阿來泰式地道風味

营业中

休息中

最近雖然天氣轉涼但無阻我食泰國菜的決心因為剛好工作的關係要來到旺角所以決定在旺角找尋泰國菜的蹤影雖然只是五點但係實在太餓所以不小心點多了但兩個人也是吃得完的❤️青咖喱雞 $68愛吃咖喱的我對青咖喱情有獨鍾雖然青咖喱比較不辣這樣兩突顯咖喱的香味咖喱和雞是絕配咖喱味濃夠香雞肉嫩滑而且裡面配菜也不少有豆角、雞肉、泰國茄子🍆等🧡原隻椰青海鮮焗飯$78整個焗飯超大😱😱😱滿滿的一盅！而且每粒飯都有濃濃的椰香味師傅將椰肉切粒一起炒使椰香味更濃郁配粒亦很多蝦子新鮮大隻沒有雪味魷魚🦑亦好爽口💛泰式金邊粉$58炒得十分出色金邊粉炒得很有油香油分充足但不會太油膩超多大蝦！加上魚片做配菜十分豐富～💚椰汁三色冰$22椰汁🥥香濃加上三色冰的椰果爽口整杯十分解渴💙咸檸七$22我很少在外面飲咸檸七第一怕太咸第二怕太苦這杯咸檸七味道剛好檸檬🍋微咸而且很有檸檬香加上七喜十分解渴加上用了碎冰飲品更冰凍📍 阿來泰式地道風味 (旺角)旺角通菜街97號地舖

今日出旺角工作，收得工黎都煮唔到飯，就諗住喺旺角食埋飯先返屋企。同老公最後決定食泰國嘢，價錢平得來都幾有水準。泰式鮮蝦春卷炸得夠晒脆身，啱晒鍾意食香口嘢嘅老公入邊嘅餡料都非常之豐富飽滿青咖喱肉碎釀魷魚筒，呢個菜式比較少見，所以我哋好奇心之下叫咗黎試吓。魷魚筒入邊釀嘅肉碎味道略嫌清淡，如果可以多啲酸酸辣辣嘅味道會更好。不過魷魚筒都幾鮮甜，配上青咖喱味道都幾夾，而且份量十足，抵食！呢個柚子沙律反而估佢唔到味道偏濃佢嘅柚子肉混入左泰式嘅辣醬，所以味道變得甜甜辣辣咁，我個人覺得唔係太夾。鹹檸七

旺角有一間泰國菜開咗好多年，都真係幾有名氣，兩層高，醒起好耐冇食過，今次就約朋友嚟食個飯！好近旺角地鐵站，一出行2分鐘左右就到， 十分方便。餐牌嘅選擇都好多，泰式海鮮咖喱嗰啲都好多得揀，不過最近對海鮮有啲敏感，所以都係食返Basic啲嘅泰國菜。 椰汁雞湯 $58 小見到色澤都好濃厚，完全唔吝嗇，裏面有好多雞肉，而且椰汁味道香濃，兩位分享一個細嘅湯已經非常足夠。裏面亦有多款不同的香料，提升整體層次！香葉辣椒肉碎煎蛋炒飯$58食到少少辣嘅朋友仔不妨試吓呢個炒飯，裏面混和了大量香葉及辣椒肉碎，味道相當惹味，而且表面有一隻煎蛋裏面流心，可以考慮攪拌一同吃又或者其中一位直接食用！海南雞例牌$78食得泰國菜當然唔少得海南雞，例牌海南雞第一時間食個皮，非常彈滑，雞肉口感亦夠嫩滑，最重要係有個泰式嘅酸辣醬，令到整體味道食極都唔厭。青檸梳打$22 ×2青檸梳打亦可以選擇走甜，小清新充滿泰式風味。參考餐牌：

剛剛喺旺角先達買完野，早少少食晏先。沿著先達出嚟，望過對面，就見到呢間泰國小店。以泰國嘢來講，呢間餐廳真係抵食，尤其係午餐。食晏時間，見附近好多學生哥或在職人士黎食，或者外賣。金柚子鮮蝦沙律真係好啱夏天食, 凍冰冰、食落透心涼。柚子當造，清甜多汁，配埋爽口大蝦、花生碎、炸蒜片、原粒花生，配埋酸辣汁，好開胃。主食點左海鮮炒泰式SUKI 粉絲蔬菜有通菜、芹菜、黃芽白、蔥，附上大量海鮮，大蝦、魷魚等，餸菜比例好多，粉絲幼身爽口，粉量大超多料，讚👍🏼飲品點左椰青，清甜解渴。餐廳食物出品快，好味又多料，價錢亦抵，下次經過開都會再番黎食。

