喺旺角街头揾食，竟然俾我撞到间超隐世嘅泰国菜——「阿来泰式地道风味」！餐厅唔算大，坚持用家乡配方，味道正宗得来价钱仲好亲民，绝对系打工仔同学生党嘅福音！✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🥢泰式湿炒河粉（牛）💰69河粉每条都挂满浓浓嘅泰式酱汁，甜甜哋又带啲微辣，仲有啲芥兰同红萝卜丝增加口感。牛肉份量唔吝啬，嫩滑得来唔会韧，仲有啲粟米仔喺里面捞匀一齐食，真系邪恶到极！食到最尾个底都仲有汁🥢泰式炸虾饼 💰88即叫即炸嘅虾饼，上枱仲热辣辣，咬落去「咔嚓」一声超酥脆！外皮薄薄哋系粉团，点埋个甜酸酱，酸咪咪咁更加带出虾嘅鲜味价钱稍贵🥢串烧沙嗲 💰88沙嗲串烧有鸡牛猪每串都烧到微微焦香，肉质保持到juicy唔会干柴最正系个沙嗲酱，浓稠得来有花生碎嘅口感，香浓带少少辣，仲有啲椰奶香，挂满成串肉食真系超惹味！如果再多两串都仲得啊～🥢蒜蓉包 💰39面包烘到外脆内软，蒜蓉牛油涂到满泻，香喷喷到隔离枱都望过嚟～咬落去𠮶阵蒜蓉味冲击好强烈🥢海南鸡饭 💰59呢个价钱喺旺角真系揾唔到第二间！海南鸡去咗骨，鸡肉超级滑溜，鸡皮爽口唔肥腻，仲有啲啫喱冻喺上面，油饭煮得粒粒分明，鸡油香浓但唔会腻，加左姜黄粉仲包一杯热饮，全日都可以叫✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫总括来讲，阿来绝对系旺角泰菜嘅隐藏宝藏！味道地道、份量足，价钱仲要好贴地，难怪平日夜晚都坐满人。如果硬要挑骨头，就系店仔细细等位耐啲✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫💰人均消费：$100🗺️ 地址：旺角通菜街97号地舖…查看更多
