錦麗 (綠楊坊)

上次食左生牛肉湯粉，今次家人聚會，食火車頭飯有豬扒雞翼魚片煎蛋，咖哩薯仔 生炸雞批飯，個雞批好正，仲有小食，越式蔗蝦好好味，網炸春卷，家鄉魚餅，樣樣都整得好好味，餐碟好越式…查看更多

講真幾貴，一餐河粉78蚊。QR code落單仲有+1要俾，想爆粗口添。個河粉未有我係街市40蚊有找好食。同時都唔多添，夜晚未食飽。服務態度算ok嘅。店面裝修係幾靚嘅，座位都算係大啦。不過呢兩樣係我呢到加分唔多。另外，八達通俾錢，睇唔到俾左幾多錢，呢個係第一次見到咁樣收錢嘅。其他啲野未有嘗試，不作評價。大家可以嘗試一下，咁就知我有幾絕望啦。總結：環境幾好，服務態度算好。河粉唔多，味道可以接受到（個碟芽菜係點食嘅，好似未熟？）。…查看更多

今午點了下午茶，香茅豬扒公仔麵加配蔗蝦（加 10元），炸豬扒香脆味美，非一般茶餐廳有此醃功水平，汁多肉嫩。原雞湯公仔麵，麵身剛剛好，有彈力，雞湯清甜湯濃，最重點就是那麵上的葱花，使整碗麵更上一層樓。越式咖啡都十分香濃，細心嘅就是配上熱咖啡奶。十分超值，我長者還可以減3元。…查看更多

法式蕃茄牛頰肉撈檬($58):本身以為會係平時食開豬扒撈檬咁樣會有汁俾你撈嘅，但係呢一個呢就係蕃茄牛肉嘅汁。佢嘅汁撈喺熱嘅檬粉上面其實都幾惹味，雖然自己唔會覺得呢一樣係好傳統嘅越南菜。但係絕對值得一試。+$26:追加椰青班蘭椰汁糕，純粹見到佢賣相好靚，如果鍾意椰香朋友一定唔可以錯過。質地就好似大菜糕咁樣火車頭粉($89):佢呢度可以揀小鮮肉或者生牛片，我哋就揀咗小鮮嫩肉，好似特別少少咁樣，食落去好滑，而且都好重牛味。配料都算好多，其實如果一個女仔就咁食一碗應該會好飽。湯底亦鮮甜。食越南嘢又點少得佢哋嘅小食拼盤呢，我哋嗌咗一個($76)，分別有蔗蝦，牛油雞翼，炸豬扒，炸春卷。自己好鍾意每一道餸，真係新鮮炸出嚟嘅，蝦夠彈牙，而且炸豬扒都好有香茅嘅味道。自己覺得如果可以多少少配菜多少少醃蘿蔔絲就更加好啦。最後我哋每人叫咗一杯嘢飲，我就叫咗椰青，呢一個我相信係我近呢幾年飲得最開心嘅一個椰青！好鮮甜好清新好清爽，而且入邊嘅椰子肉都好滑好容易就整出嚟食。朋友就嗌咗鹹檸檬青檸梳打，正常發揮。總結：喺荃灣要搵一間坐得舒服，而且又乾淨嘅越南舖頭都唔容易，而且呢一間舖頭原來已經係集團式經營，自己反而就冇乜聽過，下次會同爹哋媽咪一齊再嚟食嘅。價錢唔算貴，而且食物都有質素完全值得一試。…查看更多

