒呢 炸豬皮更有畫龍點睛之用🍴椰青滑冰泰菜必點椰青椰，滑冰還是第一次，非常適合夏天，冰涼透心 椰味濃郁 🤩🤩各樣菜式都很有思 而且份量足，價錢平！環境非常chill 店員服務又好，值得再嚟🥰🥰…查看更多

AHAN THAI 阿閒泰-▫️人氣高嘅餐廳▫️FUSION泰菜-見好多人介紹又嚟試下，平日18:00-18:30 WALK IN都唔需要等太耐，店面都大，幾乎坐滿曬，KEEP住有客入。-🔹青蘋果茄子沙律 $68呢道前菜嘅味道真係超驚人，本身以為係酸酸甜甜好開胃，結果係又酸又苦又臭🤢唔知點解食落有陣怪味，但又講唔出加咗啲咩。茄子係好腍嘅，但係成碟個味道太奇怪，食咗一舊都唔太想再食第二舊。-🔹泰式醉貓炒新鮮手造卷粉 $128見呢道都係熱門菜，諗住一定唔會難食得去邊。但係都比想像中有出入，卷粉幾特別，面質好似河粉/陳村粉，帶有少少煙韌感。配咗泰式嘅豆角炒蛋一齊炒，單食豆角都不錯，但整體味道都係偏怪，唔太啱我口味。-🔹泰又話啦菠蘿雞肉炒糙米飯 · 炭烤牛肉串燒 $148諗住泰國嘢食菠蘿炒飯實無事，點知都係中伏！成個飯都係超淡，近乎無味，雞肉十分嚡，即使加咗肉鬆、提子乾及菠蘿，都完全無菠蘿炒飯嘅味道。唯獨是牛肉串燒係好食，味道及肉質正常，再配有一個泰式生蝦嘅辣SAUCE會更香。-呢間餐廳不太推薦，食物味道都偏怪，可能係FUSION嘅關係，唔太啱我同朋友嘅口味，下次都係食反正宗泰國餐廳。而且餐廳職員都一幅唔悠做嘅樣子，好幾次示意員工加水及埋單，職員即使行過都無望過嚟，再加上唔會主動加水/收碟。…查看更多

最近個個朋友都飛去泰國旅遊，我都好想出遊🤧但公司實在太忙，唯有放工去吃吃泰國菜補返心靈上的空虛感。一坐低立馬叫杯泰式泡沫奶茶好好享受一下泰國風味，茶味香濃，而且面頭放上香滑奶泡，各種香料調配而成的奶茶，既美味又清爽。阿閒泰秘製滷豬手泰式豬手有點像中式的滷水豬手，但帶一點獨特的泰式香料味，豬手放在醬汁中炆煮至淋，配秘製酸辣汁，豬手有豐富嘅骨膠原，而且豬皮Q彈，豬手肉質軟稔，配上酸菜，半熟蛋，是一款非常好下飯的菜式。泰式咸蛋黃金單骨雞翼炸過的雞翼不單止香脆，再沾上陣陣咸香的咸蛋，味道香濃惹味，令人一食就停不了口，極度邪惡呢！自家手打脆炸蝦餅(2pcs）這兒的蝦餅跟傳統的很不一樣，蝦餅加上香葉整成長條型炸，入口蝦肉彈牙鮮甜，香葉令到蝦餅多了一份清香感覺，減低油膩感，非常喜歡。炭燒牛肉 · 濃汁牛丸船河炭燒牛肉船河湯底濃郁清甜，牛肉有陣陣炭烤香氣，食落腍滑，牛丸爽口彈牙，肉汁豐富，而今次選擇了卷粉，有啲似寛河粉但比較大塊而且一卷一卷的，口感煙靱但米味香濃。泰式醉貓炒新鮮手造卷泰國直送的新鮮手造卷粉，加入雞蛋、肉碎、金不換，青豆角粒炒香，鑊氣十足而且惹味可口，吃時加上青檸汁更加增添風味。…查看更多

阿閒泰以泰西合璧的概念，打造出創新的泰式fusion菜，很有特色。店內設計用上綠色植物和木色系，很有泰國渡假風情。阿閒泰幸運炭烤拼盤 $248有燒牛肉、魷魚鬚、虎蝦、手作香茅雞肉串燒、什菌、蕃茄、菠蘿 配泰式酸辣青醬，非常豐富。燒牛肉肉質嫩滑，充滿肉汁。虎蝦新鮮彈牙，蝦頭蝦膏很甘香。手作香茅雞肉串燒口感清新，散發陣陣香茅味，及帶一點蔗的香甜。魷魚鬚鮮甜香口，燒菠蘿很香甜解膩泰式醉貓炒新鮮手造卷粉 $128手工打造的卷粉，口感Q彈煙韌，加上肉碎、豆角、特製醉貓醬和泰式香葉一起炒，充滿肉香和香料味，炒得很香口惹味阿閒泰冬蔭功焗飯 $118表面鋪上厚厚的芝士去焗，海鮮有大蝦、青口、魷魚、香菇，大蝦很彈牙、青口肥美，配上濃郁惹味的泰式冬蔭功醬，很有特色…查看更多

