鐵花村 (華禮大廈)

营业中

休息中

🦖北角台灣美食 鐵花村新分店✨北角鐵花村開左新分店，餐牌都唔同左～店鋪細細，都係傳統台灣小食，勝左價錢幾實惠！冬瓜茶綠茶自助飲斟✨超級紅燒牛三寶冬粉（$98）除左牛肉、牛筋同牛肚，仲有蘿蔔、枝竹、酸菜、魚皮餃等配菜，幾豐富~牛肉入晒味，口感軟腍，湯底就普通唔特別濃～冬粉爽口彈牙✨滷雞腿便當（$69）雞腿幾入味，但冇乜驚喜～內有大量咸酸菜，辣辣地又幾好食✨ 刈包（$36）一大舊豬腩肉，肥瘦相間肉香濃厚，食味道偏甜幾juicy，配左酸菜同芫荽🌿🦖鐵花村 📍北角琴行街5-7號華禮大廈地下14-16號舖

之前食過一次主店，地點都係北角，呢間係新開既分店，位置仲方便左🥰新店環境好靚，好有心思，好有台灣feel鐵花紅燒牛肉刀削麵湯頭麻香醇厚，夠哂濃郁，成碗湯飲哂咁濟😂，牛肉份量都好大方，大大舊，份量多，舊舊都軟嫩入味，仲有唔同既配料，刀削麵口感煙靭，整體非常好食🤤控肉便當控肉肥瘦相間咁，賣相好靚仔，肉香濃厚，食完係超級無敵滿足，好juicy刈包係必叫😍，一咬入口，入面夾住既炕肉係入口即化咁，肉香滿滿，配埋酸菜同芫荽，香氣十足，味道豐富🤤台灣名菜，滷味系列當然都要叫，叫左啲索汁既娃娃菜，魚鮫，凍豆腐個滷汁好好味，味道濃郁得黎唔會太過鹹👍🏻椒鹽排骨酥外酥內軟，外皮既椒鹽香都好出，幾香口仲有惠顧餐點夠$60，仲有得任飲冬瓜茶&四季春🫶冬瓜茶唔會好甜，非常好🤗

今次嚟到北角鐵花村正宗台式店，充滿台東風格的小店，裝修極具特色，地方乾淨企理，職員非常友善，食物水準高，價錢合理，性價比高之選蕃茄紅燒牛肉刀削麵蕃茄湯底味道濃郁又醒胃，配上幼燒牛肉肉質夠腍，刀削麵入口彈牙瓜仔肉燥便當每次去台灣都會食肉燥飯，今次叫左瓜仔肉燥，清清地，好啱我口味追加滷雞翼三隻滷水雞翼肉質幼嫩，非常入味甜不辣半份炸甜不辣好香口，又吾油腻，個人很喜歡肉鬆起司蛋餅 招牌菜肉絲起司蛋餅蛋味香濃，充滿肉鬆，加上拉絲芝士，滋味無窮鐵花奶茶、凍烏龍奶茶鐵花村的奶茶入口幼滑，茶味道濃郁

一向係鐵花村擁躉，新店位置更方便，一定要試啦，又唔錯喎，餐牌有啲唔同超級紅燒牛三寶刀削麵，牛肉湯香濃，牛肉、牛筋同牛肚都入晒味，口感軟腍，刀削麵爽口彈牙，仲有蘿蔔、枝竹、酸菜、餸子等嘅配菜，份量十足雞肉飯便當都唔錯，雞肉一絲絲咬落口感幾豐富，調味幾香口，仲有滷蛋、西蘭花同酸菜，好豐富府城炸蝦卷，蝦味濃郁，香口彈牙夜市玉米濃湯，勁足料，滿滿嘅粟米粒同蛋花，又香又滑驚喜係有勁出名嘅阜杭豆漿仲想推介鐵花村自製辣油，勁香口，又足料，夠晒層次小店提供嘅選擇都唔少，裝修報置充滿台北小店感覺，店員又親切又有人情味，真係好有心好有誠意

鐵花村新開的分店，專賣牛肉麵、滷味，今天下班買了一些滷味回家吃，味道跟在台灣吃的一樣，加上老闆自己炒的辣椒油真是絕配！連一般大集團都不在意的辣椒油，小店竟然如此講究，真的很用心啊！

今日留港撐本地，見同區鐵花村新分店冇人排隊，即刻衝入去！一開門聽到臺灣腔「歡迎光臨～～」，就此推開咗扇直達台灣嘅任意門🌿 店細細但好 chill，木凳木枱 + 牆上貼滿台灣地區名，台式氛圍滿到瀉～員工話新店主打牛肉 + 鹵水，推薦牛三寶，可惜但我唔食內臟，轉點紅燒牛肉冬粉，好有驚喜！🥣 當歸味湯底好濃，飲第一啖暖笠笠直沖脾胃，成身發熱，一啖接一啖聽唔到口～🐂 牛肉份量超足，好腍，配燕餃、魚餃仲夾；最正係，豆干同冬粉吸晒湯汁，咬落齒頰留香，勁入味，食到停唔到口！性價比超高🍵 仲有無限續杯四季春茶（真係原片茶葉浸泡），飲到飽都得，解膩又清爽～⚠️ 但有 2 個小扣分位：    1.試業中只收現金，記得帶銀包！    2.店鋪有 2 度入口，空調好似唔夠力，食到後尾飲熱湯搞到標晒汗，店家要留意下啦～PS, 店家的卡片摸起超有質感，設計得好靚，忍唔住要留影~