阿來泰式地道風味

营业中

休息中

阿來泰式地道風味朋友相聚，約於交通方便旺角阿來泰國菜，正宗地道而且經濟實惠。員工親切有禮，時間尚早但下層已坐滿人，員工指示上一層用膳，招呼周到。泰式鮮蝦冬蔭功湯： 酸酸辣辣的湯裏頭有大量菇菌、鮮蝦和香料，非常開胃醒神。金柚子鮮蝦沙律： 柚子鮮甜多肉，鮮蝦彈牙，酸甜少辣，夏日清新開胃前菜。泰式滷豬髀： 豬髀軟腍入味，豬皮入口即化，啖啖骨膠原，滷水蛋亦非常入味。泰式鐵板蠔仔蛋：一上菜，熱辣辣，煎蛋金黃香脆，蠔仔新鮮冇腥味而且份量十足，蘸上泰式辣醬，香口惹味。泰式炒金邊粉：金邊粉細緻爽滑，加上鮮蝦、花生碎、雞蛋、豆腐乾、芽菜、芫茜等，酸酸甜甜，味道有層次，口感豐富。豬頸肉炒椰菜苗：豬頸肉彈牙，配上清脆爽口椰菜苗，充滿蒜香味，簡單美味。阿來泰式地道風味 (旺角)旺角通菜街97號地舖#阿來泰式地道風味 #阿來 #旺角美食 #泰國菜

餐廳位置就近旺角東火車站，交通都算方便，餐廳主打地道泰國菜，價錢相當實惠，座位有上下兩層，但門口仍然排滿哂人，建議預早訂位。我地分別叫左二人餐(B) 和二人餐(C)各一個，食物種類豐富。金柚子鮮蝦沙律不錯既開胃前菜，金柚子酸甜甘香，配搭上花生、辣椒、香草等，再加上泰式醬汁，味道豐富。海南雞例牌油飯有油香味，粒粒分明。主角海南雞口感滑嫩，雞皮油脂味濃郁，值得一讚無咩骨或碎骨，食落啖啖肉。燒豬頸肉燒豬頸肉可謂泰國菜名物之一，豬頸肉燒得有啲焦香，配上特調醬汁，都幾惹味，份量都多。泰式肉碎生菜包肉碎味道偏濃厚，咸香味十足，辣度可按個人口味選擇無辣、少辣或加辣，生菜新鮮色澤翠綠，一濃一淡配搭味道和諧。冬蔭功湯份量足夠幾個人飲用，材料都幾豐富，有大蝦、香菇、蕃茄仔等，正宗冬陰功湯底，香辣惹味，椰香味亦十足。泰式炸蝦餅外皮炸得香脆，厚度剛剛好，蝦肉肉質彈牙，附有甜酸醬沾點。青咖喱牛咖喱是泰式青咖喱，辣度適中，椰香味特別濃郁，配上牛肉片、洋蔥、四季豆等配菜，口感豐富，味道香口惹味。馬拉盞炒通菜馬拉盞味道香可惹味，通菜色澤翠綠通透，口感厚實粗壯，食落相當有滿足感。青檸疏打 / 椰汁三色冰 / 阿華田雪山

有冇人都一樣，問親成班fd食咩都係答是但是但！因為咁我哋就是但喺旺角入咗一間街坊小店食泰菜😂呢間餐廳雖然裝潢唔算豪華，但勝在夠地道，上菜快而且鑊氣十足！食物質素同價錢都幾吸引😽泰式乾炒雞河 $69最鍾意食泰式炒河，呢個河粉炒得乾身，雞肉唔鞋，配菜亦都爽脆，味道鹹香惹味，份量都幾多likeeee!👏🏽阿來海南雞飯🍚 $59朋友做尖要食健康啲，所以轉咗雞胸同白飯🍚 不過！個人認為要試一間餐廳做雞做得好唔好，就要食雞胸😎 呢份唔算滑，但都唔鞋！passss👏🏽泰式炒芥蘭 $69泰式炒芥蘭夠鑊氣，我通常鍾意食馬拉盞口味~ 芥蘭爽脆，蒜蓉味香濃，而且唔會太油膩😌串燒沙嗲 $88🐥🐽雞豬各3串，醃得入味，沙嗲醬夠香濃同多汁！🥥椰汁三色水椰汁 $6 跟餐🥥新鮮椰青 $38 呢間旺角街坊小店嘅泰菜味道地道，鑊氣十足，而且價錢合理，性價比高。雖然環境唔算豪華，但勝在夠乾淨企理，而且服務態度都幾好。如果想食一頓平靚正嘅泰菜，呢間餐廳絕對係一個好選擇！下次去旺角一定會再幫襯！

