鍋心八鮮蒸鍋

第一次食蒸鍋, 職員好有耐性講解, 專人招乎, 食到差不多時便會幫忙蒸下一樣海鮮, 食得舒服又開心; 份量足, 醬料味唔會蓋過海鮮味; 食完海鮮已經好飽, 蒸飯同甜品都一定要食, 燉奶真係食到好窩心, 值得再來; 個飯食唔晒都要打包 yummy…查看更多

平日夜晚, 一早訂好8時半4位, 不用等如果假日即日訂位, 次次都滿座8樣海鮮+8款自選餸蒸飯=$268(免加一)所有海鮮都可以自選可選的調味料蒸每樣海鮮都有款配菜半邊芝士波士頓龍蝦, 肉質ok陳皮鮑魚配蘿白ok蒜蓉花甲配翠玉瓜蒜蓉開邊蝦配蕃薯ok蚌類, 一般北寄貝, 有d硬, 一般魷魚爽爽地ok個飯不是很入味,但勝在料夠多淡淡的雞蛋布丁, 不夠蛋味海鮮尚算新鮮, 以這個味道及價錢可以嘗到這麼多海鮮加吃到飽, 算是很抵食…查看更多

見朋友話想食蒸氣火鍋，諗起有日經過大圍見到呢間就去左食啦～佢係計人頭收費，每個人有指定份量既海鮮，唔洗驚分得唔均，仲有唔同既烹調法方俾你揀（芝士/清蒸等等），最特別係有個魷魚腸粉，有得俾你揀沙爹/紅糟（紅糟我都唔清楚咩黎，店員推薦，甜甜地味道好特，不過我個人就麻麻😂）首先一黎到會有個燉湯，好足料👍之後店員就會幫你上唔同既海鮮，會幫你較晒時間唔驚太熟/生，岩岩好，仲會幫你分埋食到最尾係一個八寶飯，唔同坊間大多數係粥，佢有好多料俾你揀，呢個飯好似平時食點心既蒸飯咁，好入味最尾有個糖水埋尾，我個日食係腐竹蛋，好圓滿價錢抵食，服務又好，一定會再去👍👍👍❤️…查看更多

之前試過隔離嘅火鍋，非常正，今次兩公婆就試試呢個蒸氣海鮮，本來要早早訂座先有得食嘅，今次因為有人放飛機，我哋就好好彩可以唔洗book都食到。唔洗三百蚊位，有足料燉湯，龍蝦，鮑魚，中蝦，蟶子，象拔蚌，大蜆，魷魚腸粉，肉蟹，八寶蒸飯，最後仲要加個燉蛋做甜品，除咗地方比較細，我都諗唔到有乜可以彈。8個海鮮，同上次火鍋一樣超新鮮，點解咁串一定要預早book，因為佢哋真係要預材料，最好味係個龍蝦，最驚喜係個魷魚腸粉，腸粉滑到呢，最鍋心係個蜆，蒸好之後有兩隻唔開殼，個侍應竟然再蒸兩隻俾我哋，超均真。食到八寶蒸飯，食唔落喇，全部包走咁滯，但好好食，尤其係個雞軟骨餅。好戲在後頭，本來趕住唔食個甜品，但侍應叫住我食埋先，嘩，真係好好味，個燉多好有蛋香，甜度又適中，唔食真係走寶。…查看更多

態度勁差。人品差。未開門已經見佢鬧啲同事。問佢少少野答都唔答。我極度懷疑店長個個禮拜都會失戀。鋪頭細又唔舒服，仲要受佢氣。好似爭佢錢咁。以後都唔去，除非果條友冇做。…查看更多

真係好抵食！兩人份個蒸飯食唔曬打包添^^今次我地早三星期前訂的，book頭圍6點，8:30交枱嘅時候門口好多人。希望保持水準啦～每種海鮮都好新鮮，枱面有紙巾供應，好貼心，如果附上埋濕紙巾一包就更好喇!～268一位唔加一，在我們兩人食嚟講好抵，因為響街市買二人份量都幾難。所以呢個價錢好受落，已經好想再去~…查看更多

