阿閒泰 (K11購物藝術館)

营业中

休息中

2023年9月25日 星期一今晚約左老婆係尖沙咀食飯，順便行下街係K11揀左呢間泰國餐廳食，之前成日經過都見到好多人排隊，可能呢晚我哋比較早食飯，所以即刻就有位，同埋見到裝修真係令人好舒適，四周都俾草木包圍住餐牌上面有好多食物選擇，圖文並茂，全部都好吸引，而且價錢唔算太貴，最後我哋要左個燒雞，一份pasta同兩個小食等咗一陣，pasta就首先送到，係泰式醉貓炒新鮮手造卷，呢一種粉香港好少地方可以食得到，口感好特別，似通粉同銀針粉嘅混合版，有咬口但唔會好韌，而且容易吸收醬汁嘅味道，加埋青檸汁同肉碎一齊食，口感好豐富之後有自家手打脆炸蝦餅，冇諗過蝦餅會咁大條，咬落去脆卜卜，而且裏面啖啖都係蝦肉，感覺好滿足，點埋醬汁一齊食，酸酸辣辣幾醒胃呢一個係泰式鹹蛋黃金薯條，薯條外面加上咗鹹蛋，充滿鹹香，仲可以加埋醬汁一齊食，味道更上一層樓，而且薯條炸完之後感覺唔太油膩，唔會食到成口油添最後仲有泰式棕欄糖炭燒雞，雖然只係半隻雞，不過份量都唔少，兩個人都差啲食唔晒，雞燒得好香，而且肉質好嫩滑，仲有少少甜味添埋單大約四百幾蚊，唔係點左太多野食，但每一碟都好大份同食到勁飽

上星期和和朋友相約在尖沙咀晚餐，預約了這一間在K11內的泰國餐廳在網上的評論已經留意到菜式選擇不少，看過餐牌後的確如此，而且價錢亦不算昂貴酸辣柚子沙律，清甜的柚子配搭泰式酸辣醬汁非常醒胃，配搭炸蒜和香草令到這個沙律味道變得更有層次秘製滷豬手，豬手份量大，而且滷水味道香濃，更有糖心蛋和鹹菜作配菜，豬手肉質入口軟淋有肉香炭燒牛肉濃汁牛丸船河，非常值得推薦的船河，在香港的泰國餐廳很少嘗試到湯底如此還原，而且份量多，足夠二人分享，此外牛肉和牛丸亦屬於高質，牛丸入口彈牙有肉汁泰式醉貓炒新鮮手造卷，第一次嘗試他們餐廳獨有的手做卷粉，配搭泰式炒法，入口味道香濃重鑊氣，是一度高質素的炒粉，在商場內品嚐到鑊氣十足的炒粉麵有點驚喜泰式鹹蛋黃金單骨雞翼，最後對於餐廳的出品都感到滿意情況下再加單，這個鹹蛋黃單骨雞翼同樣推薦，香濃的鹹蛋黃醬汁包着整隻雞翼，入口非常惹味，鹹蛋黃味道濃郁

K11有好多餐廳，阿閒泰裝飾得好靚，綠油油好有度假風情，一於試試佢！炭燒牛肉牛丸船河 $98可以揀河粉或者卷粉，卷粉唔係度度有得賣一於試試佢！煙韌厚身好好咬，身為煙靭控嘅我覺得好正，可惜大部份香港東南亞餐廳都冇！厚切燒牛肉口感實在，大大粒嘅牛丸彈牙無筋。街頭大蝦炒金邊粉 $128大量花生水同埋生芽菜，口感豐富！可惜炒得唔夠散，麵條有啲黐住。蝦同青口都算大隻。冬陰功醬炒花甲 $148花甲都算新鮮，份量多大大隻！醬汁酸酸辣辣，秀珍菇好入味，加埋青檸汁好開胃。椰汁芒果糯米飯 $68黑糯米質感比較乾硬，味道不過不失。好彩造型吸睛，上面嘅椰子片同埋焦糖拉絲好加分！柚悠 $48House Brewed Tea 果然唔同啲，味道特別到唔識形容！甜甜地有陣K11嘅香味～以檸檬片同埋香草作裝飾，好似一杯cocktail～西柚冰涼特飲 $43橙色透明漸變色，上面仲有西柚乾！又靚又好味，係去膩一流嘅夏日清新之選！下午茶餐牌好似幾抵，下次一於tea time再嚟！

