鍋霸吃到飽台式養生火鍋 (莊士倫敦廣場)

营业中

休息中

今次同朋友黎佐敦鍋霸打邊爐，揀咗任食套餐，可以食足4.5個鐘，由頭食到落尾，晚餐都慳返🤣🤣仲有Mövenpick雪糕做結尾，正到癲啊！ 我哋叫咗鴛鴦鍋，一邊係爆漿熔岩芫荽鍋，另一邊係番茄麻辣雞鍋（小辣）。芫荽鍋一上枱就見到成鍋青BB，湯面鋪滿新鮮芫荽，滾起時個香味攻過嚟，勁正， 芫荽迷必叫！至於番茄麻辣雞鍋，小辣啱啱好，番茄嘅酸甜平衡返麻辣味，雞件都勁嫩滑勁入味。海鮮狂熱！瘋狂叫😝今次最驚喜係海鮮，游水海蝦同是日海鮮（今次係蜆）新鮮到爆！海蝦爽彈，蜆肉鮮甜冇沙，我哋encore咗4-5轉，真係食到停唔到口。Prime肥牛片Lv2 既Prime肥牛片油脂分布均勻，淥兩淥就食得，牛味濃郁，肉質軟嫩，我哋都encore咗幾轉，另外沙茶牛肉都唔錯，醃得入味，唔會韌。 打邊爐必備配料台灣鴨血滑溜溜，鹵水豬大腸吸晒湯汁，完全係麻辣湯底嘅好朋友。佢地手打丸子細細粒，唔驚食飽👍🏻👍🏻手工黑松露墨魚丸超有驚喜，松露香突出，墨魚肉彈牙。炸魚皮同響鈴卷浸湯三秒食，脆中帶軟，索晒湯精華～蔬菜方面，皇帝菜同鮮蒿筍新鮮，仲有羽衣甘藍擇😲清一清個口剛好。 完美結尾：皇子麵+Mövenpick雪糕食到最後，我哋

我同朋友真係勁鍾意打邊爐所以lunch 都去左食鍋霸， 佢可以坐好耐， 食好耐吹水好耐！ 1200 可以坐到1600 嫁！ 我哋叫左假日LV2Prime Grade牛， 蕃茄豆腐湯底， 仲追加埋海鮮！ 出邊可以嘢飲？， 佢勁貼心有一個暖櫃， 入邊放咗啲暖暖嘅嘢飲，例如有維他奶嗰啲，啱晒唔飲凍嘢嘅朋友！ 食物方面可以喺個app度自己叫， 跟住佢哋又好勤力收嘢， 服務都幾好！ 我哋都差唔多食咗成三個鐘， 但係一路食一路傾，我哋枱面都非常之乾淨， 成個感覺都好舒服！

放假最想同朋友傾多陣，呢排轉涼咗啲想打邊爐～多數同朋友食鍋霸都係夜晚，今次食咗晏晝覺得都好正啊！🥰我哋揀咗美國Prime Grade 牛肩胛肉！套餐裏面已經包咗好多嘢食，有牛、豬、雞～🐷同埋好多小食，包括牛柏葉、鴨血、炸魚皮等等❣️湯底好貪心，揀咗鴛鴦鍋😆藥膳椰子雞涮涮鍋配沙茶牛肉涮涮鍋🌸兩個鍋都好有特色～❤️一邊好清好開胃🤤另一邊比較濃味易入味啲！我哋加咗海鮮，因為我好鍾意食沙白、蝦同埋帆立貝❤️嘢飲區都好多嘢！好鍾意佢自己整嘅茶～全部都好開胃！❣️醬汁都有好多～～仲要有雪糕食真係無敵！總括而言，我覺得性價比極高啊！好推薦！因為係食足四個鐘！仲要職員都好親切，上嘢都好快🥰我哋加海鮮🦞甚至升級咗個套餐～加埋鴛鴦鍋，每人都唔使$300 ！