今晚又同朋友去旺角揾食，因為天氣熱，想食啲開胃的嘅嘢，一於去食泰國菜！之前食過一間喺通菜街嘅泰國嘢幾好食，但兩個人食唔得多，上次想試都食唔到，今次就去試埋啦！Let's go !今次好彩比較早黎到，下面未坐滿，侍應哥哥安排左我地坐埋一邊角落，靜靜地，他仲好貼心知道我地怕冷氣大風，特意調校，真係要俾個讚👍🏻第二個讚👍🏻就係上菜好有效率，等左一陣已經上齊，可能知道我地肚餓🤭 黎講下今次食左乜先：泰式無骨酸辣鳳爪沙律 $78鳳爪好入味，食落爽脆彈牙。酸辣汁調得幾好，酸得醒胃，辣度適中，唔會搶喉。加咗少少香芹同洋蔥絲，口感更豐富。泰式香芒蟹肉炒飯 $74炒飯炒得夠乾身，粒粒分明，鑊氣十足。蟹肉份量合理，鮮味突出，配上香甜芒果，鹹甜交織，幾有層次。馬拉盞炒通菜 $68通菜炒得翠綠爽嫩，火候掌握得幾好。馬拉盞鹹香濃郁，惹味得嚟唔會過鹹，送飯或者就咁空口食都一流啊！總括今次所試嘅菜式我同朋友都很滿意，旺區晚餐黎講每人平均$150唔使都都算經濟，而且坐得舒服，會再encore～

我同朋友最近去咗一間位於旺角嘅泰式餐廳，餐廳氣氛好輕鬆，服務員都好友善。以下係我叫過嘅幾樣食物，等我同大家介紹一下。泰式炒金邊粉呢碟金邊粉炒得好香，味道十足.粉身滑溜，配料新鮮，蝦仁炒得剛剛好，唔會過熟，整體味道又帶少少辣。泰式咸魚炒芥蘭呢碟炒芥蘭真係值得推介！咸魚嘅味道同芥蘭好對味，炒得夠香，啖啖都有咸魚嘅鮮味。泰皇咖喱火山軟殼蟹法包呢個創意菜式好吸引！軟殼蟹外脆內嫩，咖喱汁濃郁，包包都吸咗好多汁。泰式奶茶飲品方面，泰式奶茶一流！茶香濃郁，加埋少少奶，甜度剛好。熱龍眼水最後試咗熱龍眼水，清甜又滋潤

同朋友一齊嚟咗呢間泰國🇹🇭餐廳食午餐🤣$57「泰式豬髀飯 配 滷水蛋同埋泰式咸菜」包「咖啡或茶，凍飲加 $3，特飲加 $6，椰青加 $22」🤣：豬髀肉炆煮得非常軟熟，豬髀皮超級滑感覺有好多骨膠原🤣餐飲揀咗「熱檸水🍋」簡簡單單🤣$68「蒜蓉炒椰菜苗」：椰菜苗新鮮爽脆，加蒜蓉炒又好味啲啲🤣$138「海南雞半隻」：雞肉不同部位有不同口感而總括嚟講都夠滑兼且去埋骨所以啖啖肉食得方便又暢快😋；除咗雞肉滑雞皮就更加滑朋友同我都忍唔住食咗一兩塊雞皮😆；仲有一碟辣汁可以要嚟沾雞食🤣$78「燒豬頸肉」：「豬頸肉」一般都係脂肪含量非常充足，餐廳燒得香口幾好食🤣

夏天熱天又長期在商場逛街的情況，不知怎樣超想吃辣菜，於是跑了去食一間看來很熱鬧的泰菜餐廳，點了一系列小炒，首先是泰式乾炒河粉大大片的河粉，鑊氣十足，配搭香炒芥蘭及肥牛肉片，令人食指大動。然後是泰式suki炒粉絲，特色炒粉絲，豬肉蛋超足料地平均分佈在粉絲堆中，加上幼細的粉絲的質感在微辣乾炒下，份外香口。再來是泰式肉碎生菜包，新鮮生菜夾上辣度豬肉碎，清新又刺激的灼熱感，香辣惹味不帶油。之後是豬頸肉炒通菜，馬拉盞的濃郁味道滲透入每片菜葉中，熱抄好食。最後是薄餅，酥皮薄餅配肉碎粉絲亦可，夾著食實行一餅多餸口味，低食。