荃灣綠楊「錦麗」主打多款牛肉粉及特色越南小食，晚市套餐更可自由搭配主食與飲品，性價比高，適合情侶或三五知己聚餐。特色小食拼盤：拼盤內容豐富，金絲綢蝦春卷外層酥脆，蝦肉鮮甜；越式庶蝦香口惹味，帶微微辣勁；法式蒜蓉牛油雞翼牛油味香濃，肉質嫩滑；香茅豬扒肉質厚實，香氣撲鼻。火車頭粉：多款配料，穀飼肉眼香嫩多汁，牛筋爽滑，扎肉與熟牛肉鹹香入味，牛丸彈牙，湯底清甜，河粉滑溜，整體層次分明。板燒香茅雞扒煎蛋飯：雞扒香氣撲鼻，煎蛋流心和蔥油加分，口感多變。夢幻彩虹多士（配滴滴咖啡蛋漿）：色彩繽紛，外脆內軟，蛋漿香滑，甜而不膩。越南滴滴咖啡：濃郁香醇，咖啡控必試。三色檸檬可樂：酸甜清爽，冰涼與解渴兼備。暴龍美祿：濃厚朱古力味，和忌廉完美配合，份量十足。整體而言，餐廳不僅保留傳統越南風味，更加入創意元素，令人回味無窮。…查看更多

今日難得工作關係要黎荃灣 , 放工後睇下呢邊有咩一齊同同事食就近近地綠楊坊兜一兜 , 見綠楊坊門口正門的錦麗主打越南粉及豬扒牛肉飯門口有人排緊隊又岩岩清晒人龍 , 當然要試一下店面唔算大 , 但夠光猛企理乾淨 , 餐牌簡而精套餐兩頁紙, 一邊粉麵另一邊飯類及飲品因5:50多入店 , 趕得及食下午茶餐, 價格更為相宜自助QR CODE落單先揀了兩客下午茶套餐越式雞翼撈檬 $54 x2 (附送魚餅)- 魚露醬汁酸酸甜甜好開胃 , 檬粉口感不錯, 配上青瓜絲, 甘筍絲, 芽菜, 花生碎 , 另外炸雞翼脆身得黎內裡肉嫰 , 跟餐仲送香茅味濃的魚餅一舊及飲品 , 好抵選了凍美祿同凍奶茶 , 奶茶不錯茶香帶甘口 略勝茶餐廳即沖質素 , 美祿就可能太耐無飲過 , 久違了的味道火車頭粉套 $89 - 純牛骨熬製既湯底, 味道濃郁, 不油不膩, 材料有生牛肉, 熟牛肉, 牛丸, 牛筋, 扎肉 , 全餐咁擠, 牛丸牛筋尤其一讚 , 牛丸汁多彈牙牛筋濃郁味道拿捏得適中錦麗生牛肉粉 $80 - 一樣是純牛骨湯底, 牛肉嫩滑有致, 味道平衡佳, 配彈牙河粉食一流跟餐+8蚊 脆脆油炸鬼 - 新鮮即炸 , 看似簡單 , 入口果下見真章 , 脆口之餘咸咸香香又不膩跟餐 凍薏米水 - 清潤而帶米香跟餐 清甜甘蔗汁 - 甘甜清香香茅豬扒雞湯金邊粉$66配話梅青檸蜜 - 豬扒都算大塊 , 重香茅味新鮮熱辣出爐 , 雞湯不錯, 飲完半碗都無口渴情況 , 青檸蜜中上水準食越南粉黎講呢間都算好相宜 , 尤其下午茶時段 , 加上地點優越地鐵站行唔駛1分鐘就到…查看更多

第一次幫襯有米芝蓮推薦嘅越南餐廳，未食之前自然充滿期待。一坐落又係QR code落單，喺下午茶時段嗌咗碗迷你生牛肉河粉，配家鄉魚餅，另外加9蚊加咗一隻蔥油雞翼，同埋加9蚊升級做越式滴滴咖啡。上餐速度好快，等咗大概5分鐘就有得食。雖然迷你生牛肉河粉係細碗啲，但牛肉片都有6塊，算係咁啦! 小食方面不過不失，勝在夠熱囉！至於第一次飲越南咖啡，唔識評價夠唔夠正宗~埋單76蚊連加一，餐廳唔收現金，繁忙時間要搭枱，自己斟酌值唔值得一試吧！…查看更多