我同老友都最鍾意食泰菜，今日嚟旺角嗰邊，又冇book位，就求其搵間泰菜食，估唔到呢間阿來泰式都幾平靚正好彩一嚟到就有一張枱，坐低咗出邊就開始有人龍。大蝦柚子沙律～佢嘅柚子撈左泰式辣醬，比平時食到嘅柚子沙律更加濃味。辣椒膏蝦頭油海鮮炒飯～聽個名都知係濃味之選，不過其實食落口又冇想像中咁重口味，但整體而言個炒飯都係十分乾身香口。泰式鐵板蠔仔蛋～分量十分之多，兩個人都係好勉強先食得晒。蠔仔大小適中，材料新鮮，食落口有鮮蠔香味。鹹檸七及椰汁三色冰。

今日搭車去旺角，一落小巴就覺得肚餓所以喺附近搵嘢食，見到阿來泰依間餐廳，諗起都好耐冇食過泰國菜，同埋見佢都好多人排隊就入去試吓啦。入到去覺得佢嘅舖頭偏細，但原來佢係有2樓嘅，所以其實都可以容納到唔少人。咁首先睇佢嘅餐牌已經好吸引，因為好多都係喺出邊冇見過嘅。第一道餸叫咗鳳爪沙律，鳳爪酸酸甜甜都好開胃，用來做頭盤真係好適合，之後就叫咗一條明爐烏頭魚，佢係下面會用蠟燭點火來維持魚嘅溫度，魚食落好嫩，而且有少少辣味，仲要魚嘅size都唔細，以我平時唔太食魚嘅人來講，都覺得幾好食，之後仲有一個飛天通菜，通菜就偏辣少少，但炒得都好香用嚟送飯都好適合，最後就叫咗一個辣椒膏蝦頭油海鮮炒飯，見佢係推薦嘅食物所以就試吓啦，出乎意料地好食，成個飯都好香口而且份量都多，真係好好食

近排深深陷入左係泰國菜嘅魅力入面😂見返屋企㗎小巴側邊咁啱就有一間泰國菜就入去試試🤤基本上嘅泰國菜佢全部都有，睇啲圖同埋啲菜式名都已經好吸引。因為平時成日叫黎叫去都係果幾樣，所以今次打算試吓平時少啲叫嘅嘢。間餐廳上菜速度真係超快，啱晒我哋呢啲一入去就勁肚餓嘅人。飛天炒通菜。鍾意食辣嘅人一定要叫呢個！佢個辣好惹味，通菜炒得好入味索晒啲辣汁勁香，分量仲要唔少，出去食健康啲一定要嗌返碟菜🤤泰式明爐燒烏頭。個底都係用蠟燭起火，成條魚勁大隻仲要有好多菇喺上面點綴。條魚食落去好厚肉，平時食魚唔鍾意食皮，但佢呢一個連皮食都OK唔會好腥，如果可以再多啲肉碎同再酸辣多少少就更加正。個魚骨好容易起所以底嗰啲肉都可以好容易咁樣食埋。食到一半侍應仲好好咁樣問我地使唔使加熱同埋加湯👍辣椒膏蝦頭油海鮮炒飯。見佢Menu上面寫住推介就試一試，因為平時都係食開菠蘿炒飯同金邊粉今次諗住試吓新野。泰國嘢份量一如既往地主菜係好大碟，自己好鍾意佢嘅炒飯粒粒分明偏硬身，食落去香香地又唔會太辣，海鮮主要係蟹柳同魷魚仲有兩隻蝦，60幾蚊有咁大兜真係抵到痴線，下次有機會都會再encore。泰式鳳爪沙律。呢個幾有驚喜，因爲熱熱地所以想叫

