影片
以上资料只供参考，请与餐厅确认详情
放假训醒落街揾食，依间开左一排嘅车仔面成日经过都无食过，今日决定食佢，叫左个经典八宝嗱喳面、古早黑糖猪手鸡翼麻辣捞面同两款小食经典八宝嗱喳面入面有8款𩠌，有玻璃辣鱿鱼、鱼蛋、大肠、萝卜、猪红、猪皮、冬菇、生菜，面底拣左鲜制油面，加左牛腩汁，一送到嚟加咗两匙羹火辣辣菜脯，估唔到个菜脯比我想像中辣，睇少左佢个辣，建议食之前先试下再决定落几多匙，但系不得不赞佢个鲜制油面好好食，食落去好滑身同爽口同挂汤能力高，索晒啲精华，玻璃辣鱿鱼够爽脆，萝卜炆得好腍但就带少少青味，应该冬天食会好啲，猪皮同冬菇好腍好入味，面底同𩠌都足料古早黑糖猪手鸡翼麻辣捞面面底拣左捞手工面（小辣），手工拉面食落比较烟靭，捞埋汁浓郁惹味，辣度适中，麻香十足，惊喜食到呢个黑糖猪手，焖到软腍入味又带微微甜香，鸡翼卤得够淋，推介黑糖猪手必叫小食叫左韭菜猪红萝卜，猪红惹味嫩滑，韭菜新鲜爽脆，可能个汤汁系清汤，所以唔系好够味，如果加少少辣汁同腩汁会更加丰富黑松露酱炸单骨鸡翼配炸烧卖鸡翼炸到金黄酥脆，单骨设计方便食，点埋呢个黑松露酱，即刻高级咗几个层次，炸烧卖外皮脆口，入面鱼肉馅弹牙，唔使点酱都咁好食
继续阅读
今日去左杏花村outlet 买运动用品, 买完当然要医下个肚啦. 杏花村商场楼下成条食街. 去睇下有咩好食. 就见到有间" 阿荔面档" 好似唔错. 去试下先! 佢地MENU 好简单, 一页系面食, 一页系小食. 专注几款食品应该唔差. 招牌特浓沙嗲沾面手工拉面有弹性好口感滑溜 , 沙嗲酱浓香但唔会死咸 , 沾面挂汁 好香嘅花生味! 好惹味. 𩠌有肥牛、豆卜、鱼片头同糖心蛋. 个糖心蛋真系好出色.古早黑糖猪手鸡翼麻辣捞面个份量真系唔少, 要试下个猪手先, 好入味煮都好软淋, 咬落去就感受到满满嘅胶质感. 味道浓郁但唔会恐咸. 个捞面超有弹性系我最爱𠮶种. 本身系有D 麻辣味道! 如果想再刺激D 可加佢地嘅火辣辣自家辣菜脯更惹味. -仲加咗两款小食，黑松露酱炸单骨鸡翼炸烧卖 , 炸得好香脆, 外脆内嫩多汁! 韭菜猪红萝卜 - 猪红滑嫩, 韭菜新鲜, 萝卜系最好, 清甜无渣, 全部俾我食晒 !果然无拣错呢餐。 阿荔面档 (杏花邨)杏花邨盛泰道100号杏花新城地下G53B号舖
继续阅读
探访杏花邨友人后，来到这家车仔面，装修光猛新净之余，又带有传统特色，坐位阔落舒适自选两𩠌特浓沙嗲沾面 $56香辣惹味鱿鱼 +$9瑞士汁鸡翼秘制牛筋牛筋腩 +$18爽脆牛柏叶 +$9金针菇 +$9必吃特浓沙嗲沾面，沾汁浓郁带花生独有香气，面条挂汤，鱿鱼和牛柏叶爽脆，鸡翼炆得软冧入味，牛筋腩是传统40年的味道，好吃自选两𩠌黑蒜油捞粗面 $46秘制牛筋牛肋腩 +$9炸腐皮猪肉卷 +$4古早黑糖猪手 +$18香卤猪大肠 +$13黑蒜油捞粗面一上桌香气扑鼻，令人食欲大增，炸腐皮猪肉卷外皮脆，里面嫩，黑糖猪手同样是传统的味道，非常软冧味道出色韭菜猪红萝卜 $28惹味沙嗲三宝 $20点面可优惠价另外加小食，韭菜猪红萝卜大大碟份量很足，萝卜鲜甜无渣沙嗲三宝是猪皮，鱼蛋，鱿鱼，猪皮吸饱沙嗲汁非常惹味支装Zero $11 +柠底 $4豆浆 $15另外点了饮品，豆浆原支上，豆味浓总括来说，出色的结合了传统和创新味道，沙嗲控必试沾面
继续阅读
连住杏花邨站嘅杏花新城入面有间车仔面店，外墙有幅打卡墙，餐厅够阔落，服务主动又亲切，新式门面但keep住40年传统味道，牛腩、猪手同车仔面爱好者一定要试！ .🌟经典八宝嗱喳面 嗱喳面料多到泻，猪红滑嘟嘟、猪皮爽弹、大肠卤得入味，加埋萝卜鱿鱼够晒地道。面底可以转油面或者米粉，汤底仲可以拣清汤或者辣汁，自由度超高。最正系火辣菜脯，脆口得嚟辣到喷火，钟意食辣嘅一定要挑战！ .🌟招牌特浓沙嗲沾面-改良版 个沙嗲酱浓到黐线，花生香带微微辛辣，沾面食超挂汁。面条粗身有咬口，配料有豆卜、牛肉同流心蛋，索晒啲酱汁仲正。嫌太浓可以加清汤开稀，但重口味嘅一定爱爆呢种饱满滋味！ .🌟惹味沙嗲三宝 超有港式街头风味，鱿鱼弹牙、鱼蛋爽滑、猪皮吸汁，加埋辣酱，甜中带辣，地道到爆炸！ .🌟韭菜猪红萝卜 街边档风格但见真功夫，猪红嫩滑冇腥味、韭菜爽脆带辛香、萝卜清甜冇渣，汤底清但够味。
继续阅读
今日全日黑雨冇嘢做，下午茶时间同老友嚟试Lee间杏花邨阿茘面档，猪手同牛腩系40年传统ge味道，真系有警喜！1.十喜大碗面，有黑糖猪手、花胶、鱼蛋、五花腩、卤水猪大肠、猪皮、猪红、溏心萝卜、冬菇时菜。呢碗梗系镇店之宝，样样嘢都好味！车仔面有花胶正呀！应该系皇帝食嘅车仔面。2.古早黑糖猪手麻辣鸡翼捞粗面，黑糖猪手焾到入晒味，甜中带咸；鸡翼外皮香脆，肉汁锁得够晒喉。麻辣捞粗面劲够味，面身弹牙，一啖落去，成个人的灵魂都醒晒！3.韭菜够入味，带阵清香；猪红滑嫩无腥，萝卜甜爽。三者夹埋，鲜甜惹味，一啖落肚够晒舒服！4.黑松露酱炸单骨鸡翼及炸烧卖，黑松露酱够浓郁，裹住炸鸡翼香脆带醇；炸烧卖外酥内鲜，两款都够惹味，食到舐手指！同朋友饮咗个鲜豆浆同人参乌龙茶，真系未饮过人参乌龙茶，有人参味几清香，下次再嚟！
继续阅读