Foods are amazingly yummy! The soup is hot and tasty, seafoods are fresh, and they provided different kind of style of sauce to choose. After the seafood part, I was actually very full, but still can't wait to try the steamed rice, and we pack the dessert for breakfast, lol! Anyway, it's a very nice experience to have dinner here. And, be sure to make a reservation before you come. …查看更多

上網見人介紹呢間野，見到好評如潮，即管黎試試。值得一讚既係有小朋友餐。其實食既野一樣，只係少左龍蝦和鮑魚。除了龍蝦，其餘各樣都好新鮮。蒸鮑魚時還見到鮑魚在窩入面跳舞。最後連個八宝飯都好好味。但好味歸好味，呢啲非主流餐真係食一次就夠。…查看更多

除夕夜，終於可以book 到鍋心。之前已經去過隔離鍋心粥底火鍋，今次再去埋新店。人頭費每位$268，有老火湯、8款海鮮同8寶飯，仲有自家糖水。飲品就無任飲，但價錢合理，例如罐裝汽水就$12,3蚊、烏龍茶就 $16。老火湯係蘿蔔竹絲雞雞腳湯。海鮮（跟次序，可選煮法）芝士龍蝦、果皮鮑魚、香蒜開邊蝦、豉汁北寄貝(*佢menu寫北極貝)、香蒜元貝、清蒸蜆、紅糟魷魚腸粉底同清蒸蟹。8寶飯可以喺24款當中揀8款，叫咗臘肉、臘腸、香菇粒、滑雞件、翠肉瓜等。淨係寫有咩野食都寫咗咁多。整體來講，佢係幾抵食嘅，海鮮嘅質素唔算係非常上乘，但係呢個價錢，食到呢個份量都算唔錯。一開始嘅老火湯， 已經唔錯。因為我哋太肚餓所以好快就飲晒，跟住就開始食我哋嘅海鮮。每樣海鮮都會有個Timer 去計算時間。哈哈，除夕夜我哋就不停地倒數。芝士龍蝦係幾新鮮，不過同行朋友就話佢嗰隻過熟，我個隻就啱啱好，仲有好多膏。其他嘅海鮮主要係因為調味部份唔夠重手，所以我哋叫咗嗰隻調味方法，味道都唔夠，感覺好單一。例如果皮鮑魚就唔夠果皮，完全唔夠果皮味，但肉質多淋係值得讚嘅。紅糟魷魚未至於係好食，連埋個底嘅荷葉味道係幾特別。最後係個八寶飯，勁足料見到都飽。我會推薦揀臘肉，因為佢唔係坊間又咸又硬嗰隻，食落去好香！仲有甜品架，因為我地太飽，打包，我無機會食到。Serve 我地嘅一個侍應係新手唔熟，佢篤錯timer 將我地嘅北寄貝蒸到過晒龍，失望。呢間蒸鍋，未算係好好食，但係性價比高，有時突然好想食海鮮，都可以食呢間。…查看更多

自己住大圍, 無理由唔黎呢度試架~! 之前已經知呢間野好爆, 所以11月尾就book平安夜既枱! 呢度係每位收費 (兩位起計), 每人食既野同份量都係一樣~!個餐包左是日燉湯、八種蒸海鮮、八寶飯、糖水~ 海鮮主力係食鮮味, 所以唔會有調味料, 但就有得揀蒸法, 例如清蒸、金蒜蒸、紅糟醬蒸等等。今晚係椰子煲雞: 好清甜, 感覺就好似等你開一開胃, 潤一潤個喉嚨先!清蒸龍蝦: 肉質好彈, 又容易離殼!果皮蒸鮑魚仔: 黎到時d鮑魚仲郁下郁下, 食落就當然好新鮮, 又係好彈牙!蒸蜆: 侍應好細心咁解釋, 話呢隻蜆既肉好甜好彈口, 但唯一係太多沙, 如果食到有沙, 就多多包涵~ 其實蜆有沙都預左, 但我好鍾意佢專登咁講, 我感覺好良好!清蒸蝦: 比我預期中細隻, 但都好鮮, 蝦膏都甜, 肉都容易離殼~蒜香蒸蟹: 新鮮同多肉~紅糟蒸魷魚 (腸粉底): 呢個好特別, 細糟係餐廳特製醬料, 少少甜, 夾落魷魚度唔漏, 仲要腸粉底, 腸粉就吸晒紅糟醬同魷魚既味!自選八寶飯: 超多料, 所有汁都落晒d飯度, 好香!食完一餐咁滿足既聖誕大餐, 當然要飲番碗木瓜燉雪耳黎滋潤下啦!…查看更多