阿閒泰在尖沙咀 k11， 餐廳食新派泰國菜，佈置簡約型格， 用上綠色植物裝飾，好小清新的感覺，環境相當舒適。脆炸軟殼蟹米紙卷/三件 $78晶瑩剔透的米紙卷， 濕潤滑溜， 包裹著剛剛炸起的軟殼蟹， 香脆 可口，沾上酸甜沙律醬汁， 口感好清新開胃，是一個滋味配搭的小吃。自家手打脆炸蝦餅/4件 $78 最愛泰式炸蝦餅， 即叫即製，外皮炸到金黃酥脆 ， 中間填滿手打爽彈的蝦肉， 鮮味十足，口感飽滿，沾上泰式酸辣醬，洋溢著泰式風味。阿閒街頭大蝦炒金邊粉 $128炒金邊粉 ，份量十足， 味道調較剛好，炒得好乾身，唔會一口油，撈埋花生碎及辣椒粉一齊吃，香口惹味。阿閒泰秘製滷豬手 $98 滷豬手外貌油光亮麗 ， 豬皮、豬肉入口嫩滑， 滷得好入味， 充滿骨膠原 ， 女士恩物 ，沾上泰式醬汁， 滋味提升，平時唔食豬皮的我， 都忍不住食埋了。椰汁芒果黑糯米飯 $68 黑糯米飯賣相精緻， 碟底倒下香稠椰漿， 椰香誘人， 黑糯米飯入口黏糯煙韌 ， 連同香甜多汁、金黃熟透芒果肉一起吃， 讓人津津回味， 不愧是泰式人氣甜品。鳳梨清新特飲 $43鳳梨特飲， 啜一口，解渴消暑，淡淡迷人果香， 好清新的口感。…查看更多

超級推介軟殼蟹芒果牛油果他他，蟹肉配上芒果牛油果他他非常鮮甜， 食到尾尾會食到香茅味，軟殼蟹炸粉漿都好薄，味道相當好。 虎蝦卜卜蜆冬陰功金邊粉 我認為味道過濃， 辣味比冬陰味更出，下次會試其他食物😋…查看更多

同朋友行完k11，試試這間泰國菜店黃昏時間人流比較多，好彩我哋之前訂咗位前菜小食:⭐️脆炸豆腐配泰式魚露豆腐炸得很鬆脆，一咬落去中間软绵绵👍🏻主菜店員推介⭐️阿閒泰秘製滷豬手豬手好軟林林，好有口感基本上，我見台台都嗌一客⭐️雞油香飯豬手配雞油飯冇得輸😃⭐️虎蝦炒卷粉虎蝦好大隻，卷粉口感有啲似河粉，感覺很新鮮⭐️香辣炒通菜通菜份量好多我哋兩個人都食唔晒⭐️阿閒泰奶茶配自家奶茶🧋奶茶喺雪條製另外配上支裝感覺很特別☺️⭐️泰式泡沫奶茶…查看更多

虎蝦炒金邊粉，蝦好香，金邊粉炒原來都咁彈牙🤤，同啲酸酸甜甜嘅汁好夾，仲有啲蛋同蝦米，好食！側邊配埋爽脆嘅芽菜，啱曬夏天☺️！套餐有嘅蒜蓉麵包真係超香脆，好好食🤤！小食加咗個米紙卷，皮真係好煙韌，未試過可以試🤩試下杯荔枝檸檬茶，沒見過咁樣夾，荔枝飲落唔會係好熟嘅荔枝調劑味，感覺冇檸檬茶味出。不過都係酸酸地，好開胃😝甜品提拉米蘇好食😋，cream都好濃茶香，啲一粒粒唔知係咩，令啲cream食落唔會好濟，停唔到手😆環境都舒服，啱同frd一齊嚟試新嘢，一定唔後悔🤣…查看更多

家人很喜歡吃泰國菜，多年前曾來這裡吃過一次，今次再回頭吃。座落尖沙咀黃金地段也可以環境闊落舒適，淡黃的吊燈情調浪漫。飲過淡淡的檸檬水後，我們點了一頓豐盛的晚餐。🍽️勿洞脆脆煎蠔餅蠔餅外層炸得十分爽脆，餅身軟腍，大大件的蠔餅份量超多，裏面有大量蠔仔。基本上不用任何調味料也十分惹味，配兩款不同味道的辣醬又是另一番風味。🍽️泰式椰汁雞湯🍲椰汁雞湯是淡淡的奶香，不油膩，有草菇、雞肉和車厘茄作材料，味道清新。🍽️泰式棕櫚糖炭燒雞半隻🍗燒雞是即叫即燒的，製作需時，出來的效果很不錯。燒過的雞皮很香脆，雞的脂肪大為減少。最吸引人的是伴菜的燒菠蘿，既多汁，又鮮甜。焗腰果也十分脆。一道菜有多種體驗，難得。🍽️阿閒泰秘製滷豬手🍖去骨豬手滷得十分入味，豬皮入口即溶，豬肉份量多而且軟腍，還有酸菜和溏心蛋作伴菜，送飯一流！🍽️泰式蘋果金寶脆脆🍮醃製過的蘋果肉軟淋淋的，有濃濃的玉桂味道。配上香滑的雲喱拿雪糕，又暖又凍的，滋味十足。…查看更多

