長發粉麵冰室

之前外賣鎮店之寶 - 新鮮雲吞+牛丸，回到家后自己煑.....嘩, 大大隻雲吞，滾水落，煑起嚟，已經聞到陣陣鮮蝦香味；雲吞煑熟上碟，第一口咬落，原隻蝦在雲吞內，蝦肉爽脆, 又有質感，調嘅味道啱啱好👍另一寶 - 彈爆牛丸，除咗彈牙兼夠咬口外，仲好有鮮牛肉味👍真係好好味😋😋👍👍…查看更多

友人試咗及第湯麵 話 咁……專登過去食晏 剛剛下午茶時段 鵝腸云吞湯麵+油菜+ 熱飲 $53唔知阿姐條數點計出嚟(畀咗)双併+$8 云吞又再+$1 = $50究竟係 +$8/+$9/+$12 好亂總結係唔識計數 以後叫單併講番“鵝腸” 新鮮肥美+云吞 2粒 虾爽 餐牌 冇咗焗豬扒飯 失望嘅午餐 有湯&茶 $45up下午茶 有茶冇湯 $38up 計落咁上下 唧是例湯$7元鐘意飲湯 就係擇 午餐咖喱牛脷飯+湯+熱飲 $45 咖喱 油膩 & 傑身 唔香唔辣 薯仔淋綿爛 感覺係烚熟再放入咖哩牛脷大量 5大片 厚身 太過淋 量多但唔buy 食剩……下午茶餐 蒜汁龍脷柳意粉 送熱飲~ $38龍脷魚柳 炸得香脆但冇配菜冇雜豆 蒜汁香味偏油膩 茶記意粉大淋但 例湯~湯味雜 湯色混濁飲咗一半都冇飲……檸檬茶~ 茶面浮油 唔識欣賞 冇飲…查看更多

之前在這個位置，都已經吃過一間類似的餐廳（會不會是莉來？ ），餐牌選擇也差不多，但這次內進，感覺好像裝潢不同了，內裏非常之光猛亮堂，以往就是黑漆漆的。但這兒的常餐選擇，仍然有那些鮑片，現在的常餐，還有滷水豬腩肉等等，於是我叫了一個滷水豬腩肉公仔麵，還可以配鹹牛肉奄列，另外就配了一個奶油脆豬仔包，以及熱奶茶。落完單要這一個常餐之後，才發現原來今天的午餐有咖喱牛脷飯，算吧，下次再試。想不到，只是12時左右，竟然咖喱牛腩飯都已經賣光。先來的就是奶油脆豬仔包以及奄列，鹹牛肉奄列，雖然只有中間的位置有鹹牛肉，但是鹹牛肉的餡料也不少，輕輕的微鹹，味道帶點牛香，牛肉配起蛋上來，味道自然好。奶油脆豬仔包，豬仔包細細的，不算烤到極為乾脆，但味道也相當不錯，旁邊的麵包皮香脆，其他麵包位置，原奶份量也不少，因此味道甜甜的，口感不錯。公仔麵的湯底當然普通，甜甜的，沒有什麼特別味道；但是滷水腩肉，味道就相當好，有些像譚仔米線那種腩肉，但是這兒的外皮更加厚身，有米線店的那種質素，而且份量也不少，足足有五大片，令人非常滿足。這兒附近的經典著名茶餐廳非常多，例如金源、又或是新華茶餐廳，因此要站着陣腳，其實都不容易，就是一次茶餐廳必備的奶茶。雖然這天都應該有30度，非常之炎熱，但是還是試一試這兒的奶茶。茶味非常濃郁，奶味亦都調校得剛剛好，不會太過濃味，雖然杯子比較細小，但是很快便放涼。看見對面的靚姐，沒有看什麼餐牌，本身打算要牛腩麵，但是店員答她沒有，然之後她隨口便說咖喱雞飯；最終端來的就是咖喱雞扒飯，那些雞扒，看來兩塊大大塊，剪得甚為好看，而家呢汁亦都看似濃郁，甚或至付帶點甜的那種，似乎這兒的飯也不錯。…查看更多

