阿土伯鹽水雞 (Go Go Mall)

今日已經明顯很少人！前面得一兩張單！點知我個餐要成20幾分鐘...明明已經係熟食唔使煮😥行到過去見到佢仲喺度處理緊其他食材，剪緊雞用嚟備份，我個面就擺埋咗一邊喺個兜入面，我問我個餐仲要幾時得！先即刻去整埋我個餐！真係好失望，搞咩？後尾我同佢反映返個問題！我平時都唔係，佢哋先覆我話係咩，一句唔好意思都冇！睇嚟個問題都唔會改善。其他餐都搞掂晒，我呢個熟食唔使煮嘢都要等咁耐... 服務態度真係好唔掂！兩個都慢吞吞。…查看更多

之前係觀塘店食過一次，今次係go go mall見到就又黎食下。佢個鹽水雞其實不出色，不過不失吧，下次可以試下雞翼。不過佢d水果幾好食，應該真係台灣水果。上次抱住獵奇心態叫了芭樂配燒烤醬，以為會好奇怪，估唔到好好食今次試了阿土醬，味道不錯，挺辣的，但是比燒烤醬來沒有那麼夾芭樂。荀絲都唔錯。不過嘛，佢個一人餐：雞+3料，cp值都唔算平。環境方面就一間小店，go go mall是美食廣場，沒甚麼好說的。想食水果可以食下，不過如果比較餓或者真想食鹽水雞唔會㨂佢…查看更多

今日帶左呀仔去其他媽媽屋企既會所玩，玩完等埋爸爸收工一齊去雅都既food court 食。爸爸無胃口同呀仔share一個飯，所以我又可以自私食啦，行左好多個圈都諗吾到食咩，以前聽我姑仔講雅都有間鹽水雞好食，都吾知係咪呢間，但咁多人買應該吾差既。點餐係要填呢張紙，因為我吾知調味粉洗吾洗揀，就行去問姐姐，順便落埋單，好彩排定隊問問題，遲小小己經截單，雖然有人排者，但都唔洗等半個鐘吧。皇牌套餐（1/4雞+2個配菜+香菇肉燥飯+飲品） $65：配菜我揀左鹵水豬耳同蓮藕，反而我覺得個豬耳出色過雞，啲雞肉有啲鞋，但辣味好食，肉燥飯啲肉都係鞋。…查看更多

一直都好鍾意食鹽水雞 喺附近戲院睇戲，就順便去咗Gogomall買嚟食😋一人餐$47 一人餐有¼隻雞同埋三款配菜可以選擇😆我哋選擇咗甜不辣，金菇同埋豬耳🙌🏻口味，方便就揀咗阿土伯味🤣我覺得啲雞肉好嫩滑 配菜甜不辣認真好味，煙煙韌韌❤️而金菇同埋豬耳都好唔錯🤤如果掛住台灣鹽水雞嗰陣味，我覺得呢一間真係可以止下癮😝不過佢價錢唔算平，份量都比較少😆如果攞嚟做正餐嘅話可能就唔係好夠飽，只可以當小食🥵…查看更多

今日無意中發現，屯門新墟呢個food court ，估唔到都幾多食物種類，花多眼亂，最後選擇左呢間阿土伯鹽水雞，之前都有聽過呢間台灣野，好似評價唔錯，當然要試下招牌鹽水雞。order左鹽水雞套餐，見好似都幾吸引，除左鹽水雞，仲有肉燥飯+配菜+可樂，套餐$65，都等左好耐先有得食。點知如果以呢個價錢計，食物分量真係好少，鹽水雞大約四分一隻左右，食完都唔夠飽，仲要啲雞好韌，味道又淡，鹵水蛋又凍冰冰，食完覺得好貴，好失望，唔會有下次😬。…查看更多

鹽水雞午餐！之前喺IG都聽過呢間阿土伯鹽水雞，原來雅都商場food court都有呢間舖頭，$47有鹽水雞+3款配料，好似都唔錯，一於試吓。一人餐$47- 我揀咗¼隻雞加苦瓜、玉米筍、西蘭花配地道椒鹽味同微辣，配菜同雞肉涼涼地，夏天食消暑一流！玉米筍甜味中和返醬油嘅辣味，苦瓜片味道甘甜，唔會話過苦。雞肉肉質尚算嫩滑，冇骨雞肉啱晒我，不過有一至兩舊雞肉我覺得生左少少，有少少紅色，所以就唔夠膽食嗰兩舊，如果唔係咁樣整體都覺得唔錯嘅。…查看更多

17.05.2022 星期二阿土伯鹽水雞晚上九時剪好頭髮，在雅都商場附近食飯，原本想在Go Go Mall青森料理食刺身，剛好店舖有事早收。於是找找有甚麼可吃，見有間「阿土伯鹽水雞」，於是試試。一張餐紙寫得很清楚，分三部份。第一部份可以選擇雞加配搭，例如麵線餐，包1/4份雞、沙茶麵線、兩份配菜；又如皇牌套餐，換了香菇肉燥飯和飲品。又有半隻雞和一隻雞餐。第二部份就是配菜、主要是各款蔬菜、少許生果，也有雞翼尖、鳳爪之類。第三部份就是調味（原味、自家調製阿土醬和特濃芝士），而且分了辣度，任君選擇。一人餐$45+$8包雞腿各有一半或三隻雞翼、三份配菜雞腿我選了原味、走辣，我喜歡它的醬汁，香香濃濃，另選了秋葵、西芹、翠玉瓜、凍豆腐幾款配菜，很好吃; 但份量偏少，適合細食的朋友。雞的味道不錯，又多配菜選擇，下次再試。…查看更多