經過平時大排長龍嘅阿閒泰，見到門口walk in隊得一個人就諗住試吓。就係咁就做咗個後悔嘅決定⋯等咗大半個鐘都未有位，遊客區多人我好明白、中途有啲訂咗位嘅嚟要俾位佢哋先我都好明白，但唔明點解三四張枱吉晒喺度幾個字都唔帶人入去。不過我仍然好耐心咁等佢。好唔容易終於入座，餓到前胸貼後背所以即刻搵人落單，點知又係另一惡夢開始⋯落完單後等咗成25分鐘，等到隔離左右遲我幾分鐘叫果啲枱都嚟齊晒嘢食我枱面都係得份餐具同一杯水！搵個侍應追單嘢都未講完就轉身走咗去話幫我睇吓，我欣賞佢嘅速度但我都未講完嘢可唔可以尊重吓我？跟住幫我落單嘅黑衫侍應返嚟問我係咪仲未嚟問我叫咗咩？我問有無落到單ga？佢話有但可能甩咗單，電腦落單都會甩單咩？真係無落嘅咪坦白同個客講返句唔好意思即刻幫你做囉！又要話有幫我落單又要問返我叫咗咩！你估茶餐廳手寫單呀！定當我三歲細路？我唔即場發脾氣係我修養好，但咁嘅服務真係不能接受😡追完單5分鐘都唔駛就嚟晒嘢食，廚房速度好值得稱讚👍🏻香芒紅菜頭米紙卷伴碟嘅芒果好酸⋯好彩有紅菜頭嘅甜味中和吓。泰式虎蝦炒金邊粉，唔知係廚房趕出貨定本身係咁。成碟嘢乾淨淨，啲金邊粉係癡埋一餅嘢咁⋯無金邊粉應有嘅味

QR code落單，點左兩個lunch set，包即磨咖啡/季節茶同埋香草蒜蓉焗包條/青芒果沙律！👉🏻香草蒜蓉焗包 外脆內軟，蒜香伴香草，夠香口！👉🏻阿閒泰滷豬手配手拉麵 $84豬手份量多，肉質都幾嫩滑，手拉麵口感彈牙，伴有花生同七味粉！👉🏻香茅豬肉米紙卷 (+$25)餡料多，口感柔軟，係好開胃嘅小食！👉🏻斑蘭椰香鮮奶咖啡 (+$15)椰香同奶香兼備，咖啡嘅濃郁同椰香嘅香甜相互融合，順滑而不膩！👉🏻青芒果沙律 有清新、爽脆嘅口感！👉🏻泰式醉貓豚肉炒卷粉 $108唔係一片片嘅豚肉，而係肉碎，卷粉好爽滑，夠特別！👉🏻泰式季節奶凍 (+$30)今次係士多啤梨奶凍，比想像中大杯，好有奶香，好滑，亦有士多啤梨果香，柔軟順滑！👉🏻柚悠 (+$25)非常多柚子，入口清新，唔會太酸又唔會過甜！

💛味道一般嘅泰國嘢💛阿閒泰滷豬手香飯配溏心蛋$82：豬手一般唔夠熱，配搭溏心蛋同飯，味道普通。有啲欠缺豬肉嘅嫩滑口感同調味層次。燒雞酸辣湯配泰國新鮮幼粉$88：湯酸辣味道係有嘅，但有啲欠缺層次同濃度。雞肉燒得夠熟，幼粉彈牙好食。阿聞泰虎蝦炒金邊粉$108：虎蝦新鮮，金邊粉炒得夠熟，但味道有啲平淡。希望可以增加調味同虎蝦嘅鮮味。泰館無骨海南雞配白飯$92：雞肉有啲乾身，味道欠缺鮮甜。整體唔吸引。阿閒泰滷豬手配拉麵$84：豬手滷得夠香濃，拉麵有嚼勁，但味道欠缺層次同豐富度。希望可以增強滷汁嘅味道。Remark: 啲𡃁妹意外地幾多嘢講。💰💰💰人均消費 ～$100(Lunch Set)💰💰💰味道：💛💛🩶🩶🩶+0.5服務：💛💛💛🩶🩶環境：💛💛💛🩶🩶性價比：💛💛🩶🩶🩶回頭指數：💛💛🩶🩶🩶加一服務 ：✅📍地址：(尖沙嘴)河內道18號K11購物藝術館2樓219號舖

