鐵花村 (華禮大廈)

营业中

休息中

嚟到鐵花村呢間新分店，店面裝修好靚，有好多彩繪畫又有好多天燈嘅吊飾~打卡一流鐵花村呢間小店係由台東人老闆主理，使用台灣食材~ 口味夠晒正宗，保證台味滿載舖頭主打嘅紅燒牛肉麵🐮我哋就貪心啲揀咗牛三寶刀削麵（仲可以揀米粉，冬粉）~除咗牛筋、牛腩、牛肚、紅蘿蔔、青菜同酸菜呢啲大路有嘅材料之外，佢哋 default 仲有埋凍豆腐，靈芝菰，豆皮，魚餃同埋燕餃添！超豐富份量十足~ 湯底帶點藥膳風味，唔會好鹹好膩反而幾清爽喎~ 姐姐仲建議加埋佢哋嘅自家炒制辣醬，加咗之後超香好加分！惠顧主食仲可以優惠價加配小食，我哋叫咗排骨酥~金黃酥脆嘅外皮包住鮮嫩嘅肉排，好突出嘅五香味（好啱配啤酒呀！！！——）刈包 - 呢度嘅刈包做得好好係傳統嘅古早風味~鬆軟嘅荷葉餅入面有肥瘦相間嘅滷五花肉、酸菜、香菜同埋最緊要嘅靈魂花生粉 （香港好多舖頭啲刈包唔知點解係無或者勁少花生粉，失色）~厚厚嘅五花肉睇落肥嘟嘟但食落就香噴噴！ 🤩滷味 - 幾正係可以自己揀選款式~豐儉由人同埋一定啱口味~例如我哋最愛嘅豆皮、燕餃，滷蛋同埋米血糕~ 另外惠顧滿 $60 就可以自由斟佢哋嘅是日飲品~我哋當日有四季春，冬瓜茶同埋台式奶茶三款~大推

喺Social Media有人向我推介依間餐廳.每次lunch想去食, 都勁多人排隊.最近餐廳開咗新分店啊, 終於有機會試!新分店裝修都好有心思.牆身壁畫全部都係手繪, 細節滿分.而且店員態度超好.兩間店菜單會有啲唔同.除咗套餐, 愛群商業中心分店會賣蛋餅同冰.新分店就會賣滷味同刈包.今次叫咗兩個套餐同一份滷味.鐵花紅燒牛肉刀削麵 (HK$79)牛肉軟腍入味.配埋燕餃、魚餃、豆皮、靈芝菇、紅蘿蔔, 超豐富!刀削麵彈牙.湯底微辣帶藥材香.食完個麵唔覺得口渴.特別推介佢哋自家製辣椒油.落少少喺麵度, 風味即刻提升咗.控肉飯便當 (HK$69)控肉肥瘦均勻, 入口軟嫩.滷汁香濃, 撈勻個飯食.好正!配埋酸菜一齊食, 平衡咗控肉嘅油膩感.好好食.滷味：滷蛋 (HK$6/顆)、靈芝菇 (HK$10)、豆乾 (HK$12)今次試咗幾款滷味.全部滷味都好入味.我覺得加少少自家製辣椒油更加惹味.套餐係包飲品嘅.呢度好多飲品都係台灣直送.蘋果西打 (+HK$8)呢款飲品我係未飲過, 所以就加錢試吓.蘋果汁味道唔會太甜.我都幾鍾意.阜杭豆漿 (+HK$8)原來阜杭豆漿有出支裝.樽寫明有加糖, 所以有啲甜味