去到發現全場差唔多滿咗真係好多人啊！有好多都同老闆有傾有笑～睇嚟都係熟客😆幫襯完一次又一次！不過呢度價錢都好實惠，大概60至$80都可以食到好飽嘅泰國菜！1️⃣串燒沙嗲燒得好香，份量好足！2️⃣泰式炒金邊粉酸酸甜甜好開胃啊🤤仲有唔少蝦！3️⃣馬拉盞炒通菜冇諗過咁大碟！都唔係好貴！係抵食嘅！4️⃣芒果糯米飯呢個係我最愛😍糯米飯好好食😋好煙韌！芒果好甜呀～仲要份量好多！5️⃣龍眼冰6️⃣凍檸茶啲嘢飲都幾大杯，味道都唔錯！同fd每人唔使200！

Lunch time同啲同事來來去去都係食某啲餐廳好悶，今次有啲新意思，搵咗間喺我哋成日食米線舖頭旁邊間泰國菜小店，見到門口餐牌價錢幾抵食👍🏻🔺泰式Suki雞肉炒粉絲Suki呢個字係嚟自泰國「邊爐」嘅譯音，我哋揀咗雞肉，配菜有芹菜、通菜、雞蛋等等😆連埋秘製打邊爐嘅醬汁一齊炒，酸酸甜甜少少辣😋味道幾特別🔺燒豬頸肉肉嘅份量都唔少，每一片豬頸肉都幾厚切😍面頭有炭燒香味😇🔺泰式無骨酸辣鳳爪沙律同樣份量都好多，無骨鳳爪酸酸辣辣好開胃😚🔺蒜蓉炒通菜通菜勁大碟🤣入口好香蒜蓉味🥰幼框通菜都算幾新鮮👍🏻

👦🏻同朋友去旺角買電話，留意到一間泰國菜咁多人排隊，之後就一齊去排左15分鐘，呢間餐廳就係阿來泰式地道風味，咁我地叫左一個二人餐A，包括左以下既菜式同飲品，食完覺得好好味，所以推介比大家！🌟海南雞（例牌）海南雞雞肉結實，食落啖啖肉，極滑，例牌都夠哂兩個人食！雞肉配上泰式醬汁更加係昇華左一個層次，配上油飯簡直一流享受！🌟泰皇咖喱炒蜆炒蜆份量都幾多同大粒，大約10幾粒以上，隻隻蜆都開左口，咖哩完全入哂味。同時，咖喱汁用黎撈飯又係極佳既選擇。🌟馬拉盞炒通菜通菜完全吸收哂馬拉盞既味道，咸香惹味，帶有少少辣味，齒頰留香，份量充足。🌟油飯油飯粒粒分明，香茅既香味完全入哂飯度，值得推介！🌟龍眼冰/青檸梳打

旺角，對於我這個由細到大喺香港長大嘅人嚟講，係一個充滿回憶嘅地方。細個嗰陣，幾乎每個週末都會同家人或者朋友嚟呢度行街、食飯，感受呢個繁華鬧市嘅獨特氣氛。長大後，我嘅生活重心漸漸轉移到港島同新界，平日多數喺嗰啲區搵食同消遣，旺角反而變得好少嚟。近日，忽發奇想，覺得好耐冇同朋友仔一齊返旺角行街，於是約咗班老友，重遊呢個熟悉又陌生嘅地方。一踏入旺角，嗰份熱鬧嘅氣氛即刻勾起我好多回憶。行過熟悉嘅街頭，見到人來人往嘅景象，感覺好似時光倒流。喺眾多食肆中，我同朋友一致決定去食泰國菜——阿來泰式地道風味。簡約裝修，有種簡單而親切嘅泰式風情，牆上嘅裝飾同木枱椅都仲係咁熟悉，令人倍感舒服。我同朋友都係魚類愛好者，所以今次嘅餐單當然以魚為主角！點菜時，我哋毫不猶豫揀咗招牌嘅泰式明爐烏頭魚，魚肉鮮嫩，配上酸辣濃郁嘅醬汁就係靈魂，食到停唔到口。仲有泰式鮮蝦冬蔭功湯（小份），酸辣平衡，蝦肉彈牙仲要大大隻，湯底嘅香茅同辣椒味真是一個字：正！另外，我哋仲叫咗金柚子鮮蝦沙律，清新嘅柚子同爽脆嘅蝦仁一齊入口，簡直係夏日嘅完美開胃菜。串燒沙嗲（半打，豬肉同雞肉各半）烤得香噴噴，配上濃郁嘅花生醬，係經典嘅泰國街頭風味。泰式