成日經過K11都見到有好多人排呢間泰國菜，今日終於食到喇，果然冇失望～前菜叫咗青蘋果茄子沙律，小小辣，加埋青蘋果同花生碎，口感好豐富。朋友即刻同叫咗杯椰青滑冰，椰肉味香濃，果肉都好厚好好食，同時又解渴。我叫咗杯手作花香斑蘭蝶豆花茶，又靚又香。主菜叫咗泰又話啦菠蘿雞肉炒糙米飯同炭烤牛肉串燒，炒飯有提子乾、紅椒、菠蘿、雞肉粒，賣相一流而且味道豐富。牛肉串燒到焦香，肉質軟腍。香辣炒通菜，份量好多，既開胃又健康。最後食咗椰汁芒果黑糯米飯做甜品，超開心有拔絲食！糯米飯有花生同椰子乾，香得嚟又cruchy，糯米好煙韌，帶嚟另一重口感，又甜又厚肉嘅芒果當然係成個甜品嘅重點餐廳喺商場入面比較開揚嘅環境，坐得好舒服，仲有吧檯可以就咁同朋友飲杯嘢。

打卡靚靚泰菜💓 餐廳主打泰國菜 更有一啲泰式混合西式嘅fushion菜 餐廳裝潢呈西式田園風 以白色為主調 又靚又坐得舒服 ====᪥ 脆皮豬頸肉伴自家製檸檬蕃茄醬 $78豬頸肉份量好多 皮做到脆嘅效果之餘 肉汁豐富唔會太乾身😋 配埋酸酸地嘅自家醬汁 好食！᪥ 泰式咸蛋黃金薯條 $63好邪惡嘅咸蛋黃薯條～ 味道濃郁口感起沙᪥ 阿閒冬蔭功醬炒花甲 $148味道酸酸辣辣好開胃～᪥ 炭燒牛肉濃汁牛丸船河 $98船河嘅牛骨湯底濃郁得黎又清澈 配上炭燒牛肉及牛丸 牛魔王必食！😜᪥ 楊枝金露沙沙配自家芒果雪條 $58᪥ 阿閒泰奶茶配自家奶茶雪條凍 $68甜品同飲品都好igable! 打卡一流！

琴日星期六難得約左成班姊妹五個人去食lunch,一直都諗住試吓呢間野啲質素如何，點知中哂伏！一個字「嬲」叫完野食後，有個侍應收餐牌時一野掃倒瀉左枱上杯水落我身度，成身濕哂！最大問題係其他所有侍應見到都冇反應，唔識拎塊布抹枱先，又唔識拎野俾我抹身！剩係識企係度望住！呢啲咁既服務質素，真係令人太失望。跟著我地叫佢free左一杯野飲當賠償算，成班侍應包括經理既應變能力都極低。跟著終於抹完枱，陸續上菜。我地叫左「脆炸軟殼蟹米子卷」，「阿閒泰幸運泰烤拼盤」，「泰式醉貓炒新鮮手造卷粉」，「泰式棕櫚糖炭烤雞」，「香茅豬肉米紙卷」，「椰青滑冰」x2杯，「阿閒泰奶茶配自家奶茶雪條凍」x3杯。估唔到又再出事，其中有一杯「椰青滑冰」有隻蒼繩係上面，本身我地掛住相機食先，冇留意，到準備用餐就發現隻野既存在！哇！大家齊齊嚇一跳，忍不住大聲哇左聲，全場望住我地，班侍應怒啤我地，好似覺得係我地既錯咁，但又冇人過來問發生咩事！班侍應繼續食花生！我地即時叫侍應來處理，佢居然問「洗唔洗換過一杯呀？定照飲？」🤯連續搞左2單咁大既野都冇人行來話俾折扣又成或賠罪之類，仲要怒啤我地🤬衞生環境服務態度差到一個點，真係食到一肚火！！