掛住台灣夜市嘅地道滷味或便當風味嚟北角的鐵花村新店就對了！！！之前就一直很喜歡吃他們家元祖店的出品，最近聽大大講原來佢哋喺北角開多咗一間鐵花村，我原以為係元祖店2.0～ 一嚟到就感受到不一樣風格了😛但一樣的是他們的溫度🥰好有鄰里感嘅親切友善。一坐低即刻睇到Menu嘅唔一樣😂由於太餓已即刻⭕️⭕️紙落單～牛肉刀削麵係帶有紅燒藥膳湯底，面身彈牙有口感。據知係台灣直送的新鮮即製刀削麵底難怪口感咁好。牛肉肉質鮮嫩配菜仲好豐富有靈芝菇、紅蘿蔔、燕餃、豆腐👍我哋仲配埋酥炸排骨外脆內有咬口，餐前小食一流。台式燒肉便當，係燒過再炸的控肉，肉口感外酥脆內甜身肉味香濃軟腍👍酸菜唔會太咸帶點爽口微辣撈埋飯好好味而且又可以解膩，飯仲有半顆滷蛋、花枝、肉腸同西蘭花相搭比例很好。玉米濃湯，有帶少許牛油香，蛋花滿滿，粟米香甜😋😋夜市滷味叫叫叫咗好多😆其中嘅牛筋好Q膠原滿滿感、牛肚入味濃郁，白蘿蔔又夠清甜、甜不辣和米血糕口感跟夜市吃到的很一樣🥹是台灣的味道～刈包，包皮香軟，控肉嘅半肥半瘦香甜軟腍，配有少少酸菜同芫荽，加上花生糖嘅微甜，口感十足。味道同台灣食到的味道一樣😌新店嘢飲係自行任斟🤤今次飲咗冬瓜茶同四季春都好唔錯，

今晚終於去左鐵花村新店，雖然今次係買外賣，但絕對無因為外賣而失色試咗滷水食物（原店少款啲🤭）有好多素食選擇，我揀咗豆腐干、粟米筍、靈芝菇、山削麵～～ 看似唔係好大碗，但食落份量十足，而且唔會好咸，唔會好搶，食材亦好新鮮，除咗滷水味仲能夠食到食物本來嘅味道，讚

「歡迎光臨」用台式普通話去講，係咪即刻有返到台灣嘅感覺。見到佢有滷味，我即刻叫咗（粟米心、豆皮、金菇、秀珍菇、甜不辣、海帶重點加咗個王子麵）。滷味好入味，咸香得黎每一種食物都無over cook保持到口感🫶🏻🫶🏻一定要加埋佢嘅秘製辣椒油，勁香好好味。台東控肉飯，上枱見到兩嚿五花肉，以為佢好流啦，點知入口即溶、滷汁香濃加埋酸菜好好送飯。佢啲小食仲有半份半份咁嗌，我哋嗌咗排骨酥同埋鹹蛋黃芋泥，兩個都好出色。台灣嘅芋泥真係冇得輸，配埋鹹蛋黃，好夾好好食。排骨酥有南乳嘅味道，而且炸得好鬆化，冇油膩嘅感覺，都好好食。而且佢出邊仲有自助嘅茶飲，每日都會轉我哋去嗰日係冬瓜茶同埋無糖茶，聽講有時會有珍珠奶茶🫰🏻🫰🏻

鐵花村係同一區開左分店 位置仲方便左😚餐廳環境以手繪佈置 同舊店一樣都有好多熱氣球😙老闆娘話兩間分店menu都有d唔同 舊店有蛋餅 芋圓😍新店有滷味 仲有飲品bar (四季春 冬瓜茶)🤗✨滷味 (蛋 海帶結 娃娃菜 魚餃 豆皮 甜不辣) $70✨控肉便當 $68✨排骨酥 (半份) +$20✨牛三寶刀削麵 $98✨甜不辣 (半份) +$20滷味嘅選好多 又滷得入味 由其隻蛋!!! 海帶結爽口😆肚餓嘅仲可以加王子麵/刀削麵 作為主食😙控肉厚切 肥瘦相隔嘅滷五花肉 肉質勁腍 加小小肥撈飯正😍牛三寶有牛肉 牛筋 牛肚 仲有冰豆腐 魚餃 支竹好多料😳湯底好清 有啖啖藥材味 刀削麵係我中意嘅煙韌口感🤗套餐又可以加配細份小食 每次見到有甜不辣都要嗌😋📍地址: 鐵花村 北角琴行街5-7號華禮大廈地下14-16號舖北角丹拿道18號愛群商業中心地下6號舖