在先達廣場傍邊的阿來泰式地道風味，到晚飯時間長期要等位，今晚與朋友來湊湊熱鬧，試試這裏的地道風味吧！酸辣鳳爪沙律$68, 份量算多，醬汁味道酸甜小辣，一般人都能接受的酸辣度，吃得太開胃了，我們連沙律配料都完全吃光。馬拉盞炒通菜$68，不算大碟，但炒得很有鑊氣！馬拉盞超香，有蝦米炒過，味道除了香濃，又可增加口感，通菜新鮮葉嫩無渣，怪不得幾乎每枱客人都點這個菜。泰式乾炒河粉(海鮮) $64,這個份量很澎湃，裝滿整隻碟，和朋友分著吃，大家都覺得很滿足！海鮮有魷魚、青口、蟹柳、大蝦、蝦 仁等，加上芥蘭和椰菜，除了有鮮味，還有甜味。而乾炒河粉很大片，與其他泰式餐廳不同呢！炒得夠鑊氣，吃得夠滋味！吃過濃味的食物，來兩杯飲品清新口腔。 這裏的龍眼冰$22,是夏日消暑良品，龍眼味夠香，粒粒龍眼肉又可以吃光光了，飲完喉嚨覺得清甜舒適，很舒服！椰汁三色冰$22,是我最愛的泰式飲品之一，椰汁味超香濃，很不錯哦！又有三色冰可以增加咬口，價錢也比一般泰式餐廳便宜，值得飲哦！食物味道是絕對滿意的，就是座位有點擠逼，因為真的太多人要來吃這個泰式風味，價錢也便宜的，全日免加一，不吸引才怪。

啊媽突然話想食軟殼蟹咖哩包 咁我呢個孝順女就突登book位同佢去旺角食門面坐位唔算多，如果高鋒時間黎較大機會等位 所以我地book左先兩個人嗌嘅嘢其實又唔多， 最梗要就嗌佢想食嗰個軟殼蟹咖哩包🔸火山軟殼蟹法包 $148個包都幾大舊，好多咖哩汁，個咖哩係黃咖哩，一啲都唔辣個軟殼蟹都正常size, 媽媽都食到好滿足🔸柚子沙律🥗 $68有兩隻蝦係入面，啲柚子都好鮮甜，酸甜酸甜咁，味道幾重，幾特別🔸椰汁三色冰 $22椰汁🥥冰係我每次食泰國菜必叫嘅飲品呢間嘅椰汁三色冰略甜都好飲唔好睇我地好似叫好少野食，齋個法包其實都塞飽左我地了因為大份 建議多d人share 今次都為滿足啊媽的食欲咋

食泰國嘢都唔一定要去九龍城，旺角都有好多，而呀來聽我啲朋友講性價比高，所以今日就嚟幫襯啦。 有兩層，環境有少許狹窄，幸好店舖喺衛生方面都做得唔錯。《泰式炸蝦餅》$78炸蝦餅係必食嘅美食，蝦餅大大件，略嫌有少少乾，但係外皮都幾脆，口感都算彈牙。《大椰汁雞湯》$98椰汁雞湯又係我最愛，呢個真係做得好出色。椰香味好出，而且酸味大於甜味，味道好好，裏面嘅配料包括雞件蘑菇都好多，抵食。《泰式肉碎生菜包》$78肉碎好大兜，生菜都比得多！至於味道方面正正常常，肉碎炒得夠香，又唔會乾。《泰式明爐冬陰功烏頭》$168烏頭又係好正，朔晒冬陰功嘅味道，但又唔會好辣，味道夠，不會淡茂茂！魚嘅肉質又夠厚實，滿足！ 總括嚟講，我覺得呢間可以再encore，難怪食完走嘅時候咁多人排隊啦。

以前我在晚餐時段光顧食店，在食店餐牌同時有提供「牛腩」、「雞」跟「白飯」三種食材的情況下，「主菜」飯類食品我通常會選擇「牛腩飯」、至於「小食」我通常會選擇享用「炸雞」或者「燒雞」食品。但是後來我在「旺角」「亞皆老街」跟「通菜街」交界舖位位置，找到一間泰國菜餐廳，泰國菜餐廳的實際名稱，叫做「阿來泰式地道風味」。我意外發現「阿來泰式地道風味」餐牌裡面，竟然沒有提供泰式「咖喱牛腩飯」。「阿來泰式地道風味」餐牌，有關「招牌小菜」食品一欄裡面，本來有「咖喱」的食品，「咖喱」字眼旁邊本來還包括有「牛」。可惜我詢問侍應，侍應卻告訴我「咖喱牛」裡面的「牛」只是一般手切「牛肉」片而已。本來我對「阿來泰式地道風味」侍應的答案有點失望，擔心自己需要在光顧「阿來泰式地道風味」之後，可能需要急忙光顧其他食店，尋找可以享用到「牛腩飯」的食店，但是「柳暗花明又一村」，我終於找到「咖喱牛腩」。我再繼續細心一看「阿來泰式地道風味」餐牌，有關「招牌小菜」「紅咖喱」食品一欄下方，忽然發現原來「招牌小菜」食品裡面，還有一款名稱叫做「黃咖喱牛腩煲」，這款不包含白飯在內的食品。結果我發現雖然總算是能夠在「阿來泰式地道風味」裡面享