任飲任食火鍋黎講呢間都幾高𝘊𝘗值揀左第二平嘅$198牛肩胛肉餐估唔到𝘥牛唔錯喎，唔肥又唔鞋口食多幾舊都唔會有罪疚感🤣鍾意佢湯底好多選擇今次揀左花膠雞湯底係好真材實料有大大舊花膠見加$40可以任食海鮮，又貪心試下咁就可以無限添食花膠同海蝦、花甲、鱔片...好滿足😍話明台式火鍋，真係幾正宗去台灣打邊爐必食嘅鴨血、台灣腸、萵筍都有齊飲品都好多款式冷飲熱飲有糖無糖都有幾符合佢個養生主題最開心係有好多靚雪糕揀🍦🍨𝘔𝘰𝘷𝘦𝘯𝘱𝘪𝘤𝘬, 𝘏𝘢𝘢𝘨𝘦𝘯𝘋𝘢𝘻𝘴, 𝘋𝘳𝘦𝘺𝘦𝘳‘𝘴 都有最後幾欣賞佢服務幾好，上菜又夠快店內抽風夠強，食完唔會成身邊爐味📍鍋霸吃到飽台式養生火鍋佐敦彌敦道219號莊士倫敦廣場6樓

呢度有唔同嘅火鍋放題套餐，我哋就揀咗中價位嘅LV3任食火鍋套餐$218/位，追加海鮮$40/位。叫咗個胡椒豬肚雞鍋，整體感覺不錯！首先講個湯底，胡椒豬肚雞鍋一上枱就聞到好香嘅胡椒味，湯底奶白色。豬肚爽口，雞肉都算嫩滑，飲完暖笠笠。我哋追加咗任食海鮮，有帆立貝、海蝦、蜆、花膠片等。帆立貝同海蝦都幾新鮮，蜆鮮甜，冇沙。花膠片厚身。肉類方面，我哋叫咗伊比利亞黑毛豬、無激素豬肉片同prime 肥牛片。伊比利亞黑毛豬肉質唔錯，有少少油脂，食落幾香。無激素豬肉片、肥牛片都OK。至於其他配料，魚皮餃、手工黑松露墨魚滑、手工三寶丸、手工白菜豬肉餃、炸魚皮、白魚蛋等等，質素都幾好。手工黑松露墨魚滑就幾有特色，食到淡淡嘅黑松露香味。

今日去左呢間台式火鍋店，佢嘅午市火鍋放題店168蚊起，食足4.5小時，12點食到4點半。任飲任食。最正係星期六，日都有呀。星期一至五黎，仲有88折添😆 - **食材高質**：食物方面比想像中高質。我揀左LV 3嘅西班牙姨利比亞黑毛豬，218蚊嘅價錢但食到肉質鮮嫩嘅黑毛豬，肥瘦均勻嘅Prime Grade美國安格斯牛肩胛肉以及無激素豬，仲有多款手打丸選擇，加多40蚊仲可以任叫海鮮，海蝦大隻新鮮，花膠夠爽口。CP值超高飲品也是無限自取，特別攞介2款自家制飲品，好有台灣風味。- **多樣湯底**：有麻辣、藥膳，番茄等多種湯底選擇，我今次揀左第一次見嘅台式古早牛肉涮涮鍋， 即係台灣牛肉麵嘅湯底。好香，夠哂濃郁。 即刻想掉個麵落去煮呀。- **舒適環境**：座位以卡座形式為主，好闊落，非常好坐- **服務周到** ：食物上枱速度好快，無乜漏單情況，而且收碟速度都好高，唔使放到成枱野， 讚這間火鍋店價錢唔貴，但質素好好，我已約定朋友下次再黎啦 ～