一進店看到色彩繽紛的壁畫和天燈裝飾，掛滿台灣風景相片和名信片，氛圍感滿滿，令人感到舒適放鬆，店舖主力賣台灣夜市必吃的滷味皮蛋豆腐 $30經典台灣冷盤，豆腐嫩滑，配皮蛋和醬油膏，加上肉鬆，咸甜滋味打開味蕾牛三寶冬粉 $98配排骨酥(半份) $20湯底濃郁藥材味，牛三寶包括牛腩，牛筋和牛肚，軟嫩入味，配料還有燕餃，豆腐等，冬粉吸飽湯汁，份量夠2人分享排骨酥半份的份量也不少，炸得外酥脆香口滷味滷蛋 $6/ 白蘿蔔$10/金針菇$10/西蘭花 $10/滷甜不辣$20/滷牛肚,牛筋$35/王子麵$12還原回憶中的夜市味道，特別一讚滷甜不辣外微脆內煙韌，蘿蔔完全無渣清甜，每款都非常入味豆漿 $8/冬瓜茶（免費）每款套餐可免費自助飲品，有四季春（無糖）和冬瓜茶（有糖），我試了冬瓜茶，不太甜，味道不錯豆漿跟餐+$8,原支送上，豆味香

今日同朋友去到位於北角一間充滿台灣風情嘅餐廳，餐廳掛滿了天燈，牆上的手繪壁畫和手繪台灣鐵路路線，都充滿台灣的味道。府城炸蝦卷外皮金黃酥脆，咬落去蝦肉鮮甜彈牙，搭配微微酸辣嘅醬汁，味道層次分明！ 台式滷味拼盤可以自己選擇想要嘅滷味，我哋揀咗凍豆腐、魚餃、牛筋、牛肚、粟米筍、蘿蔔。滷汁香濃入味，每樣食材都吸飽湯汁。凍豆腐軟嫩多孔、牛筋同牛肚燉到剛剛好，軟糯又帶嚼勁；蘿蔔清甜無渣，粟米筍爽脆，魚餃餡鮮。鐵花紅燒牛肉刀削麵湯頭濃郁帶微微辛辣，牛肉大塊又燉到軟嫩，刀削麵厚實Q彈，每一啖都充滿牛肉同香料嘅香氣，食完很滿足。鐵花排骨酥便當排骨酥炸得外脆內嫩，醃得入味，搭配滷蛋、時蔬同炸菜，經典台式便當組合。珍珠米飯粒粒分明，淋上少少肉汁，簡單好吃自助飲品吧最驚喜係飲品區免費任斟！冬瓜茶清甜解膩，四季春茶甘香，食完濃味嘢飲返杯，很舒服。

行過呢間台式小店，第一眼就畀佢門面吸引住唔係嗰啲大排長龍嘅連鎖店，而係一間有性格嘅小店入到去，環境好舒服，牆上仲掛咗幅超靚嘅油壁畫——係台南熱氣球主題，色彩繽紛又有台灣味，睇得出店主真係落咗唔少心機仲有就係價錢相當親民飲品仲可以無限添加，店主一啲都唔計較🍲 麻辣鴨血臭豆腐冬粉一上枱就聞到陣陣麻辣香，唔係死辣嗰種，而係有層次、有香氣鴨血滑得嚟又夠厚身，臭豆腐真係有台灣嗰種「臭得啱啱好」嘅味道冬粉吸晒啲湯底，食落口又唔會爛晒，啖啖都好惹味呢碗真係有台灣夜市feel🍱 台式燒肉便當呢個便當好有誠意，唔係得塊肉咁簡單。用左鹽酥炸漿包住五花肉，驚喜嘅係完全無油膩感❤️入面仲保持嫩滑，配菜有滷蛋、酸菜、炒青菜，全部都係台灣味🍢 台式滷味拼盤滷味真係一絕，滷水香得嚟唔會太鹹太膩呢個滷味係自選餸的最鍾意係滷牛肚、牛筋、玉米筍、白蘿蔔等，配埋自家炒嘅辣椒油仲正，好香