沒有試過越式早餐，經過錦麗看看餐牌，有早餐供應，價格與一般茶記差不多，於是入坐點餐。早餐有多款粉麵為主，配牛角包和金不換炒蛋。最便宜那款三十八元，我就選了這款。扎肉金不換辣椒肉碎湯金邊粉，一大碗，扎肉有兩大片，厚度有半厘米，肉碎一大埋，金湯底，濃稠合度，金邊粉爽滑掛湯。牛角包有熱度，外脆內軟，雖然沒有提供牛油，但入口味道也佳。炒蛋，蛋的顏色鮮黃，入口夠軟滑，金不換散出陣陣香氣。熱奶茶，味道正常，入口醇香。這份早餐確是不錯，用牛角包已經高了一級，港式沙嗲牛麵吃多了，換個越式金邊粉吃吃。…查看更多

第一次幫襯有米芝蓮推薦嘅越南餐廳，未食之前自然充滿期待。一坐落又係QR code落單，喺下午茶時段嗌咗碗迷你生牛肉河粉，配家鄉魚餅，另外加9蚊加咗一隻蔥油雞翼，同埋加9蚊升級做越式滴滴咖啡。上餐速度好快，等咗大概5分鐘就有得食。雖然迷你生牛肉河粉係細碗啲，但牛肉片都有6塊，算係咁啦! 小食方面不過不失，勝在夠熱囉！至於第一次飲越南咖啡，唔識評價夠唔夠正宗~埋單76蚊連加一，餐廳唔收現金，繁忙時間要搭枱，自己斟酌值唔值得一試吧！…查看更多

最近我來到荃灣的錦麗餐廳，之前試過lunch，不過不失，今次試下dinner。首先點了牛油果米紙卷，米紙包裹著新鮮的牛油果和蔬菜，好fresh，牛油果份量唔多，主要食搭配的醬汁。三色春卷，這道小吃色彩繽紛，有泰式春捲，蕃薯春捲同越式春捲。外皮酥脆，賣相幾靚。我們點了越式蟹肉餅番茄湯檬粉，蟹肉餅鮮美，湯底好重番茄味。然後是火車頭河粉，配有生牛肉、牛丸、牛腩、扎肉和牛筋。生牛肉上到黎係熟的，小可惜。牛丸重牛肉味，湯底都香濃，牛腩的口感軟嫩。今期做緊話梅青檸蜜特價，加8蚊就有。凍越南滴滴咖啡，咖啡濃郁香醇唔會太甜。最後跟餐叫左個甜品…查看更多

中午和同事4人去食lunch, 每人叫左個午市套餐，味道唔錯，但其中豬扒撈檬，檬粉的份量少得驚人，女仕食完都唔飽，飲品改薏米水加$5, 都算啦，埋單發現要加一，其實，你哋間餐廳都好得喎，自己scan code 下單，埋单要出門口，全冇服務可言，lunch 加一，食個粉成$100 元，唔怪得人上大陸消费。打工仔，荃灣食過越南粉，貴到嘔!…查看更多