疫情真係持續左太耐，真係好耐冇去旅行。所以都忍唔住叫台灣啲嘢食嚟食下。因為天氣又熱熱地，就想食啲凍嘢😆一講到台灣就會諗起鹽水雞！於是見到附近有一間就決定叫下外賣啦！不得不說佢真係勁快手送到大概落咗單之後20分鐘已經去到門口！一打開都見到兩個大盒。一共叫咗五個餸同埋加咗一個麵！我今次叫咗半隻雞、百葉豆腐、金菇、甜不辣同海帶。另外再加多左一個涼拌冷麵。整體來講覺得個份量度OK，當然價錢就同台灣冇得比，一定會貴啲！不過食落去個口味都唔錯，不過大家如果唔食得辣嘅話記住叫小辣好啦！今次叫咗中辣覺得個麵都真係太辣喇！…查看更多

以前真係好鐘意食成日買，但自從搬之後好耐冇食過，今日特登返屯門再買黎食，點知一打開外賣，啲雞少到好似人地食淨咁，我真係呆佐，冇諗過縮水縮到咁，因為我之前就算冇係屯門買都有去九龍灣買過，份量相餐超大，仲要啲雞胸又柴又難咬，好失望…查看更多

今日嚟到雅都商埸,咁見到呢間鋪有依個鹽水雞$75蚊嘅套餐，原本仲滿心期待以為好好食，點左個餐包左¼嘅雞一杯嘢飲兩個配菜，+1個肉操飯。點知最後得個拳頭咁大嘅肉操飯，啲雞又凍又硬，好似食僵屍肉一樣冇分別，同原本嘅期望簡直係相差得太大，啲配菜可有可無得嗰少少，杯嘢仲要加咗$10飲又難飲。我都都唔知點解呢個餐可以值$75，用同等嘅價錢我喺出面可以買成隻雞。完全差評下次絕對唔會嚟食，打死都唔嚟食，大家千祈唔好中伏…查看更多

我哋揀咗一個 一人餐$45 加咗麵底$10 三款配菜再加雞肉 我地揀咗海苔味😋新出架 幾特別甜甜地好香海苔味嘅真係 唔會好淡(≧▽≦) 未試過鹽水雞加海苔味嘅麵 呢個組合唔錯 不過就真係太乾身 如果比較濕少少會好味啲😣😣 三款配菜分別係西蘭花 杏鮑菇 花枝丸 西蘭花超硬🤮🤮之前喺香港同台灣食鹽水雞都未試過西蘭花咁硬🤢另外兩款都好普通 ~~~皮蛋完全係同面仲有海苔鹽水雞都唔夾 (好後悔揀咗皮蛋😭😭雖然皮蛋嘅味道係正常嘅)…查看更多

疫情關係係屋企叫外賣叫左鹽水雞做午餐比自己食，夜晚先自己煮同老公食。首先佢個味超鹹，啲海帶真係好似浸左鹽咁。最慘係食完個胃開始肚痛，跟住胃痛，然之後就腸胃炎。夏天真係要好小心選擇食物。…查看更多

有冇人同我一樣都係無雞不歡呢我鐘意食雞既程度係高到可以一星期食五餐雞以上真係好誇張😂😂😂😂所以鹽水雞我都好鐘意食😍✅阿土伯鹽水雞係屯門gogomall都開左一段時間都幫襯過幾次了🤣終於同大家分享下🔆一人餐 $45呢個一人餐係包雞胸腿各半又或者三隻雞翼再配3款配菜我就揀左雞胸腿 加蓮藕 杏鮑菇同芋絲佢有幾款醬汁可以揀以前成日揀起司培根 但上次去就冇左呢款醬所以就揀左佢地自己調配既醬但果然都係唔夠起司培根好食😂鹽水雞配菇真係絕配！蓮藕爽爽地好脆口👍🏻唔夠食仲可以+$7加拉麵我就冇加拉麵了🤣食完其實都夠飽味道: 3.2/5賣相: 3/5地址:屯門屯門鄉事會路112-140號雅都商場1樓S65號舖…查看更多

記得上年有一排成日係外賣平台嗌尼食，因為真係幾好味！最近經過gogo mall就去左幫襯堂食啦，點知大失所望，退步左好多，麵唔夠汁好乾，同埋亦唔夠味，雞肉亦都偏鞋，所以整體就係乾爭爭咁🙈 米血糕亦偏硬，完全唔好食，而且冬筍亦應該轉左材料供應，以前係切角狀，而加只係切絲，味道都不如以前⋯唯一一樣好嘅就係海苔口味的確好重海苔味，不過只有海苔味，鹹味就欠奉了⋯相信短期內都唔會再幫襯了，因為今次打擊真係好大🙈…查看更多

😻😻😻😻 推介一人餐 嫩滑鹽水雞 😻😻😻😻嗰日喺附近做完運動口痕想食啲野，去左屯門雅都商場go go mall 嗌咗個一人餐同呀妹share😜餸叫咗：齋根，皮蛋 ，豬耳，揀左原味微辣同埋加左個麪 $52啲雞幾嫩滑，正常鹽水雞水準，同埋本身鐘意食涼拌野同埋辣野，所以本身已經係好合我口胃😆餸方面最滿意個齋根，因為索曬啲汁，好好食。但豬耳就略嫌比得少😐幫襯時段：下午茶人均消費：$ 26再幫襯指數：😻😻😻😻…查看更多