大家決定叫返個晚飯自選4-5人餐，當中選了小食沙薑豬手，燒味雙拼，即日煲靚湯，蜜桃冰梅骨，豉汁蒸鱔片，再加個3選1既$1系列阿翁燒鵝，阿翁小炒皇。
1
沙薑豬手：豬手夠淋而且沙薑入味。
燒味雙拼：燒腩仔皮脆肉唔會太肥，叉燒蜜糖香味鋪面燒得夠香。
即日煲靚湯：粉葛豬骨湯好有家的感覺，煲湯都非常足料夠晒濃味又唔會確喉。
蜜桃冰梅骨：肉質唔錯加上酸甜汁令到更為醒胃。
豉汁蒸鱔片：用豉汁去蒸鱔可以令到餸菜更加帶出鮮味。厚厚肉咬落更為好食。
阿翁燒鵝：唔好以為$1就會將貨就價，依個燒鵝無論份量同味道都做得好好。講下隻鵝：皮脆肉嫩，鵝皮同鵝肉之間脂肪層又唔算太厚，唔會成口油。
阿翁小炒皇：韭菜花快炒夠清，腰果魚乾仔保持到脆香，蝦仁等令到餸菜更加色香味。
最後有紅豆沙送滿足埋甜品胃，紅豆沙甜度適中紅豆夠淋。