今日嚟咗莊士倫敦廣場食養生火鍋, 店舖環境又大又寬敞, 座位非常舒適. 四個半鐘嘅午市任食火鍋放題, 揀咗level 2：美國 Prime Grade牛肉片同西班牙無激素豬肉片, 亦有海鮮, 手工拉麵, 餃子, 丸類, 台灣直送丸類, 蔬菜類, 同多款藥膳湯底以供選擇, 甜品系Häagen-Dazs/Movenpick雪糕.前菜係小黃瓜同辣木耳, 清脆開胃. 藥膳椰子雞湯底, 椰香四溢, 味道香濃. 牛肉片肉質鮮嫩, 入口美味, 豬肉片肉香濃郁, 優質有彈性, 無激素令人食得放心, 肉片吸收咗湯底嘅精華, 滋味又養生. 炸魚皮非常爽脆. 鱈魚湯包, 肉香汁濃. 八吋長蟹棒, 肉質結實, 非常可口. 帆立貝海味十足, 非常鮮味. 游水海蝦好新鮮, 彈牙, 好好食, 好正. 粟米同南瓜帶有天然嘅甜味, 皇帝菜同娃娃菜亦都新鮮脆嫩. 自家製桂花烏龍茶, 淡淡嘅桂花香, 清涼解膩, 再嘆埋個雪糕甜品, 性價比高, 非常滿足！

鍋霸 位於佐敦中午黎食打邊爐餐廳大 全層 午市邊爐 坐窗口位 感覺非常開陽美國prime grade牛肩胛肉鴛鴦鍋藥膳椰子雞湯+特濃芫荽雞湯白色椰子雞湯 奶白色 見到都好吸引 椰子味好濃郁 推介芫荽雞湯係先生要求要 湯係綠色 充滿晒芫荽嘅精華自助區 攞飲品同埋醬料 主要都係用電話order特長蟹柳 淮山 萵筍 菜 水餃 丸 都齊而且新鮮嘅至於肉類有兩款 牛肉豬肉食牛肉比較多 牛肉質素唔差喎 冇鞋颯颯 又無冰肉蜆 脹卜卜冇沙 鱔片 爽口飲品有汽水 仙草爽 冬瓜茶 烏龍茶 烏梅汁甜品方面 驚喜有開心果味雪糕 滿足唔使急住食 因為12點食到4:30真係好誇張 相信可以食到回本 職員禮貌好好 原來仲有$300免費泊車1小時

🤩4.5小時無限任飲任食🤩 天寒地凍，落雨絲濕，老best約我去打漫長的邊爐，任食仲要勁養生，超級滿足同開心😄，忍唔住同大家分享吓❤️Lv3 西班牙伊比利亞黑毛豬 我們選了鴛鴦湯底，一個是藥膳椰子雞🐤，另一個是台灣古早牛肉🐮涮涮鍋。椰子雞非常清甜，有大量紅棗同杞子，感覺好補身。台灣古早牛肉，內有大大嚿牛肉，湯底濃郁，令食物非常入味。✨ 西班牙伊比利亞黑毛豬 ✨黑毛豬顏色粉嫩，望落有大理石紋的油花，脂肪比例平均。食落非常有肉味，但又不會過於油膩，帶點點香味，我哋食咗好多盤😍✨秘製沙茶牛肉✨沙茶味非常濃，口感滑嫩，好似食緊超滑的沙嗲牛一樣❤️好正。✨秘製台式雞件✨雞件非常大件，配合椰子雞湯，啖啖肉，食得好開心。還有大量丸類、台灣食品可供選擇，非常豐富。令我難忘的有以下幾款:✨足八吋長蟹棒✨蟹棒成個鍋咁長，超正，大啖大啖食，不會食一兩口就完，非常滿足。✨墨魚腐皮條✨滾完之後超級大條，腐皮包裹着滿滿的墨魚肉，爽口又彈牙，好正。✨魷魚羹✨✨台灣鴨血✨✨台灣腸✨滿滿台式風情，感覺非常地道同好食。✨濃汁牛肉丸✨✨爆漿爆芝牛丸✨大粒又多汁，爆芝牛丸芝士直程係澎湃咁湧出嚟，作為芝士控，真食得非常開心😍😍✨脆