鐵花村喺北角華禮大廈開咗間新分店，同主店嘅嘢食完全唔同，有鴨血同各式滷味。餐廳牆身係手繪畫，掛滿台東特色打卡相，老闆娘熱情好客，人情味濃，加上價錢合理，絕對係平日食飯嘅好選擇！.🌟超級紅燒牛三寶刀削麵 份量十足，牛筋、牛肚、牛肉炆得淋滑入味，湯底濃郁帶少少辣。刀削麵厚薄適中，煙韌有咬口，索晒湯汁更加好味。整體味道平衡，食完超滿足。.🌟刈包 刈包外皮軟熟，入面嘅滷肉燉到好淋，帶啲甜醬香。灑上嘅糖粉粒增加脆脆口感，加埋酸菜同芫荽更加有層次，食落滿足又唔膩，係經典台式風味。.🌟各式滷味 滷味好有台灣特色，牛肚爽口彈牙，牛筋充滿膠質，入口即化；甜不辣吸晒滷汁，好有咬口；凍豆腐啲窿窿爆滿湯汁，一咬就爆汁；滷蛋連蛋黃都入味，鹹香十足。整體滷汁甘香唔會死鹹。.🥤餐廳有自助飲品，定期轉款，任飲唔嬲🥤

香港地工作好忙，總會想搵個地方喘吓氣、抖吓腳，而我就選擇咗嚟到位於鐵花村呢間充滿溫度感嘅台式小店🏮。入到去嗰一刻，裝潢細節已經勾起我對台灣街頭小店嘅回憶🇹🇼，唔止有舖頭名好文青，連牆上都有好多關於台灣嘅小資訊📰，氣氛好放鬆🪑。配住一碗熱辣辣台灣味🍜，真係忍唔住想即刻飛過去玩返幾日🍖牛三寶新竹米粉 $98湯底係藥膳風味🌿，飲一啖已經聞到香濃中藥材味🫖，不會過鹹亦唔膩。牛肋條🐂、牛筋🦴、牛肚全部都滷得夠晒入味，牛筋尤其夠晒腍但唔爛，口感啱啱好。新竹米粉比一般港式米粉更加滑身有彈性🍲，吸晒湯汁精華。仲有魚皮餃、青菜等🥬，非常足料💯！🍗加配小食：排骨酥（半份） $20外皮炸得酥香🧄，食落去唔會太乾，入面嘅排骨軟熟得嚟又有肉汁🥩，同米粉一齊食真係絕配💘！只係$20，性價比超高💸。🥛阜杭豆漿 $8飲落去濃濃豆味🌰，味道天然👍，有啲似維他奶嘅濃味升級版🦐府城炸蝦捲 $35炸得好香脆🔥，餡料飽滿，除咗蝦之外，仲有豬肉、蔬菜等🥕🥩，層次豐富唔會得個炸皮。點埋佢嘅甜辣醬一齊食🌶️，鹹香又開胃，好有水準👏。🍢台式滷味滷蛋 $6🥚、白蘿蔔 $10🥔、玉米筍 $10🌽、滷甜不辣 $20🍥一上枱已經聞到濃郁滷香😌。