旺角平價午餐，依加出嚟食lunch好少仲會見到5字頭又好食嘅餐廳。喺旺角返工嘅你，可以試下呢間餐廳🤩🔹阿來海南雞飯 $59海南雞好滑，份量足夠，配埋泰式辣汁簡直一流🤤油飯好大份，如果女仔嘅話，建議少飯。🔹豬頸肉星馬喇沙米粉 $53金邊粉份量好多，我諗一個成年男仔都未必食得晒🤣佢吸晒喇沙嘅味道，每一啖都好掛汁，喇沙好重椰漿味，又辣辣地，好正😋豬頸肉又厚切又淋，值得一試🔹跟餐飲 - 龍眼冰 (特飲+$6)俾左好多粒龍眼，好重龍眼味，不過建議少冰🔹跟餐飲 - 凍檸茶 (凍飲+$3)正常，茶味濃，叫咗少甜真係有少甜到👍🏻

「旺角有間人氣平民泰菜」小編今次就帶大家黎到旺角，同大家介紹一間長期排隊，由正宗泰國人主理既平民泰菜 一 阿來泰式地道風味🌟蒜蓉包 $39蒜蓉包烤得幾香脆，今次就嗌左黃咖喱點黎食🤤👍🏻🌟泰式黃咖喱(雞) $80黃咖喱食得出椰漿香甜，配飯又得，配蒜蓉包亦得，除左泰奶以外，又一泰菜標配 🤤👍🏻🌟泰式小食拼盤 $158泰式拼盤分別會有素春卷、泰式蝦餅、雞翼、魚餅素春卷：雖然系素，但炸得金黃香脆之餘亦非常足料🤤👍🏻泰式蝦餅：炸得金黃酥脆，肉質口感彈牙🤤👍🏻👍🏻泰式魚餅：經典魚餅，香料味十足🤤👍🏻雞翼：賣相幾靚仔，金黃之餘亦吾會炸得太乾身🤤👍🏻🌟阿來海南雞飯 $59招牌名物之一，睇相都可見雞皮爽脆，肉質軟嫩，而油飯亦食得出油香🤤👍🏻👍🏻🌟沙嗲串燒(豬 雞) $88串燒燒得夠香亦吾會過乾，一上檯已經聞到有花生香既沙嗲汁🤤👍🏻👍🏻📍阿來泰式地道風味地址：旺角通菜街97號地舖

再訪喺旺角通菜街嘅呢間泰國菜，上次試過佢嘅lunch，覺得食物幾正宗😋，今次再帶momo嚟試埋dinner, 喺Menu上面見到有幾款二人餐，最後揀咗B餐，因為食物基本上啱晒我哋平時會叫嘅口味😚勁豐富之餘，價錢亦都親民🫶🏻二人餐B($388)🥗金柚子鮮蝦沙律原粒金柚子，咬落超Juicy🥰鮮蝦爽口，配咗花生、炸洋蔥同泰式酸汁等等，清新開胃🤤🐽燒豬頸肉個人覺得豬頸肉係必點，（聽到隔籬枱都專登帶朋友嚟再食佢嘅豬頸肉🤣)切嘅厚度剛好，燒到個邊少少脆，但肉質唔柴亦唔乾，兼且彈牙👍🏻🐔海南雞（例牌)份量2個人食好足夠，肉質唔鞋，點埋嗰酸汁更惹味，配油飯一流☺️🥬泰式肉碎生菜包肉碎超大碟超足料🤣肉碎粒入邊mix咗少少肥肉，所以個口感層次更加豐富，帶有微辣，用生菜包住好refreshing🫶🏻🍞蒜蓉包 (+$10)加$10轉左1個白飯做蒜蓉包🤤有4大塊脆卜卜蒜蓉包，可以配埋泰式肉碎一齊食🤩套餐仲跟咗餐飲兩杯，分別叫咗青檸梳打同埋泰式奶茶🥤青檸梳打夠爽😝，泰奶甜度剛好🥰👍🏻

男朋友好中意食泰國菜，比我揾到旺角有間平民泰國餐廳，抵食之餘又好味，就帶佢試下😆🌟泰皇咖喱炒蜆蜆肉大隻得黎好鮮嫩，同咖喱好夾之餘仲帶點乖甜甜嘅咖喱香，睇見都流口水🤤🥬 泰式肉碎生菜包新鮮嘅生菜包住充滿香氣嘅肉碎，再搭配特製醬汁，每啖都充滿驚喜，口感清新惹味😋🥥 椰汁雞湯椰奶嘅香甜同雞肉嘅鮮美完美結合，飲落帶點酸辣好過癮🍚 油飯油飯粒粒分明，配埋咖哩食簡直一流👍🏻如果想揾地道嘅泰式風味，旺角阿來絕對值得一試💕