荃灣錦麗：地道越南風味小爆發！香茅豬扒撈檬、軟殼蟹驚艷味蕾在荃灣綠楊坊覓食，偶然踏入「錦麗」，沒想到竟迎來一場性價比超高的越南風味盛宴！這家連鎖品牌果然名不虛傳，出品穩定且充滿驚喜，尤其幾道招牌菜，絕對值得專程一試。主食擔當：誠意滿滿，風味出眾香茅豬扒撈檬 $76⭐️⭐️⭐️⭐️⭐️首推必點！豬扒誠意十足，表面焦香微脆，內裏卻保持柔軟多汁，香茅的獨特香氣完全滲透，越嚼越香。搭配清爽的檬粉、大量新鮮蔬菜和酸甜適中的魚露汁，拌勻後入口，清爽與惹味完美平衡，夏日首選！胡志明綜合粉 + 自家薏米＄86⭐️⭐️⭐️⭐️⭐️湯底是靈魂！牛骨湯熬得清澈卻滋味濃郁，鮮甜中帶點深邃，熱騰騰喝下非常舒服。配料豐富，生熟牛肉、牛丸、牛腩一次過滿足，可粉滑溜吸湯。隨餐附送的自家薏米水更是加分！微甜順滑，帶薏米香氣，健康又解膩，與湯粉是絕配。驚喜小食：款款有亮點酥炸軟殼蟹 $66⭐️⭐️⭐️⭐️⭐️本餐最大驚喜！整隻軟殼蟹炸得金黃酥脆至極，一口咬下「咔嚓」聲悅耳，內裏蟹肉飽滿鮮甜，蟹膏甘香，熱辣辣上桌，蘸點甜酸醬，滋味滿分，性價比極高！金絲網蝦春卷 跟餐加＄26⭐️⭐️⭐️⭐️賣相精緻，金絲網炸得極其酥脆，一碰即碎。內餡是彈牙的蝦肉混合芋頭絲等，口感豐富，蘸魚露更提鮮。跟餐加購價非常划算。牛油蒜香雞翼 跟餐加＄10⭐️⭐️⭐️⭐️ 雞翼炸得皮脆肉嫩，牛油和蒜蓉的香氣撲鼻而來，鹹香惹味，作為小食無可挑剔，跟餐加＄10絕對超值。大蝦米紙卷 $42⭐️⭐️⭐️⭐️清新之選。透薄米紙包裹着爽脆大蝦、青瓜、檬粉等，蘸上濃稠的花生醬，口感清爽又帶點堅果香氣，適合喜歡清淡口味的食客。椰青 $26⭐️⭐️⭐️⭐️⭐️清甜冰涼，天然解渴，吃完炸物喝一口，瞬間清爽，是搭配越南菜的不二之選。環境與服務位於綠楊坊地下，地點便利。店內環境整潔明亮，座位舒適。店員態度友善，上菜速度合理。總結：荃灣錦麗絕對能帶來滿足的一餐！招牌香茅豬扒撈檬香氣十足、酥炸軟殼蟹的極致酥脆與鮮甜令人難忘，綜合粉湯底也屬上乘。小食如金絲網蝦春卷、牛油蒜香雞翼水準在線，跟餐加購價更是貼心。加上清新解膩的椰青和薏米水，整頓飯風味地道、層次豐富且性價比高。無論是工作日午餐還是朋友聚餐，錦麗都是荃灣區品嚐越南菜的可靠且美味之選！值得回頭指數:★★★★☆ (4.5/5)人均消費:約 HKD $120-$150 (視乎點餐)錦麗 (荃灣綠楊坊店)地址：荃灣蕙荃路22-66號綠楊坊地下G15-G16號舖(港鐵荃灣站直達商場)…查看更多

今日同朋友去咗綠楊新邨「錦麗」食越南嘢，呢間鋪頭位置超方便，一出地鐵行兩步就到，完全唔使搵到頭都大！平時次次都encore佢哋招牌嘅鮮切穀飼肉眼生牛肉河，真係好食既，但食到悶悶哋，今次決心試新嘢～ 叫咗餐牌推薦嘅香茅豬扒雞湯金邊粉，個湯底一飲就知功夫嘢，濃得嚟唔油膩，豬扒煎得啱啱好，邊位少少脆，掂，正！另外，個蟹肉餅蕃茄湯檬都驚喜，蟹餅真係食到一絲絲蟹肉，唔係淨係得粉，個蕃茄湯酸酸甜甜好開胃，同生牛肉河比完全唔輸蝕！今次仲加咗兩碟小食，炸蔗蝦脆卜卜，香口到停唔到口，滿足到癲～ 另一抵讚係環境乾淨企理，侍應手腳快又有禮貌，完全冇港式茶餐廳嗰種「趕客式」服務。唔輸蝕比大陸服務。今次試新菜式大成功，證明錦麗唔止生牛肉河掂，其他菜式都有料到！下次打算挑戰佢哋嘅火車頭或者撈檬。（後記：朋友話我終於肯轉口味，我話：「驚伏？食嘢都要有冒險精神㗎！」）…查看更多