地點方便，喺尖沙咀警署隔離棟大廈，上到去見到餐廳好闊落，坐得都幾舒服～呢度嘅午市火鍋放題都幾抵，我哋叫咗個Level 2 嘅美國Prime Grade 牛肩胛肉任食套餐($198)，另外都額外加咗$40追加海鮮湯底種類多，有成20款湯底，有辣有唔辣，仲有啲係養生嘅湯底，我哋最後揀咗胡椒豬肚雞鍋，湯底嚟到見到勁多雞件同豬肚，雞肉仲要幾嫩滑，湯頭鮮甜好香🤩食材多元化，我哋都點咗好幾款，一開始緊係要試吓Prime Grade牛肉片，肥瘦平均，肉質唔錯，食落有油脂香👍🏻而無激素豬肉片食得夠安心之餘，肉香都幾好，唔會嚡熠熠海鮮叫咗海蝦、帆立貝、花膠、黑毛肚等等，賣相都唔錯～可以一試另外佢都有一啲自家製系列幾特別，例如手打梅菜豬肉丸、手打墨魚丸、手工黑松露墨魚滑、手工餃等等飲品種類都有好多，除咗有一啲大路嘅飲品外，仲有自製嘅烏梅山楂茶、台灣黑糖冬瓜檸檬茶、各類的冷泡茶，好正🥰🥰最後緊係有雪糕作結，可以揀一款，有Movenpick, Haagen Dazs, Dryers ，真係好抵食！推介～

鍋霸吃到飽火鍋套餐，午市居然可以食足4.5小時🤯午餐食到下午茶嘅概念🥹今次揀左第一級別套餐餐廳主打多款湯鍋，麻辣、蕃茄、養生鍋應有盡有🍲我今次就揀咗養生雜菌鍋同埋壽喜燒，每款湯底都有超多底料，淆到個湯勁鮮甜🐮🥩套餐包括Prime Grade 牛肩胛肉痛西班牙無激素豬肉片任食💦一車車牛肩胛肉放落去煮好開心，脂肪位唔會好肥，肉味幾突出🥹豬肉片最緊要冇騷味，呢款品質就唔錯啦👍🏻︎🥬🥟火鍋配料QR code落單，超多款供應，類別包括海鮮、丸子、蔬菜、麵條等等，特別推薦自家手工丸子，款式都幾特別，而且食落好新鮮🧃飲品方面有無糖冷泡茶、常見嘅紙包飲品同汽水🍦最後甜品每人都有一份雪糕，Haagen Dazs, Movenpick, Dryers都有，你又係邊個牌子嘅fans？

今日我同朋友去到位於佐敦嘅鍋霸食火鍋，呢間嘅火鍋店都幾有名，加上價錢唔貴，質素又高，我耐唔耐都會嚟。伊比利亞豬呢個套餐比較有特色嘅就係可以任食伊比利亞豬，呢種豬肉嘅肥瘦均勻，肉味特別香濃，非常好好味。美國牛肉牛肉嘅牛肉味道特別突出，脂肪唔算太過多，但我比較鍾意食伊比利亞豬多啲。配料配料方面，都算得上應有盡有，有芝士腸，貢丸，餃子等等，選擇幾豐富。飲品飲品方面，呢度有冬瓜茶同各款其他茶飲，啱晒鍾意飲茶嘅朋友。雪糕甜品方面，每人可以自選一盒雪糕，我就選咗甜筒，味道都唔錯。整體嚟講，我覺得今餐價錢合理，食物款式夠晒多。

放假唔去飲茶,去佐打邊爐,食足四個半鐘任飲任食,啱曬食肉獸慢慢嘆！這間台式火鍋環境舒適,有多款湯底,揀咗花雕醉雞鍋好香酒味！椰子雞鍋湯底好鮮甜带些椰香,好夠味！✨揀佐L3>吃到飽養生火鍋套餐有三款肉任食,西班牙無激素豬肉味濃香,西班牙伊比利亞黑毛豬肉質嫩滑,美國牛肩胛肉油脂分佈均勻,肉嫩味甜,特別好食！火鍋配料有超過60款任叫任食！🥢海蝦/沙白海蝦新鮮彈牙！沙白大隻,好肥美鮮甜！🥢脆肉鯇魚片新鮮厚肉又脆！🥢雞腎/豬肚/黑拍葉全部都有嚼勁,黑拍葉爽脆,口感豐富！🥢雞件/沙茶牛肉大大塊好嫩滑！🥢響鈴/炸麵筋卜卜脆,淥一淥即食,打邊爐必叫！🥄黑松露墨魚滑墨魚滑粒粒墨魚有嚼勁！🥢芝心包/芝士腸及芝心牛丸(流心)爽彈！咬落去濃濃嘅芝士流出,真係好正！🥢手打鮮牛丸手打牛味新鮮,口感又夠彈牙！🥢手工韭菜餃/雲吞粒粒皮薄暴餡！🥢鮮淮山同南瓜/萵筍同粟米鮮淮山南瓜十分香甜！萵筍咬落爽脆！粟米好清甜！🥢皇帝菜/菜心/娃娃菜/唐生菜菜類好新鮮翠綠,吸收咗湯底嘅精華好味！🥢炸魚皮脆卜卜,放落湯底浸一浸食又得！即食又得,另附上幾種味道shake shake粉,多一種食法及風味！🥢自家製台灣手工拉麵及稻庭

