阿媽豆腐花專門店

趁住国庆假期去元朗大马路度攞月饼先，废事等到中秋节前夕𠮶日大排长龙又好多分店冇货啦。唔知系咪关假期事，今日条小食街特别畅旺，间间都排晒队买。系鸡地悄悄结业嘅阿妈豆腐花，原来搬咗过嚟呢边，而家仲多咗小食卖添。⭐冻豆花天气咁热叫返杯冻豆花饮下先，系呀～你冇听错唔系豆浆系豆腐花，一杯可以饮嘅豆腐花😋杯豆花本身无糖，你可以要求加黄糖嘅，甜度仲可以自由选择添。甜甜地又滑溜，咁样饮豆腐花又几好味㖞。⭐麻辣鱼蛋仲叫咗份麻辣鱼蛋，一份有20粒😋虽然颜色好红但系食落其实只系小小辣，而且完全冇麻嘅感觉，我觉得叫香辣鱼蛋可能会贴切啲。⭐粢饭原来佢仲有粢饭卖，咁可以早餐嚟呢度买㖞😋粢饭加豆浆咪啱啱好啰。讲返件粢饭，都几大旧㗎，有手掌size。入面包咗油炸鬼肉松同榨菜粒，味道正正常常，饭就硬咗少少，不过可能放到三点几先嚟买啫，早餐时段新鲜做应该会好食啲。⭐芝麻卷最后就系芝麻卷，突然间文艺复兴多咗好多街舖做呢个失传嘅小食，呢间个芝麻卷都几香芝麻味，入口烟烟韧韧滑捋捋，都唔错呀😋几十蚊食到咁多嘢😋间唔中出嚟扫下街，心情都好啲。…查看更多

元朗食街一向卧虎藏龙，美食处处，最近多咗间新店－－阿妈豆腐花进驻，见价钱抵食，就买咗5款外卖同屋企人分享。芝麻糊豆腐花芝麻糊香气浓郁，口感绵密，同嫩滑嘅豆腐花相互衬托，唔会太甜，暖心嘅选择。芒果豆腐花冰凉嘅豆腐花搭配芒果酱嘅酸甜，感觉消暑，不过呢款甜度就稍高。黑豆浆珍珠黑豆浆嘅豆香比一般豆浆更浓厚，珍珠口感Q弹，唔会好硬，份量亦好多，口感丰富豆腐花珍珠滑溜嘅豆腐花配上Q弹嘅珍珠，消暑嘅一杯饮品。芝麻卷估唔到竟然有怀旧嘅菲林卷！质地软糯，入口后浓厚嘅芝麻香自然散发，毫不黏腻，甜度亦较低，更能品味食材的原味。…查看更多

最近就发现咗阿妈豆腐花专门店喺元朗开咗新分店，呢间系元朗人一定食过嘅豆腐花老店，除咗豆腐花同芝麻糊之外，仲有多款特色小食，选择繁多豆腐花有唔同口味，我就拣左椰汁豆腐花系杯装既豆腐花，可以直接当饮品，豆味香浓，口感滑溜，加埋清甜椰汁，层次更丰富手工芝麻卷芝麻味香浓，咬落软糯麻辣大鱼蛋鱼蛋弹牙，加上秘制麻辣汁，香辣惹味芝麻糊质感浓稠，饮落浓密细腻，芝麻味好足餈饭饭质烟韧有咬口，入面包住满满嘅肉松馅，咸香可口…查看更多

好多年前已经帮衬紧阿妈豆腐花🤣原来佢而家都有分店 最近仲喺又新街食街开咗新外卖店 见到都忍唔住返屋企做甜品🍮招牌豆腐花有碗装/杯装 碗装方便𢳂 杯装就可以直接当饮品🥤两种食法都系咁滑溜 好soft☺️有豆香 又唔会太甜而家多咗好多配料同味道拣 不过我都系钟意传统口味 或者加姜汁/芝麻糊芝麻糊都唔错 几浓稠几香 另外都见到手工芝麻卷 口感烟韧 芝麻控都可以试吓最后亦都打包咗豆浆 依然都系咁好饮 唔会有渣 仲有无糖版本 大大支好饱肚…查看更多