話說今日閒日放假，又訓晏左小小，就諗住求其落街食個下午茶，見到這間餐廳冇乜人，反而隔離嗰間就坐到滿，心諗唔通真係差得禁交關？等我試下先咁入到餐廳冇人理就梗架啦，之後見有一邊位冇人坐就就咁坐低啦，上手嘅殘餘大概等左5分鐘就有人收，收嘅時候瞪一瞪我，一位吓嘛。我話係。之後，我見佢收完就順便講埋，唔該要個焗豬扒飯熱奶茶。佢諗都唔諗，等等啦！我心諗都唔係好多野記姐，ok，我未食，我忍你，隔左冇耐佢攞住條布行返過黎，一邊抹枱就一邊係咁撞我部手揸嘅電話。咁我都忍，佢再送一句，焗豬熱奶下話？我話係嘅唔該。我1620左右入餐廳，佢1627就幫我落到單，之後1647，個飯就到，等候時間尚可接受，4點幾食個下午茶都係等20分鐘度。個飯味道ok嘅，但係如果比個揀多次，考慮到服務，價錢，味道同時間，我會比多2蚊食大家樂…查看更多

今日路街青山道，見到間茶餐廳門前掛放幾款小菜真實版在門口，幾吸引，一行四人順道幫幫襯吓，地方唔算寬敞，但整齊潔淨。原來餐廳細細，種類好多選擇，中，西式時仲有麵食餐等等。有啲特式菜款仲用螢光板顯示喺牆上。後來見到四人小菜，送半隻沙薑雞，就點咗四款。西蘭花少班塊碟頭唔算大，都有好塊魚塊，西蘭花稍硬，淋淋地會更好味。生炒骨甜酸汁調得幾好，啲排骨尚算有嚼口，喺送飯嘅美味小菜。砂鍋魚頭煲上枱熱騰騰，有半個魚頭大，豆腐，燒腩伴鍋，是晚最搶手菜式。滑蛋蝦仁蝦仁爽口，蛋件炒得算滑溜，合格啦。沙薑雞沙薑油淋上雞件，野味，雞肉不過不失啦。茶餐廳吃小菜算得抵食，味道都幾好，夠晒大眾化。…查看更多

早幾日經過門前看見放在門口的展示的樣版，一見鐘情決定要揾日入內試一試這道水煮牛肉。原來舖前的樣版每日轉款展示比街坊睇。今日正好放假，下午五點幾入到店內諗都唔諗直接叫左水煮牛肉，個餐跟白飯同例湯一碗。凍飲要另加配錢。我先講水煮牛肉，牛肉夠軟滑，配料有芽菜，雲耳，腐竹，色香味俱全。辣度麻度適中，不會淡而無味亦不會辣到食唔入口。最估唔到就係佢碗例湯都足料夠濃、可惜好细碗，若可大碗一D就正喇。飲品叫左凍央，師傅手勢沖得好，不會死甜多奶，有茶香。埋單連凍飲埋單$77我覺得也合理。食完之前仲見到老细回來，還互相來一過友善的笑容點頭。下次還會再試其他茶式，偷望見隔離枱的星州炒米也好像很好吃，留待下次吧。個湯太好飲，口快飲唒忙了影相，今天飲的是雞腳青紅蘿蔔煲豬展，但可能個碗太细，我碗湯內無雞腳的足跡，哈哈，，，但好夠火喉。店內環境光猛，坐位舒適，冷氣夠涼。侍應姐姐同叔叔友善。…查看更多