上次喺旺角分店食過晚餐，今次決定二訪，去佐敦總店食午餐，貪佢有4.5小時任飲任食，可以食得chill d😇好多養生湯底選擇，但我地都係鐘情蕃茄濃湯🍅個蕃茄濃湯牛肉涮涮鍋，湯底勁濃，又唔會好咸，入面仲有幾舊入晒味嘅牛肋條，超足料👍🏻我哋叫咗個prime grade牛肩胛肉餐（星期六日及公眾假期成人$198），另加$40升級海鮮配料，咁就食得再多元化啲🤗佢哋啲肉同海鮮都好新鮮，唔會有種梅咗嘅感覺🙆🏻‍♀️牛唔會好肥，唔會食到好滯，食多幾碟都仲得😂海鮮選擇都唔少，仲有花膠片添😳雪糕雪條選擇都好多，而且仲有哈根大師同movenpick揀，絕對唔係將價就貨🥹鬼佬好鐘意佢哋連啲配料，包括菜，丸（鬼佬超鐘意個芝心牛丸🤭），腸，少許熟食前菜，etc，都係QR code落單，唔洗食食下要走出去攞，而且每張枱都會有2壺湯喺隔籬自己加，唔洗下下叫人，喺夠晒方便😇呢間台式養生鍋，性價比都幾高，加埋海鮮都係$2xx一個人，仲可以任坐4個半鐘，好啱一大班人聚餐😌

呢日同朋友趁天氣凍去打邊爐，揀咗呢間lunch可以食四個半鐘嘅放題！ 揀咗Level 2嘅套餐，然之後再加$40升級海鮮❤️藥膳椰子雞鍋 湯底濃郁，椰子的香甜與雞肉的鮮美完美融合，落料前飲左幾啖先😆肉類：Prime肥牛片 - 好薄切嘅肥牛，而且油脂比例唔高，啱晒怕肥嘅我🤣無激素豬肉片 - 點胡麻醬食好唔錯雞脾肉 - 雞髀肉好滑手工三寶丸 - 每粒丸都好彈牙，再大粒啲就更加好爆漿濃芝牛丸 - 呢個比較驚喜，推薦大家都要試吓😁+$40升級海鮮及配料！是日海鮮 - 好鮮甜嘅蜆，每粒蜆肉都脹卜卜游水海蝦 - 蝦肉彈牙鮮甜❤️帆立貝 - 雖然細細粒，但都好唔錯。白鱔片 - 欣賞佢無骨！本身個餐包嘅海鮮手工黑松露墨魚滑 - 唔錯嘅係佢仲有啲墨魚粒粒，口感好好脆骨腩 - 正常水準炸魚皮 - 我覺得呢度嘅炸魚皮都好正！足8吋長蟹棒 - 真係好大條好吸睛💓蔬菜叫咗以下呢啲，全部都洗得好乾淨同新鮮😄娃娃菜白蘿蔔響鈴卷鮮淮山鮮萵筍雞髀菇movenpick 雪糕最後每人可以叫一杯雪糕，我哋揀咗Movenpick嘅朱古力同薄荷朱古力味😋😋 另外飲品櫃同醬料區都好多選擇，自助嘅形式，鍾意揀咩就攞咩💓