雨夜的浪漫晚餐，知道Lee間係鐵花村新開ge分店，今晚同個女性朋友來試試先，一行入去好有台灣風味小店feel，真係好似去咗台灣食嘢咁！1.紅燒牛肉炆得軟腍入味，新竹米粉吸晒啲汁，滑溜溜夠彈牙，一啖肉一啖粉，鮮香夠晒喉，正！2.椒鹽排骨酥外皮香脆，肉嫩多汁，鹹香夠味，配白飯食一流，齒頰留香，食到舐舐脷！3.甜不辣外皮脆卜卜，內裡彈牙，熱辣辣咬落去，香到舐舐脷，停唔到口！5.凍豆腐吸晒湯汁，軟嫩入味；燕餃皮滑肉鮮，彈牙多汁。熱辣辣一碗，鮮香夠喉，正！6.東坡肉酥爛入味，油香四溢，夾埋刈包軟綿，鹹甜平衡，一口落肚，滿足到眯眼！7.芋頭糕綿密帶香，鹹蛋黃油潤甘香，兩者融合得剛剛好，一口落肚，滋味十足！8.出面嘢飲任飲,有四季春同冬瓜茶。食咁多嘢都係$271，一定會再嚟！

鐵花村開左新分店？食嘅嘢仲要大大不同，仲有夜市食到嘅滷水，同埋麻辣鴨血！🥩牛肉刀削麵刀削麵麵條口感煙韌有嚼勁。牛肉炆得夠腍又入味，湯底濃郁帶牛香，飲落暖身又滿足🌶️麻辣鴨血臭豆腐冬粉麻辣湯底香辣惹味，唔會死辣。鴨血滑嫩，冬粉吸盡湯汁精華，加埋臭豆腐一齊食，辣得過癮又開胃！🍠芋頭蛋黃卷外脆內軟，芋頭香甜，蛋黃鹹香濃郁，層次豐富，食落唔膩🥚滷蛋、海帶結、靈芝菇、娃娃菜、魚餃各款配料滷得入味，滷蛋香滑，海帶結爽口，靈芝菇同娃娃菜帶出蔬菜鮮甜，魚餃彈牙。可以自由配搭😋

見最近北角開咗間新嘅台式小店，原來係鐵花村嘅第二間分店😍 呢間小店係台灣人親自主理嘅，所以野食超正宗，大部份材料都係台灣親自運過嚟㗎😇 佢啲裝修好特別，有一種台灣嘅感覺，嘢食當然帶有台東嘅風味啦😋 呢間分店仲有自選滷味添🤩芋頭蛋黃卷 🥠呢個小食都幾特別，鍾意食芋頭嘅一定鍾意呢個，好多芋頭蓉入邊仲有粒蛋黃添😋滷水拼盤 🫓其中一個幾出名嘅係滷水小食，有好多選擇揀㗎，而我最鍾意嘅係滷水蛋同埋滷水豆乾，仲叫咗蘿蔔同埋娃娃菜添🥬滷雞腿便當 🍗台式便當一定要試呢個滷水雞腿，大大隻嘅雞腿，好香嘅滷水味😌牛三寶刀削面 🍜牛三寶係包括咗牛肉、牛肚同埋牛筋 🐮 刀削麵好彈牙，湯底都啱啱好，值得一試😊蘋果西打 🧃呢個蘋果西打第一個台灣飲品嘅代表，未試過嘅一定要試吓😆阜杭豆漿 🥛第一次試阜杭豆漿，好香嘅豆漿味，好飲👍

成日都間唔中想食台灣嘢，之前食過北角嘅鐵花村覺得好正咁啱去開北角發現佢開咗個新分店，即刻試吓先新分店個店員比較細，不過侍應姐姐都非常之熱情，服務一流牛三寶刀削麵$98湯底係紅燒牛肉麵嘅湯底，牛骨味濃少少辣更惹味刀削麵同個湯底好夾，牛筋牛腩都炆得好入味滷雞腿便當$69除咗滷水雞髀大大隻之外，仲有台灣腸、花枝丸唔少嘅配菜自選滷味拼盤大食會揀咗杏鮑菇、海帶、粟米同埋凍豆腐滷水汁自帶鮮甜，惠顧滿$60就可以任飲冷泡茶同冬瓜茶，淨係呢樣都贏晒