阿荔麵檔

营业中

休息中

放假訓醒落街搵食，依間開左一排嘅車仔麵成日經過都無食過，今日決定食佢，叫左個經典八寶嗱喳麵、古早黑糖豬手雞翼麻辣撈麵同兩款小食經典八寶嗱喳麵入面有8款餸，有玻璃辣魷魚、魚蛋、大腸、蘿蔔、豬紅、豬皮、冬菇、生菜，麵底揀左鮮製油麵，加左牛腩汁，一送到嚟加咗兩匙羹火辣辣菜脯，估唔到個菜脯比我想像中辣，睇少左佢個辣，建議食之前先試下再決定落幾多匙，但係不得不讚佢個鮮製油麵好好食，食落去好滑身同爽口同掛湯能力高，索晒啲精華，玻璃辣魷魚夠爽脆，蘿蔔炆得好腍但就帶少少青味，應該冬天食會好啲，豬皮同冬菇好腍好入味，麵底同餸都足料古早黑糖豬手雞翼麻辣撈麵麵底揀左撈手工麵（小辣），手工拉麵食落比較煙靭，撈埋汁濃郁惹味，辣度適中，麻香十足，驚喜食到呢個黑糖豬手，燜到軟腍入味又帶微微甜香，雞翼滷得夠淋，推介黑糖豬手必叫小食叫左韭菜豬紅蘿蔔，豬紅惹味嫩滑，韭菜新鮮爽脆，可能個湯汁係清湯，所以唔係好夠味，如果加少少辣汁同腩汁會更加豐富黑松露醬炸單骨雞翼配炸燒賣雞翼炸到金黃酥脆，單骨設計方便食，點埋呢個黑松露醬，即刻高級咗幾個層次，炸燒賣外皮脆口，入面魚肉餡彈牙，唔使點醬都咁好食

今日去左杏花村outlet 買運動用品, 買完當然要醫下個肚啦. 杏花村商場樓下成條食街. 去睇下有咩好食. 就見到有間" 阿荔麵檔" 好似唔錯. 去試下先! 佢地MENU 好簡單, 一頁係麵食, 一頁係小食. 專注幾款食品應該唔差.  招牌特濃沙嗲沾麵手工拉麵有彈性好口感滑溜 , 沙嗲醬濃香但唔會死鹹 ,  沾麵掛汁 好香嘅花生味! 好惹味. 餸有肥牛、豆卜、魚片頭同糖心蛋. 個糖心蛋真係好出色.古早黑糖豬手雞翼麻辣撈麵個份量真係唔少,  要試下個豬手先,  好入味煮都好軟淋, 咬落去就感受到滿滿嘅膠質感.  味道濃郁但唔會恐咸.  個撈麵超有彈性係我最愛嗰種. 本身係有D 麻辣味道!   如果想再刺激D 可加佢地嘅火辣辣自家辣菜脯更惹味.  -仲加咗兩款小食，黑松露醬炸單骨雞翼炸燒賣  , 炸得好香脆, 外脆內嫩多汁! 韭菜豬紅蘿蔔  - 豬紅滑嫩, 韭菜新鮮, 蘿蔔係最好, 清甜無渣, 全部俾我食曬 !果然無揀錯呢餐。  阿荔麵檔 (杏花邨)杏花邨盛泰道100號杏花新城地下G53B號舖

探訪杏花邨友人後，來到這家車仔麵，裝修光猛新淨之餘，又帶有傳統特色，坐位闊落舒適自選兩餸特濃沙嗲沾麵 $56香辣惹味魷魚 +$9瑞士汁雞翼秘製牛筋牛筋腩 +$18爽脆牛柏葉 +$9金針菇 +$9必吃特濃沙嗲沾麵，沾汁濃郁帶花生獨有香氣，麵條掛湯，魷魚和牛柏葉爽脆，雞翼炆得軟冧入味，牛筋腩是傳統40年的味道，好吃自選兩餸黑蒜油撈粗麵 $46秘製牛筋牛肋腩 +$9炸腐皮豬肉卷 +$4古早黑糖豬手 +$18香滷豬大腸 +$13黑蒜油撈粗麵一上桌香氣撲鼻，令人食欲大增，炸腐皮豬肉卷外皮脆，裡面嫩，黑糖豬手同樣是傳統的味道，非常軟冧味道出色韭菜豬紅蘿蔔 $28惹味沙嗲三寶 $20點麵可優惠價另外加小食，韭菜豬紅蘿蔔大大碟份量很足，蘿蔔鮮甜無渣沙嗲三寶是豬皮，魚蛋，魷魚，豬皮吸飽沙嗲汁非常惹味支裝Zero $11 +檸底 $4豆漿 $15另外點了飲品，豆漿原支上，豆味濃總括來說，出色的結合了傳統和創新味道，沙嗲控必試沾面