行開旺角，晚餐同朋友想食泰國嘢，所以嚟呢度試吓～見有啲人等緊位，入面舖位又好似唔係好大，本身都諗住放棄，但見前面啲人都入得幾快，就等多陣，果然一陣間就入得。店員見我哋買完嘢拎住好大袋喺度等，仲幫我哋擺住喺入面先，好感動😹沙嗲串燒(半打$78)🍖我哋叫咗沙嗲串燒，有雞有豬沙嗲醬好香花生味但唔會太膩，啲肉都冇醃得太鹹，啱啱好👍泰式蝦醬炒飯($58)🇹🇭另外叫咗個泰式蝦醬炒飯，呢個係我全晚最欣賞嘅！炒飯好香好惹味，而且個飯炒得好乾身一啲都唔油。個飯賣相都幾靚，有啲蛋同臘腸喺面頭，啲臘腸偏甜，估唔到同啲飯個味咁夾。個飯嘅量都幾多，我哋兩個女仔食唔晒，都係58蚊，好抵食！仲叫咗個豬頸肉炒通菜($72)🥬豬頸肉配合通菜切成條狀，味道唔錯👌芒果糯米飯($58)🥭當然係唔少得食埋泰式甜品啦，芒果都幾甜！

話說我已經好一陣子沒有吃泰國菜了，這天跟男朋友在旺角逛街，路過這間很抵食的泰國餐廳，於是就想入去日常飽腹之慾。為什麼我說他是很抵食？因為我見到他的假日午餐餐牌也不用$50，而一般在市區的泰國菜也必定不會是這個價錢呢。一坐到入去，我想也不想就點了我最喜愛吃的泰式炒金邊粉，已男朋友就在全日餐牌點了泰式SUKI雞肉炒粉絲，另外點了一分泰式炸蝦餅。餐飲我要了一杯凍檸茶，查底夠香而不會苦澀。男朋友點了一個椰青，椰青很夠冰凍和清甜，十分解渴。泰式炒金邊粉送上來的時候真是嚇我一跳，因為比想像中大碟很多，對我來說就是兩個女生吃的份量，而男生也未必可以吃得完。金邊粉很足料，有雞蛋、豆乾、芽菜、花生碎等，每一口都有很多材料，而味道是鹹中帶點甜很開胃。我很喜歡吃金邊粉的時候，加上酸甜的調味料更加開胃。男朋友點的炒粉絲同樣是非常大碟，我覺得材料比粉絲還要多，成碟是滿滿的通菜和芹菜，還有雞蛋和雞肉，如果你很喜歡吃配料的話，這碟炒粉絲你一定會很喜歡。因為男朋友本身就很喜歡吃芹菜，節以他很喜歡這碟炒粉絲。泰式炸蝦餅炸得表面非常香脆，而裏面的蝦餅香軟又彈牙，點泰式酸辣醬十分好味。

見星期六，旺角處處都係人， 所以搵間餐廳等媽咪看完醫生後， 唔使在熱辣辣的天氣下還要搵餐廳，搵位， 等位， 所以即刻在openrice 搵間附近餐廳打電話看吓可唔可以即刻訂到位。感恩， 有位去到即刻落單啦， 才慢慢除口罩，點知， 快到呢👍👍真係好快，自己剛擺放好口罩，再用埋他們在每張枱上放置的消毒液清潔埋雙手， 已經有野食啦， 味道，價錢合理， 推介馬拉盞炒通菜，另我個人like ^泰式咖啡^另想讚吓啲職員有禮貌， 唔怕煩， 細心👍👍

今日同朋友一起去食午餐，突然兩個想食泰國嘢，然後就諗起呢間餐廳。餐廳部份有兩層地方唔大，但係夠地道☺️1.菠蘿🍍炒飯（成個飯都好足料，例如：蝦、肉鬆、魷魚🦑⋯）份量又多，整體味道都唔錯👍2.馬拉盞通菜（本人最鍾意就係食菜，個味道都好濃郁）每次去泰國餐廳都必點的菜式3.泰式酸辣鳳爪沙律🥗（味道酸酸甜甜好開胃，份量都多）4.椰汁三色冰（好香椰奶味，正常味道）5.椰子水（味道好鮮甜，會keep住好想飲）整體性價比都高嘅，價錢唔會太貴適中。所以會再嚟食。期望下次可以試吓其他嘅菜式