晚飯一支公，去左長發冰室。七點幾全部枱都full，要搭枱。因為開左年幾，環境都乾淨新淨。叫左個晚餐J，美國豬扒漢堡扒，揀左黑椒汁。隨餐跟碗例湯同熱飲，凍飲加三蚊。例湯幾足料，唔會好多油係上面，好似係蓮藕煲豬肉紅蘿蔔。塊豬扒超大塊，煎得幾香，味道唔錯。漢堡扒正正常常無特別。碟邊跟幾條菜，算係平衡番，唔會淨係得肉。個黑淑汁味道好濃，好喊，建議如果唔鍾意重口味，可以試下其他汁，或者叫佢少汁。整體份量都大份，男人食都夠。…查看更多

近排係深水埗發掘左一間平靚正嘅茶餐廳，一個星期食咗兩次，最鍾意佢哋嘅鵝腸麵， ＄39 ,有油菜，仲有一杯嘢飲添。間餐廳有中式、西式、潮式、仲有雲吞麵，選擇真係好多，價錢又抵，味道都唔錯，茶餐廳價錢，但係水準遠超過茶餐廳，絕對值得一試。…查看更多

長發茶餐廳去完明愛醫院，行落嚟搵嘢食，經過呢間茶餐廳，環境嘅光猛，入邊食物好多元化，有中式、有潮式、亦都有西式，而且價錢唔貴。鵝腸面配油菜＄39個蔥油超級香， ＄39 鵝腸份量都唔少，仲有一碟油菜，性價比梗係超級高啦。碟油菜雖然係送嘅，但係同出邊散叫嘅份量差唔多，絕對冇將貨就價。滷水拼盤＄68估唔到呢度嘅滷水做得幾出色，滷水滷得好入味。喜歡入邊有豆腐、紅腸、哦片、滷水雞蛋、都幾多元化。＄68 ,不過不失，如果大拼盤係＄98 ,下次多啲人嘅時候再試…查看更多

係人都知道深水埗長沙灣好多隱世食市，平時我都係食開長沙灣金源，貪佢個蝴蝶蘇夠香，蛋撻新鮮出爐。撞岩星期四去到例休，見午市隔離長發咁多人，過去試下。試左個滷味什錦飯，量足，夠大碟。有滷蛋，紅腸，滷腩肉，豬耳，咸酸菜。滷味入味，咸酸菜有驚喜。招牌靚湯，唔知椰子煲乜啦，總之足料，湯渣真係見到一條條椰子，清甜，唔似味精湯，哥哥仔私人醒多碗比我，讚。奶茶唔錯，同金源差唔多。埋單46凍飲，物有所值，唔怪之得午市咁爆。…查看更多

此店是新開的舊式粉麵茶餐廳。初見時以為是石硤尾大牌檔「長發」的入舖店，原來是誤會。此店裝修，檯椅簡樸，不似新開的茶餐廳。主要是經營粉麵檔，由粉麵師傅主理。標榜雲吞麵和豬手麵是招牌出品。雲吞是全蝦做，風格與傳統廣州雲吞麵不同。入口蝦味突出，細看體積與匙羹容量相若，約有兩隻蝦在內。即是比麥家的大，比沾仔的小，恰到好處。價錢剛好是權記（18元）與麥家（約30多元）中間落墨。茶餐廳食品方面，試了咸魚雞粒炒飯，其實是想飲蟲草花雞腳唐排湯和凍奶茶，以解酷暑。湯煲得似家中的，但竟然無雞腳。奶茶合格，普通問題是冰落得太多。咸魚雞粒炒飯不合格，因不是落單即炒，只是微熱，沒有爆氣，亦太乾。細看餐牌，晚餐套餐亦只是40多元，想亦是行貨。再看街坊少人食午市套餐，都是叫粉麵。D餐已售罄，原來是炒麵，可見街坊都知只是粉麵靠得住。…查看更多

25蚊一碗大蝦雲吞，我以為得三四粒，但竟然有五六粒，我數過粒粒都有兩隻大蝦，好抵食亦好好食。炸水餃香口，點沙律醬更易入口。鵝腸一般，下次會再去但唔會點呢道鵝腸。總的嚟講，環境唔錯，好快入座，服務員態度唔錯。…查看更多