店鋪裝修以懷舊香港為主題，到處都有著復古感，打卡一流📸📸 MENU主打車仔麵，除了湯麵／撈麵外，也有創新的沙嗲沾麵🥰👉🏻 經典八寶嗱喳麵 $58魷魚/魚蛋/大腸/蘿蔔/豬紅/豬皮/冬菇/時菜，湯底不錯👍🏻加上牛腩汁，味道更讚❤️飲左唔少湯都無口乾，配料方便，個人覺得魷魚好味～爽脆不韌，豬皮豬紅都好入味，蘿蔔清甜無渣，整體不錯👍🏻👉🏻 招牌特濃沙嗲沾麵 $68一開始擔心沙嗲會太鹹太稠，但店家調配得剛好👍🏻沙嗲濃香但不死鹹☺️手工拉麵口感不錯又掛汁🥰肥牛正常，溏心蛋高水準👍🏻👍🏻👍🏻喜歡這港式+日式的fusion創意，味道也真的很不錯，推一個🙌🏻👉🏻 惹味沙嗲三寶 $20魷魚+魚蛋+豬皮，魷魚夠爽脆，沙嗲濃帶點香辣，魚蛋口感有點軟～大推魷魚豬皮😊 👉🏻 黑松露醬炸單骨雞翼炸燒賣 $32單骨雞翼粉漿超脆不油，沾著黑松露沙律醬好好味😋炸燒賣外層有少少椒鹽，簡單好味🤤 🎈總歸一句： 阿姐服務好nice，笑容滿面😊食物也不錯，價錢合理，會再去吃 👍🏻👍🏻

今日全日黑雨冇嘢做，下午茶時間同老友嚟試Lee間杏花邨阿茘麵檔，豬手同牛腩係40年傳統ge味道，真係有警喜！1.十喜大碗麵，有黑糖豬手、花膠、魚蛋、五花腩、鹵水豬大腸、豬皮、豬紅、溏心蘿蔔、冬菇時菜。呢碗梗係鎮店之寶，樣樣嘢都好味！車仔麵有花膠正呀！應該係皇帝食嘅車仔麵。2.古早黑糖豬手麻辣雞翼撈粗麵，黑糖豬手焾到入晒味，甜中帶鹹；雞翼外皮香脆，肉汁鎖得夠晒喉。麻辣撈粗麵勁夠味，麵身彈牙，一啖落去，成個人的靈魂都醒曬！3.韭菜夠入味，帶陣清香；豬紅滑嫩無腥，蘿蔔甜爽。三者夾埋，鮮甜惹味，一啖落肚夠晒舒服！4.黑松露醬炸單骨雞翼及炸燒賣，黑松露醬夠濃郁，裹住炸雞翼香脆帶醇；炸燒賣外酥內鮮，兩款都夠惹味，食到舐手指！同朋友飲咗個鮮豆漿同人參烏龍茶，真係未飲過人參烏龍茶，有人參味幾清香，下次再嚟！

【🌻杏花新城｜🍜阿荔麵檔｜🦑懷舊經典40年】✴️特濃沙嗲沾麵日或沾麵食得多，今次食港式，又幾過癮，麵質幾爽口彈牙，無過多鹼水味，配入沙嗲湯底中多少由自己控制，自主性強，而且啱晒夏天，無湯麵咁熱。✴️古早黑糖豬手雞翼麻辣撈麵豬手切成丁方，好適合女士進食，豬手炆得好腍，豬皮軟身又入味，骨膠原感覺滿滿。滷水雞翼，非常之入味，甜甜嘅滷水汁，童年回憶返晒嚟。麵有辣油，辣度不能睇小！唔怕辣嘅朋友更可以加入枱面嘅辣菜莆。✴️黑松露醬炸單骨雞翼配炸燒賣雞翼外皮炸得酥脆，單骨好易食，勉卻了雙骨雞翼的麻煩。✴️惹味沙嗲三寶水魷+魚蛋+豬皮，懷舊風十足，水魷好彈牙。✴️冷泡白桃烏龍茶白桃味幾香，烏龍茶好解渴✴️凍豆漿 豆味香濃大大枝裝，豆漿很解辣🍜阿荔麵檔 📍柴灣杏花邨杏花新城G53B🚇杏花邨地鐵站