本想食海鮮粥鍋，但walk in沒有位。過隔離有同店海鮮蒸籠，既然同店就一試。8道海鮮，每次上1道蒸，食完侍應再出餸，每道海鮮都可以揀用咩蒸，有蒜溶，清蒸，豆鼓等，而每道海鮮都放不同蔬菜伴蒸，令海鮮不太漏。海鮮十分新鮮，之前食過粥鍋，海鮮水準keep得住。讚先來湯，如圖，足料蟹，啖啖肉鮑魚，彈牙開邊蝦，爽口最正個蒸飯，有8樣餸，超豐富，可惜太飽了，最後要打包甜品都有，不過一般，奶凍…查看更多

同朋友一直都好中意食鍋心噶粥底火鍋，知道區係隔離開左間鍋心蒸鍋，於是就book位試下。今日終於可以去試下啦。我地book左8點半，準時到就入去啦。一坐低，就可以揀海鮮噶配料同飯噶配料。好快，湯就到啦，我同朋友都覺得好好飲，湯料好多，有雞腳，蘿蔔，茶樹菇，烏雞同豬肉，好重料。跟住，d海鮮陸續到，服務員幫我地蒸同睇時間，所以唔怕蒸得唔夠熟或過熟。每樣海鮮都好新鮮，好好味。唯獨是蒸魷魚我地揀左沙爹蒸，沙爹太鹹，下次都係揀清蒸好d。其他海鮮–龍蝦，海蝦，北極貝，帶子，蟹，鮑魚，同d配料都好夾。個蒸飯好好味，因為料足，味道好夠，其實份量真係好多，我地兩個女仔食剩好多飯，見隔離幾張檯都有打包走。最後，個雪耳木瓜糖水都好正，呢種天氣潤一潤，完全滿足曬。食完之後，已經同fd淰定幾時再book黎食。…查看更多

舊同事聚會，於大圍吃飯，會方便大家散水D，聞說這店口啤不錯，便相約大家，吃蒸鍋又好似潮潮地去電訂座，只有六點或八點半才有，於是我訂了六點，店員要求八點半要離座，有點趕趕地感覺，但都可以嘅。燉湯打頭陣，中間八鮮和蒸飯，燉糖水押尾，份量足，味新鮮…查看更多

材料新鮮～店員服務良好～地方都唔算迫～乾淨整潔～一開始會有個湯比你飲～材料好足～之後就係蒸海鮮啦～鮑魚黎果陣～仲係識郁既～蒸既時間又剛剛好～咬落去啲肉好爽口，其他海鮮都好鮮味～最好味係個飯～可選8款配料～好豐富～相片既係5人份量～可參考一下～…查看更多

鍋心粥底火鍋已經食過好幾次，所以對佢姊妹店鍋心八鮮蒸鍋都好有信心，適逢老豆生日梗係帶佢黎食好野啦!整體海鮮一貫新鮮，份量足到爆（食唔晒），師傅自家製嘅醬料好好味，唔係度度食到，同埋佢分三個時段，我地食6點至8點半，6點半先齊人開始食，因為真係太多海鮮，大大兜係咁上，食完飯甜品連切蛋糕食埋坐多一陣已經夠鐘，食嘅時候侍應已經全程幫晒我地擺菜蒸海鮮，但時間都係岩岩好，所以book咗位唔好太遲到呀!真係抵食，好過去酒樓食一圍圍個D生日套餐，仲平仲抵食！…查看更多