依間餐廳平時經過都會見到好多人排隊，今日夜晚6:30去到，見到唔係好多人就同屋企人入咗去食啦！食完之後大家一致認為麻麻地咋喎😂😂😂全部上到枱都好唔夠熱😦❄️（🙇🏻‍♀️雖然我地都影左一陣相，但絕對未至於會攤凍到依個程度）基本上，除左個船河，全部都係半冷盤！一行四人總共嗌咗六樣嘢食，未落單之前見到隔籬枱嗰啲份量都唔少，但係都膽粗粗嗌咗六樣！逐樣講下啦🥢燒豬頸肉 ⭐️⭐️⭐️夠淋同埋都夠脆嘅，不過無乜驚喜，叫做擺到入口！！🥢廚師推介的炸唔知咩貓粉⭐️⭐️⭐️其實即係有少少似豉油肉碎炒河粉，啲肉碎幾香口，但未至於要係廚師推薦😂😂🥢硬到咬唔到嘅海南雞⭐️我本身懷疑自己箍牙無力，點知屋企人全部都話好難咬，韌過我條命。🥢牛油果醬軟殼蟹米紙卷蛋⭐️⭐️⭐️⭐️牛油果醬冇牛油果味，不過隻色幾好睇同埋軟殼蟹都幾大嚿，不過睇嚟啲油應該用咗好耐咁！但係呢樣已經係叫做最好嗰樣嘢食！🥢炒金邊粉⭐️食之前想撈撈佢，但係發現佢已經變成一個麵餅，勁乾真真，而且完全唔夠味，唯獨係嗰兩隻蝦幾新鮮！🥢豬肉船河 ⭐️⭐️豬肉丸都幾好，但係都係一樣係非常之唔熱嘅食物，可能因為泰國菜佢怕如果整到太熱會好辣😂😂😂人均每人$230，總括而言，呢間餐廳上菜嘅速度係非

下班收工和Chris 去了尖東的K11食晚餐，阿閒泰餐廳位於K11內，餐廳開揚，坐得舒服，與西鐵尖東站極近，食完方便大家坐車。人均消費$270。香茅豬肉米紙卷 $78賣相精美，一咬開豬肉香氣撲鼻。裡面還有菠蘿，其鮮甜的味道令人意想不到，與豬肉米紙卷一起食，別有一番風味。泰又話啦菠蘿雞肉炒糙米飯 牛肉串燒 $148 有肉鬆、菠蘿、提子乾、雞肉等材料，甜甜咸咸的炒飯，飯米炒得乾身，粒粒分明。旁邊配有牛肉串燒，肉質嫩中帶有咬口，再沾上特制醬汁，滋味尼。另外，份量亦頗多，食完都很飽。炭燒帶子冬蔭功湯 $108冬蔭功湯辣辣的，開胃醒神。浸過冬蔭功湯的車厘茄清甜中帶有辣感。麵條份量亦不少，食完很飽肚。帶子爽口彈牙，口感佳。椰汁芒果黑糯米飯 $68賣相搶眼，糖絲硬身有脆感，黑糯米偏硬身，有咬口，微甜。芒果酸甜酸甜，感覺沒有浸糖漿，頓感健康食甜品。泰式泡沫奶茶 $46正宗的感覺，與平時飲的中式或台式奶茶有所不同。斑斕椰香鮮奶 $44斑斕香很出眾，聞下去已經香噴噴，斑斕和牛奶的香，兩者配在一起，很夾。滑溜的口感，濃郁的斑斕鮮奶香，滋味得很。