為左宣揚香港嘅車仔麵文化比我公司嘅同事仔（佢印尼過來嘅🇮🇩）今日lunch帶佢食車仔麵～/招牌特濃沙嗲沾麵$68/平時拉麵沾麵就食得多，沙嗲醬沾麵好似第一次見😍個醬濃郁，但無油淋同過鹹嘅感覺🙂‍↕️(沾麵配料有溏心蛋，魚片頭，豆卜🍳)/古早黑糖豬手雞翼麻辣撈麵$66/呢個黑糖豬手我瘋狂推比同事👀好稔同入味，仲要係40年來帶落來嘅傳統味道👅同埋配埋雞翼-應該一般無咩人唔鍾意食雞翼吧💛睇來佢一試愛上左個麻辣撈，咁加佢個自家「極辣菜脯」係真係辣幾過癮嘅🍜🌶️/韭菜豬紅蘿蔔+$28/啲同事話我氣虛就食多啲蘿蔔~首先韭菜係勁多😂豬紅同蘿蔔係索曬個上湯，正😆/黑松露炸單骨雞翼及炸燒賣+$32/個黑松露醬好食😋-無煤氣味😂炸燒賣應該係同事心目中嘅MVP。而佢個單骨雞翼係夠曬香脆嘅～

這沙嗲牛肉濃湯出前一丁口感很好, 牛肉嫩滑，容易咀嚼, 吃的時候一點也不吃力, 老人家也可以以食用。沙嗲醬汁風味一絕, 不算稠身，份量夠多。將牛肉和醬汁加入麵湯中一起攪拌食用也不會因而味道變淡, 這是十分驚喜的。麵條使用的是出前一丁，有香港情懷, 很好吃, 麵條煮得很好, 不過軟亦不過硬, 充滿港式風味, 是我最喜歡的味道。因為煮得很好吃, 所以吸引了不少慕名而來的顧客, 我也是其中之一。牛肉本身質地實在很不錯。很喜歡這個搭配和充滿特色的湯麵。牛肉質地嫩滑是最吸睛的亮點, 沙嗲醬汁又夠濃稠, 而且份量給得很足少，牛肉與湯麵混合後拌著吃也不會味道變淡。

偶然路經杏花村商場見有新食肆，被那個 “沙嗲濃湯” 出前一丁標題吸引，二話不說跟朋友點了兩份。誰知一見那個所謂的 "沙嗲濃湯" 便知出事，完全推翻我對 “沙嗲” 的認知，湯底沒有味道，沙嗲消失得無影無蹤，衰衰地連沙嗲醬也沒有，O咀。跟侍應再確認的確是標題那個 “沙嗲濃湯” 出前一丁😡違反商品說明條例到極致😡再到跟餐的煎双旦，正常發揮，但加一元換的多士連牛油也欠奉，算，朋友那個牛乳炒旦很有心的奉送碎蛋殼数粒，無話可說！不收錢也不會回頭

招牌特濃沙嗲沾麵(68hkd)選了手工拉麵，愛辣的我選中辣，真係有點厲害🥵下次想挑戰大辣，沙嗲醬好濃厚，有花生碎，大大兜醬絕對夠撈整個麵有餘，如果面底簡出前一丁更有港式風味，糖心蛋流心效果明顯，蛋汁拌麵～古早黑糖豬手雞翼麻辣撈麵(66hkd) 選了撈粗，朋友最近熱氣選走辣，撈麵賣相已經好有食慾，軟硬適中，調味不會過分咸，滷水豬手是40年傳統味道，好入味軟腍～椒鹽炸燒賣(16hkd) 一上枱已好香椒鹽味，外脆內軟糯，必食👍🏻惹味沙嗲三寶(20hkd) 不算太辣，豬皮多汁，魷魚爽口，魚蛋彈牙#foodiblum港式

今次來到杏花新城的阿荔麵檔 店內懷舊裝修充滿港式古早氣息 座位寬敞舒適🥰主打港式風味麵食 選擇多樣 份量十足 價錢親民💯✨古早黑糖豬手雞翼麻辣撈麵 招牌豬手系40年傳統味道🤤炆得軟嫩入味🐷雞翼滷得香濃多汁帶甜味🍗麵底轉手工麵好彈牙 加埋火辣辣菜脯超惹味🌶️ ✨經典八寶嗱喳麵 大大碗配料豐富 玻璃辣魷魚爽口彈牙🦑大腸清洗乾淨無異味 轉生菜底更加健康🥬配上牛腩汁香濃惹味好夾🐮 ✨惹味沙嗲三寶 沙嗲醬香濃帶微辣🥜三寶包括魚蛋豬皮蘿蔔 每款都吸盡沙嗲精華 ✨韭菜豬紅蘿蔔 豬紅滑嫩無腥味🐷韭菜新鮮爽脆🌱蘿蔔好清甜無渣👍🏻✨飲品煮食可以以優惠價加配多款飲品 要了鮮豆漿 豆味香濃順滑甜度剛好🥛而凍鮮檸檬茶🍋茶底濃郁回甘 味道清香好解膩📍阿荔麵檔 (杏花邨) 杏花邨盛泰道100號杏花新城地下G53B號舖

