阿媽豆腐花專門店

趁住國慶假期去元朗大馬路度攞月餅先，廢事等到中秋節前夕嗰日大排長龍又好多分店冇貨啦。唔知係咪關假期事，今日條小食街特別暢旺，間間都排曬隊買。係雞地悄悄結業嘅阿媽豆腐花，原來搬咗過嚟呢邊，而家仲多咗小食賣添。⭐凍豆花天氣咁熱叫返杯凍豆花飲下先，係呀～你冇聽錯唔係豆漿係豆腐花，一杯可以飲嘅豆腐花😋杯豆花本身無糖，你可以要求加黃糖嘅，甜度仲可以自由選擇添。甜甜地又滑溜，咁樣飲豆腐花又幾好味喎。⭐麻辣魚蛋仲叫咗份麻辣魚蛋，一份有20粒😋雖然顏色好紅但係食落其實只係小小辣，而且完全冇麻嘅感覺，我覺得叫香辣魚蛋可能會貼切啲。⭐粢飯原來佢仲有粢飯賣，咁可以早餐嚟呢度買喎😋粢飯加豆漿咪啱啱好囉。講返件粢飯，都幾大舊㗎，有手掌size。入面包咗油炸鬼肉鬆同榨菜粒，味道正正常常，飯就硬咗少少，不過可能放到三點幾先嚟買啫，早餐時段新鮮做應該會好食啲。⭐芝麻卷最後就係芝麻卷，突然間文藝復興多咗好多街舖做呢個失傳嘅小食，呢間個芝麻卷都幾香芝麻味，入口煙煙韌韌滑捋捋，都唔錯呀😋幾十蚊食到咁多嘢😋間唔中出嚟掃下街，心情都好啲。…查看更多

元朗食街一向臥虎藏龍，美食處處，最近多咗間新店－－阿媽豆腐花進駐，見價錢抵食，就買咗5款外賣同屋企人分享。芝麻糊豆腐花芝麻糊香氣濃郁，口感綿密，同嫩滑嘅豆腐花相互襯托，唔會太甜，暖心嘅選擇。芒果豆腐花冰涼嘅豆腐花搭配芒果醬嘅酸甜，感覺消暑，不過呢款甜度就稍高。黑豆漿珍珠黑豆漿嘅豆香比一般豆漿更濃厚，珍珠口感Q彈，唔會好硬，份量亦好多，口感豐富豆腐花珍珠滑溜嘅豆腐花配上Q彈嘅珍珠，消暑嘅一杯飲品。芝麻卷估唔到竟然有懷舊嘅菲林卷！質地軟糯，入口後濃厚嘅芝麻香自然散發，毫不黏膩，甜度亦較低，更能品味食材的原味。…查看更多

最近就發現咗阿媽豆腐花專門店喺元朗開咗新分店，呢間係元朗人一定食過嘅豆腐花老店，除咗豆腐花同芝麻糊之外，仲有多款特色小食，選擇繁多豆腐花有唔同口味，我就揀左椰汁豆腐花係杯裝既豆腐花，可以直接當飲品，豆味香濃，口感滑溜，加埋清甜椰汁，層次更豐富手工芝麻卷芝麻味香濃，咬落軟糯麻辣大魚蛋魚蛋彈牙，加上秘製麻辣汁，香辣惹味芝麻糊質感濃稠，飲落濃密細膩，芝麻味好足餈飯飯質煙韌有咬口，入面包住滿滿嘅肉鬆餡，鹹香可口…查看更多

好多年前已經幫襯緊阿媽豆腐花🤣原來佢而家都有分店 最近仲喺又新街食街開咗新外賣店 見到都忍唔住返屋企做甜品🍮招牌豆腐花有碗裝/杯裝 碗裝方便𢳂 杯裝就可以直接當飲品🥤兩種食法都係咁滑溜 好soft☺️有豆香 又唔會太甜而家多咗好多配料同味道揀 不過我都係鍾意傳統口味 或者加薑汁/芝麻糊芝麻糊都唔錯 幾濃稠幾香 另外都見到手工芝麻卷 口感煙韌 芝麻控都可以試吓最後亦都打包咗豆漿 依然都係咁好飲 唔會有渣 仲有無糖版本 大大支好飽肚…查看更多