阿翁深井燒鵝大王

有同事搬咗入深井后，佢就成日话食烧鹅，成日都听到佢讲，就连假日都会落街买外卖烧鹅濑返屋企食，听到我都流晒口水。深井入面D咩记都食过哂都无咩惊喜，于是就试吓同事极力推介嘅阿翁烧鹅大王，同事仲系咁提我要食$1系列，$1系列有三款任拣，包括招牌烧鹅、白切鸡同乳猪，而我就系为咗烧鹅而嚟，紧系点$1烧鹅啦！另外再加咗三个𩠌，包括小食陈醋黑都木耳、鲍鱼滑鸡煲同埋XO酱虾仁炒珊瑚蚌。最先上到嚟嘅系烧鹅，呢度嘅烧鹅唔系用碟，而系用一个玻璃兜，下面仲有柔和嘅火保暖，净系呢一点，我以后食烧鹅都会嚟呢度食，因为有食过烧鹅嘅人都知，特别系秋冬时候，食到一半已经唔想再食D烧鹅系因为D鹅油已经凝固，食落口就好似咬紧一旧油嘅口感！而呢度因为用火嚟暖坐，我食到尾都仲系热，D汁都仲系水状唔系油，成个深井得呢一间会咁做！陈醋黑都木耳用嚟开胃就真系啱哂。XO酱虾仁炒珊瑚蚌，虾仁大大只，珊瑚蚌又好爽！鲍鱼滑鸡煲D鸡真系够滑，而鲍鱼亦都好大只，呢个好抵食！食完先见到阿拉斯加长脚蟹每只$1388，外面食一只起码$$16xx以上，下次一定嚟食烧鹅+长脚蟹！…查看更多

首先总结左先性价比👍🏽👍🏽份量劲足 食材新鲜 味道好.1）乳猪 皮够松化 乳猪黎讲都唔洗讲其他野😌2）烧鹅 份量够 窝心地有个蜡烛仔烘住 令啲汁无咁易变杰身3）阿拉斯加长脚蟹 好大只 够新鲜 肉嫩 店员仲会好识做咁俾你原只影左相先拆4）赤小豆粉葛煲猪骨汤 原煲上 劲浓郁好好味 仲𢳂埋啲汤渣俾你食5）珊瑚蚌虾球西兰花 超大碟 非常多珊瑚蚌同虾球6）菠萝咕噜肉 啲咕噜肉唔会好厚粉 每一旧都系一口份量 多肉 无乜骨 仲有成条新鲜菠萝7）清炒豆苗 超大碟 同埋热辣辣 好好食8）鲍鱼啫啫鸡煲 好多鲍鱼 👍🏽9）清蒸石斑鱼 好大条 肉滑 蒸得岩岩好10）炒糯米饭11）寿桃包12）红豆沙我地一行九人 多男士食完个个好饱仲有8-9盒野食打包食唔晒 真系食唔晒下次可以试下嗌半席 或再多啲人黎食.唯一美中不足系听到员工同客人闹交而经理唔识阻止/处理有少少影响用餐心情同体验…查看更多

我心目中既粤菜首选一定系阿翁。阿翁出品菜式高质，食材新鲜，分店又多。今晚就系深井烧鹅大王晩饭。先来个餐前小食，野味鸭舌拼海蜇。浓浓酒香卤水好入味⋯⋯鸭舌一绝必点小菜$1蚊优惠，拣咗极品B B猪。不肥腻，皮烤得好香脆。足料海皇粉丝什菜煲，多款海鲜，有虾、带子、鲜鱿鱼，另外加埋什菇菌，更鲜味。第一次食蜜椒脆鳝球。出面酒楼好少有菜甘。鳝肉炸得啱啱好，配少少甜酱汁。好特别！阿翁出品菜式每次都好有水准晚饭后主动送上红豆糖水。正！…查看更多

是日与好友入深井食烧鹅，食烧鹅真系深井必食。好快安排好入座就饮住茶食下花生睇下食咩好先。大家决定叫返个晚饭自选4-5人餐，当中选了小食沙姜猪手，烧味双拼，即日煲靓汤，蜜桃冰梅骨，豉汁蒸鳝片，再加个3选1既$1系列阿翁烧鹅，阿翁小炒皇。沙姜猪手：猪手够淋而且沙姜入味。烧味双拼：烧腩仔皮脆肉唔会太肥，叉烧蜜糖香味铺面烧得够香。即日煲靓汤：粉葛猪骨汤好有家的感觉，煲汤都非常足料够晒浓味又唔会确喉。蜜桃冰梅骨：肉质唔错加上酸甜汁令到更为醒胃。豉汁蒸鳝片：用豉汁去蒸鳝可以令到𩠌菜更加带出鲜味。厚厚肉咬落更为好食。阿翁烧鹅：唔好以为$1就会将货就价，依个烧鹅无论份量同味道都做得好好。讲下只鹅：皮脆肉嫩，鹅皮同鹅肉之间脂肪层又唔算太厚，唔会成口油。阿翁小炒皇：韭菜花快炒够清，腰果鱼干仔保持到脆香，虾仁等令到𩠌菜更加色香味。最后有红豆沙送满足埋甜品胃，红豆沙甜度适中红豆够淋。…查看更多

今晚约了朋友入深井食晚饭，点了晚饭自选4-5位餐（小食沙姜猪手，即日煲靓汤，烧味双拼，蜜桃冰梅骨，豉汁蒸鳝片，阿翁小炒皇，阿翁烧鹅。沙姜猪手-猪手有咬口得来都够味道。即日煲靓汤-味道浓味而不口干，材料足够煲既时间都够，粉葛猪骨汤，足够每人一至两碗。烧味双拼-我们点选了烧腩仔同叉烧，唔会太肥腻。烧腩仔皮够脆。蜜桃冰梅骨-骨既味道不错，肉又唔会好鞋口，甜甜地既酱汁更加开胃。豉汁蒸鳝片-鲜味鳝片，啖啖肉再配合豉汁更加鲜味。阿翁小炒皇-将不同材料加上去令到口感更好，有菜有香口。阿翁烧鹅-入深井当然叫烧鹅啦，炭香烧的味道，皮脆肉滑。仲有红豆沙送，甜甜地够完美了。…查看更多