同阿妹之前都食過呢間餐廳，裝修好靚，加埋食物質素好好，啱晒打卡，今次咁啱同佢去尖沙咀行街，於是我哋再試呢間餐廳，果然冇令人失望，全間餐廳以木係色調為主，加上一些綠色植物，竹籐製嘅燈，彷彿去了泰國度假嘅感覺。香茅豬肉米紙卷：餡料有豬肉菠蘿配上香葉，豬肉香而且有肉汁，配上酸酸甜甜嘅菠蘿加埋香葉，外皮煙煙韌韌，加埋上面有啲蕃紅花作為點綴，味道非常之夾👍🏻阿閒泰酸辣柚子沙律：柚子好清甜，多汁爽口，配上香濃嘅泰式醬汁，甜甜地好開胃😬泰式椰汁雞湯：椰汁香濃，雞肉又香又滑，加埋有好多菇同埋車厘茄仲有香葉做配菜，好豐富泰式牛肉配青芒果沙律：牛肉烤得好香，夠晒牛肉香味而唔會靭，配上酸酸甜甜而且爽口嘅青芒果沙律，令人好開胃🤤泰又話啦菠蘿雞肉炒糙米飯，炭烤牛肉串：第一次食糙米飯炒嘅菠蘿炒飯，炒糙米飯除咗健康啲之外，口感仲有啲煙靭，好有咬口，而且黃薑味好香，雞肉滑而且有肉汁，菠蘿同埋洋蔥紅椒夠晒爽甜，炭烤牛肉串好香炭燒味，而且牛肉味好香，一啲都唔韌，配菠蘿炒飯食一流👍🏻

今日去到阿閒春食午市lunch set，K11嚟講，價錢算唔貴💰【L4 泰館無骨海南雞配雞油飯】💰$92雞有部分韌，有部分嫩，唔明白點解會咁🤔油飯唔太油，ok既，不過點海南雞既泰式汁唔夠濃味唔夠辣，普通。【L12 牛肉濃湯船河】💰$92材料好夠，特別係牛肉，份量好飽，湯底有牛味，但整個味道普通。跟餐飲品（凍飲+$5）💰凍阿拉卡比即磨咖啡 雖然地方大，職員落單都算快，不過就會有唔少甩漏，例如無比餐具，或者落漏單（本身叫多左個薯條，食晒全部野食都未到），或者叫左埋單，但過左5分鐘原來唔記得左😂試唔試就自己決定喇

平日晚上尖沙咀K11依然人流暢旺，在L2的「阿閒泰」門口也大排長龍，幸好我已經訂了枱。這裏的交通非常方便，有行人隧道連接尖沙咀站及尖東站，難怪人丁特別興旺。餐廳半開放式，可以感受到商場的熱鬧氣氛。彩色餐牌上漂亮精緻的菜式令人垂涎欲滴，今晚我便嚐嚐新口味。「南部蟹肉白咖喱伴米線」配泰國香葉$168，蟹肉非常多，白咖喱椰香味濃，少少辣。米線是冷麵形式，所以份外爽口，點些咖喱用香葉包住來吃，特別滋味。「泰式棕櫚糖炭燒雞（半隻）」$178，賣相不俗，除了大肥雞外，還有烤菠蘿、腰果、棕櫚糖等配菜。雞肉鮮嫩，而且有種特別香味，腰果脆口，棕櫚糖帶椰香，口感非常新鮮。「泰式香葉肉碎磨菇沙律」$78，肉碎混合了豬肉碎、磨菇和香草，放在香葉和蝦片上。食起來多重口感：微辣的肉碎、清香的香葉、脆卜卜的蝦片，共冶一爐。「伯爵忌廉牛角包窩夫」$68，食材有朱古力忌廉窩夫，烤香蕉及椰子雪糕。窩夫口感鬆軟幼滑，甜甜的味道，充滿幸福感。這裏的食物質素高，菜式創新，味道又合我胃口，是尖沙咀用膳的好選擇。

中午與同事到K11食飯，見這家泰式餐廳有午市套餐，價位大約是一百元左右。天氣太熱，我們點了泰式生蝦刺身。雪白晶瑩的生蝦以小玻璃杯盛著，醬汁中放入了蒜片和辣椒粒，微辣冰爽。第一次飲熱蜂蜜鮮奶咖啡，蜜糖的味道頗突出，甜甜地，推介!試了一口同事點的泰式鴛鴦冰，賣相好有型，入口順滑。前菜可以選擇香草蒜蓉焗包條或沙律，個人比較喜歡菜蔬配上酸甜的沙律汁，好清新。牛肉濃湯船河用上泰國新鮮幼粉，掛湯力強。湯底非常濃郁，牛小排細嫩，牛丸彈牙。泰南紅咖喱慢煮牛肋飯適合吃得辣的人，咖喱好惹味，牛肋條煮得入味，肉質軟腍。