叫左個牛筋腩撈麵，連飲品六十元，一大碗麵，另一小碗裝住四至五粒，魚旦咁大的牛腩和牛筋，完全不值五十多元。牛腩又韌又鞋， 完全吞唔落，撈麵味道好難食，食左一半哽唔落，連杯檸茶都冇茶味，得個黑茶色。好耐冇在香港食到咁差的食品，未夠班，唔好開檔，影衰香港美食天堂的美譽！見佢新開張，幫襯試吓得唔得，係完全唔得，難食到食唔落，請我食都唔會再去食。咁嘅質素，仲差過街邊檔，平日都見好少客人，做食肆冇回頭客，等執！

裝修係90年代的車仔檔裝修～衞生，坐得舒服～最想試豬手、牛腩等呢啲40年傳統味道👅首先是經典的八寶嗱喳麵，餸菜包括玻璃辣🦑魷魚，🐟魚蛋，🐽大腸，🥕蘿蔔，🐖豬紅，🐷豬皮，🍄‍🟫冬菇，底部鋪上新鮮🥬生菜，搭配魔鬼香辣汁🌶️，真的是一絕！可選菜底，生菜的清脆又冇負擔！接著是古早黑糖🐷豬手🐔雞翼麻辣撈，黑糖味道濃郁，豬手、雞翼嘅肉質軟嫩，喜歡麻辣調味嘅朋友唔好錯過！🍗🔥再來是惹味沙嗲三寶，包括🐷豬皮、🐟魚蛋同🦑魷魚，沙嗲醬香口美味，豬皮特別Q彈，魚蛋配沙嗲汁食到停唔到口，魷魚口感一流！凍鮮檸檬茶+豆漿🥛

講到香港街頭美食，車仔麵真係無得輸！今日去咗一間好有懷舊Feel嘅車仔麵店，啲裝修好似舊香港咁，綠色窗框同黑白相牆，坐低就覺得好似返咗去以前。點咗一碗車仔麵，揀咗滷水雞翼同單骨雞翼，仲加咗個好有香港特色嘅豬皮蘿蔔，飲啖地道奶茶，食到真係好滿足！首先講啲車仔麵，麵條彈牙，湯底濃但唔會太油，仲有少少辣油香，配啲蔥花，食落好正！主角滷水雞翼真係不得了，滷水汁好香，雞翼滷到好入味，肉嫩到不得了，咬落去啖啖都係滷香，超好食！單骨雞翼更加係靚，滷汁滲晒入肉，骨邊啲肉特別嫩滑，食完一隻仲想再食多隻，抵讚！再講豬皮蘿蔔，呢個真係好有香港特色！豬皮燉到軟腍腍，入口即化，滷汁有少少甜，配啲爽脆蘿蔔，食落好夾，唔會太膩，係地道港式小食嘅經典。最後飲咗杯冰奶茶，茶味濃，奶味滑，甜度啱啱好，飲落去好似感受到香港街頭嘅熱鬧，夠晒正宗！總之，呢間車仔麵店真係好有香港味，滷水雞翼同豬皮蘿蔔都好出色，奶茶更加係畫龍點睛！想試正宗港式車仔麵，呢度真係唔錯！

自一九八四年開業，堅持保留四十年傳統味道同時加入創新元素，讓人既能回味經典又有新鮮感餐廳環境充滿懷舊氣息，木桌椅搭配現代燈飾牆上掛滿香港地方道路牌和復古裝飾，別有一番風味經典八寶嗱喳麵配鮮製油麵，湯底濃郁，包括玻璃辣魷魚、魚蛋、大腸、蘿蔔、豬皮、冬菇及時菜古早黑糖豬手雞翼麻辣撈麵醬汁香辣開胃，辣中帶甜小食惹味沙嗲三寶包含辣玻璃魷魚、豬皮和魚蛋，香氣撲鼻黑松露醬炸單骨雞翼外皮酥脆，內裡嫩滑，微鹹中帶松露獨特風味