3年前開始吃尖沙嘴K11的阿閒泰，非常喜歡！值得⭐⭐⭐⭐⭐好評的店！所以當我知道阿閒泰在銅鑼灣開了新店，就立即book位，來試試午餐。可惜，非常差的用餐體驗！點了set lunch，包括以下的：#青芒果沙律：本餐唯一沒有錯、漏的食物，死未！.#豬肉濃湯船麵：湯底夠濃，味道挺好的！可惜，上菜很亂，催了3次才來。First come first serve是常理，但這家店廚房是遲點先上的，我坐最裏面區域，有2張4人枱和2張2人枱，當你看到旁邊桌(比你遲很多落單)，相同的麵/飯，都上了，很自然會問店員是不是漏單(我坐的區域有一半客人在問同樣的問題)，店員會跟廚房溝通，但不會回覆客人。#斑蘭花椰香鮮奶咖啡(跟餐加15元)：太甜，不喜歡！其實我是點不用加錢的阿拉卡比即磨咖啡，我是指着餐牌給店員看的，仍然落錯單，死未！#伯爵提拉米蘇杯：加30元加配了甜品，落單70分鐘後，店員告訴我“做唔切”，給我取消了！極度無語的一頓午餐！…查看更多

📍尖沙咀K11 阿閒泰📍❤️脆炸軟殼蟹米紙卷配牛油果醬本身好鍾意食軟殼蟹，所以見到呢個米紙卷就即刻叫咗。軟殼蟹炸得好香脆，配米紙嘅口感好夾，再加上沙律醬同埋牛油果醬，不論係味道，定係口感都好豐富。❤️泰式醉貓炒新鮮手造粗河粉泰式炒粗河粉，份量好大份，好好食。❤️冬蔭功湯雖然係一人份量，但夠兩個人飲。酸同埋辣嘅平衡做得幾好。湯料入邊嘅海鮮都好足夠，有鮮味。❤️泰式奶茶配自家製奶茶雪條呢間餐廳有好多特色飲品，其中好吸引我嘅係呢一個泰式奶茶，配泰式奶茶雪條。好睇又好玩，味道都幾好飲。❤️自家製冷泡凍檸茶呢一杯凍檸茶話係用氮氣cold brew的，好特別。味道同一般凍檸茶唔同，好有特色。茶底應該都係泰式嘅茶，同港式茶底有啲唔同，值得一試。❤️椰汁芒果黑糯米飯擺盤好靚，好有心機。上面有炸椰子片，糖拉花；下邊係紫糯米同埋芒果肉，伴埋鮮椰奶，味道好豐富，芒果肉都好夠甜！同樣係好有特色嘅芒果糯米飯！餐廳喺K11入邊，裝修好靚，環境闊落，服務員態度都好積極，令人舒服。…查看更多

雖然工作好忙，暫時去唔到泰國，但係依然好掛住泰國嘅嘢食，咁唯有喺香港地搵吓有唔正宗嘅泰國美食。今次就喺尖沙咀K11 Art Mall搵到一間泰式fusion餐廳🇹🇭🇹🇭，既有正宗嘅泰國菜亦有融合咗西式料理特色嘅美食。🦐阿閒泰泰式炒金邊粉 金邊粉炒得鑊氣十足，係經典嘅泰式酸甜口味，金邊粉嘅軟硬程度亦都啱啱好。虎蝦有兩隻🍤🍤，中等size，食落肉質彈牙幾鮮甜。伴碟就有泰國嘅短豆芽🫘🫘，都非常之新鮮，如果鍾意食生豆芽嘅人會好滿意，但小編就一般啦，太新鮮導致豆味太濃😂😂🦪炭燒帶子冬陰功 冬陰功嘅湯底同之前食開嘅有少少唔同，香料嘅味道淡咗，但係有較重嘅椰奶味🥥🥥係幾新鮮嘅體驗。金邊粉嘅份量超級多，入面配料嘅份量都唔孤寒，帶子同青口都有國兩隻，而且唔係細細粒嗰種。叫咗微辣，但食到最後都會覺得幾辣吓，所以唔食得辣嘅朋友就要慎重考慮啦🥲🥲香茅豬肉米紙卷 入面夾嘅配料好豐富，有菠蘿、蘿蔔、豬肉鬆等等嘅配料，因此口感層次分明，但又唔會突兀👍🏼👍🏼米紙卷上面冚住咗紫蘇葉，紫蘇葉獨有嘅香氣，令到整體味道更加特別。伯爵提拉米蘇杯 本身以為同一般識開嘅提拉米蘇冇分別，但係上到來就發現係泰式同西式嘅fusion甜品😽😽。伯爵茶嘅香氣四溢，因為cream入面加咗好多伯爵茶粉☕️，因此茶香好濃！成個甜品嘅甜度都啱啱好，適合唔鍾意食太甜嘅人👌🏻👌🏻…查看更多