屋企太少人，出街食更方便。想食清啲，湯麵係一個選擇，突然發現呢間分店都開左一段時間，仲未幫襯，所以落去食越南河粉 ，原來越南本店，更加係2023同24年必比登推介 。睇下餐牌先胡志明綜合河粉 $88 可以揀生牛肉或者小鮮嫩肉，因為唔知咩叫小鮮嫩肉，所以揀左，原來係無咩肥嘅牛肉片，另外仲有、熟牛肉同牛丸。湯底好清又夠味，河粉好滑，咩都未落飲一啖，之後再加九層塔、青檸汁同芽菜，感受唔同嘅口味。熟牛肉係牛腩，切到咁大件，應該已經本地化左，不過呢個方法更加吸牛骨湯，味道更足，又唔會太鞋，係一個好改變，但牛丸就唔算太特別啦！絕配油炸鬼（即炸半條）[$8推廣價]炸得好香脆，原來浸牛骨湯，吸曬啲味，半脆半軟，感覺好正，正過配粥。酥炸軟殼蟹 （2隻） $66軟殼蟹好大隻，大到一定要切件，呢個價錢真希好抵。軟殼蟹炸得好酥脆，仲有少少胡椒粉，所以就算無點甜酸汁，都完全唔會酸。牛油果米紙卷 （2件）$40傳統米紙卷包住沙律菜，可能有肉類或者蝦，加啲檬粉，不過呢個裡面完全無澱粉，直接用牛油果加沙律菜，取代檬粉嘅角色，非常creamy ，點埋魚露，清新好多。紫薯春卷（2件） +$26米網包住紫薯，非常鬆化香脆，原來裡面紫薯餡係甜嘅，整體好夾。越式蒜蓉牛油雞翼（2件）+$10呢度嘅牛油雞翼非常鬆化，但粉唔算厚，仲比平時多左蒜蓉香味，更惹味。鹹檸檬青檸梳打 +$10成日都會叫青檸梳打，貪佢夠清新。原來加埋鹹檸，感覺又唔同，少少鹹係會開胃啲，又更加解膩。越式椰子咖啡沙冰 +$22見到個椰子系列好想試，原來佢唔係椰子咖啡，係椰子+咖啡，飲下面嘅部分，係有奶香嘅越南咖啡，比較香甜。咬到沙冰上面嘅椰絲椰糖就即刻夠味啦！夢幻彩虹多士 （配滴滴咖啡雞蛋醬）$42多士本身無味道嘅，需要點醬。多士烘得好脆，蛋漿本身好香甜仲有椰香味，味道本身已經好足夠，底下嘅咖啡少少苦味，純粹用來平衡上面嘅甜，令佢更有層次，好食過茶木 。小計 $312服務費10％ $31.2 總計 $343…查看更多

平時行過見到佢寫著係米芝蓮餐廳，又唔係好貴，今日終於試左! 首先，我試咗軟殼蟹撈檬，軟殼蟹炸得金黃香脆，搭配上撈檬的清爽，味道非常搭，淋埋酸酸地既魚露，真係好開胃，味道層次分明，真係好滿足另外我地叫左個咖哩雞扒飯！咖哩香濃，雞扒煮得剛好，肉質軟嫩，搭配上香噴噴的米飯。咖哩的味道唔會太過重，適合各種口味，食完之後心情都好好。食越南菜又點可以唔試火車頭金邊粉！金邊粉煮得啱啱好，口感滑順，加上個湯底好濃好香，扎肉同埋牛肉都好足料，黎到一定要試，好好食最後，我地仲叫左個大蝦扎肉米紙卷同埋白灼時蔬，米紙卷整得唔錯，米紙煙韌得黎唔會好硬，加埋大蝦扎肉生菜個口感好爽脆飲品方面，我哋揀咗暴龍美綠同埋檬檸青檸水。暴龍美綠原來係美綠再加Cream，好肥呀! 不過飲落去又真係滑好多檬檸青檸水就酸酸甜甜，解渴又開胃，好適合夏天。總括來講，呢到不愧係美芝蓮餐廳，值得一試…查看更多